အိန္ဒိယ၌ ကက်သလစ်ဆရာမတစ်ဦး ‘Padma Shri’ ဆုချီးမြှင့်ခြင်းခံရ

အိန္ဒိယ၌ ကက်သလစ်ဆရာမတစ်ဦး ‘Padma Shri’ ဆုချီးမြှင့်ခြင်းခံရ

ဆရာမ Trinity Saioo သည် အိန္ဒိယသမ္မတ Ram Nath Kovind ၏ ‘Padma Shri’ ဂုဏ် ထူးဆောင်ဆုကို နိုင်၀င်ဘာလ (၉) ရက်နေ့ကချီးမြှင့်ခြင်းခံခဲ့ရသည်။

သူမသည် ကက်သလစ်ကျောင်းတစ်ကျောင်း၌ မူ လတန်းပြဆရာမတစ်ဦးဖြစ်သည်။ သူသည် လူဦးရေ (၁၅၀၀) ပင်မပြည့်သောရွာ Mulieh ရွာဇနာပုပ်လေးမှဖြစ် သည်။ သို့သော်ကမ္ဘာထိကျော်ကြားသော ဟင်းခပ်အမွေးအကြိုင်ကိုစိုက်ပျိုးလေ့ရှိသည်။ ဆရာမသည် (၅၃) နှစ်ရှိပြီဖြစ် ပြီး၊ Jowai ဂိုဏ်းအုပ်သာသနာ၊Mawkyndeng သာသနာအုပ်စုမှဖြစ်သည်။ သူသည် ဒေသအတွင်း၌စိုက်ပျိုး ဖြစ်ထွန်းသောဟင်းခပ်အမွှေးအကြိုင်ကို လူသိများလာအောင်ကိုယ်တိုင်လည်းစိုက်းပျိုးပြီး၊ ရွာသူရွာသားများကိုလည်း အားပေးစိုက်ပျိုးစေ၍ အိန္ဒိယနိုင်ငံ၏ဟင်းမွှေးမာဆလာကို ကမ္ဘာ့‌စျေးကွက်ထိထိုးဖောက်‌အောင်စွမ်းဆောင်နိုင်ခဲ့ သည်။ ယခုသူပေးအပ်ခံရသောဆုတံဆိပ်သည် အိန္ဒိယနိုင်ငံ၏ စတုတ္ထအမြင့်ဆုံးဆုတံဆိပ်ဖြစ်သည်။

ကက်သလစ်အ မျိုးသမီးတစ်ဦးလည်းဖြစ်၊ မိခင်တစ်ဦးလည်းဖြစ်၊ မူတန်းပြဆရာမလည်းဖြစ်၊ ကျောင်းသူကျောင်းသားများ၏နေ့လယ် စာချက်ပြုတ်ရေးတာ၀န်ခံလည်းဖြစ်၊ လယ်သမားလည်းဖြစ်သကဲ့သို့ အခြားသောဘ၀တူအမျိုးသမီးများကိုလည်း နိုင်ငံ တော်အစိုးရမှချပေးသော စီမံကိန်းများဖြင့် ကူညီပေးပြီး၊ မိသားစုစား၀တ်နေရေးကိုအဆင်ပြေအောင်ကူညီပေးနေ ကြောင်း အာဗီအေ ၏တွေ့ဆုံမေးမြန်းခန်းတွင်ဖြေကြားခဲ့သည်။

ဤစီမံကိန်းကို ရွာငယ်လေးတစ်ရွာတွင် (၂၀၀၃) ခုနှစ်ကစတင်ခဲ့သည်။ ဤဟင်းမွှေးမာဆလာကို (၂၀၂၃) ခုနှစ်၌ မက်ထရစ်တန်ချိန် (၅၀၀၀၀) အထိထုတ်လုပ်နိုင်ရန် ဒေသအစိုးရကမှန်းထားသည်။ စီးမံကိန်းများကိုလျှောက် ပေးရုံမျှမဟုတ်ဘဲ မြေပြင်အနေအထားကို ကိုယ်တိုင်ကိုယ်ကျသွားရောက်ကြည့်ရူစစ်ဆေးလမ်းညွှန်လေ့ရှိသည်။ ဤ လှုပ်ရှားမှုကိုပြုလုပ်ခဲ့ရခြင်းမှာ နိုင်ငံတော်မှဂုဏ်ပြုဆုတံဆိပ်ကိုမျှော်မှန်း၍မဟုတ်။ နွမ်းပါး၊ နိမ့်ကျနေသောသူတို့၏ ဘ၀ကိုမြင့်တင်ရန်သာဖြစ်သည်။

(၂၀၀၃) ခုနှစ်၌ ဤဟင်းမွှေးမာဆလာကိုစိုက်ပျိုးသူတို့အား ထောက်ပံ့ကြေးများချေး ဌားပေးကြောင်းကြေညာပါသည်။ ထို့ကြောင့် ရွာသူအမျိုးသမီးများအားစိုက်ပျိုးကြရန်စည်းရုံးတိုက်တွန်းခဲ့သည်။ အစ ပိုင်း၌အချို့သည်စိတ်၀င်စားမှုသိပ်မပြသော်လည်း နောက်ပိုင်း၌ စိုက်ပျိုးသူ (၇၀၀ မှ ၈၀၀) အထိတိုးလာခဲ့သည်။ ထိုအ ခါအချင်းချင်းကူညီနိုင်သည့် အဖွဲ့များဖွဲ့၍ပိုမိုထိရောက်စွာလမ်းညွှန်ပေးခဲ့သည်။

လယ်ယာလုပ်ငန်းသည် မိဘတို့၏လက်ငုပ်အလုပ်ဖြစ်သည်။ အဖိုးအဖွား၊ မိဘများလက်ထက်မှစိုက်ပျိုးလာခဲ့ သည်။ သူသည် ဘာသာတရားအလွန်ကိုင်းရှိုင်းသောကက်သလစ်အမျိုးသမီးတစ်ဦးဖြစ်သည့်အပြင် သာသနာအုပ်စု၏ အမျိုးသမီးအဖွဲ့အစည်း၏အတွင်းရေးမှူးတာ၀န်ကိုလည်းထမ်း‌ဆောင်နေသူလည်းဖြစ်သည်။ စာမသင်သောရက်များ၌ ထိုဟင်းမွှေးမာဆလာကိုနေလှန်ခြင်း၊ လှီးဖြတ်ခြင်း၊ အမှုန့်ကြိတ်ခြင်းတစ်ခုခုအမြဲလုပ်နေတတ်သည်။

(၂၀၁၄) ခုနှစ် အရောက်၌ အကောင်းဖက်ဆီသို့အချိုးအကွေ့ဖြစ်လာစေခဲ့သည်။ အိန္ဒိယနိုင်ငံ၏ စိုက်ပျိုးရေး၀န်ကြီးဌာနက ဆရာမ တို့၏ဒေသထွက်ဟင်းခပ်အမွှေးအကြိုင်သည် အခြားဒေသထွက်ထက်ပိုမိုကောင်းမွန်ကောင်းအသိအမှတ်ပြုလာသည်။ အရောအစပ်၌လည်း အချိန်အဆမှန်ကန်စွာပြုလုပ်ထားသည်။ ထို့ကြောင့်အခြားဒေသထွက်များထက်ပိုကောင်း၊ ပိုစစ်၊ ပိုလူကြိုက်များလာသည်။

(၂၀၁၅) သို့ရောက်သောအခါ လုပ်ငန်းရှင်အဖွဲ့နှစ်ဖွဲ့နှင့်ချိပ်ဆက်၍ ချေးငွေများဖြင့်ပိုမိုတွင်ကျယ်စွာလုပ်ဆောင် ခဲ့သည်။ ကိုယ်တိုင်လည်း သဘာ၀မြေဩဇာများကိုလည်း စနစ်တကျသုံးစွဲတတ်ရန် ကြပ်မတ်လုပ်ဆောင်ခဲ့သည်။ သူ သည်တစ်ဦးတည်းလုပ်ဆောင်ခြင်းမဟုတ်။ အသင်းအဖွဲ့နှင့်လုပ်ဆောင်သည်။ သူသည်ဤသို့လုပ်ဆောင်နိုင်သည်မှာ လူလွတ်ဖြစ်နေ၍မဟုတ်။ သားသမီး (၆) ယောက်ရှိပြီး၊ သား (၃) ယောက်နှင့်သမီး (၃) ယောက်ရှိသည်။ အကြီးဆုံးနှစ် ယောက်မှာသူ့အားကူညီပေးသည်။ အခြားတစ်ယောက်မှာ တက္ကသိုလ်တက်နေသည်။ အခြားတစ်ယောက်မှာ မာစတာ တန်းတက်ရောက်နေသည်။ နို့ညှာမှာ (၁၁) တန်းတက်ရောက်နေပြီး၊ အထွေးဆုံးသမီးမှာ (၈) တန်းတက်ရောက်နေ သည်။ ဤသို့အမှုကိစ္စများစွာရှိနေသော်လည်း သူနှင့်သူ၏သားသမီးများသည်တနင်္ဂနွေနေ့
မစ္ဆားတရားကိုမပျက်မ ကွက်တက်ရောက်လေ့ရှိသူဖြစ်သည်။ ဘုရားကျောင်း၌ဖြစ်စေ၊ အိမ်များ၌ ဆုတောင်းခြင်းအခမ်းအနားများ၌ဖြစ်စေ သူ ၏ဘ၀ဖြတ်သန်းနေပုံကိုပြောပြရန်တောင်းဆိုလာတိုင်း ငြင်းဆန်လေ့မရှိ။ သန့်ရှင်းသော၀ိညာဉ်တော်၏လမ်းညွှန်မှုအတိုင်း‌ဝေမျှလေ့ရှိသည်။ သူ၏လက်စွဲကျမ်းချက်မှာ ‘ဘုရားသခင်၏နိုင်ငံတော်နှင့်ကိုယ်တော်၏ ဖြောင့်မတ်ခြင်းတ ရားကိုဦးစွာရှာ လော။ ထိုအခါ သင်တို့အား ဤအရာအလုံးစုံကိုထပ်လောင်း၍ပေးသနားတော်မူလိမ့်မည်’ ဖြစ်သည်။ (သံမာတေဦး ၆း၃၃)

(၂၀၁၈) ခုနှစ်သို့ရောက်သောအခါ ဒေသအစိုးရက သူနေထိုင်ရာဒေသတစ်၀ိုက်ရှိစိုက်ခင်းများကို သူ့အားဦး ဆောင်စေခဲ့သည်။ ကိုးဗစ် (၁၉) ကပ်ဆိုးကြီးသည် ၄င်း၏လုပ်ငန်းကိုထိခိုက်မှုမဖြစ်ပေါ်စေခဲ့ပေ။ အဘယ်ကြောင့် ဆို သော်၄င်းတို့သည် လူသွားလူလာနည်းသောဒေသ၌နေထိုင်ခြင်း၏အကျိုးပင်ဖြစ်သည်။ ပိုးရှိလူနာတွေ့ရှိမှုလုံး၀ပင်မရှိ ခဲ့ပေ။ ကိုးဗစ် (၁၉) ကြောင့် သွားလာရေးကန့်သတ်လိုက်သော အချိန်မှစ၍ တောင်သူတို့သည် အဆိုပါဟင်းခပ်မာဆ လာ (၁၆) မက်ထရစ်တန်ကိုထုတ်လုပ်နိုင်ခဲ့သည်။ နေ့စဉ် အလုပ်သမား (၂၀) ယောက်ခန့်သည် လုပ်ငန်းမပြတ်လည် ပတ်နိုင်ရန်လုပ်ဆောင်လျှက်ရှိသည်။ အခက်အခဲနှင့်ကြုံနေသောမိသားစုများ၏သတင်း၊ အမျိုးသမီးကြားနားလည်မှုလွဲ ခြင်း၊ မိသားစုအရေးကိစ္စများကိုကြားလျှင် ထိုကိစ္စကိုတရားနည်းလမ်းကျစွာမဖြေရှင်းရမခြင်း အတွင်းစိတ်၌ငြိမ်းသက် မှုမရှိ။ ၄င်းတို့အားကူညီဖြေရှင်းပေးခြင်း၊ အကြံပေးလမ်းညွှန်ခြင်းများကိုပြုလုပ်ပေးလေ့ရှိကြောင်း ဖြေကြားခဲ့သည်။

ဘာသာပြန်-ဖာသာရ်ကလဲမင့်အားတယ်

https://bit.ly/3DlMMVC