အတွင်းကလီစာများရောင်းချခံရတော့မည့်ဆဲဆဲကောင်းလေးတစ်ဦးကို လူကုန်ကူးသူတစ်ဦးအဖြစ်ဟန် ဆောင်၍ ကယ်ထုတ်ခဲ့သောစစ်ဘုန်းကြီး

အတွင်းကလီစာများရောင်းချခံရတော့မည့်ဆဲဆဲကောင်းလေးတစ်ဦးကို လူကုန်ကူးသူတစ်ဦးအဖြစ်ဟန် ဆောင်၍ ကယ်ထုတ်ခဲ့သောစစ်ဘုန်းကြီး

            ပုံတွင်မြင်ရသော ကက်သလစ်ဘုန်းတော်ကြီးသည် စစ်ဘုန်းတော်ကြီးဖြစ်သည်။ စစ်ဘုန်းကြီးဟုဆိုရာ၌ စစ် တိုက်ရသောဘုန်းကြီးမဟုတ်။ စစ်တိုက်သွားသော စစ်သားများနှင့်အတူရှေ့တန်းသို့လည်းကောင်း ၊ စစ်မြေပြင်သို့လည်းကောင်းလိုက်ပါ၍ ကက်သလစ်ဘာသာဝင်စစ်သားများ ၏ဝိညာဉ်ရေး၀တ္တရားများဖြစ်သော အာပတ်ဖြေခြင်း၊ မစ္ဆားတရားပူဇော်ခြင်း၊ ထိခိုက်ဒဏ်ရာရသူများအတွက်ဆုတောင်းပေးခြင်း၊ ကျန်းမာခြင်းဆီတော်စက္ကရာမင်တူးများ ကိုပေးခြင်းတို့ကိုပြုလုပ်ပေးရသည်။ စစ်ဘုန်းကြီးဖြစ်ရန်မှာ လူတိုင်းဖြစ်နိုင်သော်လည်း ဖြစ်ချင်သောသူများသည် သတ်မှတ်ထားသော အခြေခဲစစ်သင်တန်းကိုမူမတက်မနေတက်ရသည်။   

            ဤဘုန်းကြီးသည် အလွန်အရဲစွန့်ရသောအစီအစဉ်တစ်ခုကိုရေးဆွဲ၍ စိတ်ကူးဖြင့်ပင်မတွေးရဲအောင်ရက်စက်သည့်နည်းလမ်းဖြင့်အသတ်ခံရတော့မည့်ကောင်းလေးတစ်ဦးကိုကယ်တင်ပေးနိုင်ခဲ့သည်။ အဆိုပါကလေးကိုကယ် တင်နိုင်ရန်အတွက် ဘုန်းတော်ကြီးသည် ရာဇ၀တ်ကောင်းတစ်ဦးကဲ့သို့ဟန်ဆောင်၍အတွင်းကလီစာများကုန်ကူးသည့်အဖွဲ့၏လက်တွင်းပြန်လည်ကယ်တင်ခဲ့သည်။ ဤအကြောင်းကိုစပိန်ဘာသာဖြင့်ထုတ်‌ေ၀သောသတင်းစာ ဖြစ်သည့် El País တွင်ဖော်ပြထားသည်။ ဤသို့ဖော်ပြထားသည်မှာအလွန်အံ့အားသင့်ဖွယ်ဖြစ်သည်။ အဘယ် ကြောင့်ဆိုသော်ရဟန်းဘုန်းတော်ကြီးများအားလည်းကောင်း၊ကက်သလစ်သာသနာတော်ကြီးအားလည်းကောင်းမည်သည့်အခါမျှချီးမွှမ်းရေးသားဖော်ပြလေ့မရှိသောသတင်းစာတစ်စောင်၌ဖော်ပြထားသည်ကိုဖတ်လိုက်ရသော ကြောင့်ဖြစ်ပါသည်။  

            ထိုစစ်ဘုန်းတော်ကြီး၏အမည်ကား ဖာသာရ် Ignacio María Doñoro de los Ríos ဖြစ်သည်။ သူ သည် သက်တော် (၅၇) ရှိပြီဖြစ်ပြီး၊ ယခင်က စစ်ဘုန်းကြီးဖြစ်ခဲ့သည်။ သူ၏အလွန်ထူးပြောင်မြောက်သည့်အပြင်အမူတော်အပေါ်အလွန်ဆက်ကပ်လွန်းသောကြောင့်Princess of Asturias Award for Concord  ဆုအတွက်ရွေးချယ်ခံခဲ့ရသည်။ သူသည် စစ်ဘုန်းကြီးအဖြစ် (၂၅) နှစ်တာအမူထမ်းဆောင်ခဲ့သည်။ ဤ သို့ဆက်ကပ်လုပ်ဆောင်နိုင်ခဲ့သည်မှာ လူငယ်များအတွက်ဖြစ်ကြောင်း၊ အဘယ်ကြောင့်ဆိုသော်လူငယ်များသည် ချို့ တဲ့နွမ်းပါးမူများကြောင့် နည်းလမ်းအသွယ်သွယ်ဖြင့်လူကုန်ကူးမူကိုခံနေရသောကြောင့်ဖြစ်သည်။

ရောင်းကုန်အစိတ်အပိုင်း

            ဖာသာရ် Ignacio သည် (၁၉၉၀) ကအဲလ်ဆာဗာဒေါပြည်နယ်၏ အထူးတာ၀န်ပေးအပ်ခံရသောရဲတပ်ဖွဲ့ ၀င်တစ်ဦးဖြစ်ခဲ့သည်။ ထိုအမူထမ်းနေစဉ်က ကြုံတွေ့ခဲ့ရသော အလွန်ထိတ်လန့်ဖွယ်အဖြစ်အပျက်ကား ‘ရောင်းကုန် အစိတ်အပိုင်း’ ဟုတင်စားထားသုံးနှုန်းထားသော တစ်ကိုယ်လုံးရောင်းစားခြင်းမဟုတ်။ လူ့အတွင်းအဂ်ါတစ်ချို့တစ် ၀က်ကိုရောင်းကုန်အဖြစ်ပြုလုပ်နေ ခြင်းဖြစ်သည်။   

            အလွန်ချွတ်ခြုံကျနေပြီး၊ ကုန်းကောက်စရာမရှိအောင်မွဲတေနေသော သားသမီး (၅) ယောက်ရှိသည့်မိသားစု တစ်စုသည် ၄င်းတို့၏ (၁၄) နှစ်သား ‘မာနူအဲလ်’ ကိုရောင်းစာရန်ကြံစည်နေခဲ့သည်။ အဘယ်ကြောင့်ဆိုသော် သူသည် မသန်စွမ်းပေ။ စျေးဖြတ်ပေးသည်မှာ အမေရိကန်ဒေါ်လာ (၂၅) ဖြစ်သည်။ ထိုပိုက်ဆံဖြင့်မိသားစု၏စားရေး သောက်ရေးအတွက်၀ယ်ခြမ်းမည်ဖြစ်သည်။ ၀ယ်သူများသည် လူတစ်ဦး၏အတွင်းကလီစာကို (၂၅) ဒေါ်လာဖြင့်သာ၀ယ်ယူသွားသော်လည်းပြန်ရောင်းသည့်အခါအဆမတန်သောအမြတ်ကိုပြန်ရမည်ဖြစ်သည်။  အဂ်ါအစိတ်အပိုင်း သည်တစ်စိတ်တစ်ပိုင်းသာဖြစ်သော်လည်း လုံလောက် သောရောင်းကုန် တစ်ခုဖြစ်နေသည်။ ထိုသို့ရောင်းစားခံလိုက်ရ သောသားကောင်သည် သားသတ်သကဲ့သို့အသတ်ခံရချေ တော့မည်။ အပိုင်းပိုင်းဖြတ်တောက်၍ သိုလှောင်ထားကြ တော့မည်။ ၀ယ်ယူသူများအော်ဒါရှိလာလျှင်ထုတ်ရောင်းရန်အသင့်ရှိနေသည်။ ရောင်းသည့်အခါ ပြည်တွင်းစျေး ကွက်ကိုမဟုတ်။ နိုင်ငံတကာစျေးကွက်သို့တင်ပို့ရောင်းချသည်။  

လူ့ကိုယ်အဂ်ါရောင်း၀ယ်ဖောက်ကားခြင်း

            ဤအဖြစ်အပျက်အမှန်သည် အလွန်တရာထိတ်လန့်စိုးရိမ်ဖွယ်ကေင်းသည်။ မိသားစုတစ်စုအတွက် မည် သည့်မျှော်လင့်ချက်မျှမရှိတော့သည်အထိဖြစ်ရပြီး၊ မိမိတို့၏သွေးရင်းသားရင်းကိုပင် ရောင်းကုန်အဖြစ်ရောင်းရသည် အထိဖြစ်ခဲ့ရသည်။ ထိုသားသည်လည်း မိမိကိုယ်ကိုခုခံကာကွယ်နိုင်သူ၊ ပုံမှန်သန်စွမ်းသူလည်းမဟုတ်။ ၀ယ်ယူသူ များသည် လူ့စိတ်ကင်းပြီး၊ ရောင်းကုန်ဖြစ်နေသော ၀ယ်ယူထားသည့်လူသားများကိုသတ်ရန် လက်မရွံ့ကြတော့ပေ။ အချိန်နှင့်လည်းကောင်း၊ အစိတ်အပိုင်းအလိုက်နှင့်လည်းကောင်း အော်ဒါရသည့်အတိုင်းခုတ်ထစ်ချိန်တွယ်ရောင်းချ ရန်အသင့်ဖြစ်နေသည်။ မည်သည့်လူ့တန်ဖိုး၊ လူ့ကျင့်၀တ်၊ ဘာသာရေးစံတန်ဖိုးများမသိ။ နားမလည်။ နားလည်လျင် လည်း လစ်လျူရူကြမည်သာ။ ‘မာနူအဲလ်’ ၏ကိစ္စသည် ဆယ်စုနှစ်နှစ်ခုပင်ကြာညောင်းခဲ့၍ မေ့မေ့ပျောက်ပျောက်ရှိ နေလောက်သောအမူဖြစ်သော်လည်း ယခု (၂၁) ရာစု၌လည်း လူသားများသည် ရောင်းကုန်သဖွယ်ဆက်လက်ဖြစ် လျှက်နေပါသည်။    

အသက်နှင့်ရင်း၍ခက်ခက်ခဲခဲကယ်တင်ခဲ့ရ

            ရောင်းစားခံလိုက်ရသော မသန်မစွမ်းလေး ‘မာနူအဲလ်’ သည် ပြည်ပလူကုန်သည်များလက်သို့ရောက်တော မည်ကိုသိလိုက်ရသည်။ အချိန်ဖြုန်းတီးမနေတော့ဘဲ မသန်းစွမ်းလူငယ်လေး၏အသက်ကိုကယ်နိုင်ရန် အစွမ်းကုန် ကြိုးစားပါတော့သည်။ သူသည် တစ်ပတ်ခန့်မုတ်ဆိတ်မရိတ်ဘဲမွေးထားလိုက်သည်။ ထရပ်ကားကြီးတစ်စီးကိုလည်း ဌားရမ်းခဲ့သည်။ ထို့နောက်အရပ်သားတစ်ဦးကဲ့သို့၀တ်ဆင်ခဲ့သည်။ သူ၏စိတ်ကိုတည်ငြိမ်အောင်အထူးထိန်းလျှက် ထိုနွမ်းပါးချို့တဲ့သောမိသားစုရှိရာသို့ဦးတည်မောင်းနှင်ခဲ့သည်။ ထိုမိသားစုသည် Panchimalco ရှိအတော်နွမ်း ပါးသောဆင်ခြေဖုံးတွင်နေထိုင်သည်။ သူတို့၏အနေအထားမှာလည်း လူကုန်ကူးသူများမျက်စိကျစရာနေရာဖြစ်နေ သည်။ ဖာသာရ်သည်မိသားစုအား လူကုန်ကူးသည့်ပွဲစားများပေးသောငွေပမာဏထက်ပိုပေးလိုက်သည်။ မသန်စွမ်း ကောင်လေးအား အသင့်ပါလာသောကားထဲသို့ထမ်းတင်ပြီးနောက် ချက်ချင်းမောင်းထွက်လာခဲ့ပါတော့သည်။ ဤသို့ ဖြင့် ‘မာနူအဲလ်’ လေးသည် လူမဆန်စွာသတ်ဖြတ်ခံရမည့်အဖြစ်မှ သီသီလေးလွတ်မြောက်သွားခဲ့ပါတော့သည်။

            ဖာသာရ် Ignacio ကသတင်းစာနှင့်တွေ့ဆုံမေးမြန်းချိန်ကြောကြားချက်အရ ‘မာနူအဲလ်’ အားကယ်တင် လိုက်ချိန်၌ သူ့၏အတွေးထဲသို့အသိတစ်ခု၀င်လာခဲ့သည်။ ဤရထားသည် သူ၏ဘ၀၌တစ်ခါသာခုတ်မောင်းဖြတ် သန်းမည်။ မောင်းနှင်မည်လော။ လက်လွှတ်လိုက်မည်လော။ သင်မောင်းနှင်မည်ဆိုလျှင် သင်တွေးထင်မထားသော အရပ်သို့သင့်ကို ခေါ်ဆောင်သွားမည်ဆိုသည့် အသိများဖြစ်သည်။ ထိုအသိနှင့်အတူ ကယ်တင်လိုက်သောကလေးသည် သူ၏ဘ၀ကို ပြောင်းလဲစေလိမ့်မည်ကိုလည်းသူသိခဲ့သည်။ ကလေးရောင်းပေးခဲ့သောမိသားစု၏အခြေအနေအဘယ် သို့ရှိနေမည်နည်း။ ဤကလေးကိုအဘယ်ကြောင့်၀ယ်ယူလိုက်သည်ကိုမိသားစုသိပါလေစ။ သူတို့၏သားကို၀ယ်ယူ မည့်သူများသည် လူတို့၏ကလီစာကို ရောင်း၀ယ်ဖောက်ကားသူများ ဖြစ်သည်ကိုသိကြပါသလော။ ထိုအတွေးများအ ပေါ်ဖာသာရ် Ignacio ၏မှတ်ချက်ကား မိသားစုကို မတရားဆုံးဖြတ်၍မရ။ အဘယ်ကြောင်ဆိုသော် ထိုကလေး သည်မကြာမီဆုံးပါးသွားတော့မည်။ သူတို့ပျော်ပျော်နှင့်ရောင်းလိုက်သည်မဟုတ်။ ခံစားမူပြင်းထန်စွာဖြင့်ရောင်းချခဲ့ သည်။     

            အမှန်မှာ ‘မာနူအဲလ်’ သည် မှန်ကန်သောအကူအညီကိုသာလိုအပ်နေခဲ့သည်။ ထိုအကူအညီရလျှင် မိသားစု မှတ်ထင်ထားသည့်အတိုင်းသေနိုင်ဖွယ်မရှိပေ။ ထို့ကြောင့်သူ့အား ကျန်းမာရေးစောင့်ရှောက်မူကောင်းစွာပေးခဲ့သည်။ ပြန်လည်ထူထောင်ရေးကိုလည်းကြပ်မတ်လုပ်ဆောင်ခဲ့သည်။ ဤသို့ပြုလုပ်ရခြင်းမှာ မသေရုံတမယ်မဟုတ်။ ယခု ထက်မကသန်စွမ်းလာစေရန်ဖြစ်သည်။ ထိုသို့ကယ်တင်ပြီး၊ ပြုစုပျိုးထောင်လာခဲ့သည်မှာ (၂၅) နှစ်အကြာ ‘မာနူအဲလ်’ သည်ဆက်လက်အသက်ရှင်နေသေးသည်။ ဖာသာရ် Ignacio သည်သူ၏မွေးရပ်မြေ စပိန်သို့ပြန်ရောက် နေချိန် ‘မာနူအဲလ်’ အမှန်တကယ်အသက်ရှင်နေသေးကြောင်းကိုသေချာစွာသိလိုက်ရသည်မှာ ‘မာနူအဲလ်’ သည် သူ့ အားစာတစ်စောင်ရေးသားပေးပို့ခဲ့သောကြောင့်ဖြစ်သည်။ ထိုစာထဲ၌ရေးသားထားသည်မှာ ဖာသာရ် Ignacio သည် သူ၏ဘ၀၌ ‘အလွန်အရေးကြီးသောပုဂ္ဂိုလ်’ ဟုဖော်ပြထားသည်။ ဖာသာရ် Ignacio သည် ‘မာမူအဲလ်’ ကိုကယ် ထုတ်လာပြီးနောက် နိုင်ငံ၏နယ်စပ်များ၌ပင်မရပ်တော့ပေ။  

            ဖာသာရ် Ignacio သည်အလှူရှင်များနှင့်စုဖွဲ့၍Nazareth Home (နာဇရက်အိမ်) အဖွဲ့တစ်ဖွဲ့ကိုဖွဲ့စည်း ခဲ့သည်။ ထိုအဖွဲ့သည် မိဘမဲ့ကလေးများ၊ အိမ်ထောင်ကွဲနေသောမိသားစု၏ကလေးများ၊ လူကုန်ကူးခံရသော က လေးများကိုအဓိကထားပြုစုစောင့်ရှောက်သောအဖွဲ့အစည်းဖြစ်သည်။ မိသားစုများသည် အလွန်ဆင်းရဲကြပ်တည်း လွန်းသောကြောင့် ထိုဆင်းရဲမူဒဏ်ကိုတွန်းလှန်ရင်းလူကုန်ကူးခံရမူ၊ လွိင်ကျွန်ဖြစ်သွားမူ၊ ရာဇ၀တ်ကျူးလွန်မူဂ ယှက်ထဲတွင်နစ်မြှုပ်နေခဲ့သည်မှာလွန်ခဲ့သော (၂၅) နှစ်ကသာမဟုတ်။ ယနေ့ထိဆက်လက်၍ လူကုန်ကူးမူ၊ လူကုန် ကူးရာတွင်အသေသတ်၍ရောင်းချမူ၊ အရှင်လတ်လတ်ရောင်းချမူများဖြစ်ပွားနေသည်။      

            နှစ်စဉ် ‘Telva’ မှချီးမြှင့်သော ‘Solidarity’ (တစ်သားတည်းရှိခြင်း) ဆုကို ယခုနှစ် (၂၀၂၁) ခုနှစ်အ တွက် ဖာသာရ် Doñoro လက်ခံရရှိခဲ့သည်။ ထိုဆုမှရရှိသော အမေရိကန်ဒေါ်လာ (၂၀၀၀၀) ကို စပါးစိုက်ပျိုးရန် အတွက် လယ်မြေများကို၀ယ်ယူခဲ့သည်။ ဤသို့အားဖြင့် ‘နာဇရက်အိမ်’ ၏လိုအပ်ချက်များကို စိုက်ပျိုးရေးအားဖြင့် ဖြည့်ဆည်းသွားနိုင်မည်ဖြစ်သည်။ ထို့အတူ ယခုနှစ် ဇွန်လ (၃၀) ရက်နေ့ကလည်း Princess of Asturias Award for Concord ဆုအတွက် ဖာသာရ် Doñoro ရွေးချယ်ခံရကြောင်းအမည်ကြေညာခဲ့သည်။       

from .. Aleteia 

https://bit.ly/3ynyNw5

ဘာသာပြန် - ဖာသာရ် ကလေးမင့်အားတယ်