အမေရိကန်ကက်သလစ်ဆရာတော်ကြီးများအဖွဲ့ချုပ်၏ ဥက္ကဌနှင့်ဒုဥက္ကဌသစ်များရွေးကောက်

အမေရိကန်ကက်သလစ်ဆရာတော်ကြီးများအဖွဲ့ချုပ်၏ ဥက္ကဌနှင့်ဒုဥက္ကဌသစ်များရွေးကောက်

ဂိုဏ်းချုပ်ဆရာတော် Timothy P. Broglioသည် အမေရိကန်ကက်သလစ်ဆရာတော်ကြီးများအ ဖွဲ့ချုပ်၏ဥက္ကဌဖြစ်လာခဲ့သည်။ လက်ရှိ၌သူသည် ဆရာတော်ကြီးများအဖွဲ့ချုပ်၏ အတွင်းရေမှူးအဖြစ်ထမ်းဆောင်နေခဲ့ရာ နို၀င်ဘာလ (၁၅) ရက်နေ့ကရွေးချယ်ခံခဲ့ရသည်။

ဒုဥက္ကဌမှာ ဂိုဏ်းချုပ်ဆရာတော် Lori ဖြစ်ပြီး သန္ဓေဖျက်ချခြင်းကို တက်ကြွစွာဦးဆောင်လုပ်နေသူဖြစ်ကာ Baltimore သာ သနာပိုင်ဖြစ်သည်။ ၄င်းတို့နှစ်ပါးသည် လော့စ်အိန်ဂျဲလ်စ်ဂိုဏ်းချုပ်ဆရာတော် José H. Gomez နှင့် Detroit ဂိုဏ်းချုပ်ဆရာတော် Allen H. Vigneron တို့၏နေရာတွင်အစားထိုးရန်ရွေးချယ်ခံရခြင်းဖြစ်သည်။ ဤအမှုတော်၏သက်တမ်းမှာ (၃) နှစ်ဖြစ်သည်။

ဂိုဏ်းချုပ်ဆရာတော် Broglio

သူ့အား (၁၉၅၁) နှစ် Ohio ပြည်နယ်၊ Cleveland Heights တွင်မွေးဖွားခဲ့သည်။ ရဟန်းသိက္ခာကို (၁၉၇၇) ခုနှစ်၌ခံယူခဲ့သည်။ Boston ကော်လိပ်မှအနုပညာနှင့်သီဩလိုဂျီဘာသာရပ်တို့၌ဘာချာလာရခဲ့သည်။ ဂရေဂေါရီယန်တက္ကသိုလ်မှ ကာနွန်ဥပဒေ၌ ဒေါက်တာဘွဲ့ကိုရရှိခဲ့သည်။ (၁၉၇၉ မှ ၁၉၈၃) အထိ ဗာတီကန်၏သံတမန်သင်တန်းကျောင်းသို့တက်ရောက်ခဲ့သည်။ ထို့နောက် ရဟန်းမင်းကြီး ကိုယ်စားလှယ်အဖြစ် နိုင်ငံများစွာတွင်အမှုထမ်းခဲ့သည်။ (၂၀၀၇) ၌မှု အမေရိကန်စစ်ဂိုဏ်းချုပ်သာသနာ ပိုင်အဖြစ်ရွေးချယ်ခြင်းခံခဲ့ရသည်။ (၁၉၉၀ မှ ၂၀၀၁) အထိသူသည် ဗာတီကန်၏အုပ်ချုပ်မှုအပိုင်းတွင်ပါ ၀င်ပြီး အမေရိကန်အလယ်ပိုင်း၏တာ၀န်ခံအဖြစ်ထမ်းဆောင်ခဲ့သည်။ သူသည် အမေရိကန်ဆရာတော်ကြီးများအဖွဲ့ချုပ်၏လက်အောက်ရှိကော်မရှင်တစ်ခုဖြစ်သော အပြည်ပြည်ဆိုင်ရာတရားမျှတခြင်းနှင့်ငြိမ်းချမ်းခြင်းကော်မရှင်နှင့်ကာနွန်ဥပဒေဆိုင်ရာအမှုကိစ္စများ၊ သာသနာ၏အုပ်ချုပ်မှုအပိုင်းတို့တွင်အမှု တော်ထမ်းဆောင်ခဲ့သည်။ ဘာသာရေးလွတ်လပ်ခွင့်ကော်မတီ၊ လက်ထပ်ထိမ်းမြှားခြင်းဆိုင်ရာကော်မ တီနှင့်ကျန်းမာရေးစောင့်ရှောက်မှုဆပ်ကော်မတီတို့တွင်ထမ်းဆောင်ခဲ့သည်။ အသစ်ရွေးချယ်ခံလိုက်ရ သော အမေရိကန်ကက်သလစ်ဆရာတော်ကြီးများအဖွဲ့ချုပ်၏ဥက္ကဌသည် အဂ်လိပ်၊ အီတလီ၊
စပိန်နှင့်ပြင်သစ်ဘာသာစကားကိုကျွမ်းကျင်စွာပြောဆိုနိုင်သည်။

ဂိုဏ်းချုပ်ဆရာတော် Lori

သူ့အား (၁၉၅၁) Kentucky ပြည်နယ်၊ Louisville တွင်မွေးဖွားခဲ့သည်။ (၁၉၇၇) တွင် ၀ါရှင်တန်ဂိုဏ်းချုပ်သာသနာပိုင်ရဟန်းအဖြစ်သိက္ခာခံယူခဲ့သည်။ သူသည် သီဩလိုဂျီဘာသာရပ်၌ ဘာချာလာ၊ မာစတာနှင့်ဒေါက်တာဘွဲ့ရထားသည်။ သူသည် Baltimore သာသနာ၏ဆရာတော်အဖြစ် (၂၀၁၂) ၌ရဟန်းမင်းကြီးဘေနေဒစ် (၁၆) မှရွေးချယ်ခဲ့သည်။ ၀ါရှင်တန်ဂိုဏ်းချုပ်သာသနာ၏အကူဆရာတော်အဖြစ် (၂၉၉၅ မှ ၂၀၀၁) အထိအမှုထမ်းပြီးနောက် Connecticut ပြည်နယ် Bridgeport ၏သာသနာပိုင် အဖြစ် (၂၀၀၁ မှ ၂၀၁၂) အထိထမ်းဆောင်ခဲ့သည်။

သူသည် ဆရာတော်ကြီးများအဖွဲ့ချုပ်၏ ယုံကြည်ရာ အချက်နှင့်ဆိုင်သောကော်မတီနှင့်ဘာသာရေးလွတ်လပ်ခွင့်ဆိုင်ရာကော်မတီဥက္ကဌဖြစ်ခဲ့သည်။ (၂၀၀၂) မှစ၍ လိင်ပိုင်းဆိုင်ရာမဖွယ်မရာပြုမှုစီစစ်ဖော်ထုတ်ရေးကော်မတီ၏တာ၀န်ခံနှင့်ကလေးသူငယ်များ၊ လူ ငယ်များလိင်ပိုင်းဆိုင်ရာမဖွယ်မရာပြုမူခံရမှုနှင့်စပ်လျင်း၍ကာကွယ်ပေးရေး’ သဘောတူညီမှုဥပဒေကိုရေးဆွဲသည့်အဖွဲ့၏တာ၀န်ခံဖြစ်သည်။ သူသည် ကိုယ်ဖျက်ချခြင်းကိုဆန့်ကျင်ကာကွယ်သောကော်မရှင် ၏တာ၀န်ခံအဖြစ် (၂၀၂၁) မှထမ်ဆောင်ခဲ့ရာ (၃) နှစ်တာသက်တမ်းပြည့်ပြီဖြစ်သည်။ သူသည် (၂၀၀၅) ခုနှစ်မှစ၍ အမျိုးသားများဖြင့်ဖွဲ့စည်းထားသော ဘာသာရေးအဖွဲ့အစည်းတစ်ခုဖြစ်သည့် Knights of Columbus အဖွဲ့၏၀ိညာဉ်ရေးလမ်းညွှန်အဖြစ်လည်းထမ်းဆောင်ခဲ့သည်။ ထိုအဖွဲ့၀င်များသည် (၁.၈) သန်းရှိပြီး၊ မိသားစုကိုလည်းကြည့်ရှုရသည်။

ရဟန်းကြီးကိုယ်စားလှယ်က အစည်းအ‌ဝေးကိုအဖွင့်မိန့်ခွန်းဖြင့်ဖွင့်လှစ်ခဲ့

ရဟန်းမင်းကြီးကိုယ်စားလှယ် Christophe Pierre မှအဖွင့်မိန့်ခွန်းဖြင့်ဖွင့်လှစ်ခဲ့သည်။ သာသ နာသည် ‘ဆေးရုံ၀င်း’ အဖြစ်ရဟန်းမင်းကြီးဖရန်စစ်မိန့်ကြားသကဲ့သို့ရှုမြင်ရန်၊ အနာတရာများခံစားနေရ သူများအားစောင့်ရှောက်ကုသရမည်ဖြစ်ကြောင်း၊ ထိုအုပ်စုများ၌ ရွေ့ပြောင်းများ၊ လူငယ်မိခင်များပါ၀င် ကြောင်း၊ အမေရိကန်ကက်သလစ်သာသနာအနေဖြင့် သာသနာပြုသောအသင်းတော်ဖြစ်ရန်နှင့်သာမန် ဘာသာတူတို့၏၀ိညာဉ်ရေးနှင့်၀တ်ပြုခြင်း၌ပိုမိုလေးနက်မှုရှိအောင်ပြုပြင်လမ်းကျောင်းရန်လိုအပ် ကြောင်း၊ သာသနာတော်ကြီး၏သွန်သင်ချက်အချို့နှင့်စပ်လျင်း၍ လူငယ်များလက်မခံနိုင်သည့်အချက် များကိုလည်းထောက်ပြခဲ့ပြီး၊ ထိုသို့သောလူငယ်များအား လက်တွဲလျှောက်လှမ်းရန်၊ သူတို့၏အတွင်းစိတ်ငြိမ်သက်ခြင်းရစေမည့်ယုံကြည်ခြင်းအသက်တာကိုဖေးမတွဲခေါ်ရန်၊ ယနေ့ခေတ်၏စိန်ခေါ်မှုများ ကြောင့် ‘လေဖြတ်‌ေ၀ဒနာ’ ခံစားနေရသူကဲ့သို့ ဘာမျှမလှုပ်မရှားရဲ၊ မဆုံးဖြတ်ရဲသည့်အဖြစ်မျိုလည်းမ ဖြစ်စေသင့်ကြောင်း၊ လူငယ်များအားစိတ်ရှည်လက်ရှည်နားထောင်ပြီး၊ လေးစားစွာဖြင့်မတူညီမှုများကို ဆွေးနွေးကြရမည်ဖြစ်ကြောင်းပြောကြားခဲ့သည်။

အစည်းအ‌ဝေး၌ဆွေးနွေးမည့်အကြောင်းအရာများ

အစည်းအ‌ဝေးသည် နို၀င်ဘာ (၁၇) ရက်နေ့အထိကျင်းပခဲ့သည်။ အစည်းအ‌ဝေးအတွင်း ဆွေးနွေးမည့်အကြောင်းအရာများမှာ (၁) သန္ဓေဖျက်ချခြင်းအကြောင်း၊ (၂) ဆရာတော်များ၊ ရဟန်းတော်များ ၏လွိင်ပိုင်းဆိုင်ရာကျူးလွန်မှုအကြောင်း၊ (၃) ဆီးနော့ဒ်နှင့်ဆိုင်သောအကြောင်းအရာများနှင့်နိုင်ငံအနှံ့ကိုယ်တော်မြတ်ဖူးမြှော်ခြင်းအလေ့အထပြန်လည်ရှင်သန်အားကောင်းလာစေရန်တို့ဖြစ်ကြသည်။

ကိုယ်၀န်ဖျက်ချခြင်းအကြောင်း

အမေရိကန်အထက်လွှတ်တော်၏ ဇွန်လ (၂၄) ရက်နေ့ ကိုယ်၀န်ဖျက်ချခြင်းနှင့်စပ်လျင်း၍အ ဘယ်သို့တုန့်ပြန်နိုင်သည်ကိုရှင်းပြခဲ့သည်။ သူ၏ရှင်းပြချက်၌ ဂိုဏ်းချုပ်ဆရာတော် Lori နှင့်အခြားသော ဆရာတော် (၃) ပါးတို့မှ လွှတ်တော်ကိုယ်စားလှယ်များထံပေးပို့ခဲ့သောစာနှင့်ပတ်သက်၍ရှင်းပြခဲ့သည်။ ထိုစာထဲ၌ မိခင်များ၊ မွေးကင်းစ၊ မွေးပြီးနှင့်မမွေးရသေးသောကလေးများနှင့်အဘယ်သို့တစ်ထပ်တည်းရပ်ကြောင်းပြသနိုင်ကြောင်း၊ ဥပဒေရေးဆွဲသူများသည် မိသားစုကောင်းစားရေးကိုသာအဓိကထားနေကြ ကြောင်းရှင်းပြခဲ့သည်။

ဆရာတော်၊ ဘုန်းတော်ကြီးတို့၏လိင်မှုကိစ္စအရှုပ်တော်ပုံ

အမေရိကန်နိုင်ငံ ကက်သလစ်သာသနာသည် ‘ကလေးသူငယ်များနှင့်လူငယ်များအားကာကွယ် ခြင်း’ ကြေညာချက်ကိုလိုက်နာလက်ခံခဲ့သည့်နှစ်မှာ (၂၀၀၂) ဖြစ်၍ ယခုနှစ် (၂၀) ပြည့်သည့်နှစ်ပတ် လည်၌ ဆရာတော်ကြီးများကကက် သလစ်ဘာသာရေးခေါင်းဆောင်တို့၏လွိင်မှုကိစ္စအရှုပ်တော်ပုံနှင့်စပ်လျင်း၍လည်းဆုတောင်းပေးခဲ့သည်။ ဤအရှုပ်တော်ပုံကို ဖုံးဖိခြင်းမပြု။ ဖော်ထုတ်ပြီး ကက်သလစ်သံ ဃာတော်အသိုင်အ၀ိုင်းမှလုံး၀ရှင်းထုတ်ပစ်ရန်ရည်ရွယ်လုပ်ဆောင်ခဲ့သည်။

အမေရိကန်နိုင်ငံအတွင်း ကက်သလစ်သာသနာနယ်များ၌အမှုထမ်းသူအဘယ်သူမျှ လူကြီး၊ ကလေး၊ မိမိကိုယ်ကိုမကာကွယ်နိုင် သောသူများအား လိင်ပိုင်းဆိုင်ရာမဖွယ်မရာပြုမှုများနှင့်စပ်လျင်း၍ ဗာတီကန်မှ (၃) ကြိမ်တိုင်တိုင်ပြန် လည်စီစစ်တည်းဖြတ်ထုတ်ပြန်ထားခြင်းဖြစ်သည်။

အစည်းအ‌ဝေးအတွင်းဆွေးနွေးဖြစ်သောအခြားခေါင်းစဉ်များ

ဘာသာတူများအား ‘နိုင်ငံသားကောင်းစိတ်မွေးရေး’ နှင့်စပ်လျင်၍လည်းဆွေးနွေးခဲ့သည်။ ဤသို့ အားဖြင့် ကက်သလစ်ဘာသာတူများအနေဖြင့် နိုင်ငံတော်မှပေးသောအခွင့်အရေးကိုသာ ထမင်းထုပ်ပိုက် စောင့်နေသူများမဖြစ်ဘဲ နိုင်ငံ့ကောင်းကျိုးအတွက် တက်ကြွစွာပါ၀င်တတ်စေရန်နိုးဆော်ပေးရမည့်အကြောင်းကိုလည်းဆွေးနွေးခဲ့သည်။

‘သာသနာ၏အသက်တာနှင့်ကိုယ်တော်မြတ်စက္ကရမင်တူး၏နက်နဲရာ’ အကြောင်းကိုလည်းဆွေး နွေးခဲ့ပြီး နိုင်ငံအတွင်းကိုယ်တော်မြတ်နှင့်ဆိုင်သော၀တ်ပြုလှုပ်ရှားမှုများကိုလုပ်ဆောင်ရန်၊ လာမည့် (၂၀၂၄) ခုနှစ်၌ Indianapolis တွင် တစ်နိုင်ငံလုံးနှင့်ဆိုင်သော ‘ကိုယ်တော်မြတ်ကွန်ဂရက်စ်’ ကိုကျင်းပမည်ဖြစ်သည်။

ယူကရိန်းနိုင်ငံကြုံနေရသော ကျူးကျော်စစ်နှင့်ပတ်သက်၍လည်းထည့်သွင်းဆွေးနွေးခဲ့သည်ဟုဆိုသည်။

အာဗီအေဘာသာပြန်- ဖာသာရ်ကလဲမင့်အားတယ်
https://bit.ly/3EVKOxi