အမိမယ်တော်၏အမည်နာမနောက်ကွယ်မှအံ့ဩဖွယ်အဓိပ္ပါယ်

အမိမယ်တော်၏အမည်နာမနောက်ကွယ်မှအံ့ဩဖွယ်အဓိပ္ပါယ်

အမိမယ်တော်၏အမည်မှာ အင်္ဂလိပ်လို ‘မေရီ’ ဖြစ်ပြီး လာတင်းလို ‘မာရိယာ’ ဖြစ်ကြောင်း သံလုကာ၏ဧ၀ံဂေလိကျမ်းစာ၌ဖော်ပြထားသည်။ ဤအမည်သည် ရှေးကျလှသောအမည်ဖြစ်သည်။ စက်တင်ဘာလ (၈) ရက် မယ်တော်အားမွေးဖွားသန့်စင်ပြီးနောက် မယ်တော်၏မိဘနှစ်ပါးက ‘မေရိ (သို့) မာရိယာ’ ဟုအမည်မှည့်ရန်ဆုံးဖြတ်ခဲ့ကြသည်။ မယ်တော်အားအမည်မှည့်သည့်ပွဲကို စက်တင်ဘာ လ (၁၂) ရက်နေ့တွင်ကျင်းပပါသည်။ မယ်တော်၏မိဘနှစ်ပါးသည် ဘုရားသခင်သူတို့အားဗျာဒိတ်ပေး သည့်အတိုင်းပင်မှည့်ခေါ်ခြင်းဖြစ်သည်။ ဘုရားပေးသောအမည်ကား ကာလအဆက်ဆက်ခေါ်တရသောအမည်ဖြစ်သည်။

သမ္မာကျမ်းလာအမည်များကဲ့သို့ပင် အမိမယ်တော်၏အမည်သည်လည်း အနက်အဓိပ္ပါယ်ရှိပါ သည်။ ၀ိညာဉ်ရေးအသက်တာနှင့်လည်းအဆက်အစပ်ရှိသည်။

ဟေဘရူးဘာသာစကားအားဖြင့် ‘မေရိ (သို့) မာရိယာ’ ကို ‘miryam’ (မီရီယမ်) ဟုရေးသားအသံထွက်သည်။ သူ၏မူလရင်းမြစ်ကိုပြန်ကြည့်မည်ဆိုပါလျှင် ‘mar’ ၏အနက်ကား ‘ခါးသက်ခြင်း’ ဖြစ် သည်။ ‘yam’ ၏အနက်ကား ‘ပင်လယ်’ ဖြစ်သည်။

ပထမအပိုင်းဖြစ်သော ‘mar’ ၏အနက်ကိုဖော်ဆောင်ရလျှင် အမိမယ်တော်၏ဒုက္ခသည်အဘယ်မျှခါးသီးသည်ကို တစ်ဦးတည်းသောသားတော်ယေဇူးသခင် လက်၀ါးကပ် တိုင်ပေါ်၌ ရက်စက်စွာတင်သတ်ခံရချိန်ခြေတော်ရင်း၌ရပ်နေသည့်‌ေ၀ဒနာသည်အမှန်တကယ်ခါးသီးလှပါသည်။ ထို့အတူ ‘mar’ ကိုအခြားအနက်ဖြင့်ပြန်ဆိုပါလျှင် ‘ပင်လယ်ရေစက်’ ဟုဆိုလိုခြင်းဖြစ်သည်။ အစပိုင်း၌ဤအနက်ကိုလာတင်းဘာသာဖြင့်စိန့်ဂျေရိုမ်းက ‘stillamaris’ မှသည်နောက်ပိုင်း၌ ‘stella maris’ (Star of the Sea) ဟုပြောင်းလဲက မယ်တော်၏အလွန်လူသိများခေါ်တရသောဘွဲ့နာမတစ်ခုဖြစ်လာခဲ့သည်။ ထိုခေတ်ကာလက ယနေ့ခေတ်ကဲ့သို့ မိမိတို့ရောက်ရှိနေသောအရပ်ဒေသ၏အရှေ့အနောက်တောင်မြောက်ကိုသိရန် သံလိုက်အိမ်မြောင်ကဲ့သို့သောကိရိယာများလည်းမရှိ။ ပင်လယ်လုပ်သားများသည် မိမိတို့သည် မိမိတို့ရောက်ရှိနေသောအရပ်ကိုသိရန် ကောင်းကင်သို့မော့ကြည့်ကာမိမိတို့သွားမည့်အရပ်ကိုသိအောင်လေ့လာရသည်။ မိခင်သည်ကလေးများအားလမ်းကြောင်းပေး၊ လမ်းပြပေးလေ့ရှိသောကြောင့် ၄င်းတို့၏ရေလမ်းခရီးကိုအမိမယ်တော်လမ်းပြပို့ဆောင်ပေးရန်ရည်ရွယ်၍ ‘မယ်တော် လမ်းပြကြယ်’ ဟုဂုဏ်ပြုတင်စားခဲ့သည်။ ထို့အတူ အာဏာ၀ခရီးကိုသာကူညီလမ်းပြပို့ဆောင်ပေးနိုင်သည်မဟုတ်။ ထာ၀ ရဆိပ်ကမ်းသို့ရောက်သည်အထိလည်းပို့ဆောင်နိုင်ကြောင်း ၀ိညာဉ်ရေးအနစ်သာရရှိအောင်လည်းဂုဏ်ပြုထားသည်။

တစ်ဖန် ဟေဘရူးဘာသာစကား၌ ‘mari’ ၏အနက်ကိုပြန်ဆိုထားရာတွင် ‘အိမ်ရှင်မ (သို့) ဂုဏ်သရေရှိအမျိုးသမီး’ ဟုလည်းဖွင့်ဆိုထားသည်။ ထို့ကြောင့် ‘ပင်လယ်မယ်တော်’ ဟုလည်းတင်စားခေါ်‌ေ၀ါ်ကြသည်။

အမိမယ်တော်အား သဒ္ဓါကြည်ညိုမှုကြီးမားသော စိန့်ဘောနာဗင်ချာကလည်း ဤအဓိပ္ပါယ်ဖွင့်ဆိုချက်များအားလုံးကိုစုစည်း၍ ၀ိညာဉ်ရေးအနစ်သာရရှိရှိဖွင့်ဆိုထားသည်။ အထက်ကဂုဏ်ပုဒ်များအားလုံးသည် အပျိုကညာစင်တစ်ပါးအတွက် ‘သန့်ရှင်းသော၊ ချိုမြိန်သော၊ ထိုက်တန်သော’ ဂုဏ်ပုဒ်များဖြစ်သည်။ အဘယ်ကြောင့်ဆိုသော် ‘Mary’ ၏အနက်ကား ‘ခါးသီးခြင်း၏ပင်လယ် (ခါးသီးမှုကြီး မားများပြားလှသည်ကိုတင်စားခြင်းဖြစ်သည်။)၊ ပင်လယ်ကြယ်တော်၊ အလင်းပြပေးသူ’ ဟုဆိုလိုသည်။

‘မင်္ဂလာရှိသောအမျိုးသမီး’ ဟုလည်းအနက်ရှိသကဲ့သို့ အမိမယ်တော်သည် နတ်ဆိုးတို့အတွက် အလွန်ကြောက်စရာကောင်းသော၊ ခါးသီးမှုကိုဖြစ်စေသောသူဖြစ်သည်။ လူသားတို့အတွက်မှာမူ အမိမယ်တော်သည် ‘ပင်လယ်ကြယ်’ ဖြစ်သည်။ ဘုရားသခင်၏သိကြားတမန်များအတွက်မှာမူ ‘အလင်းပြပေးသူ’၊ ဖန် ဆင်းခံများအားလုံးအတွက်မှာမူ ‘မဂ်လာရှိသောအမျိုးသမီး’ ဖြစ်သည်ဟုပြန်ဆိုထောက်ရှုထားသည်။

စိန့်သောမတ်စ်အကွီစ်နပ်ကလည်း ‘မေရီ’ ၏အနက်ကား ‘ပင်လယ်ကြယ်’ ဖြစ်သည်။ ရေလုပ် သားများ၊ သဘေင်္ာသားများသည် ဓူ၀ံကြယ်ကိုကြည့်၍မိမိတို့ဆိုက်ရောက်လိုသည့်ဆိပ်ကမ်းသို့အရောက် သွားကြသကဲ့သို့ ခရစ်ယာန်များသည်လည်း အမိမယ်တော်၏ကြား၀င်ဆုတောင်းပေးမှုဖြင့် ဘုရားသခင် ၏ဘုန်းတော်နှင့်ပြည့်သောနိုင်ငံတော်သို့အရောက်သွားနိုင်သည်ဟုထောက်ရူထားသည်။

သို့သော် ‘မာရီ’ ‌ေ၀ါ်ဟာရနှင့်စပ်လျင်း၍ တိကျပြတ်သားသောအနက်ဖွင့်ဆိုချက်ကိုကား ဆက် လက်၍ လေ့လာဆဲဖြစ်သည်။ အမိကက်သလစ်သာသနာတော်ကြီးသည် အထက်က ရဟန္တာများ၊ ဓမ္မပညာရှင်များ၏ရှင်းလင်းချက်ကိုလက်ခံ၍ အမိမယ်တော်အား ‘ပင်လယ်ကြယ်’ ဟုဂုဏ်ပြုကြည်ညိုပြီး၊ ဘ၀မုန်တိုင်းများကြုံရချိန်၌ အမိမယ်တော်ကိုမျှော်ကြည့်၍ လုံခြုံရာသို့အရောက်သွားကြရန်အားကိုးယုံ ကြည်ကြသည်။

အောက်၌ဖော်ပြထားသော မယ်တော်အားဂုဏ်ပြုသီချင်းသည် ‘ Ave Maris Stella’ ဟုအမည် ပေးထားသောသီချင်းဖြစ်သည်။ (၈) ရာစုခန့်ကရေးစပ်သီကုံးထားသောသီချင်းဖြစ်သည်။ အမိမယ်တော် ၏အမည်နှင့်လိုက်ဖက်အောင် အမိမယ်တော်၏ကဣကိုဖော်ကျူးရေးသားထားခြင်းဖြစ်သည်။

အိုပင်လယ်၏တောက်ပကြယ်တော်၊

မဂ်လာရှိသော ဘုရားမယ်တော်၊

အစဉ်အပြစ်ကင်းစင်သောကညာ

ငြိမ်းချမ်းသော ကောင်းကင်၏တံခါး၀

ချိုမြိန်သော ‘အာ‌ေ၀’ နှုတ်ဆက်စကားကိုခံယူပါ။

ဂါဘရီအဲလ်နှုတ်မှထွက်စကား

ကျွန်ုပ်တို့အားငြိမ်းချမ်းခြင်းကိုပေး၊

‘ဧ၀’ အမည်ကိုပြောင်းလဲပေး။

ချည်နှောင်မှုများကိုဖျက်ဆီး၊

မိုက်မှောင်ခြင်းကိုအလင်းပေး၊

မကောင်းမှုများကိုနင်ထုတ်၊

ကောင်းချီးအသွယ်သွယ်သွန်းလောင်းပေး၊

မိခင်တစ်ဦးနှယ်ပြသ၊

ဘုရားသခင်၏နှုတ်တော်ထွက်စကား

ကျွန်ုပ်တို့အတွက်မယ်တော့်သားအနေဖြင့်မွေးဖွား၊

ကျွန်ုပ်တို့၏ဆုတောင်းသံကိုသူ့အားဖြင့်နားညောင်းပေးပါ။

အရာအားလုံးထက်ကြီးမြတ်ကညာ၊

သိမ့်မွှေ့ခြင်း၏သိမ်မွှေ့ခြင်း၊

အပြစ်မှကင်းစင်စေရန်ကျွန်ုပ်တို့ကိုကာကွယ်ပေး၊

စင်ကြယ်၍အတို့အထိမှကင်း၊

ကျွန်ုပ်တို့၏ဘ၀ကိုအစွန်းအကွက်မှကင်းစေ၊

ကျွန်ုပ်တို့၏လမ်းကိုကာကွယ်ပေး

ယေဇူးသခင်ကိုတွေ့သည့်တိုင်၊

အရာအားလုံး၏ပျော်ရွှင်ခြင်း၊

အမြင့်ဆုံးသောကောင်းကင်မှ၊

အားလုံးစုံကိုတတ်နိုင်သော သုံးပါးတစ်ဆူဘုရား၊

ခမည်းတော်၊ သားတော်နှင့်သန့်ရှင်းသော၀ိညာဉ်တော်၊

ဘုန်းတော်ဂုဏ်တော်၌တစ်ဆူတည်းဖြစ်ပါစေ ………… အာမင်

ဘာသာပြန်- ဖာသာရ်ကလဲမင့်အားတယ်

https://bitly.ws/36KWM