အိန္ဒိယမှ ပထမဆုံးလူဝတ်ကြောင် ဘာသာဝင် တစ်ဉီး မေ ၁၅ တွင် ရဟန္တာဖြစ်တော့မည်

အိန္ဒိယမှ ပထမဆုံးလူဝတ်ကြောင် ဘာသာဝင် တစ်ဉီး မေ ၁၅ တွင် ရဟန္တာဖြစ်တော့မည်

၂၀၂၂ မေလ ၁၅ ရက်နေ စိန့်ပီတာရင်ပြင်တော်မှာ ဟောကြားမယ့် ရဟန္တာတင်မြှောက်ခြင်း မစ္ဆားတရားတော်မြတ်ကြီးမှာ ပုပ်ရဟန်းမင်းကြီးဖရန်စစ်အရှင်သူမြတ်ဟာ Devasahayam Pillai ဆိုသူနဲ့ အခြား ၆ ဉီးတို့အား ရဟန္တာတင်မြှောက်ပေးမှာဖြစ်ပါတယ်။

အထက်ပါ အစီအစဉ်ကို ဗာတီကန်၊ ရဟန္တာတင်မြှောက်ခြင်းဆိုင်ရာ ပုပ်ရဟန်းမင်းကြီးရုံးတော် မှ နိုဝင်ဘာ ၉ ရက်နေ့က ထုတ်ပြန်ကြေငြာလိုက်တာဖြစ်ပါတယ်။

သူတော်မြတ် Devasahayam Pillai  ဟာ ၁၈ ရာစုနှစ် Travancore ပြည်နယ်မှာ ခြိုးခြံမှုများစွာနဲ့ ၎င်းရဲ့ ယုံကြည်ခြင်းကို သက်သေခံခဲ့သူဖြစ်ကြောင်း

ကိုဗစ်အခြေအနေကြောင့် ရက်အတိအကျ မထုတ်ပြန်ခဲ့ပေမယ့်လည်း ပြီးခဲ့တဲ့ မေလ ၃ ရက်နေ့က ပုပ်ဖရန်စစ်အရှင်သူမြတ်က ရဟန္တာတင်မြှောက်ခြင်းကို အတည်ပြုခဲ့ပြီးဖြစ်တယ်လို့ဆိုပါတယ်။

၁၇၁၂ ခုနှစ် ဧပြီလ ၂၃ ရက်နေ့မှာ မွေးဖွားခဲ့သူ ဖြစ်ကာ လာဇရုအမည်ကို ခံယူခဲ့သလို ရိုးရာအမည် အဖြစ် Devasahayam လို့ခေါ်တွင်ခဲ့ပြီး ၎င်း၏အမည်မှာ ဘုရာသခင်သည် ငါအားကူညီသူဖြစ်၏ဟု အဓိပ္ပာယ်ရကြောင်း

မိမိယုံကြည်ခြင်းကြောင့် အကျဉ်းထောင်ဒဏ် ၃ နှစ်ကျခဲ့ကာ  ပြင်းထန်သော နှိပ်စက်ညှင်းပန်းခြင်းများ ခံခဲ့ရကြောင်း နောက်ဆုံးမှာ လူသူမရှိတဲ့နေရာသို့ ခေါ်ဆောင်ခြင်းခံရကာ ၁၇၅၂ ခုနှစ် ဇန်နဝါရီ ၁၄ မှာ ပစ်သတ်ခံခဲ့ရသူဖြစ်တယ်လို့ ဆိုပါတယ်။

လာမယ့် ၂၀၂၂ မေလ ၁၅ ရက်မှာတော့ Devasahayam Pillai ဟာ အိန္ဒိယမှ ပထမဆုံးလူဝတ်ကြောင် ရဟန္တာအဖြစ် ရဟန္တာတင်မြှောက်ခြင်းခံရတော့မှာဖြစ်ပါတယ်။

ဘာသာပြန်-စစ္စတာရ်လူစီယားသန္တာအောင်၊ SJA

https://bit.ly/3H8eSGw