မန္တလေးကက်သလစ်သာသနာတော်ကြီးအား ‌ယေဇူးရွှေနှလုံးတော်ထံအပ်နှံဆုတောင်း

မန္တလေးကက်သလစ်သာသနာတော်ကြီးအား ‌ယေဇူးရွှေနှလုံးတော်ထံအပ်နှံဆုတောင်း

၂၆.၆.၂၀၂၂(RVA Myanmar)

၂၆.၆.၂၀၂၂ နံနက် (၇း၀၀) နာရီအချိန်က  မန္တလေးကက်သလစ် ဂိုဏ်းချုပ်သာသနာ ရွှေနှလုံးတော် ကက်သီဒြယ် ကျောင်းတော်ကြီး၏ ပွဲနေ့ကို ဂိုဏ်းချုပ်ဆရာတော်ကြီး မာကုတင်ဝင်ဦးဆောင်ကာ ကျောင်းထိုင်ဘုန်းတော်ကြီး Fr.Dominic Jyo Du, Fr.Peter Htwal Sei Myint တို့နှင့်အတူ ကျင်းပပူဇော်ခဲ့ပါသည်။

ဆရာတော်ကြီးက  “ ဒီလိုမျိုး ကျွန်ုပ်တို့ ဆုတောင်းရင်း၊ ဝတ်ပြုကိုးကွယ်ရင်းနဲ့  မန္တလေး ကက်သလစ် သာသနာတော်တစ်ခုလုံးမှာ အစိတ်စိတ်အမွှာမွှာဖြစ်နေတဲ့ ကျွန်ုပ်တို့သာသနာတော်ကြီးရဲ့ အခြေအနေ တွေကို သတိရပြီး သူတို့အတွက်လည်း  မစ္ဆားတရားမှာ အထူးသတိရကာ ဆုတောင်းပေးကြရန် “  ပြောကြားခဲ့ပါသည်။

ဆက်လက်ပြီးဆရာတော်က ဒီကနေ့မှာ ရွှေနှလုံးတော်ပွဲနေ့ကို ကျင်းပနေကြကြောင်း၊ ဒီနေ့မှာပဲ ရဟန်းဘုန်း တော်ကြီးများ ရဲ့ ဖြူစင်ခြင်းပါရမီ အတွက် တစ်ကမ္ဘာလုံးနေရာအနှံ့အပြားမှာ ဆုတောင်းပေးကြဖို့ သာသနာ တော်က သတ်မှတ်ထားပေးထာကြောင်း၊ ပြီးခဲ့သည့် တနင်္ဂနွေနေ့က ကိုယ်တော်မြတ် ပွဲနေ့ကိုကျင်းပခဲ့ပြီး၊ မနေ့က (ဇွန်လ ၂၅ရက်နေ့)၊ မယ်တော်မာရီယား၏အပြစ်မဲ့သောနှလုံးတော်ပွဲကိုကျင်းပခဲ့ပြီး  ယနေ့တွင် ရွှေနှလုံးတော်ပွဲ ကို ကျင်းပနေကြောင်း မြွတ်ကြားခဲ့ပါသည်။

ဆရာတော်က ရွှေနှလုံးတော်ပွဲတော်ကျင်းပရင်း ပြောကြားရာ၌  “ကျွန်ုပ်တို့   နားလည်ရမှာက လူ့ရဲ့နှလုံးသား ဆိုတာက ချစ်ခြင်းမေတ္တာ ကိုလည်းဖော် ညွှန်းပေးနေသလို ချစ်ခြင်းမေတ္တာ၏ဆန့်ကျင် ဘက်အရာ ကြောင့်လည်း ကြေကွဲဝမ်းနည်းရတတ်ကြောင်း၊ကွဲအက်တတ်ရကြောင်း နှင့် ဘုရားသခင်ရဲ့  ချစ်ခြင်းမေတ္တာတော်ကတော့ ကျွန်ုပ်တို့အပေါ်မှာ မည့်သည့်အခါမှမပြောင်းလဲပဲ အလွန်တရာ ကြီးမားသည့်အကြောင်း “ များကို မြွတ်ကြား ခဲ့ပါသည်။

ယေဇူးရွှေနှလုံးတော်ပွဲနေ့တွင်  ကမ္ဘာတစ်ဝှမ်းလုံးမှ ကက်သလစ် ရဟန်းတော်များ သန့်ရှင်းစင်ကြယ်ခြင်း ရှိစေ ရန်အတွက်ဆုတောင်းပေးရသောနေ့ဖြစ်ပြီး၊မန္တလေးကက်သလစ်သာသနာတော်ကြီးနှင့်ရွှေနှလုံးတော်ကျောင်းထိုင် ဘုန်းတော်ကြီးနယ်တစ်ခုလုံးကို  ရွှေနှလုံးတော်ထံ အပ်နှံထားသည့်နေ့လည်းဖြစ်ပါသည်။

News by – Pinky

#rvamyanmar #rvapastoralcare #LocalNews #MostSacredHeartofJesus #ArchdioceseofMandalay #SacredHeartCathedralMandalay