မက်ဆီကန် သာသနာတွင် တပါတ်အတွင်း ကက်သလစ် ဘုန်းတော်ကြီး အပါး ၇၀ ရဟန်းသိက္ခာခံယူ

မက်ဆီကန် သာသနာတွင် တပါတ်အတွင်း ကက်သလစ် ဘုန်းတော်ကြီး အပါး ၇၀ ရဟန်းသိက္ခာခံယူ

Guadalajara မြို့ မက်ဆီကန် ဓမ္မအာဇာနည်များ ဗိမာန် တွင် Guadalajara ဂိုဏ်းချုပ်ဆရာတော်ကြီး ကာဒီနယ် José Francisco Robles Ortega က အပါး ၇၀ ကို ဂျွန်လ ၄ ရက်နှင့် ၅ ရက်နေ့တို့က ရဟန်းသိက္ခာတင်ပေးခဲ့ပါတယ်။

ပထမနေ့တွင် အပါး၃၃ ပါးနှင့် နောက်တရက်တွင် ၃၇ ပါးတို့ကို သိက္ခာတင်ပေးခဲ့တာပါ။

ဂျွန်လ ၃ ရက်နေ့က လည်း ကိုရင်ကြီး (Deacon ) ၇ ပါး ခန်အပ်ခဲ့ပါသေးတယ်။

ဘုရားသခင်က အခက်ခဲပြဿနာပုံစံ မျိုးဖြင့် ခေါ်ဆောင်နေပေမယ့် နှုတ်ကပါတ်တော် (ယေဇူး ခရစ်တော်) ဟာ ကမ္ဘာကြီးပေါ်မှာ တည်ရှိနေတဲ့ အချက်ဟာ ကျွန်ုပ်တို့အတွက် ကောင်းချီးတော်ပင် ဖြစ်ကြောင်း ၊ဘုရားရှင်ရဲ့ ခေါ်တော်မူခြင်းဟာ ခိုင်မာပြီး ၊ ငယ်ရွယ်သူတို့ရဲ့ နှလုံးသားများဟာလည်း ကိုယ်တော်ရှင်​၏ ခေါ်သံကို နားထောင်ရန် အားတက်သရော ရှိနေကြကြောင်း Guadalajata ရဟန်းဖြစ် ကျောင်း မှ ကျောင်းအုပ်ဘုန်းတော်ကြီး Juan Carlos Lupercio Gómez က ပြောကြားခဲ့ပါတယ်။

၁၉၂၀ ကာလများတုန်းက မက္ကဆီကို နိုင်ငံတွင် ဘာသာရေး ဖိနှိပ်မှု များ ခံခဲ့ကြရပြီး ထိုစဉ်က ရဟန္တာ Christopher Magellan နှင့် Guadalajara ရဟန်းဖြစ်ကျောင်းမှ မြေတောင်မြှောက်ပေးမှုကို ရရှိခဲ့ပြီး ဓမ္မအာဇာနည်များ ဖြစ်သွား ခဲ့ကြသူ များစွာ အကြောင်းကိုလည်း Fr. Lupercio က ထုတ်ဖော်ပြော ကြားခဲ့ပါတယ်။

ကာဒီနယ် Ortega လည်း " ရဟန်းတော် အသစ်များဟာ ကမ္ဘာကြီးကို အစေခံရန်မဟုတ်ပဲ ဘုရားရှင်ကိုသာ အစေခံရန်ဖြစ်ကြောင်း " သူ​၏ ဩဝါဒ တွင် ပြောကြားခဲ့တာပါ။ ထိုပြင် ရဟန်းဆိုသည်မှာ မိမိတို့​၏ အရင်းမြစ် ဖြစ်သည့် လူသား ဆိုသည့် လူများကြားကပင် ရွေးချယ်ခံရခြင်း ဖြစ်သည် ဆိုသည့်အရာကို မမေ့လျော သွားရန် တိုက်တွန်းခဲ့ပါတယ်။

ထို့အပြင် , ရဟန်းတပါးသည် သူ​၏ လုပ်ဖော်ကိုင်ဖက်များထက်ပို၍ ကြီးကျယ်မြင့်မြတ် ကြောင်း ယူဆမိပါက ထိုသူသည် ဆိုးဝါး ရာသို့ ဝင်ရောက်နေပြီ ဖြစ်ပြီး အသင်းတော်ကြီးနှင့် ဘုန်းတော်ကြီး ဘဝ အပေါ် များစွာ ထိခိုက်ကြောင်း ကာဒီနယ်မှ ပြောကြားခဲ့ပါတယ်။

"ရဟန်းတို့သည် ဘုရားရှင်​၏လူ ၊ လူသားတွေကို ဘုရားရှင်အကြောင်း ပြောပြသွန်သင်သူ၊ လူသားများအကြားတွင် ဘုရှားရှင်ကိုယ်စားတည်ရှိနေသူ နှင့်ဘုရားရှင်​၏ ချစ်ခြင်း,သနား ကျင်နာခြင်း နှင့် ကယ်တင်တော်မူခြင်းကို ဖော်ပြရမည့် သူများ " ဖြစ်ကြောင်း လည် မြွက်ကြားခဲ့ပါတယ်။

ထပ်လောင်း၍" သိက္ခာခံယူကြမည့် ရဟန်းလောင်းများ ဟာ ဘုရားရှင်ကို လူသားတို့အလည် တည်ရှိနေနိုင်ရန် လုပ်ပေးရမည့် ဆုကျေးဇူးတော်ကို လက်ခံရရှိမှာ ဖြစ်ပြီး ၊ ဘုရား ရှင်ကို အသင်းတော်​၏ ဦးခေါင်း၊ ခင်ပွန်း၊ ဇနီးနှင့် တရားဟောဆရာများ အဖြစ် တည်ရှိစေရန် လုပ်ဆောင်ခြင်းပင် ဖြစ်ကြောင်း" ကာဒီနယ် Ortega က ဩဝါဒေ ပေး ခဲ့ပါတယ်။

"သင်တို့ရှိတဲ့ ကျေးဇူးတန်ခိုးတော်ဟာ ပို၍ကြီးမြတ်ပြီး တခုတည်းသာရှိတယ်လို့ မဆိုလိုပါ အကြောင်းမှာ သန့်ရှင်းသောဝိဉာဏ်တော်ဘုရားဟာ အသင်းတော်အတွက်အခြား ဆုကျေးတန်ခိုးတော်များ လည်း ပေးနေပါတယ်" လို့ ဆိုပါတယ်။

အဆုံးသတ်တွင် " ရှင်ပြန်ထမြောက်တော်မူသော ဘုရားရှင်​၏ ဝိညာဉ်တော်သည် ကျေးဇူးတော် အဖြစ် ဆင်းသက်တော်မူမည် ဖြစ်ပြီး ကမ္ဘာကုန်သည့်တိုင် တည်မြဲနေမည် ဖြစ်ကြောင်း နှင့် သင်တို့ကို အစဉ်အမြဲ လမ်းညွှန်လျက် အသစ်တဖန် ဆန်းသစ်စေပြီး နှစ်သိမ့်မှု များဖြင့် အစေခံနိုင်ရန် စေ့ဆော်နေမည်ဖြစ်ကြောင်း" ဂိုဏ်းချုပ်ဆရာတော်ကြီး ကာဒီနယ် Ortega က ရဟန်းတော် အသစ်များကို အားပေးစကား ပြော ကြား ခဲ့ပါတယ် ။

အာဗီအေဘာသာပြန်- မာကုစ်ညီညီထွန်း
https://bit.ly/3Hge0js