Jesuit အသင်းဂိုဏ်းမှ ဉီးဆောင်လျှက်သင်္ကန်းကျွန်း မြို့တွင် မိသားစု (၃၃၀) အား စားသောက်ကုန်များ သွားရောက်လှူဒါန်း

လှူုဒါန်းသည့် ပစ္စည်းပေါ်တွင် စာသားတစ်ခုကိုလည်း ရေးထားပါသည် ။

'' ချစ်လှစွာသော မိတ်ဆွေ ...
ကျွန်ုပ်တို့သည် လက်ဆောင်လေးကို ချစ်ခင်လေးစားမှုဖြင့် သင့်အား မျှဝေပေးလိုက်ပါသည် ။ ယခုကဲ့သို့ ခက်ခဲနေမှုများ ကြုံတွေ့နေချိန်တွင် လက်ဆောင်လေးသည် သင်နှင့် သင့်မိသားစု၏ အခက်အခဲများကို အနည်းငယ် လျော့နည်းသွားစေမယ်လို့ မျှော်လင့်မိပါသည် ။ ''
စတဲ့ စာသားလေးကိုလည်း ထည့်သွင်းထားတာကို တွေ့ရှိရပါသည် ။

Jesuit အသင်းဂိုဏ်းအနေဖြင့် ကိုဗစ်-၁၉ ကပ်ရောဂါကာလအတွင်း ယခုအကြိမ် လှူဒါန်းခြင်းသည် တတိယအကြိမ်မြောက်ဖြစ်တယ်လို့လည်းသိရှိရပါသည် ။ ပထမ အကြိမ် အနေဖြင့် မိသားစု (၄၈၀ ) ၊ ဒုတိယအကြိမ်အနေဖြင့် မိသားစု ( ၆၆၀) စုတို့နှင့် ယခု တတိယအကြိမ်အနေဖြင့် မိသားစု (၃၃၀) စုတို့အား လှူဒါန်းခဲ့ကြသည်ဟု သိရှိရပါသည်။

ယခုလို လှူဒါန်းခြင်းသည် မြန်မာနိုင်ငံရှိ Jesuit အသင်းဂိုဏ်းနှင့် ဩစတေးလျ နိုင်ငံမှ Jesuit အသင်းဂိုဏ်းတို့ ပူးပေါင်း လှူဒါန်းခြင်းဖြစ်တယ်လို့လည်းသိရှိရပါသည်။

၎င်းတို့သည် အခြေခံစားသောက်ကုန်များအပြင် အစိုးရ စာသင်ကျောင်းများတွင်လည်း လိုအပ်သည့် ထိုင်ခုံများကိုလည်း လှူဒါန်းပေးခဲ့သည်ဟု သိရှိရပါသည် ။ ဆက်လက်၍လည်း Jesuit အသင်းဂိုဏ်း ရှေ့လုပ်ငန်းစဉ်များအနေဖြင့် ကိုဗစ်(၁၉) ကပ်ရောဂါကြောင့် ဒဂုံဆိပ်ကမ်းဘက်ရှိ အလုပ်လက်မဲ့ ဖြစ်သွား၍ အခက်ခဲရှိသူများအား လုပ်ငန်းပြန်လည်ထူထောင်နိုင်စေရန်အတွက် လိုအပ်သော အရင်းအနှီးတစ်ခုကို ထောက်ပံ့ပေးသွားနိုင်ရန်အတွက် စီစဉ်ဆောင်ရွက်လျက်ရှိနေကြောင်း ရန်ကုန်မြို့ရှိ Jesuit အသင်းဂိုဏ်းမှ တာဝန်ခံ Bro. John Bosco ၏ ပြောပြချက်အရ သိရှိရပါသည် ။
News by - #Pinky
#RVAPastoralcare #JesuitsMissionMyanmar #Yangon #SlumArea