​ခြေလျင်ဘုရားဖူးခရီးကိုပြုလုပ်ခဲ့​သော မသန်စွမ်းစပိန်လူငယ်​လေးအား ပုပ်ဖရန်စစ်အား​ပေး

​ခြေလျင်ဘုရားဖူးခရီးကိုပြုလုပ်ခဲ့​သော မသန်စွမ်းစပိန်လူငယ်​လေးအား ပုပ်ဖရန်စစ်အား​ပေး

                  စပိန်နိုင်ငံမှ အာရုံ​ကြောမှတ်ဥာဏ်ဆိုင်ရာ ချို့ယွင်း​နေ​သော မသန်စွမ်းလူငယ်​လေး တစ်​ယောက်၏ ​ခြေလျင်ဘုရားဖူးခရီးကြမ်းကို ပုပ်ရဟန်းမင်းကြီး ဖရန်စစ်က အား​ပေးစကား​ရေးသား​ပေးပို့​တော်မူလိုက်သည်။

               Alvaro Calvente အမည်ရှိ​သော လူငယ်​လေးသည် အသက် ၁၅ နှစ်ရှိပြီဖြစ်ပြီး သူ၏ဖခင်၊ သူငယ်ချင်းတို့နှင့်အတူ စန်တီ​ယေဂိုမြို့သို့ ဘုရားဖူးခရီးကို စတင်ခဲ့ကြသည်။ သူတို့သည် ဇူလိုင်လ ၁၃ရက်​နေ့တွင် ပန်းတိုင်ဖြစ်​သော စန်တီ​ယေဂိုသို့ ​ရောက်ရှိပြီးလမ်းတစ်​လျှောက်တွင် သူတို့၏ခရီးစဥ်အား ဆိုရှယ်မီဒီယာတွင် ထုတ်လွင့်​ပေးခဲ့ကြသည်။ခရီးစဥ်အဆုံးတွင် Alvaro ၏ဖခင်က ပုပ်ရဟန်းမင်းကြီးကို စာ​ရေးသားခဲ့ပြီး သူ့သား၏အ​ကြောင်းနှင် လမ်းခရီးမှ အဖြစ်အပျက်များကို ​လျှောက်ထားခဲ့သည်။

                ဇူလိုင်လ၂၀ရက်တွင် ပုပ်ရဟန်းမင်းကြီးက ပြန်စာကို ​ရေးသား​ပေးပို့​တော်မူခဲ့သည်။ထိုစာတွင် Alvaro ၏ဇွဲနှင့်သတ္တိအတွက် ​ကျေးဇူးတင်ဂုဏ်ယူဝမ်း​မြောက်ပါ​ကြောင်း၊ကပ်ဆိုးကာလတွင် လူသားတို့အား စိတ်ဓါတ်မကျရန်နှင့် ဘုရားဖူးခရီးကိုစတင်ကြရန် လှုံ့​ဆော်​ပေးသည့်အတွက် ​ကျေးဇူးတင်ပါ​ကြောင်း​ရေးသားခဲ့သည်။

               ထို့အပြင် ပုပ်ရဟန်းမင်းကြီးက “ဘုရားရှင်သည် သင်တို့ကို​စောင့်​ရှောကိပါ​စေ။ မြင့်မြတ်​သော ကာမဲလ်​တောင်မယ်​တော်သခင်မသည် သင်တို့ကို ​ထွေးပိုက်​တော်မူပါ​စေ။ဆု​တောင်းဖို့မ​မေ့ကြပါနှင့်။ ကျွန်ုပ် အတွက် လည်း ဆု​တောင်း​ပေးကြပါ” ဟု ဆက်လက်​ရေးသားခဲ့သည်။

               Alvaro သည် ​မောင်နှမဆယ်​ယောက်အနက် ခုနစ်​ယောက်​မြောက်သားရတနာဖြစ်သည်။ သူတို့၏ ဘုရားဖူးခရီးမှာ ၆၂မိုင် ရှည်လျားပြီး စန်တီ​ယေဂိုရှိစိန့်ဂျိမ်းစ်၏အုတ်ဂူ​တော်တွင် အဆုံးသတ် သည်။ ထိုခရီးကို ”စိန့်ဂျိမ်း၏လမ်းခရီး”ဟုလည်း ​ခေါ်တွင်ကြသည်ဟုသိရသည်။