Halloween မတော်တဆ ဖြစ်မှုအပေါ် ကိုးရီးယားဂိုဏ်းချုပ်ဆရာတော် ၀မ်းနည်းသ၀ဏ်လွှာထုတ်ပြန်

Halloween မတော်တဆ ဖြစ်မှုအပေါ် ကိုးရီးယားဂိုဏ်းချုပ်ဆရာတော် ၀မ်းနည်းသ၀ဏ်လွှာထုတ်ပြန်

‘Halloween’ ညပျော်ပွဲရွှင်ပွဲ၌ တောင်ကိုးရီးယားနိုင်ငံတွင် ပျော်ပွဲရွှင်ပွဲများပြုလုပ်ရာ ပါ၀င်ဆင်နွဲသူများပြီးတိုးကျိတ်ရာမှ လူများစွာသေဆုံး သည်အထိဖြစ်ခဲ့ရသည့် အတွက် ကိုးရီးယားနိုင်ငံ၊ ဆိုးလ်ဂိုဏ်းချုပ်သာသနာ၏ ကက်သလစ်ဂိုဏ်းချုပ်ဆရာတော် Peter Chung Soon-taick ကအသက်ဆုံးရှုံးခဲ့ရသူများအတွက်၀မ်းနည်းကြောင်းနှင့်ကွယ်လွန်သွားသူများအတွက် ပူဆွေး၀မ်းနည်းနေကြသောမိသားစု၀င်များအားလုံးအတွက်ဆုတောင်းပေးကြောင်း သ၀ဏ်လွှာပေးပို့ခဲ့သည်။

ဆိုးလ်ဂိုဏ်းချုပ်ဆရာတော်ကြီး၏ သတင်းစကား၌ ကွယ်လွန်သွားသူများအတွက် ၀မ်းနည်းပူဆွေးသောကမီးတောက်နေသောဆွေးမျိုးသားချင်း များအားလုံး ဘုရားသခင်၏နှစ်သိမ့်ခြင်းကောင်းချီးခံစားရပါစေကြောင်း၊ ဤအခင်းကိုအမြန်ဆုံးကိုင်တွယ်ဖြေရှင်းပေးနေသော အာဏာပိုင်များ၊ ကယ် ဆယ်ရေး၌ပါ၀င်နေကြသူများအားလုံးလည်းဘေးကင်းကြပါစေကြောင်း၊ ဤကဲ့သို့သောအနိဌာရုံမျိုးနောက်နောင်မကြုံရစေရန်လည်း ဆုတောင်းပေးပါ ကြောင်းဖြင့် ဆုတောင်းပေးထားသည်။

အခင်းဖြစ်ပွားပြီးနောက်တစ်နေ့၌ ဘာသာရေးအသင်းအဖွဲ့ (၇) ဖွဲ့မှ ခေါင်းဆောင်များအခင်းဖြစ်ရာဆီသို့သွားရောက် ကြည့်ရှုခဲ့သည်။ ဤအ ခင်းသည် လူအုပ်ကြီးတိုးကျိတ်မှုကြောင့်အသက်ဆုံးရှုံးရသည့်အဖြစ်များအနက်နိုင်ငံ့သမိုင်း၌ အကြီးမားဆုံးဖြစ်သည်ဟုဆိုသည်။

ဤအခင်းဖြစ်ပွား ရာ၌ လူပေါင်း (၁၅၀) ကျော်အသက်ဆုံးရှုံးခဲ့ရပြီး၊ (၈၀) ကျော်ထိခိုက်ဒဏ်ရာရခဲ့ကြသည်။

တနင်္ဂနွေနေ့မွန်းတည့်ချိန် အန်ဂျေလူးဆုတောင်းမေတ္တာရွတ် ဆိုပူဇော်ချိန်၌ ရဟန်းမင်းကြီးက ‘ယမန်နေ့ကအသက်ဆုံးရှုံးသွားခဲ့ကြသော ဆိုးလ်မြို့၌ဖြစ်ပျက်သွားသည့် အလွန်၀မ်းနည်းစရာအခင်းအတွက် သေခြင်းမှ ရှင်ပြန်သောသခင်ထံ ၄င်းတို့အတွက်ဆုတောင်းပေးကြပါစို့’ ဟုထည့်သွင်းမိန့်ကြားခဲ့သည်။

ဤအခင်းသည် အဘယ်သို့စတင်ခဲ့သည်ကိုရှင်း လင်းစွာမသိရသေးကြောင်း ၊ ပြည့်နေသောခန်းမထဲသို့ နောက်မှရောက်လာသောလူအုပ်ကြီးကတိုး‌ေ၀ှ့ရာမှဖြစ်ပျက်ခဲ့သည်ဟုသာသုံးသပ်ထားသည်။

တောင် ကိုးရီးယားနိုင်ငံသမ္မတကလည်း ယခု အဖြစ်အပျက်မျိုးနောက်နောင်မဖြစ်သင့်တော့ဟုပြောကြားခဲ့ပြီး၊ ၀မ်းနည်းဖွယ်တစ်ပတ်တာအဖြစ်လည်းကြေညာခဲ့သည်။

တောင်ကိုးရီးယား ကက်သလစ်ဆရာတော်ကြီးများအဖွဲ့ချုပ်၏ ကြေညာချက်၌ ‘တောင်ကိုးရီးယားသည် မတရားမှုနှင့်တာ၀န်မခံလိုမှုကိုဖြိုချရမည်။ အဘယ် ကြောင့်ဆိုသော် ဤအကျင့်ဆိုးသည် လူ့အသိုင်းအဝိုင်းအတွင်း၌ဘုံကျင့်စဉ်ကဲ့သို့အမြစ်တွယ်လာလျှက်ရှိသည်။ ဤသို့ပြုလုပ်ရန်မှာ ကျွန်ုပ်တို့ ၏တာ၀န်အပေါ်သစ္စာစောင့်သိရန်လိုအပ်ကြောင်း အာဏာ ပိုင်များအနေဖြင့် ယခုအဖြစ်အပျက်သည်အဘယ်သို့ဖြစ်ပျက်ခဲ့သည်ကို စေ့စပ်သေ ချာစွာစုံစမ်းစစ်ဆေးဖော်ထုတ်၍ ထိရောက်စွာအရေးယူသင့်ကြောင်းနှင့်တာ၀န်ပျက်ကွက်သည့်လုပ်ရပ်မျိုးသည်နောက် နောင်ပြန်လည်မ ကျူးလွန်စေရန်လည်းအာမခံချက်ပေးရမည်ဖြစ်ကြောင်း၊ ပြည်သူများဖက်မှပေးဆပ် ရမှုမရှိတော့ရန်ကိုအာမခံပေးရမည်ဖြစ်ကြောင်း၊ အထူး သဖြင့်လူငယ်များ၏အသက်မဆုံးရှုံးစေရန်၊ လူ့အသက်နှင်ဂုဏ်သိက္ခာသည် အလွန်တန်ဖိုးကြီးမားသည့် ရတနာဖြစ် ကြောင်း၊ မည်သည့်အရာမျှလူ့ အသက်ထက်တန်ဖိုးကြီးထွားလွှမ်းမိုးသွားစရာအကြောင်းမရှိကြောင်း’ ကြေညာချက်တွင်ပြတ်သားရှင်းလင်းစွာဖော်ပြထားသည်။

လေ့လာရေး ခရီးထွက်သောသဘေင်္ာနစ်မြှုပ်သည့် ရင့်နစ်ဖွယ်ဖြစ်ရပ်ဖြစ်ပွားပြီးနောက် ယခုမတော်တဆမှုဖြင့်လူ့အသက်ဆုံးရှုံးရသည့်အဖြစ်အပျက်သည် တောင်ကိုးရီးယားနိုင်ငံ၏ သမိုင်း၌အဆိုးရွားဆုံးဖြစ်သည်။ ထို၀မ်းနည်းဖွယ်ရာအခင်း၌ လူပေါင်း (၃၀၄) ဦးအသက်ဆုံးရှုံးခဲ့ရပြီး၊ အများပိုင်းမှာ ကျောင်းသားကျောင်းသူများဖြစ်ကြသည်။ ထိုအဖြစ်အပျက်ကြောင့် ရေကြောင်းဆိုင်ရာသယ်ယူပို့ဆောင်ရေးဥပဒေကိုတင်းကြပ်နိုင်ခဲ့သည် ဟုဆိုသည်။

အာဗီအေဘာသာပြန်-ဖာသာရ်ကလဲမင့်အားတယ်

Photo courtesy ICN

https://bit.ly/3FIsbiB