‘ယခုစစ်ကြောင့် ဘုရားနှင့်ပိုနီးလာခဲ့ကြောင်း’ ယူကရိန်းမှကက်သလစ်သတင်းထောက်ပြော

‘ယခုစစ်ကြောင့် ဘုရားနှင့်ပိုနီးလာခဲ့ကြောင်း’ ယူကရိန်းမှကက်သလစ်သတင်းထောက်ပြော

            ရုရှားတို့၏ကျူးကျော်စစ်နှင့်ပတ်သက်၍ မြေပြင်အခြေအနေကိုမှတ်တမ်းရယူနေသော ယူကရိန်းကက်သလစ်သတင်းထောက်သည်မြို့တော် Kyiv မှထူးခြားစွာ ဖြင့်ထွက်ပြေးလွှတ် မြောက်လာခဲ့သည်ဟုဆိုပါသည်။ မြို့တော်မှထွက်သွားရန်ဘုရားသခင်က သူ့အားနိမိတ်ပေးကြောင်း၊ ထွက်ပြေးရန်ကိုလည်း အင်အားများပေးလာ ကြောင်း မတ်လ (၅) ရက်နေ့ကပြောခဲ့သည်။ မြို့တော်အတွင်း၌ ရက်အတန်ကြာခက်ခက်ခဲခဲရှောင်တိမ်းနေခဲ့ရကြောင်း၊ နောက်ဆုံးမှသာ မြို့တော်မှခွာရန်ဆုံးဖြတ်ခဲ့ ကြောင်း၊ ဘုရားသခင်က သူ့အားနေထိုင်မကောင်းဖြစ်နေသော မိခင်ကိုလည်းကောင်း၊ မောင်လေးကိုလည်းကောင်း မြို့တော်မှခေါ် ထုတ်သွားရန်ပြောကြောင်း၊ သူကြား ခဲ့ရသောအသံများကို သူငယ်ချင်းများအားပြန်ပြောပြရာ အမျိုးမျိုးအကြံပေးကြောင်း၊ တစ်ဦးကား ယေဇူးသခင်ကို မည်သို့ဆို လိုကြောင်းမေးရန်၊ တစ်ဦးက သန့်ရှင်းသော ၀ိညာဉ်တော် ဘုရားထံဆု တောင်းကြောင်းပြောပါသည်။ သို့နှင့်သူသည် ကျမ်းစာဖွင့်ဖတ်လိုက်သည်။ သူ့အတွက်ခိုင် မာ ပြတ်သား သောဆုံးဖြတ်ချက်ကိုချရမည့်အချိန်ဖြစ်ကြောင်းသိလိုက်သည်။ သူ၏အတွင်းစိတ်၌ လည်းထိုသို့စေ့ ဆော်နေသည်။ အဘယ်သို့ထွက်ပြေးရမည့်လမ်း ကိုလည်း ဘုရားသခင်လမ်းညွှန်ပေးရန် ဘုရားထံ လုံး၀ဥသုံအပ်နှံထားလိုက်သည်။ ယခုအခါ မြို့တော်မှထွက်ပြေးရန်အတွက် ကိုယ်ပိုင်းကားမရှိလျှင် သွားလာရန် ခက်ခဲသည်။

            ပို့ဆောင်ပေးမည့်ကားများကိုချိပ်ကြည့်လိုက်ရာ ကားတစ်စီးသည် တစ်နာရီအတွင်း ထွက်ခွာရန်ရှိကြောင်း၊ သူ၏မိသားစုအရေအတွက်နှင့်ဆိုလျှင် လိုက်ပါ နိုင်ကြောင်း အကြောင်းပြန် လာပါသည်။ ခရီးသည်ရှည်သည့်အပြင် ကားတန်းကြီးကလည်း ပိတ်ဆို့နေသည်။ ထိုခရီးတစ်လျှောက် တစ်ခြားသို့အာရုံမရောက်။ ဘုရားသခင်၏ လုပ်ဆောင်ချက်များကိုသာ ထောက်ရူနေခဲ့သည်။ သန့်ရှင်း သောအိမ်ထောင်စု ဘက်သလင်ဟင်မှအီဂျစ်သို့ထွက်ပြေးခဲ့သည့်အကြောင်းကိုလည်း တွေးနေမိသည်။ သူနှင့်သူ့မိခင်၊ သူမောင်တို့သည် ယခုသွားမည့်နေရာ၌ မည်မျှကြာနေထိုင်ရမည်မသိနိုင်။ ဘုရားသခင် ခွင့်ပြုသည့်နေ့တိုင်နေရပေမည်။ မည်သည့် အရာ၊ မည်သည့်နေရာ ဆက်လက်ရွေ့သွားရမည်ကို ဘုရားသခင်ညွှန်ကြားလာမည်ဟုမျှော်လင့်ပါသည်။

            စစ်ဖြစ်နေသော်လည်း သူ့အား ဘုရားနှင့်ပို၍နီးကပ်စေခဲ့သည်မှာမယုံနိုင်အောင်ပင်ဖြစ်သည်။ နောက်တစ်နေ့၌ သူနှင့်သူ၏မိသားစုသည် မြို့တော်နှင့် ကီလိုမီတာ (၂၀၀) (၁၂၄ မိုင်) ခန့်ဝေးသော ရသေ့သီလရှင်ကျောင်းတစ်ကျောင်းသို့ရောက်ရှိသွားခဲ့သည်။ ထိုရသေ့သီလရှင်ကျောင်းသည် မြို့တော်၏ အရှေ့ ဖက်၌ကျသည်။ ၄င်းတို့ထက်စော၍ စစ်ရှောင်များစွာကို သီလရှင်များကစောင့်ရှောက်ထားသည်။ ကျောင်းဆောင်၏အခန်းများကို စစ်ရှောင်များအတွက် ခေတ္တအ နားယူပြီး၊ စားသောက်၊ အိပ်စက်နိုင် စေရန်အသုံးပြုထားသည်။ ဤစစ်ရှောင်များသည် ယူကရိန်းအနောက်ဖက်သို့ ဆက်လက်၍ ခရီးဆက် ကြမည်ဖြစ်သည်။ ယခု မှာ ခရီးတစ်ထောက်နားသာဖြစ်သည်။ ဆက်လက်၍ ခရီးမဆက် လိုသောသူ များအတွက်မှာမူ မိမိတို့၏အိမ်သို့ပြန်ရမည့်နေ့တိုင်အောင် ဒုတိယအိမ်ဖြစ်ပေမည်။

            ဤရသေ့ကျောင်းကို သူအလွန်နှစ်သက် ကြောင်းနှင့် အထူးသဖြင့် ဘုရားကျောင်းကို အလွန် နှစ်သက်သည်ဟုဆိုသည်။ အချိန်မရွေးဘုရားကျောင်းထဲသွား၍ ဆုတောင်း နိုင်သည်။ ညရောက် လာသောအခါ လွန်စွာတိတ်ဆိတ်မှုကြီးစိုးလာသောအခါ ၄င်းတို့ကဲ့သို့ အေးချမ်းလုံခြုံစွာမနေနိုင်ရှာသော မြို့တော်နှင့်ယူကရိန်းတောင်ပိုင်းမှ ပြည်သူများကိုသနား၍ ငိုမိခဲ့သည်။ ရုရှားတပ်များသည် ပြည်သူများ ရှိသည့်နေရာနှင့်အနီးအနားအဆောက်အုံများကို တမင်ချိန်ရွယ်ပစ်ခတ်သည်။ လူသားချင်းစာ နာသော အားဖြင့် ကူညီနေကြသော အဖွဲ့အစည်းများအားတိုက်ခိုက်သည်။ သယ်ယူပို့ ဆောင်ရေးအတွက် အသုံးပြုသော ရထားလမ်းကို ဖောက်ခွဲဖျက်ဆီးပစ်လိုက် သည်။ ယခုဤနေရာသို့ ရောက်ရှိနေသည် ဆိုသော်လည်း လုံခြုံလှသည်မဟုတ်။ လက်ရှိမြို့ကိုလည်း ရုရှားတို့သည် နှစ်ကြိမ်တိုင်တိုင် လက်နက် ကြီးဖြင့် ပစ်ခတ် တိုက်ခိုက်ခဲ့သော်လည်း လူအထိအခိုက်များမရှိခဲ့ပေ။ မယ်တော်၏ ကူညီမှိုင်းမခြင်း ကိုလည်းယုံသည်။ ဤမြို့၌ ‘သချိုင်းတွင်း၌ငိုကြွေးနေသောမယ်တော်’ ပုံတော်ရှိသည်။ မြို့သူမြို့ သားများသည် အမိမယ် တော်၏စောင့်ရှောက်မှုကိုခံရသည်ဟုယုံကြည်ကြသည်။ သူလည်း လုံခြုံ သည်ဟုခံစားရကြောင်းပြောကြားရင်း သူ၏ဗွီဒီယိုဖြင့်မေးမြန်းခြင်းကို ဆုတောင်းခြင်းဖြင့် အဆုံးသတ်လိုက်သည်။ 

            ယေဇူးသခင်သည် လောက၌ဖြစ်သော မကောင်းဆိုး၀ါးထက်ပို၍အစွမ်းကြီးသည်။ သက်သေပြထားသည်။ ယေဇူးသခင်သည် ကျွန်ုပ်တို့၏မျှော်လင့် ချက်ဖြစ်သည်။ အမိမယ်တော်သည် ကျွန်ုပ်တို့အား သူ၏၀တ်ရုံတော်ဖြင့် ထွေးပွေ့ထားပေးမည်ကိုယုံကြည်ကြောင်းပြောကြားခဲ့သည်။

အာဗီအေဘာသာပြန်- ဖာသာရ်ကလဲမင့်အားတယ်

https://bit.ly/3q1he2N