‘ဘုရားသခင်သည်ကျွန်ုပ်အားကယ်တင်ခဲ့သည်။ အမိမယ်တော်လည်းကျွန်ုပ်အားပစ်မထားခဲ့’ ဟုတူရကီငလျင်ဒုက္ခသည်တစ်ဦးပြောကြား

‘ဘုရားသခင်သည်ကျွန်ုပ်အားကယ်တင်ခဲ့သည်။ အမိမယ်တော်လည်းကျွန်ုပ်အားပစ်မထားခဲ့’ ဟုတူရကီငလျင်ဒုက္ခသည်တစ်ဦးပြောကြား

အမှန်မှာ Bassel Habkouk သည် လက်ဘနွန်မှကက်သလစ်ဘာသာတူတစ်ဦးဖြစ်ပြီး ကလေးနှစ်ဦး၏ဖခင်ဖြစ်သည်။ သူသည် ဖေဖော်၀ါရီလ (၆) ရက်က တူရကီသို့အလည်ရောက်နေခြင်းဖြစ်သည်။ သူ ရောက်ပြီးများမကြာမီ ပြင်းအား (၇.၈) ငလျင်သည် တူရကီနိုင်ငံနှင့်အိမ်နီးချင်းဆီးရီးယားကိုလည်းလှုပ်ခတ်သွားခဲ့ပြီး လူပေါင်း (၅၀၀၀၀) ကျော်အသက်ဆုံးရှုံးခဲ့ရသည်။ ထိခိုက်ဒဏ်ရာများစွာလည်းရရှိခဲ့သကဲ့သို့ လူပေါင်းထောင်ကျော်လည်းပျောက်ဆုံးလျှက်ရှိသည်။ သူသည်လည်းပြိုလဲနေသောအဆောက် အဦးများအောက်၌ (၅၂) နာရီကြာပိတ်မိနေခဲ့သည်။ Bassel Habkouk သည် သေဘေးမှအဘယ်သို့လွှတ်မြောက်လာခဲ့သည်ကို CNA သတင်းကိုအာရာဘီဖြင့်ထုတ်လွှင့်သော ACI MENA သို့အောက်ပါအ တိုင်းဖြေကြားခဲ့သည်။

သူသည် နှစ်ရက်ကျော်ကြာပိတ်မိနေခဲ့စဉ်အဘယ်သို့နေထိုင်ခဲ့သနည်း။

ငလျင်လှုပ်ခတ်သည့်အချိန်၌ Habkoukနှင့်သူ၏သူငယ်ချင်း Elias Al-Haddadတို့သည်အပြင်၌ ရောက်ရှိနေခဲ့သည်။ ထိုစဉ်အဆောက်အဦးများမှလွှင့်စင်လာသောအပျက်အဆီးများလွှင့်စင်ကျလာရာမှ မြေပေါ်သို့၀ပ်ချလိုက်ကြသည်။ သူငယ်ချင်းဖြစ်သူ Elias Al-Haddadကသူ့အားကယ်ရန်အကူအညီတောင်းခံနေသံကိုကြားရသော်လည်း Habkoukသည်လည်းမလှုပ်မရှုက်နိုင်ဖြစ်နေခဲ့သည်။ (၆) နာရီခန့်အ ကြာ သူငယ်ချင်းဖြစ်သူ၏အသံကိုမကြားရတော့ကြောင်းပြန်ပြောပြသည်။ နောက်မှသိလိုက်ရသည်မှာ သူငယ်ချင်းဖြစ်သူသည် အသက်ရှင်ကျန်မနေတော့ပေ။

သူသည် (၂) မီတာနှင့် (၄၀) စင်တီမီတာရှိသောအတုံးတစ်တုံးသည်သူ့အားပိတ်ကာထားသည်။ ထိုသို့ရုန်းကန်နေစဉ်၌ပင် အဘယ်ကလာသည်မသိသော လေအေးတိုးခတ်လာသည်ကိုသတိထားလိုက်မိသည်။ ဆောင်ထားသောစားစရာပါနေသော်လည်း အတောအတွင်း၌ရေငတ်ခြင်း၊ ဆာလောင်ခြင်းအလျင်းမသိ။ ထို (၅၂) နှစ်နာရီအတွင်း သူ့အတွက်အလွန်ခက်ခဲခဲ့သောအချိန်ကား ကယ်ဆယ်ရေးအဖွဲ့မှလာရောက်ကယ်ဆည်သော ဒုတိယနေ့၌ပင်ဖြစ်ပါသည်။ တစ်မီတာခန့်ရှည်လျားသောပိုက်တစ်ချောင်းကိုတွေ့လိုက်ရသည်။ ထိုပိုက်ချောင်ဖြင့်အနီးအနားရိုက်ခတ်၍ရသောအရာများအား အဆက်မပြတ်ရိုက်ခတ်၍ ကယ်ဆယ်ရေးလုပ်သားများသတိပြုမိစေရန်ကြိုးစား၍အချက်ပြခဲ့သည်။ သူရှိသည့်နေရာကို သိရှိသွားသောအခါ သူ့ထက်အရင် သူနှင့်မလှမ်းမကမ်း၌ဒဏ်ရာဖြင့်ဖြစ်နေသောသူကိုဦးစွာကယ်ယူဆယ်ထုတ်သွားခဲ့သည်။ တူရကီကယ်ဆယ်ရေးလုပ်သားများသည် အဆိုပါဒဏ်ရာရလူနာအား ကယ်ထုတ်ရန် (၅) နာရီကြာမျှကြိုးစားရာနောက်နေ့နံနက် (၂) ရီမှကယ်ထုတ်နိုင်ခဲ့သည်။ ထို့နောက်ကယ် ဆယ်ရေးလုပ်သားများသည်ပြန်သွားခဲ့ကြသည်။ Habkoukမှာမူ တူရကီကယ်ဆယ်ရေးလုပ်သားများ သည် တူရကီလူမျိုးမဟုတ်၍သူ့အားပစ်ထားပြီဟုတွေး၍စိုးရိမ်နေခဲ့သည်။ နံနက်စောစော (၂ မှ ၇) နာရီအထိ Habkoukသည်တဖန်တစ်ဦးတည်းရှိနေခဲ့သည်။ ထိုစဉ်အသက်ရှင်ပြီးလွတ်မြောက်နိုင်မည့်နည်းလမ်းကိုစတင်တွေးတောနေမိပါတော့သည်။

မယ်တော်နှင့်စိတ်ပုတီး

Habkoukအနေဖြင့် ငလျင်စတင်လှုပ်ခတ်ပြီး ပြိုလဲကျလာသည့်အဆောက်အဦးအပျက်အစီးများကြားလဲကျသွားသောအခါ သူ၏နှုတ်မှထွက်လာသောစကားကား ‘O MARY’ (အိုမယ်တော်) ဟုရေ ရွတ်ဆုတောင်းလိုက်ကြောင်း၊ ငလျင်လှုပ်နေတဲ့တောက်လျှောက် စက္ကန့် (၄၀) ခန့်ကြာချိန်မယ်တော့် နာမတော်ကိုရွတ်နေမိကြောင်း၊ ငလျင်ရပ်တန့်သွားသောအခါ အပျက်အစီးများအောက်၌မှောက်လျှက်အနေအထားဖြင့် စိတ်ပုတီးစတင်စိပ်ခဲ့ကြောင်း၊ ဘုရားသခင်သည် အမှန်တကယ်ကာကွယ်ပေးခဲ့သည်။ အမိမယ်တော်သည် ကျွန်ုပ်အားပစ်မထားခဲ့ပါဟုဖြေကြားခဲ့သည်။ ဆုတောင်းခြင်းသည်သူ့အားဆက် လက်ရှင်သန်နိုင်ရန်၊ သူသည်မသေရ။ ကယ်ဆယ်ရေးလုပ်သားတို့မှလာရောက်ကယ်တင်မည်ကိုမျှော် လင့်ချက်ဆက်လက်ထားရှိနိုင်ရန်အင်အားများရရှိခဲ့သည်။ ပြိုလဲပိတ်ညှပ်နေသောအပျက်အစီးများကြား ၌ (၅၂) နာရီနေခဲ့ပြီးနောက် ဖေဖော်၀ါရီ (၈) ရက်နေ့၊ နံနက် (၇) နာရီ၌ ကယ်ဆယ်ရေးလုပ်သားများမှသူ့ အားအောင်မြင်စွာကယ်ထုတ်နိုင်ခဲ့သည်။

Mantara မယ်တော်အားဓိဌာန်ပြု

အခက်အခဲကြုံလာသည့်အခါတိုင်း သူ၏မိသားစုသည် အမိမယ်တော်ထံအားကိုးတောင်းလျှောက်ခြင်းသည် ယခုတစ်ကြိမ်သည်ပထမဦးဆုံးမဟုတ်။ သူငယ်စဉ်တောင်ကျေးကလေးဘ၀ကပင်ဖြစ်သည်။ သူ့အနေဖြင့်ရွာမှအလေ့အထအတိုင်းပြုစုပျိုးထောင်းခံခဲ့ရသည်။ ကက်သလစ်သာသနာတော်ကြီး၏သန့်ရှင်းသောရက်ကြီးအခါကြီးများနေ့ကိုသင်ကြားခံခဲ့ရသည်။ ဥပမာအားဖြင့် ခရစ္စမတ်နေ့၊ ပါစကားနေ့၊ အမိမယ်တော်မွေနေ့ စသောနေ့ကြီးများကဲ့သို့ဖြစ်ပါသည်။ သူသည်ဘုရားသခင်ကိုယုံကြည်သူ ဖြစ်သည်။ ထို့အတူ သူ၏ဘ၀၌ဘုရားမယ်တော်၏ကြား၀င်ဆုတောင်းပေးခြင်းကိုလည်းခံယူသည်။ \

သူ၏ရွာသားများသည် ၄င်းတို့ရွာမှထွက်ခွာသွားတိုင်း ခရူးစူးအမှတ်အသားကိုတို့ပြီး ‘အိုဘုရားမယ်တော် မယ်တော့်အပေါ်ကျွန်ုပ်တို့၏မျှော်လင့်ချက်ကိုထားရှိပါသည်’ ဟုရွတ်ဆို၍ရွာသားများသည် မယ်တော့်ထံပူဇော်အပ်နှံခြင်း၊ ၄င်းတို့ခက်ခဲသောအခြေအနေ၌ မယ်တော်၏စောင်မခြင်းကိုခံရသောအခါကျေးဇူးဆပ်တင်ခြင်းများကိုလည်းပြုလေ့ရှိသည်။ သူ၏မိခင်ဖြစ်သူလည်းဘာသာတရားအလွန်ကိုင်းရှိင်းသူဖြစ်သကဲ့ သို့ ရဟန္တာများအားလည်းကြည်ညိုအားကိုးသူဖြစ်သည်။

သူ၏မိခင်သည် Mantaraမယ်တော်ဂူထံသွားရောက်၍ သူ၏သားသမီးများအားစောင့်ရှောက်ရန်အပ်နှံပူဇော်ဆုတောင်းလေ့ရှိသည်။

တူရကီ၌ငလျင်လှုပ်ခတ်သွားချိန်ကြောင်းကြားသိရချိန်၌ သူ၏သားလည်းတူရကီသို့ရောက်ရှိနေ ချိန်ဖြစ်ရာ သားဖြစ်သူသည်မသေမပျောက်ဘဲအသက်ရှင်လျှက်ပြန်ရောက်ရှိလာပါကရွာမှသည်မယ်တော့်ဂူထိတိုင်ခြေဗလာဖြင့်လမ်းလျှောက်ပူဇော်တက်ရောက်၍ကျေးဇူးတင်ဆပ်မည်ဟုဓိဌာန်ပြုခဲ့သည်။ အဓိဌာန်ပြုထားသည့်အတိုင်းပင် သားဖြစ်သူပြန်ရောက်လာသောအခါဖြည့်ဆည်းခဲ့သည်။ သူသည်မိခင်နိုင်ငံသို့အသက်ရှင်လျှက်ပြန်လည်ရောက်ရှိလာခဲ့ခြင်းအပေါ်ဖော်မပြတတ်အောင်ပျော်လျှက်ရှိသည်။

သူ၏အိမ်အပြန်လမ်း၌ ခေါင်းလောင်းများထိုး၍ပျော်ရွှင်၀မ်းမြောက်စွာကြိုဆိုခဲ့ကြသည်။ ရွာသားတို့၏ ကြည်နူးပီတိသည် ဘာသာမတူသော်လည်းဖော်မပြနိုင်အောင်ပင်ဖြစ်ခဲ့ရသည်။

အာဗီအေဘာသာပြန်-ဖာသာရ်ကလဲမင့်အားတယ်

https://bit.ly/3TKQNfk