အာရှဆရာတော်ကြီးများ ‘ကမ္ဘာ့အဖိုးအဖွားများနှင့်သက်ကြီးရွယ်အိုများနေ့’ ကိုကျင်းပရန်လမ်းညွှန်ချက်ပေး

အာရှဆရာတော်ကြီးများ ‘ကမ္ဘာ့အဖိုးအဖွားများနှင့်သက်ကြီးရွယ်အိုများနေ့’ ကိုကျင်းပရန်လမ်းညွှန်ချက်ပေး 

          အာရှကက်သလစ်ဆရာတော်ကြီးများက ‘ကမ္ဘာ့အဖိုးအဖွားများနှင့်သက်ကြီးရွယ်အိုများနေ့’ ကိုအဘယ်သို့ကျင်း ပရန်လမ်းညွှန်ချက်များပေးထားသည်။ ထိုလမ်းညွှန်ချက်ကို အာရှကက်သလစ်ဆရာတော်ကြီးများအဖွဲ့ချုပ်၏လက် အောက်ရှိ လုပ်ငန်းခွဲတစ်ခုဖြစ်သော ‘သာမန်ဘာသာတူများနှင့်မိသားစု’ ဆိုင်ရာရုံးမှထုတ်ပြန်ခဲ့သည်။ 

          ရဟန်းမင်းကြီးသည် ယခုနှစ်ဇန္န၀ါရီလက ဇူလိုင်လ (၂၅) ရက်နေ့က ဤပွဲကိုကျင်းပမည်ဖြစ်ကြောင်း၊ အဖိုးအ ဖွားများသည် မကြာခဏမေ့လျော့ခံကြရကြောင်း၊ ကျွန်ုပ်တို့လည်း ရတနာ၏ဇစ်မြစ်အဖြစ်ကို ထိန်းသိမ်းစောင့်ရှောင်ရန် မေ့နေကြသည်။ ထို့ကြောင့် ‘ကမ္ဘာ့ဖိုးဖွားများနှင့်သက်ကြီးရွယ်အိုများပွဲနေ့’ ကိုကျင်းပရန်ဆုံးဖြတ်ခဲ့ကြောင်း၊ ရဟန်းမင်း ကြီးသည် ယခုနှစ်အတွက် ဤပွဲကိုကျင်းပရခြင်း၏အကြောင်းအရင်းကိုဆင်ခြင်ရန်ရွေးချယ်သောကျမ်းချက်မှာ ‘သင်တို့ နှင့်အတူငါအစဉ်ရှိနေမည်’ ဟူသော သံမာတေဦး (၂၀း၂၈) ၏ကျမ်းချက်ကိုရွေးချယ်ထားသည်။  ဤပွဲကိုပထမဆုံးအ ကြိမ်ကျင်းပသကဲ့သို့ ဇူလိုင်လ (၂၅) သည်လည်း တနဂ်နွေနေ့၌ထပ်မံကျရောက်နေပြန်သည်။ ဤပွဲသည် ဇူလိုင်လ (၂၆)  ယေဇူးသခင်၏ အဖိုးအဖွားများဖြစ်သော ‘စိန့်ဂျောကင်းမ်နှင့်စိန့်အဲန်’ တို့၏ပွဲနေ့မတိုင်မီတစ်ရက်အလိုနေ့၌ကျင်းပခြင်း လည်းဖြစ်သည်။

          ဤပွဲတော်ကိုကျင်းပရန်အတွက် ဖိလစ်ပိုင်နိုင်ငံကက်သလစ်ဆရာတော်ကြီးများအဖွဲ့ချုပ်၏ နယကလည်းဖြစ် သော၊ Lipa  ဂိုဏ်းချုပ်သာသနာ၏သာသနာပိုင်ဆရာတော် Gilbert Garcera ကဒေသန္တာရ ဆရာတော်ကြီး များနှင့်ဆွေးနွေး၍ သက်ကြီးရွယ်အိုများ၏၀ိညာဉ်ရေးကိုအဘယ်သို့စောင့်ရှောက်ပေးကြရန်ညွှန်ကြားခဲ့သည်။  အာရှ ဆရာတော်ကြီးများအဖွဲ့ချုပ်၏ရုံးခွဲတစ်ခုဖြစ်သော ‘သာမန်ဘာသာတူများနှင့်မိသားစု’ ရုံးမှ သက်ကြီးရွယ်အိုများအတွက်  သာသနာအနေဖြင့်ပြုလုပ်ပေးနိုင်သော ၀ိညာဉ်ရေးစောင့်ရှောင်မှုဆိုင်ရာ အချက်သုံးချက်ကို  အာရှဆရာ တော်များရုံးချုပ် သို့တင်ပြခဲ့သည်။ ထိုတင်ပြချက်အပေါ်မူတည်၍ အာရှဆရာတော်ကြီးများမှ လက်ရှိဖြစ်ပေါ်နေသော ကပ်ရောဂါဆိုးကာလ ၌ အချက် (၆) ချက်ကိုလိုက်နာ၍ ‘ကမ္ဘာ့အဖိုးအဖွားများ နှင့်သက်ကြီးရွယ်အိုများနေ့’ ကိုကျင်းပရန်ညွှန်ကြားချက်ချပေး ခဲ့ပါသည်။ ထို (၆) ချက်မှာ

၁။ အဖိုးအဖွားများနှင့်သက်ကြီးရွယ်အိုများအား ကျေးဇူးတင်မစ္ဆားကိုအိမ်များ၌ပူဇော်ပေးကြရန်၊

၂။ လိုင်းမှတိုက်ရိုက်ထုတ်လွှင့်မည့် ရဟန်းမင်းကြီးဖရန်စစ်ဦးဆောင်ပူဇော်မည့် မစ္ဆားတရားတော်၌ပါ၀င်ပူဇော်ရန်၊

၃။ သာသနာအုပ်စုအတွင်းနှင့်မိသားစုများ၌ အဖိုးအဖွားများ၊ သက်ကြီးရွယ်အိုတို့၏အရေးကြီးကြောင်းနှင့်၄င်းတို့၏ဉာဏ် အမြော်အမြင်များကိုထုတ်ဖော်အသိအမှတ်ပြု၍ ‘ပန်းများ၊ သီချင်းများဖြင့်နုတ်ဆက်ခြင်း၊ လက်ဆောင်များပေးခြင်း’ ကျေး ဇူးတင်ကြောင်းပြရန်၊

၄။ ဇူလိုင် (၂၄) ရက်ညပိုင်း၌ ပွဲနေ့အတွက် ၀ိညာဉ်ရေးကြိုတင်ပြင်ဆင်သည့်အနေဖြင့် အဖိတ်ဆုတောင်းခြင်းအစီအစဉ် များဖြင့်ပြင်ဆင်ထားကြရန်၊

၅။ ဤနေ့သည် မိသားစုအတွက် အရေးကြီးကြောင်းနှင့်သက်ကြီးရွယ်အိုများအား ကာယ၊ ၀ိညာဉ်နှစ်ပိုင်းလုံးပြုစုစောင့် ရှောက်ရမည့် ‘တာ၀န်မဟုတ်။ အမှုတော်’ ဖြစ်ကြောင်း (တာ၀န်သည် လူမှုရေးဆန်ပြီး၊ အမှုတော်သည် ဘုရားသခင်ထံမှ ပေးအပ်လာခြင်းဖြစ်သည်။) သဘောပေါက်အောင်ရှင်းပြရမည်။

၆။ မစ္ဆားတရားတော်ပူဇော်ခြင်းအပြီး၌ အဖိုးအဖွားများ၊ သက်ကြီးရွယ်အိုများနှင့်စားသောက်ရင်း အချိန်ပေးကုန်ဆုံးစေရန် တို့ဖြစ်သည်။   

          ဂိုဏ်းချုပ်ဆရာတော် Garcera က လူမှုအသိုင်းအ၀ိုင်း၊ သာသနာအတွင်း၌ အဖိုးအဖွားများ၊ သက်ကြီးရွယ် အိုတို့၏ပေးဆပ်ခဲ့မှု၊ လက်ဆင့်ကမ်းအမွေများပေးခဲ့သည်များကို ပြန်လည်အသိအမှတ်ပြု၊ အမှတ်ရစေရန် ယခုကဲ့သို့ပုံ ဖော်လုပ်ဆောင်ပေးသည့်အ တွက်ကျေးဇူးတင်ကြောင်း၊ အာရှဆရာတော်ကြီးများ၊ သူတော်စင်အကြီးအကဲများထံပေး ပို့သော သူ၏စာ၌ ယေဇူးသခင်၏နှုတ်တော်ထွက်စကားနှင့်အမူအကျင့်တို့ကို ၄င်းတို့၏နှလုံးသားထဲ၌ အလေးထားရှင် သန်သောသူတို့သည် အဖိုးအဖွားများ၊ သက်ကြီးရွယ်အိုများကိုချစ်တတ်သည်။ ပြုစုတတ်သည်။   

          ထို့အတူ ဖိလစ်ပိုင်နိုင်ငံ၏ ကက်သလစ်ဆရာတော်ကြီးများအဖွဲ့ချုပ်၏ ဥက္ဌဖြစ်သော ဂိုဏ်းချုပ်ဆရာတော် Romulo Valles ကလည်း သူ၏နိုင်ငံအတွင်းရှိ ဆရာတော်များနှင့်ဘာသာတူများအတွက် ‘အဖိုးအဖွားနှင့်သက်ကြီး များပွဲနေ့’ ကိုအဘယ်သို့ကျင်းပရမည်ကို ဇွန်လ (၄) ရက်နေ့ကပင်ထုတ်ပြန်ကြေငြာထားပြီးဖြစ်သည်။ ယခုနှစ်သည် ဖိလစ် ပိုင်နိုင်ငံအတွက် ‘မဟာဂျူဗလီနှစ်’ ဖြစ်သည်။ အဘယ်ကြောင့်ဆိုသော် ဖိလစ်ပိုင်သို့ခရစ်ယာန်တရားတော်မြတ်ရောက်ရှိ ခြင်း နှစ် (၅၀၀) ပြည့်မဂ်လာနှစ်ပတ်လည်ကိုအမှတ်ရကျင်းပနေသောနှစ်ဖြစ်သည်။ ထို့ကြောင့် အဖိုးအဖွားများ၊ သက်ကြီး ရွယ်အိုများသည် မိသားစု၊ လူမှုအသိုင်းအ၀ိုင်း၊ နိုင်ငံတော်အတွက် တန်ဖိုးမဖြစ်နိုင်သော မိသားစု၀င်များ၊ နိုင်ငံသားများ ဖြစ်သည်ကိုအသိအမှတ်ပြုကျေးဇူးတင်ရမည်။

          ‘အပြည်ပြည်ဆိုင်ရာ ကက်သလစ်အဖိုးအဖွားများ’ အဖွဲ့ကိုတည်ထောင်ခဲ့သော Catherine Wiley က လည်း အဖိုးအဖွားတို့၏ ကဏ္ဍ  သည် ‘ယုံကြည်ခြင်းကိုဆက်၍လက်ဆင့်ကမ်းပေးရန်နှင့်မိသားစုအတွင်းဆုတောင်းခြင်းကို  ဆက်လက်ပြုလုပ်ရန်’ ဖြစ်ကြောင်း၊ သူတို့သည် မြေးမြစ်များအတွက် ‘ကျေးဇူးတော်နှင့်ချစ်ခြင်း’ ကိုချိပ်ဆက်ဖလှယ်ပေး သူများဖြစ်ကြောင်း အာရှဆရာတော်ကြီးများ၏ သတင်းစာစောင်ထဲ၌ရေးသားရာတွင်ပြောကြားထားသည်။

          ‘အဖိုးအဖွားများနှင့်သက်ကြီးရွယ်အို’ တို့၏ပွဲနေ့နှင့်ပတ်သက်၍ အပြစ်ခွင့်လွှတ်ခြင်းဆိုင်ရာအမှုကိစ္စများကိုကိုင် တွယ်ဖြေရှင်းသော ရဟန်းမင်းကြီး၏လက်အောက်ရှိရုံးတော်မှ မေလ (၁၃) ရက်နေ့က ‘အင်ဒူဂျင်းသျှာ’ ခံစားရရှိနိုင်ကြောင်းနှင့်အဖိုးအဖွားများလည်း မစ္ဆားတရားတစ်ပါးပါး၌ ပါ၀င်ပူဇော်ခြင်းဖြင့်လည်း ‘အင်ဒူဂျင်းသျှာ’ ခံစားနိုင်ကြောင်း ထုတ်ပြန်ကြေညာခဲ့သည်။

          လက်ရှိ၌ ကပ်ရောဂါကြောင့် ပုံမှန်အခြေအနေမဟုတ်သောကြောင့် ‘အင်ဒူဂျင်းသျှာ’ ကိုလိုင်းမှလည်းကောင်း၊ ရေဒီ ယိုမှလည်းကောင်းထုတ်လွှင့်သော မစ္ဆားတရား၌ပါ၀င်ပူဇော်ခြင်းဖြင့်လည်း ခံယူရရှိနိုင်ကြောင်း၊ ထို့အတူ ထိုနေ့၌ ကရုဏာ ရေးလုပ်ငန်းများဖြစ်သော အထီးကျန်နေသော သက်ကြီးရွယ်အိုများထံသို့သွားရောက်လည်ပတ်ခြင်း၊ ၀တ်ကြီး၀တ်ငယ် များပြုလုပ်ပေးခြင်း၊ ကိုယ်တိုင်မသွားရောက်နိုင်ပါက ဖုန်းများဖြင့်အားပေးစကား၊ ဆုတောင်းစကားများပြောခြင်းဖြင့် လည်း အင်ဒူဂျင်းသျှာရရှိခံစားနိုင်ပါသည်။ (၂၀၀၈) ခုနှစ်၌ ရဟန်းမင်းကြီးဘေနေဒစ် (ငြိမ်း) (၁၆) သည်လည်း ကမ္ဘာတစ်၀ှမ်း ရှိ ကက်သလစ်အဖိုးအဖွားများအတွက်ဆုတောင်းမေတ္တာကိုသီကုံးခဲ့သည်။ 

ဘာသာပြန်-ဖာသာရ်ကလဲမင့်အားတယ်

 https://bit.ly/3l1sRW1