သန့်ရှင်းရာမြေတွင် ခရစ်ယာန်လူငယ်များဆက်လက်တည်ရှိစေရန် ပညာသင်ဆုများထောက်ပံ့

Thursday, September 03, 2020

သခင်ယေဇူးခေတ်ကပင် သန့်ရှင်းရာမြေတွင် ခရစ်ယာန်များနေထိုင်ခဲ့ကြသော်လည်း ယခုအခါတွင် ရေကြည်ရာမြက်နုရာသို့ ရွေ့ပြောင်းအခြေချမှုမှာ တစ်နှစ်ထက်တစ်နှစ်တိုးလာပြီး ထိုဒေသတွင် ခရစ်ယာန်များပျောက်ကွယ်သွားမည်ကိုပင် စိုးရိမ်နေရသည်ဟုဆိုသည်။

သန့်ရှင်းရာမြေအခြေစိုက် ဖရန်စစ္စကန်ထိန်းသိမ်းစောင့်ရှောက်ရေးအဖွဲ့သည် ထိုဒေသတွင် ခရစ်ယာန်များဆက်လက်တည်ရှိနိုင်ရန် စကောလားရှစ်များပေးကာ ကျောင်းသားများကို ဆွဲဆောင်ထားသည်။စကောလားရှစ် ၅၀၀ခန့်ကိုပေးပြီး အဆင့်မီပညာရေးနှင့်အလုပ်အကိုင် ရရှိရေးတို့ကိုလည်း အာမခံကြောင်း ဖရန်စစ္စကန်ကိုရင် Br.Ramzi Sidawiက ပြောသည်။ ၉၅ရာခိုင်နှုန်းသော စကောလားရှစ်ရသူများသည် ဆေးပညာ၊စီးပွားရေးနှင့် စာရင်းအင်းဘာသာရပ်များကိုလေ့လာနေကြသည်။

သူတို့သည် ဖရန်စစ္စကန်အဖွဲ့အစည်းကို ကျေးဇူးတင်ကြပြီး ကျွန်ုပ်တို့လည်း ပီတိဖြစ်ရကြောင်း ထိုအဖွဲ့မှ ပြောကြားသည်။ နှစ်စဥ်သောကြာနေ့ကြီးတွင် ကောက်ခံသော သန့်ရှင်းရာမြေအတွက် အလှူငွေမှာ ကိုဗစ်ကြောင့် ကောက်ခံနိုင်ခြင်းမရှိခဲ့ပေ။စက်တင်ဘာ၁၃ရက်တွင် ထိုအလှူငွေကို အစားထိုးပြန်လည်ကောက်ခံသွားမည်ဖြစ်ကာ ထိုငွေများကို သန့်ရှင်းရာမြေရှိ ခရစ်ယာန်မိသားစုဝင်များ၏လိုအပ်ချက်များနှင့် သားသမီးများ၏ပညာရေးတွင် အသုံးပြုသွားမည်ဟုသိရသည်။

ဘာသာပြန်- Agnes Lawh Lun

Photo courtesy of shutterstock

https://bit.ly/2Dg0gZk