အိုင်ဝါမှ ကက်သလစ်များက မုန်တိုင်းဒဏ်သင့်ပြည်သူများကို ကူညီ​ထောက်ပံ့

အိုင်ဝါမှ ကက်သလစ်များက မုန်တိုင်းဒဏ်သင့်ပြည်သူများကို ကူညီ​ထောက်ပံ့

လွန်ခဲ့​သော ရက်သတ္တပတ်အနည်းငယ်အကြာက အ​မေရိကန်ပြည်​ထောင်စုတွင် တိုက်ခိုက်ခဲ့​သော ဒယ်ရက်ခိုအမည်ရိ မုန်တိုင်းကြောင့် ဒုက္ခ​ရောက်​နေ​သောသူများကို ​ဒေသရှိ ကက်သလစ်အဖွဲ့အစည်းများက အကူအညီ​ပေးခဲ့သည်။

သြဂုတ်လ၁၀ရက်​နေ့က တိုက်ခတ်ခဲ့​သော မုန်တိုင်းသည် အိုင်ဝါပြည်မယ်နှင့် အီလီနွိုက်ပြည်နယ် ​မြောက်ပိုင်းကို လွန်စွာ အထိနာ​စေခဲ့သည်။လူအချို့ ​သေဆုံးခဲ့ပြီး အ​ရေး​ပေါ်စား​သောက်ဖွယ်များ ပြတ်လပ်ခဲ့သည်။

တစ်နာရီလျှင် မိုင်၁၀၀နှုန်းဖြင့် တိုက်ခတ်ခဲ့​သော ဟာရီကိန်းငယ်အမျိုးအစားဖြစ်ပြီး မိုးကြိုးပစ်ခြင်းများလည်း ဖြစ်ပွားခဲ့သည်။

Davenportသာသနာရှိ ကက်သလစ်ကရုဏာ​ရေးအဖွဲ့၏ဒါရိုက်တာ Kent Ferrisက "စိုက်ခင်းများ ပျက်စီးခြင်း၊သစ်ပင်များ ကျိုးကျခြင်းများ ဖြစ်ပွားခဲ့ပြီး အစားအ​သောက်များ၊​ရေသန့်နှင့်အ​ရေး​ပေါ်ပစ္စည်းများ ​ဝေငှ​ပေးနိုင်ခဲ့​ကြောင်း၊မုန်တိုင်းတိုက်ခတ်​သော်လည်း သန့်ရှင်း​သော ဝိညာဥ်​တော်သည် ကြင်နာခြင်း​လေ​ပြေကို နှလုံးသားထဲတွင် တိုက်ခတ်​စေ​ကြောင်း" ​ပြောကြားခဲ့သည်။

Dabuqueကက်သလစ်သာသနာသည်လည်း အကူအညီလိုအပ်သူများအတွက် ရံပုံ​ငွေ ရှာ​ဖွေ​ပေးခဲ့သည်။ထိုမုန်တိုင်း​ကြောင့် အိမ်​ခြေ၈၃၀၀ပျက်စီးပြီး စိုက်ခင်း ဧကသန်း၁၀ ပျက်စီးခဲ့သည်။

အင်တာနက်နှင့် ဖုန်းလိုင်းများ ပြတ်​တောက်ခဲ့ပြီး ဆုံးရှုံးမှု အ​မေရိကန်​ဒေါ်လာ သန်း၃၀၀​ကျော် ရှိသည်ဟုဆိုသည်။

ဘာသာပြန် - Agnes Lawh Lun

Photo courtesy of: Darrell Werning via National Weather Service (public domain)

https://bit.ly/34Dp5cT