ရဟန်းမင်းကြီးစိန့်ဂျွန်ပေါလ် (၂)သည် ဆုတောင်းခြင်းဖြင့်ရှင်သန်သူ၊ အနေနီးသူ၊ တရားမျှတသူဖြစ်ဟုရဟန်းမင်းကြီးဖရန်စစ်မိန့်ကြား

ရဟန်းမင်းကြီးစိန့်ဂျွန်ပေါလ် (၂)သည် ဆုတောင်းခြင်းဖြင့်ရှင်သန်သူ၊ အနေနီးသူ၊ တရားမျှတသူဖြစ်ဟုရဟန်းမင်းကြီးဖရန်စစ်မိန့်ကြား

မေလ (၁၈) ရက်နေ့သည်ရဟန်းမင်းကြီးစိန့်ဂျွန်ပေါလ် (၂) ၏ရာပြည့်မွေးနေ့ဖြစ်သည်။ ထိုနေ့ ၌ရဟန်းမင်းကြီဖရန်စစ်ဦးဆောင်၍ စိန့်ပီတာဘုရားကျောင်းကြီးအောက်ရှိ စိန့်ဂျွန်ပေါလ် (၂) ၏အုတ်ဂူ တွင်မစ္ဆားပူဇော်ခဲ့သည်။ ထိုနေ့သည်လည်းအီတလီနိုင်ငံအနေ ဖြင့်ပထမဦး ဆုံးကိုဗစ် (၁၉) အရေးပေါ်ကာလကိုပြန်လည်ရုတ်သိမ်းလိုက်သည့်ပထမဦးဆုံးသောနိုင်ငံလည်းဖြစ်သည်။ ကိုဗစ် (၁၉) အလွန် ဘာသာတူများ နှင့်မစ္ဆားတရားပူဇော်ခြင်းသည်လည်းပထမဦးဆုံးအကြိမ်ဖြစ်သည်။ မစ္ဆားတရား ပူဇော် ခြင်း၌ဘာသာတူများပါ၀င်ခဲ့ကြသည်။ 

ဘုရားသခင်သည်သူ၏လူမျိုးတော်ထံသို့အလည်အပတ်ကြွလာတော်မူပြီ။ 

ရဟန်းမင်းကြီးသည်မစ္ဆားတရား၏ဩ၀ါဒ၌ ဘုရားသခင်သည်သူ၏လူမျိုးကိုချစ်တော်မူသည်။ အခက်အခဲကြုံနေရချိန်၌ပရော ဖက် တစ်ပါးနှင့်တူသောသန့်ရှင်းသောသူကိုစေလွှတ်ပေးခြင်းဖြင့်ကူညီ စောင်မတော်မူသည်။

 ရဟန်းမင်းကြီးစိန့်ဂျွန်ပေါလ် (၂) ၏ဘ၀ကိုဆင်ခြင် ခြင်း ဖြင့်သူသည်ဘုရားသခင် စေလွှတ်ခဲ့သူ၊ ဘုရားသခင်ပြင်ဆင်ထားသူ၊ ဆရာတော်အဖြစ်ရွေးချယ်သည်။ ထို့နောက်ရဟန်းမင်းကြီး အဖြစ်ဘုရား သခင်၏သာသနာတော်ကိုဦးဆောင်ရန်လမ်းညွှန်စေခဲ့သည်။ ဤအချက်ကိုထောက်၍ဘုရားသခင်သည်မိမိ၏လူမျိုးထံသို့ကြွလာတော်မူပြီဟု ယနေ့ကျွန်ုပ်တို့ပြောနိုင်ပြီဖြစ်သည်။ 

စိန့်ဂျွန်ပေါလ် (၂) သည်ဆုတောင်းခြင်းဖြင့်အသက်ရှင်သူဖြစ်သည်။  

စိန့်ဂျွန်ပေါလ်၏အသက်တာကိုဆင်ခြင်ရာတွင်ရဟန်းမင်းကြီးဖရန်စစ်ကအချက်သုံးချက်ကိုအ သားပေးမိန့်ကြားခဲ့ပါသည်။ ထိုအချက် သုံးချက်ကား (၁) ဆုတောင်းခြင်းအသက်တာ၊  (၂) ဘာသာတူများနှင့်အနေနီးခြင်း၊ (၃) သနားတတ်ခြင်းတို့ဖြစ်သည်။ စိန့်ဂျွန်ပေါလ် (၂) သည်ရဟန်းမင်းကြီး တစ်ပါးအဖြစ်အမိသာ သနာ၏အမြင့်ဆုံးအမှုတော်ကိုခံယူထားပြီး၊ အမှုတော်များပြားလှသော်လည်းဆုတောင်းရန်အချိန်ကိုရ အောင်ယူလေ့ရှိ သည်။ အဘယ်ကြောင့်ဆိုသော်သိုးထိန်းကောင်းတစ်ပါး၏အဓိကတာ၀န်သည်ဆု တောင်းခြင်းဖြစ်သည်ကိုကောင်းစွာသိသည်။ ဤသွန်သင်ချက်သည်တမန်တော်၀တ္တုလာရှင်ပေတရု ၏သွန်သင်ချက်ဖြစ်သည်။ 

လူတို့နှင့်အနေနီးတတ်သူဖြစ်သည်။ 

စိန့်ဂျွန်ပေါလ် (၂) သည်လူများနှင့်အနေနီးသည်။ ခွဲခြားခြင်း၊ မပတ်သက်ခြင်းလည်းမရှိ။ ကမ္ဘာ တစ်ဝှမ်းသို့တမန်တော်ခရီးကြွချီ၍ဖွေ ရှာလေ့ရှိသည်။ ဓမ္မဟောင်းကျမ်းစာ၌လည်းဘုရားသခင်သည်သူ ၏လူမျိုးတော်နှင့်အလွန်အနေနီးခဲ့သည်။ ဤဘုရားသခင်၏ အနေနီးခြင်းဗီ ဇကိုယေဇူးသခင်လူ့အဖြစ် လာရောက်ယူတော်မူသည့်အဖြစ်၌လည်းဘုရားသခင်သည်မိမိ၏လူမျိုးတော်နှင့်အနေနီး လိုသည်ကိုကွင်းကွက်စွာ မြင်တွေ့နိုင်သည်။ စိန့်ဂျွန်ပေါလ် (၂) သည်လည်းကောင်းသောသိုးထိန်းဖြစ်သောယေဇူးသ ခင်၏ခြေရာတော်ကိုလိုက်နေသည်။ ထို့ကြောင့် ကြီးသူ၊ ငယ်သူမရွေး၊ ရှိသူ၊ သိသူမတွေး။ ရုပ်ပိုင်းအနေ မနီးနိုင်သောသူများအားလုံးနှင့်လည်းရင်းနှီးစွာနေထိုင်လေ့ရှိသည်။ 

သနားခြင်းပါသောတရားမျှတခြင်းရှိသူ

စိန့်ဂျွန်ပေါလ် (၂) သည်တရားမျှတခြင်းကိုမြတ်နိုးတန်ဖိုးထားရာ၌စံပြုလောက်သည်။ ဤတရား မျှတခြင်း၌သနားခြင်းလည်းပါနေ သည်။ ထို့ကြောင်စိန့်ဂျွန်ပေါလ် (၂) သည်သနားတတ်သောလူသား တစ်ဦးဖြစ်သည်။ အဘယ်ကြောင့်ဆိုသော်တရားမျှခြင်းနှင့်သနား ခြင်းတို့ အတူပါသည်။ စိန့်ဂျွန်ပေါလ် (၂) သည်ကရုဏာရှင်ယေဇူးအားသဒွါကြည်ညိုမူကိုပြန့်နှံ့အောင်ကြိုးစားလုပ်ဆောင်ခဲ့သည်။ အဘယ် ကြောင့်ဆို သော်ဘုရားသခင်၏ တရားမျှတခြင်းသည်သနားခြင်းစိတ်နေသဘောထားပါနေသည်။ 

ရဟန်းမင်းကြီးသည်စိန့်ဂျွန်ပေါလ် (၂) ၏ရာပြည့်မွေးနေ့မစ္ဆား၏ဩ၀ါဒကို အောက်ပါဆုတောင်းမေတ္တာတိုဖြင့်အဆုံးသတ် သွား သည်။ ထိုဆုတောင်းချက်ကား ဘုရားသခင်သည်ကျွန်ုပ်တို့အား လုံး၊ အထူးသဖြင့်သိုးထိန်းများအားဆုတောင်းလိုစိတ်၊ ရင်းနှီးချစ်ခင်စိတ်၊ တရားမျှခြင်း၌သနားခြင်း စိတ်များတိုးပွားစေပါစေဟုဖြစ်ပါသည်။

ဘာသာပြန်ဆိုသူ ဖာသာရ်ကလဲမင့်အားတယ်

https://bit.ly/2LFCA1i