အမေရိကားမှကျောင်းသားများ ရောမသို့ခရီးဆန့်လာပြီး၊ ရဟန်းမင်းကြီးနှင့်လည်းတွေ့ဆုံခဲ့

အမေရိကားမှကျောင်းသားများ ရောမသို့ခရီးဆန့်လာပြီး၊ ရဟန်းမင်းကြီးနှင့်လည်းတွေ့ဆုံခဲ့

‘ဗာတီကန်၀င်းအတွင်းရှိ စိန့်ပီတာဘာစီးလီကာဘုရား‌ကျောင်း၏ မြေအောက်ခန်းရှိအုတ်ဂူများသည် ကမ္ဘာအနှံ့မှလာရောက်လည်ပတ်သူများအား အံ့ဩမှင်သက်စေဦးမည်ဖြစ်သည်’ ဟု ရောမသို့ရောက်ရှိလည်ပတ်နေသော အမေရိကန်ပြည်ထောင်စု၊ ချီကာဂိုပြည်နယ်ရှိ DePaul တက္ကသိုလ်မှ ကျောင်းသားအဖွဲ့ကမှတ်ချက်ပြုခဲ့သည်။ ခရစ် ယာန်သာသနာတော်ကြီးအကြောင်းလေ့လာရန်မှာ ရောမထက်ကောင်းသောနေရာမရှိကြောင်းနှင့်ကက်သလစ်သာ သနာတော်ကြီး၏ဇစ်မြစ်ကိုရှာဖွေတွေ့ရှိခဲ့ကြောင်း၊ ရဟန်းမင်းကြီးများဘုရားကျောင်းဟုလူသိများသော ဆစ္စတင်း ဘုရားကျောင်းသို့လည်းလည်ပတ်ခဲ့ကြောင်း၊ ဘုရားကျောင်းအတွင်းရှိအရာများအားလုံးသည် စိတ်၀င်စားစရာ၊ စိတ် လှုပ်ရှားစရာများဖြင့်ပြည့်နေကြောင်းရောမသို့ရောက်ရှိနေသော အမေရိကန် တက္ကသိုလ်ကျောင်းသားအဖွဲ့မှ SHERYL OVERMYER ကသူ၏ခံစားချက်ကိုပြောကြားခဲ့သည်။

၄င်းတို့အထဲမှ SARAH WALTON ဆိုသူကလည်း ယခုကဲ့သို့လာရောက်လည်ပတ်ခဲ့ခြင်းကြောင့် ကက်သလစ် သာသနာတော်ကြီးအကြောင်းကိုများစွာလေ့လာသိရှိခွင့်ရခဲ့ကြောင်း၊ ယခုခရီးစဉ်မတိုင်မှီက များများစားစားမသိခဲ့ ကြောင်း၊ ယခုမှာမူ မှီငြမ်းကိုးကားနေသောအရာအားလုံးကို ပိုမိုလေးနက်စွာသိရှိနားလည်လိုက်ရကြောင်းပြောပါ သည်။

အဖွဲ့၀င်တစ်ဦးဖြစ်သူ AIDAN MORRISEY ကလည်း ရဟန်းမင်းကြီးဖရန်စစ်နှင့်တွေ့ဆုံခွင့်ရခဲ့၊ ရင်းနှီးစွာလက် စွဲနှုတ်ဆက်ပြီး နမ်းခွင့်ရခဲ့သည့်အတွေ့အကြုံနှင့်စပ်လင်း၍ အလွန်စိတ်ချမ်းသာရကြောင်း၊ အဘယ်သို့ပြောရမည်ကို လည်းမသိကြောင်း၊ နှစ်သက်သဘောကျမိကြောင်း၊ ယခုကဲ့သို့သောအတွေ့အကြုံမျိုးကိုစိတ်ကူး၌ပင်မရနိုင်ကြောင်း၊ တီဗွီဖန်သားပြင်ပေါ်၌ရူစားနေရသကဲ့သို့ပင်ခံစားခဲ့ရကြောင်း၊ သုတစွယ်စုံစာအုပ်ကြီးကိုလှန်လှောဖတ် ရူနေရသကဲ့ သို့ဖြစ်ရကြောင်း၊ ရဟန်းမင်းကြီး၏လက်ကိုကိုကိုကိုင်ဆွဲနှုတ်ဆက်ခဲ့ရ၊ နမ်းခဲ့ရ၊ စကားပြောခဲ့ရသည့်အခွင့်အရေးမျိုးမျှော် လင့်သော်လည်းအမှန်ဖြစ်လာမည်ဟုမထင်မှတ်ဘဲဖြစ်လာသောအခါ အလွန်စိတ်အေးချမ်းရကြောင်းဖြင့်ပီတိစကား ကို ပြောကြားခဲ့သည်။

ဤအမေရိကန်တက္ကသိုလ်ကျောင်းသားအဖွဲ့သည် အမေရိကားမှ အကြီးဆုံးသော ကက်သ လစ်တက္ကသိုလ်မှကျောင်းသားများဖြစ်သည်။ ၄င်းတို့သည်သမိုင်းကြောင်းကိုလေ့လာနေကြသူများဖြစ်သည်။ ရဟန်း မင်းကြီး၏လက်တော်ကို ရင်းနှီးစွာကိုင်ဆွဲနှုတ်ဆက်လိုက်ရခြင်းကြောင့်လည်း ၄င်းတို့၏ယုံကြည်ခြင်းကိုပိုမိုနက်ရှိုင်း သွားစေခဲ့သည်။ ၄င်းတို့သည် ရောမ၌ နှစ်ပတ်တာတည်းခိုပြီး၊ သာသနာတော်ကြီး၏သမိုင်းကိုလေ့လာကြမည်ဖြစ် သည်။

RVA ဘာသာပြန်- ဖာသာရ်ကလဲမင်းအားတယ်

https://bit.ly/3E1vahw