‘ဘာသာရေးကိုငြိမ်းချမ်းရေးလမ်းစဉ်’ အဖြစ်ပြသရန်ကာဇာစတန်ဆရာတော်တိုက်တွန်း

‘ဘာသာရေးကိုငြိမ်းချမ်းရေးလမ်းစဉ်’ အဖြစ်ပြသရန်ကာဇာစတန်ဆရာတော်တိုက်တွန်း

အာရှအလယ်ပိုင်းနိုင်ငံ၏ ပထမဦးဆုံးကက်သလစ်ဆရာတော်ကြီးအဖွဲ့ချုပ်ဥက္ကဌဖြစ်သူ ဆရာတော် José Luis Mumbiela Sierra က ဘာသာရေးအား ငြိမ်းချမ်းရေးကိုတည်ဆောက်သောလမ်းစဉ်အဖြစ်ပြသရန်တိုက်တွန်းလိုက်သည်။ လိုအပ်နေသောသာသနာနယ်များအားကူညီပေးနေသော ဘာသာရေးအဖွဲ့အစည် (Aid to the Church in Need - ACN International) အားဖြေကြားခဲ့ခြင်းဖြစ်သည်။

နိုင်ငံ၌ကျင်း ပမည့် (၇) ကြိမ်မြောက် ကမ္ဘာနှင့်ရိုးရာဘာသာရေးခေါင်းဆောင်များကွန်ဂရက်နှင့်စပ်လျင်း၍လည်း ‘ယ ခုကွန်ဂရက်၏ ရည်ရွယ်ချက်ကား ဘာသာတိုင်းသည် ငြိမ်းချမ်းရေးကိုဦးတည်လုပ်ဆောင်သည်။ ဘာသာ ရေးပုံရိပ်များကိုပြန်လည်သန့်စင်ရန်လိုသည်။ ဘာသာရေး၏ဆိုလိုရင်းအမှန်ကိုပြန်လည်ဖော်ထုတ်ရန်လို သည်။ အာဏာရှင်တို့၏လက်ကိုင်တုတ်မဖြစ်စေရဟုပြောကြားခဲ့သည်။

ရဟန်းမင်းကြီးဖရန်စစ်၏မိန့်ကြားချက်သည် ‘ဤတံခါး၀ကိုပြန်လည်ဖွင့်လှစ်ရန်မျှော်လင့်ချက်၊ ပြန်လည်နိုးကြားရန်စေ့ဆော်ချက်’ ဖြစ်သည်။ ရဟန်းမင်းကြီးသည် ယခုကွန်ဂရက်သို့ကြွရောက်ခဲ့ သည်။ ဤကွန်ဂရက်စ်သည် စက်တင်ဘာ (၁၄ မှ ၁၅) ရက်နေ့အထိ ကာဇာစတန်နိုင်ငံ၊ Nur-Sultan, Kazakhstan တွင်ကျင်းပခဲ့ကာ (၂၀၀၃) ခုနှစ်ကဥက္ကဌဖြစ်ခဲ့သော Nursultan Nazarbayev ၏အဖွင့်မိန့်ခွန်းဖြင့်အစပြုခဲ့သည်။

ဤကွန်ဂရက်စ်စဖြစ်လာရခြင်းမှာ (၁၉၈၆) စိန့်ဂျွန်ပေါလ် (၂) မှအီတလီနိုင်ငံ၊ အာစီးစီမြို့၌စ တင်ရာမှအမြစ်တွယ်လာခဲ့ခြင်းဖြစ်သည်။ ထိုဆုတောင်းပွဲ၌ ကမ္ဘာ့ဘာသာအသီးသီးမှကိုယ်စားလှယ်များ တက်ရောက်ခဲ့သည်။ စိန့်ဂျွန်ပေါလ် (၂) က ကမ္ဘာ့ဘာသာအသီးသီး၏ခေါင်းဆောင်များအား လူသာထု၏ ကောင်းကျိုးကိုရှာဖွေနေသော သိုးထိန်းများကြားမှသိုးထိန်းများဟုခေါ်ဆိုခဲ့သည်။

ရဟန်းမင်းကြီးဖရန်စစ် ကာဇာစတန်သို့ကြွရောက်ခြင်း၏ရည်ရွယ်ချက်မှာ ယခုနှစ်အစပိုင်း၌ နိုင်ငံတွေ့ကြုံခဲ့ရသော နာကျင်ဖွယ်ရာအဖြစ်အပျက်များကြောင့် ကျွန်ုပ်တို့ကိုအားပေးလိုသည်။ အထီး ကျန်မခံစားရန်၊ ကျွန်ုပ်တို့နှင့်အတူ သာသနာတော်ကြီးတစ်ခုလုံးနီးကပ်စွာရှိနေကြောင်း၊ ဆက်လက်၍ ရှေ့ဆက်ရန်အားပေးရန်ရောက်ရှိလာခဲ့ခြင်းဖြစ်သည်။

ကာဇာစတန်နိုင်ငံမှ လူ့အခွင့်အရေးစောင့်ကြည့်ရေးအဖွဲ့၏ထုတ်ပြန်ကြေညာချက်အရ နိုင်ငံတစ် ၀ှမ်း၌ အစိုးရဖြုတ်ချရေးဆန္ဒထုတ်ဖော်ခဲ့ကြသည်။ Almaty ၌အကြမ်းဖက်မှုများရှိခဲ့ပြီး လူတစ်ဒါဇင်ခန့် သေဆုံးခဲ့ကြသည်။ ၄င်းတို့အနက်ကလေးနှစ်ယောက်လည်းပါသွားခဲ့သည်။ လူထောင်ပေါင်းထိခိုက်ဒဏ် ရာရခဲ့ကြသည်ဟုဆိုသည်။

(၂၀၂၂၊ ဇန္န၀ါရီလ၊ ၁၁) အခင်းနှင့်စပ်လျင်း၍ လူပေါင်း (၁၀၀၀၀) ခန့်ဖမ်းဆီးအကျဉ်း ချခံခဲ့ရသည်။ ဆန္ဒပြမှုသည် (၂၀၂၂၊ ဇန္န၀ါရီ ၂) ရက်နေ့ ကာဇက်စတန်နိုင်ငံ၏အနောက်ဖက် Zhanaozen မြို့မှအစပြုခဲ့ခြင်းဖြစ် သည်။ ယခုကဲ့သို့ဖြစ်ပွားရခြင်းမှာ လောင်စာဆီဈေးမြင့်မားလွန်း ခြင်းမှအစပြုကာ အခြားသောမြို့ များသို့လည်းလျှင်မြန်စွာကူးစက်သွားခဲ့သည်။

ရဟန်းမင်းကြီးဖရန် စစ်က ကာဇက်စတန်နိုင်ငံသားများမှ ငြိမ်းချမ်းရေးနှင့်သဟဇာတဖြစ်ရေးအတွက် ကြိုးစားမှုအားလုံးကို တန်ဖိုးထားပါကြောင်း၊ ယခုကဲ့သို့ကြွလာခြင်းသည် ထိုကြိုးစားမှုကိုအားပေးထောက်ခံကြောင်းပြသရန် ဖြစ်ကြောင်း ရဟန်းမင်းကြီးကမိန့်ကြားခဲ့သည်။

ရဟန်းမင်းကြီးဖရန်စစ်၏ယခုကဲ့သို့ကြွရောက်ခြင်းသည် အစိုးရကို အားပေးရုံသက်သက်မျှမ ဟုတ်။ တစ်နိုင်ငံလုံးကိုအားပေးထောက်ခံကြောင်းပြသရန်ဖြစ်သည်။ ဤထောက်ခံချက်သည် ‘နိုင်ငံ၏ ဆာငတ်မှုတစ်ခု’ ဟုတင်စားပြောဆိုခဲ့သည်။ အခြားသောစံတန်ဖိုးများကဲ့သို့ ဘာသာအချင်းချင်းသဟဇာ တရှိစွာနေထိုင်နိုင်ခြင်းသည် လွတ်လပ်ရေးရပြီးနောက် ရေးဆွဲခဲ့သောနှစ်ပေါင်း (၃၀) ကြာဖွဲ့စည်းပုံအ ခြေခံဥပဒေကြောင့်ဖြစ်သည်။ နိုင်ငံလူဦးရေ (၁၉) သန်းအနက် ကက်သလစ်ဘာသာ၀င်သည် (၁) ရာခိုင် နှုန်းသာရှိသည်။ (၇၀) ရာခိုင်နှုန်းမှာ မွတ်စလင်များဖြစ်ပြီး၊ (၂၅) ရာခိုင်နှုန်းမှာ ခရစ်ယာန်များဖြစ်သည်။ ခရစ်ယာန်များအနက် လူဦးရေအများဆုံးမှာ ရုရှားဩသိုဒေါ့စ်ဖြစ်သည်။

နိုင်ငံအတွင်း ကက်သလစ်ဘာသာတူဦးရေနည်းပါးသောကြောင့် ယခုရဟန်းမင်းကြီး၏ကြွ ရောက်လာခြင်းကို မိသားစုပွဲကျင်းပသကဲ့သို့ခံစားရကြောင်း၊ ၄င်းတို့အတွက် ရဟန်းမင်းကြီးသည် နိုင် ငံတစ်ခု၏ခေါင်းဆောင်သာမဟုတ်။ သူသည် ဗာတီကန်အားဦးဆောင်သူထက်သာလွန်သူဖြစ်သည်။ ကျွန်ုပ်တို့နှင့်အလွန်တရာနီးကပ်သော ဖခင်တစ်ဦးအား ကြိုဆိုနေခြင်းဖြစ်သည်။ ဤနိုင်ငံမှပြည်သူများ လည်း မည်သူမည်၀ါဖြစ်စေကာမူ ရဟန်းမင်းကြီးများကိုအလွန်ချစ်ကြည်ညိုကြသည်။ ဘုရားသခင်၏ ကောင်းချီးတော်ကြောင့် များစွာသောသူတို့သည် ကက်သလစ်သာသနာတော်ကိုစိတ်၀င်စားကြသည်။ ကာဇက်စတန်သည် ရွေ့ပြောင်းတို့၏အိမ်ဟုတင်စားရသကဲ့သို့ နိုင်ငံမြောက်ပိုင်း၌ ရွေ့ပြောင်းပိုလန် ကက်သလစ်ဘာသာတူများစွာနေထိုင်နေကြသည်။ ထို့အတူ မြို့ကြီးပြကြီးများ၌ ကိုးရီးယားကက်သ လစ်များလည်းအခြေချနေထိုင်နေကြသည်။

ကာဇက်စတန်နိုင်ငံသည် Tsars ၏ခေတ်မှသည် စတာလင် လမ်းစဉ်အတွင်းပြည်သူအတော်များများ မိမိတို့၏မွေးရပ်မြေမှ‌ေ၀းရာသို့ဖမ်းဆီးခေါ်ဆောင်ခြင်းခံခဲ့ ကြရသည်။ ထိုကြောင့်နိုင်ငံအတွင်း၌ ချွေးတပ်စခန်း (၁၁) ခုအထိရှိသည်။ ထိုသမိုင်း၀င်သည့်အပြင် ရင် နာစရာကောင်းသောနေရာများသိုကြွေရောက်လည်ပတ်ရန်မှရဟန်းမင်းကြီး၏ ကျန်းမာရေးအခြေအ နေပေါ်မူတည်၍ တိကျသေချာစွာမထုတ်ပြန်နိုင်သေးပေ။ ရဟန်းမင်းကြီးသည် လှုပ်လှုပ်ရှားရှားပြုလုပ် ခြင်းကို နည်းနိုင်သမျှနည်းရန်ဂရုစိုက်ရမည်ဖြစ်သည်။ သို့သော်လည်း ရဟန်းမင်းကြီးသည် ဘာသာရေး ခေါင်းဆောင်အချို့နှင့်မူတွေ့ဆုံမည်ဖြစ်ကြောင်း Aid to the Church In Need (ACN International) အားကြိုတင်ဖြေကြားခဲ့သည်။

အာဗီအေဘာသာပြန်-ဖာသာရ်ကလဲမင့်အားတယ်
https://bit.ly/3dqv7V4