Dr. Scott Hahn ကသူ ့သား၏ ရဟန်းသိက္ခာခံယူခြင်းအပေါ်အခုလိုမှတ်ချက်ရေးပြီးသူ၏ Facebook စာမျက်နှာတွင်ရေးတင်ခဲ့သည်။ သူရေးထားသည်မှာ "လွန်ခဲ့သည့်သောကြာနေ ့မှာ ငါ့သား Jeramiah Hahn ၏ထာဝရရဟန်းသိက္ခာခံယူခြင်းကို ဝမ်းသာဝမ်းမြောက်စွာပါဝင်ကြည့်ရှုခွင့်ရခဲ့သည်။သူဟာ ငါ့သားအဖြစ်အမြဲရှိနေမည်ဖြစ်သော်လည်း သူဟာ သိက္ခာခံယူသည့် မေလ ၂၁၊ ၂၀၂၁ ရက်ကနေစပြီး ငါ၏ဝိညာဉ်ရေးဖခင်ဖြစ်လာခဲ့သည်"ဟုရေးသားခဲ့သည်။
Dr. Scott Hahn သည် လက်ရှိတွင် အမေရိကန် ပြည်ထောင်စုရှိ Ohio ပြည်နယ်မှာနေကာ ကက်သလစ်တက္ကသိုလ်ဖြစ်သည့် "Franciscan University of Steubenville"တွင်ကျမ်းစာပို့ချနေသည်။ သူသည် "St Paul Center For Biblical Theology" ဟုသိရသည့် ကက်သလစ်ကျမ်းစာတက္ကသိုလ်ကို တည်ထောင်သူလည်းဖြစ်သည်။ သူနှင့်သူ ့မိသားစုအနေဖြင့် အေဒီ ၁၉၈၉ တွင် ကက်သလစ်ထဲပြန်ဝင်လာကြသည့်အကြောင်းရင်းကတော့ ကျမ်းစာတတ်မြောက်ခြင်းနှင့် အေဒီ (၁-၃၂၅) အကြားရှေးဦးခရစ်ယာန်များ၏သမိုင်း၊သူတို့၏ယုံကြည်ခြင်းများကိုလေ့လာပြီး ရှေးဦး ခရစ်ယာန် များသည် ကက်သလစ်များသာဖြစ်ကြောင်းသိလာခြင်းကြောင့်ဖြစ်သည်။
Add new comment