တူရကီတွင် ​နောက်ထပ် ဘုရား​ကျောင်းတစ်​ကျောင်း ဗလီအဖြစ် ​ပြောင်းလဲခြင်းခံရ

တူရကီတွင် ​နောက်ထပ် ဘုရား​ကျောင်းတစ်​ကျောင်း ဗလီအဖြစ် ​ပြောင်းလဲခြင်းခံရ

Hagia Sophiaဘုရား​ကျောင်းကို ပြတိုက်မှ ဗလီ​ကျောင်းသို့ ​ပြောင်းလဲပြီး​နောက် ရက်သတ္တပတ်အနည်းငယ်အကြာတွင် တူရကီသမ္မတသည် Hagia Sophiaထက်လူသိနည်း​သော်လည်း သမိုင်းဝင်​​သော ဘုရား​ကျောင်းတစ်ခုကို ပြတိုက်မှ ဗလီအဖြစ် ဖွင့်လှစ်ရန် ညွှန်ကြားခဲ့သည်။

Choraမြို့ရှိ ကယ်တင်ရှင်၏ဘုရား​ကျောင်း​တော်အမည်ရှိ​သော သမိုင်းဝင်​ကျောင်းသည် ၁၄ရာစုက ဘိုင်ဇန်တင်းလက်ရာအနုပညာများဖြင့် တည်​ဆောက်ထားသည်။ တူရကီသမ္မတ Recip Tayyip Erdoganက ထိုဘုရား​ကျောင်းကို လက်ရှိပြတိုက်အဖြစ်မှ အစ္စလာမ်ဗလီအဖြစ် ​ပြောင်းလဲရန် အတည်ပြုခဲ့သည်။

Hagia Sophiaကဲ့သို့ပင် ကွန်စတင်တီနိုပယ်သာသနာ၏ ပင်မဘုရား​ကျောင်းကြီးဖြစ်​သော ဤ​ကျောင်း​တော်သည် ၁၄၅၃ခုနှစ်တွင် ​အော်တိုမန်တို့၏တိုက်ခိုက်ခြင်းခံရ​သော်လည်း မပျက်စီးပဲ ၁၉၄၅ခုနှစ်မှသာ ပြတိုက်အဖြစ် ​ပြောင်းလဲခြင်းခံရသည်။ တူရကီနိုင်ငံတွင် ၄ရာစုမှ ၁၁ရာစုခန့်အထိ ​ဆောက်လုပ်ခဲ့​သော သက်တမ်းရင့် ဘုရား​ကျောင်းများရှိ​နေပြီး ငလျင်ဒဏ်​ကြောင့် ပျက်စီးသွားသည်များလည်းရှိသည်။

ဤဘုရား​ကျောင်းကိစ္စနှင့်ပတ်သက်၍ အ​မေရိကန်တွင် သာသနာပြု​နေ​သော ဂရိ​အော်သို​ဒေါ့စ်ဆရာ​တော်ကြီး Elpidophoresက "ဟာဂျီယာဆိုဖီယာ၊ ပြီး​နောက် ကိုရာဘုရား​ကျောင်း​တော် ဤသမိုင်းဝင်ဘာသာ​ရေးအ​ဆောက်အအုံ တို့ကို ဆုံးရှုံးခဲ့ရပြီ။နိုင်ငံတကာသည် ဤမတရားမှုများကို လျစ်လျူရှု​နေပါသ​လော" ဟု သူ၏လူမှုကွန်ရက် စာမျက်နှာတွင် ​ရေးသားခဲ့သည်။

ဘာသာပြန်- Agnes Lawh Lun

Photo courtesy of Shutterstock/MehmetO

https://bit.ly/3htR8z5