ရဟန်းမင်းကြီးသည်မယ်တော်သခင်မ၏လစ်တာနီတွင် ဘွဲ့တော်သုံးပါးထပ်မံဖြည့်စွပ်

ရဟန်းမင်းကြီးသည်မယ်တော်သခင်မ၏လစ်တာနီတွင် ဘွဲ့တော်သုံးပါးထပ်မံဖြည့်စွပ်

ပုပ်ရဟန်းမင်းကြီးသည်လောရက်တိုမယ်တော်သခင်မ၏ဘွဲ့တော်များ (လစ်တာနီ) တွင်နောက်ထပ် ဘွဲ့တော်သုံးပါးကိုထပ်မံဖြည့်စွပ် ရန်အ တည်ပြုခဲ့သည်။ ဤသို့အတည်ပြုကြောင်းအကြောင်းကြားစာ ကိုယနေ့ (ဇွန်လ ၂၀) ၌ကက်သလစ်ဆရာတော်ကြီးအဖွဲ့ချုပ်များသို့လည်း ကောင်း၊ အမိသာသနာတော် ကြီး၏ ၀တ်ပြုခြင်းဆိုင်ရာတာ၀န်ခံကာဒီနယ် Robert Sarah ထံသို့လည်းကောင်းပေးပို့ခဲ့သည်။ စာထဲ၌ရှိရင်းစွဲ လောရက်တိုမယ်တော်၏ဘွဲ့နာမများအား ‘Mater misericordiae, Mater spei, Solacium migrantium တို့ကိုလော်ရက်တိုမယ်တော်၏လစ်တာ နီတွင်ထပ်မံဖြည့်စွပ်လိုက်ကြောင်းဖော်ပြထားသည်။

မယ်တော်၏ဘွဲ့နာမတော်ကိုခရစ်ယာန်များကြည်ညိုအားကိုးစွာခေါ်တဆုတောင်းလာခဲ့သည်မှာ ရာစုများစာကြာခဲ့ပြီဖြစ်သည်။ ဤ သို့ပြုလုပ်ခြင်းသည်ခရစ္စတူး၏မရေမတွက်နိင်သော ကောင်းကြီး တော်ကိုခံစားရစေသောအသေချာဆုံးလမ်းကြောင်းဖြစ်ကြောင်း၊ မသေမချာ မရေမရာဖြစ်ပေါ်ခံစားနေရ သောလက်ရှိအခြေအနေ ၌ လည်း အမိမယ်တော်အားတိုးလျှိုးအားကိုးသင့်လှပေသည်။ အဘယ်ကြောင့် ဆိုသော်အ ကြင်နာပြည့်၀သောသူ၊ အားကိုးထိုက်သူဖြစ်သည်ဟုဘုရားသခင်၏လူမျိုးတော်တို့ကယုံ ကြည်နေကြသည်။ ဤဘွဲ့တော်သုံးပါးကိုဖြည့်စွပ်ရခြင်း မှာဘာသာတူတို့၏အသံကိုနား ထောင်၍ဖြည့် စွပ်ခြင်းဖြစ်ကြောင်း၊ လောရက်တိုလစ်တာနီကို (၁၆) ရာစုမှစ၍အသုံးပြုလာခဲ့သည်။ လစ်တာနီထဲ၌ အမိမယ် တော်၏ဂုဏ်တော်ကိုခေါ်နေကျအတိုင်း၊ သို့မဟုတ်ခေါ်နေကြပုံစံမဟုတ်သောအရိုအသေပြသည့်နာမ တော်များကိုခေါ်တ၍မယ်တော် ၏ထပ်ဆင့်ဆုတောင်းပေးခြင်းကိုတောင်းခံနေကြသည်။ လစ်တာနီကိုလာတင်း၊ သို့မဟုတ်မိမိတို့၏ဒေသဘာသာစကားဖြင့်ပြန် ဆိုထားပါကဒေသ ဘာသာစကားဖြင့်လည်းရွတ် ဆိုပူဇော်နိုင်ပါသည်။

ထပ်မံဖြည့်စွပ်သောမယ်တော်၏ဘွဲ့တော်သုံးပါးကိုလာတင်းဘာသာဖြင့်ဖော်ပြထားပြီး၊ ‘Mater misericordiae ကိုအင်္ဂလိပ်ဘာသာသို့ပြန်ဆိုသော် ‘သနားခြင်း၏မယ်တော်’ ဟုအဓိပ္ပာယ်ရသည်။ ဤဘွဲ့တော်ကို ‘သာသနာတော် ကြီး၏မယ်တော်’ ဘွဲ့တော်အပြီးတွင်ထည့်သွင်းဆုတောင်းရမည်။ Mater spei မှာ ‘မျှော်လင့်ခြင်း၏မယ်တော်’ ဟုအနက်ရပြီး ‘ကျေးဇူးတော်အပေါင်းတို့၏ မယ်တော်’ နောက်တွင်ဖြည့်စွပ်ဆုတောင်းရမည်။ Solacium migrantium မှာ ‘ဒုက္ခသည်တို့၏နှစ်သိမ့်ရာ’ ဟုဆိုလိုပြီး၊ ‘အပြစ်သည်တို့၏မှီခိုရာ’ ဆုတောင်းချက်၏နောက်တွင်ရွတ်ဆိုပူဇော် ရမည်။ ကာဒီနယ်သည်ဤအကြောင်းအရာကိုကမ္ဘာပေါ်ရှိနိုင်ငံအသီးသီးမှကက်သလစ်ဆရာတော်ကြီးများအဖွဲ့ချုပ်တို့အားလည်းရေးသားပေး ပို့ခဲ့သည်။

ဘာသာပြန်-ဖာသာရ်ကလဲမင့်အားတယ်

Photo Credit: Vatican Media/CNA

https://bit.ly/2NgpTuH