သန္ဓေဖျက်ချခြင်းကိစ္စကို   ဆရာတော်များအနေဖြင့်၊  ပြတ်သား စွာရပ်တည်ရန် သန္ဓေဖျက် ချခြင်းကို ဆန့်ကျင်သောချီတက်ပွဲပါ၀င်သူအမျိုးသားများကတောင်းဆို

သန္ဓေဖျက်ချခြင်းကိစ္စကို   ဆရာတော်များအနေဖြင့်၊  ပြတ်သား စွာရပ်တည်ရန် သန္ဓေဖျက် ချခြင်းကို ဆန့်ကျင်သောချီတက်ပွဲပါ၀င်သူအမျိုးသားများကတောင်းဆို

 အမေရိကန်ပြည်ထောင်စု Baltimore ၌ တနင်္လာနေ့က သန္ဓေဖျက်ချခြင်းကိုဆန့်ကျင်သည့်ချီတက်ပွဲကိုအမျိုး သားများကဦးဆောင်ခဲ့သည်။ ထိုချီတက်ပွဲ၌ Gabriel Vance နှင့်သူ၏မိသားစု၊ ဆွေမျိုးမိသားစု၀င်စုစုပေါင်း (၂၀) ဦး တို့သည် Columbus, Ohio မှ (၇) နာရီကြာသောချီတက်ပွဲကို တက်ကြွစွာပါ၀င်ခဲ့ကြသည်။

သန္ဓေဖျက်ချခြင်းသည် ယနေ့ လူမှုအသိုင်းအ၀ိုင်းတွင် တွေ့ကြုံရင်ဆိုင်နေရသော အကြီးမားဆုံးလူမှုကိစ္စတစ်ခုဖြစ်နေသည်။ အဘယ်ကြောင့်ဆိုသော် အမေရိကန်တစ်နိုင်ငံတည်း၌ နေ့စဉ်လူ့အသက်ပေါင်း (၂၃၀၀) ကိုသတ်ဖြတ်နေကြပြီး၊ နေ့စဉ်ကမ္ဘာပေါ်၌ လူ့အသက်ပေါင်း (၂၀၀၀၀၀) သတ်ဖြတ်ခံနေရသည်ဟု အသက် (၂၆) နှစ်သာရှိသေးသော Gabriel Vance ကပြောကြားခဲ့ သည်။ သူသည် ‘pro-life’ ဟုခေါ်သော ‘လူ့အသက်ကိုကာကွယ်စောင့်ရှောက်သည့် ကက်သလစ်အဖွဲ့’ ၏ပူးတွဲတည်ထောင်သူလည်းဖြစ်သည်။ သူ၏ဇနီးမှာ အဲန်းဖြစ်သည်။

ကက်သလစ်သာသနာတော်ကြီးအနေဖြင့် ဤကိစ္စနှင့်ပတ် သက်၍ အလေးအနက် ထားဆန့်ကျင် ဆောင်ရွက်သင့်သည်။ ကက်သလစ်သာသနာတော်ဟုဆိုရာ၌ ဆရာတော်ကြီး များ၊ ဘုန်းတော်ကြီးများ၊ ဦးပဥ္စင်းများနှင့်ဘာသာတူများအနေဖြင့် ဤအမှုကိစ္စ၌ ရေငုံနှုတ်ပိတ်မနေသင့်ဟုဆိုသည်။       

            ဤချီတက်ပွဲသို့ အမျိုးသမီးများမပါဘဲ အမျိုးသားကြီးငယ်အရွယ်စုံ (၂၀၀) ခန့်ဖြင့်ချီတက်ခဲ့ကြသည်။ အ ဘယ်ကြောင့်ဆိုသော် အမေရိကန်နိုင်ငံမှ ကက်သလစ်ဆရာတော်ကြီးများ၏ အစည်းအဝေးနှင့်တိုက်ဆိုင်စွာလုပ်ဆောင်ခြင်းဖြစ်သည်။ ဆရာတော်များသည် အစည်းအဝေးကိုယခုပတ်ထဲတွင်ကျင်းပမည်ဖြစ်သည်။  ဤချီတက် ပွဲကို သန္ဓေဖျက်ချပေးသောဆေးရုံရှေ့မှစတင်ကာ စိတ်ပုတီးစိပ်၍အဆုံးသတ်ကြမည်ဖြစ်သည်။ အဆုံးသတ်စုရပ်၌ တက်ရောက်လာကြသူများ၏ ခံစားချက်စကားများကိုပြောကြားမည်ဖြစ်သည်။ ယခုကဲ့သို့ချီတက်ဆန္ဒထုတ်ဖော်ခြင်း သည် ဆန့်ကျင်ရမ်းကားရန်မဟုတ်။ လူ့အသက်ကို ကာကွယ်သောကက်သလစ်အမျိုးသားများအဖြစ်ပြသရန်သာဖြစ် ကြောင်း Larry Cirignano ကရှင်းပြသည်။ ထို့အတူ ဆရာတော်ကြီးများကြားသိစေလိုသောသတင်းစကားကိုလည်းပါး ရန်ဖြစ်ပါသည်။ ဤချီတက်ဆန္ဒထုတ်ဖော်ခြင်းသည် ကက်သလစ်သာသနာတော်ကြီး၏ ခေါင်းဆောင်များအနေဖြင့် သာသနာ၏ကာနွန်ဥပဒေ (၉၁၅) ကိုပို၍အသက်၀င်လာစေရန်ဖြစ်သည်။ ထိုဥပဒေက ‘အကယ်၍တစ်ဦးတစ်ယောက် သည် သူ၏အမှားကို‌ထောက်ပြသော်လည်း လက်ခံပြုပြင်ရန်မကြိုးစားဘဲ ခေါင်းမာနေလျှင်အပြစ်ကြီးကိုကျူးလွန် နေခြင်းဖြစ်သည်။ ထို့ကြောင့် ကိုယ်တော်မြတ်ကိုပင့်ယူခွင့်မပြုရ’ ဟုဆိုထားပါသည်။

            အမေရိကန် ကက်သလစ်ဆရာတော်ကြီးများ၏ အစည်းဝေး၌ဆွေးနွေးမည့်အချက်များတွင် ‘ကိုယ်တော် မြတ်ပင့်ယူခြင်းနှင့်ပတ်သက်သောအဆိုတင်သွင်းချက်’ လည်းပါသည်။ အဘယ်ကြောင့်ဆိုသော် လက်ရှိအမေရိကန် သမ္မတနှင့်အိမ်ဖြူတော်၏ပြောရေးဆိုခွင့်ရှိသူတို့အား ကိုယ်တော်မြတ်ပင့်ခွင့်ပေးခြင်း၊ မပေးခြင်းကိစ္စမျိုးကိုဆုံးဖြတ်ရန်ဖြစ်သည်။ အစီရင်ခံစာထဲ၌မူ မည်သူမည်၀ါဖြစ်သည်ကိုဖော်ပြထားခြင်းမရှိပေ။ ယခုကဲ့သို့ဆန္ဒထုတ်ဖော်ရခြင်း မှာမိမိတို့၏ယုံကြည်ခြင်းကို ရိုးရှင်စွာရှင်သန်စေရုံ၊ မိမိတို့၏မြင့်မြတ်သော ဘာသာရေး၀တ္တရားများကိုဖြည့်ဆည်းနိုင် စေရန်ဖြစ်သာဖြစ်သည်။

သာသနာ၏ ကာနွန်ဥပဒေ (၉၁၅) အရ မည်သည့်အခြေ အနေ၌မဆိုဟုဆိုပါလျှင် နိုင်ငံရေး သမားများကိုညွှန်းဆိုရမည်ဖြစ်သည်။ အဘယ်ကြောင့်ဆိုသော် ၄င်းတို့သည် အကြိမ်ကြိမ်အခါခါ ပြောဆိုခဲ့ကြသည်။ ၄င်းတို့သည် ခေါင်းမာသူများဖြစ်ကြသည်။ ပြုပြင်ရန်အားမထုတ်သူများဖြစ် ကြသည်။ ဤအချက်သည် လူသိရှင် ကြားကြီးလေးသောအပြစ်ကို ထုတ်ဖော်ပြသနေခြင်းဖြစ်သည်။ ဆက်လက်၍ လည်းပြောဆိုလုပ်ဆောင်နေသည်။ ထိုအတူ ၄င်းတို့ပြောဆိုလုပ်ဆောင် ရပ်တည်ချက်နှင့် ဆန့်ကျင်ဖက်ဖြစ်သော ကိုယ်တော်မြတ်ကိုလည်းဆက်လက်ပင့် ယူမြဲပင့်ယူနေကြသည်။ ဤသို့ဖြစ်နေသည်ကို လက်မခံနိုင်။ ဤသို့ပြောရခြင်းမှာ ၄င်းတို့ကိုချစ်၍၊ အလေးထား၍ ပြောရခြင်းဖြစ်သည်။ ထို့တူ အခြားသူများအားလည်း လွဲမှားသောလမ်းစဉ်၊ တရားကို မပြသစေလို၍ လည်းဖြစ်သည်။ ထို့ကြောင့် သာသနာ၏ကာနွန်ဥပဒေ (၉၁၅) ကိုကာကွယ်ရမည်။ စောင့်ရှောက်ရမည်။ သန္ဓေဖျက်ချခြင်းကိုအားပေး ထောက်ခံသော နိုင်ငံရေးသမားများအား ကိုယ်တော်မြတ်ပင့်‌ ယူစေခြင်းမှမြစ်တားခြင်းသည် ဘာသာရေးကိုနိုင်ငံရေး အတွက်အသုံးချရာ ရောက်သည်ဟုပြောဆိုနေသောဆရာတော်ကြီးများ၏သဘောထားကိုလက်မခံနိုင်။ ယခုပြောဆို နေသောအခြေအနေသည် နိုင်ငံရေးအကြောင်းအရာမဟုတ်။ ကိုယ့်ကျင့်သီလအကြောင်းဖြစ်သည်။ အဘယ်ကြောင့် ဆိုသော် လူသားစင်စစ်ကိုသတ်ဖျက်နေသောကြောင့်ဖြစ်သည်။ ထို့ကြောင့် သန္ဓေဖျက်ချခြင်းကိုမြစ်တားရန် တရား၀င် ဖြစ်အောင် တွန်းတွန်းတိုက်တိုက်လုပ်ဆောင်ရမည်။ ကိုယ်ကျင့်သီလသည် လုပ်ဆောင်သင့်သောအရာဖြစ်သည်ဟု Jim Havens ကရှင်းပြခဲသည်။

အာဗီအေအတွက် အထူး ဘာသာပြန်-ဖာသာရ်ကလဲမင့်အားတယ်

https://bit.ly/3cJ3Byt