Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
သမ္မတဂျိုးဘိုင်ဒန်မှ ကက်သလစ်သီလရှင်အားဆုချီးမြှင့်
သမ္မတဂျိုးဘိုင်ဒန်မှ ကက်သလစ်သီလရှင်အားဆုချီးမြှင့်
"Nuns on the Bus' ကျော်ကြားမှု ဆုတံဆိပ်ကိုကက်သလစ်သီလရှင်ရရှိမည်။
အရပ်သားများအားချီးမြှင့်သည့် နိုင်ငံတော်၏အမြင့်ဆုံးဂုဏ်ပြုဆုကို ကက်သလစ်သီလရှင်တပါးအား သမ္မတဂျိုးဘိုင်ဒန်မှ လာမည့်ရက်သတ္တပါတ်တွင် ပေးအပ်မည်ဖြစ်သည်။
Simone Campbell,S.S.S,သည် လွတ်လပ်ခွင့်ဆိုင်ရာသမ္မတ၏ဆုတံဆိပ်ကို လက်ခံယူမည်ဖြစ်ကြောင်း အိမ်ဖြူတော်မှ သောကြာနေ့တွင် ကြေငြာခဲ့သည်။ Sister Cambell သည် လွန်ခဲ့သောနှစ်အနားမယူမီအချိန်ထိတိုင် ကက်သလစ်အသင်းတော်၏ လူမှု တရားမျှတခြင်းသွန်သင်ချက် ဆိုင်ရာ ဆွဲဆောင်မှုအသင်းအဖွဲ့ကွန်ယက်၏ အကြီးအကဲအဖြစ် တာဝန်ယူ လုပ် ဆောင်ခဲ့သည်။
Sister Campbell ကို စီးပွားရေးတရားမျှတမှု ၊ လူဝင်မှုကြီးကြပ်ရေးဆိုင်ရာပြင်ဆင်ပြောင်းလည်းမှု နှင့် ကျန်းမာ ရေးစောင့်ရှောက်မှု ဆိုင်ရာဝါဒ တို့အတွက် ထင်ရှားသည့် စေ့စပ်ညှိနှိုင်းသူ တယောက်အနေနှင့် ရည်ညွှန်းဖော်ပြထားပြီး ၊ ဤဆုကို အမေရိကန်ပြည်ထောင်စု၏ လုံခြုံရေး, လူ့တန်ဖိုးနှင့်တိုးတက်ဖွံ့ဖြို့မှု အပါဝင် ကမ္ဘာ့ငြိမ်းချမ်းရေး သို့မဟုတ် အခြားထင်ရှားသည့် လူမှုဆိုင်ရာ အများ(သို့) တဦးတည်း စွန်ဦးလုပ်ဆောင်ရာတွင် စံနမူနာ တင်ထိုက်သည့် ပေးဆပ်မှုများကို လုပ်ဆောင်ခဲ့သူ အမေရိကန်နိုင်ငံသားများ အားပေးအပ်သည့် ဆုဖြစ်ကြောင်း အိမ်ဖြူတော်၏ ကြေငြာချက်တွင် ဖော်ပြထားသည်။
လာမည့်ဇူလိုင်လ ၇ ရက်တွင် အိမ်ဖြူတော်၌ကျင်းပမည့် အခမ်းအနား၌ ဆုချီးမြှင့်ခံရမည့် လူပုဂ္ဂိုလ် ၁၇ ဦးအနက် Sister Campbell သည် တဦးအပါဝင်ဖြစ်သည်။
ဤပုဂ္ဂိုလ်များသည် အလုပ်ကြိုးစားမှု လုံ့လဝီရိယရှိမှု နှင့် ယုံကြည်မှု တို့ကြောင့် အမျိူးသားရေးစိတ်ဓါတ်ကို ဖော်ဆောင်နိုင်ခဲ့ကြပြီး ၊ ခွန်အားပါဝါသည် ဖြစ်နိုင်ချေများစွာကို လုပ်ဆောင်နိုင်ကြောင်း ပြသခဲ့ကြသူများလည်း ဖြစ်ကြောင်း ကြေငြာချက်တွင်ဖော်ပြထားသည်။ အထင်ကြီးအားကျစေလောက်သောအကောင်အထည်ဖော်မှု များစွာအား အခက်ခဲအတားအဆီး များစွာကို ကျော်လွှားလျက် အနုပညာ နှင့်သိပ္ပံကဏ္ဍတို့တွင် မိမိတို့ဘဝကို မြှုပ်နှံဆက်ကပ်ရင်း ထိခိုက်ခံစားလွယ်သူများအတွက် လုပ်ဆောင်နိုင်ခဲ့ကြရုံသာမက ၊ နောင်လာမည့်မျိူးဆက်များအတွက် တောက်လောင်သည့်စမ်းသပ်မှု များ ရှိနေစဉ်ကာလတွင် သူတို့၏အ သိုင်းအဝိုင်း နှင့်ကမ္ဘာအနှံ့ အပြောင်းအလဲများဖြစ်ပေါ်စေရန်အတွက် မောင်းနှင်ရာတွင် သတ္တိနှင့်အတူ ဆောက်ရွက်နိုင်ခဲ့ကြကြောင်း ဖော်ပြထားသည်။
"မျှော်လင့်မထားသည့် ဤအသိ အမှတ် ပြုမှု ဖြင့် ကျွန်မကို နက်နက်နဲနဲ ဂုဏ်ပြုခံရခြင်းသည် ကျွန်မနိုင်ငံတွင်းရှိ သာမန်လူတန်းစားတို့၏ ဘဝ အတွက် မူဝါဒများချမှတ်ရာတွင် ဘဝမြှင့်တင်ရေးဆိုင်ရာ အတွေ့အကြုံများမှာ လွန်စွာပင် အရေးကြီးသည့်လုပ်ငန်းများပင်
ဖြစ်သည်ကို မီးမောင်းထိုးပြနေခြင်းပင်ဖြစ်ကြောင်း Sister Cambell က ထိုသတင်းကို တုန်ပြန်လျက် သူမ၏ တွစ်တာ စာမျက်နှာတွင် ရေးသားထားသည်။
အမေရိကန် နိုင်ငံရေးစာမျက်နှာတွင် ရင်နှီးကျွမ်းဝင်မှုရှိသော Sister Campbell သည် ၂၀၁၂ ခုနှစ်နှင့် ၂၀၂၀ ခုနှစ်တို့တွင် အမျိူးသားဒီမိုကရက်တစ် ကွန်ဗင်းရှင်းတွင် ၂ ကြိမ်တိုင်တိုင် မိန့်ခွန်းပြောကြားခဲ့ဖူးသည်။ သူမသည် "Nuns on the Bus" ဟုခေါ်သော ခရီးစဉ်တခုကို စီစဉ်ခဲ့ပြီး ထို ခရီးစဉ်တွင် အခြားသီလရှင်များအား လူမှု လုံခြုရေးကွန်ယက်ကို တိုးချဲ့ရန် လိုအပ်နေကြောင်း သတိပြုမိစေရန် အမေရိကန်နိုင်ငံတဝှမ်းဖြစ်ပွားနေသည့် ရာပေါင်းများစွာသော အဖြစ်ပျက်များဆီသို့ ခေါ်ဆောင် သွားခဲ့သည်။ ၂၀၁၀ ခုနှစ်နှင့် မကြာမီး ပြဌာန်းခဲ့သည့် "Affordable Care Act' ( လက်လှမ်းမီတတ်နိုင်သည့်စောင့်ရှောက်မှု ဥပဒေ) ပေါ်ပေါက်ရန် ထောက်ခံခဲ့သည့် ကြင်နာ တတ်သူတဦး ဖြစ်သည်။၂၀၂၀ ခုနှစ် ရွေးကောက်ပွဲတွင်လည်း သမ္မတ ထရန့်ကိုကက်သလစ် များမှ မဲ မပေးရန် တိုက်တွန်းရာ၌ တက်ကြွစွာ ပါဝင်ခဲ့သည်။
ဆုချီးမြှင့်ခံရသော အခြားသူများမှာ Olympian Simone Biles; Covid ကာကွယ်ဆေး စမ်းသပ်ထိုးနှံခြင်းကို ပထမဦးဆုံး အစမ်းသပ်ခံယူသူ စောင့် ရှောက်ရေးသူနာပြု Sandra Lindsay; မနှစ်က ကွယ်လွန်သွားခဲ့သည့် အလုပ် သမားသမဂ္ဂခေါင်းဆောင် Richard Trumka; အမျိူးသား သရုပ်ဆောင် Denzel Washington; အမေရိကန်သာသနာ ရှေးရိုးခရစ်ယာန် ဂရိဩသိုဒေါ့စ် အတိုင်ပင်ခံဘုန်းတော်ကြီး Father Alexander Karloutsos ကွယ်လွန်သွားပြီဖြစ်သည့်
စီနိတ်အမတ် Senator John McCain တို့လည်း ပါဝင်ကြသည်။
အာဗီအေ ဘာသာပြန်- မာကုစ် ညီညီထွန်း
Add new comment