ရာသီဥတုပြောင်းလဲခြင်းဆိုင်ရာတရားမျှတမှုရှိရန်ရည်ရွယ်၍ ပိုလန်မှစကော့တလန်သို့ချီတက်

ရာသီဥတုပြောင်းလဲခြင်းဆိုင်ရာတရားမျှတမှုရှိရန်ရည်ရွယ်၍ ပိုလန်မှစကော့တလန်သို့ချီတက်

ရာသီဥတုပြောင်းလဲခြင်းဆိုင်ရာတရားမျှတမှုရှိရန်ရည်ရွယ်၍ ပိုလန်မှစကော့တလန်သို့ချီတက်ခဲ့ကြသည်။ ယခုကဲ့သို့ချီ တက်ခြင်းသည် (၅) ကြိမ်မြောက်ဖြစ်ပြီး၊ ခရစ်ယာန်ဂိုဏ်းပေါင်းစုံပါ၀င်သည်။ ဤစီတန်းလမ်းလျှောက်သောအဖွဲ့သည် စကော့ တလန်နိုင်ငံ၊ Glasgow မြို့၌ နို၀င်ဘာလ၌ကျင်းပမည့် ကုလ၏ရာသီဥတုဆိုင်ရာအစည်း‌ေ၀းကြီး (COP26) အမှီရောက် အောင်သွားမည်ဖြစ်သည်။ ဤအဖွဲ့၌ လူဦးရေ (၃၀) ဦးပါ၀င်သည်။ ဤအစီအစဉ်ကို Westphalia မှပရိုတက်စတန်အဖွဲ့၊ ပိုလန် ကက်သလစ်ဆရာတော်ကြီးများအဖွဲ့ချုပ်၊ ပိုလန်ဧ၀ံဂေလိအသင်း၊ ဘာလင်နှင့် Brandenburg မှခရစ်ယာန်များပူးပေါင်းထား ခြင်းဖြစ်သည်။ ဤ အဖွဲ့သည်ခရီးကီလိုမီတာ (၁၄၅၀) ကိုနေရာ (၇၇) နေရာတွင်စခန်းချကာအရောက်သွားမည်ဖြစ်သည်။

ရာသီဥတု၏ဆိုးကျိုးများကြောင့်အရေးအပေါ်ကိုင်တွယ်ရန်လိုအပ်

အဘယ်ကြောင့်ဤသို့ပြုလုပ်ရသနည်းဟုမူ ရာသီဥတု၏ဆိုးကျိုးများကို ကိုင်တွယ်ဖြေရှင်းရန်အရေးပေါ်လိုအပ်နေသည်။ နိုင်ငံတကာအဖွဲ့အစည်းအနေဖြင့် လေထုညစ်ညမ်းမှုနှင့်ကပ်ရောဂါဆိုးများကြောင့် သဘာ၀ပတ်၀န်းကျင်ကိုထိခိုက်ပျက်စီးစေ မည့်လုပ်ရပ်များကိုလျော့ချလုပ်ဆောင်နေကြသော်လည်း ပုံမှန်အနေအထားသို့ပြန်လည်ရောက်ရှိရန်မှာ လောင်စာများစွာကိုအ သုံးပြုရန်လိုအပ်နေသည်။ ထိုအတောအတွင်း သန်းပေါင်းများစွာသောအပင်များမျိုးပြုန်းပျောက်ကွယ်နေခြင်း၊ တိရစ္ဆာန်များ သေကြေနေခြင်းနှင့်အလွန်ဆိုးရွားသောရာသီဥတုပြောင်းလဲခြင်းများသည် အလွန်ထိတ်လန့်ဖွယ်ရာဖြစ်နေသည်။ ထို့ကြောင့် ကမ္ဘာကြီးကတွေ့ကြုံရင်ဆိုင်နေရသော အကြပ်အတည်းများ၊ ရာသီဥတုပြောင်းလဲခြင်းကြောင့်ထိခိုက်ပျက်စီးမှုကိုခံစားနေရ သည်များကို နိုင်ငံတကာခေါင်းဆောင်များသတိထားမိစေရန်၊ ဖြစ်နိုင်သည့်နည်း များဖြင့် ကမ္ဘာသူကမ္ဘာသားများလည်းပါ၀င် လာစေရန်လှုံ့​ဆော်ခြင်းဖြစ်သည်။

အပြောင်းအလဲအတွက်ကမ္ဘာကြီး၏အားထုတ်မှုလိုအပ်

ယူကေအနေဖြင့် စကော့တလန်နိုင်ငံ၊ Glasgow မြို့၌ကျင်းပမည့် (၂၆) ကြိမ်မြောက် ကုလ၏ရာသီဥတုဆိုင်ရာအစည်အ​ေဝးကြီး (COP26) ကိုအိမ်ရှင်အဖြစ်လာမည့် (၂၀၂၁၊ အောက်တိုဘာ (၁) ရက်မှ နိုင်၀င်ဘာ (၁၂) အထိလက်ခံကျင်းပမည် ဖြစ်သည်။ ဤအစည်းအ​ေ၀းကြီးသို့ ကမ္ဘာ့နိုင်ငံပေါင်း (၁၉၀) မှခေါင်းဆောင်များတက်ရောက်ကြမည်ဖြစ်ပြီး၊ ‘ပါရီ’ ဆုံးဖြတ် ချက်ကိုလက်တွေ
ဖော်ဆောင်ရန် နိုင်ငံ့ခေါင်းဆောင်များသဘောတူနိုင်ကြလိမ့်မည်ဟုမျှော်လင့်ထားသည်။
Ref: Vatican News
ဘာသာပြန်- ဖာသာရ်ကလေးမင့်အားတယ်
#rvamyanmar #rvapastoralcare #RVANews