မနီလာဂိုဏ်းချုပ်ဆရာ​တော် ကိုဗစ်(၁၉)ကူးစက်ခံရ

မနီလာဂိုဏ်းချုပ်ဆရာ​တော် ကိုဗစ်(၁၉)ကူးစက်ခံရ

               ဖိလစ်ပိုင်နိုင်ငံ၊မနီလာကက်သလစ်ဂိုဏ်းချုပ်သာသနာ၏သာသနာပိုင်ဆရာ​တော်ကြီး Bishop Broderick Pabillo သည် ကိုဗစ်၁၉ ကူးစက်ခံထားရ​​ကြောင်းသိရသည်။ကြာသပ​တေး​နေ့က မနီလာသာသနာရှိဘုန်း​တော်ကြီးများအား လိပ်မူ၍ ​ပေးပို့​သော စာတွင် ဆရာ​တော်ကြီးသည် ​​ရောဂါလက္ခဏာများမခံစားရ​သော်လည်း ကွာရန်တင်းဝင်​နေပြီဖြစ်​ကြောင်း အသိ​ပေးခဲ့သည်။

             ဆရာ​တော်ကြီးသည် ကိုဗစ်၁၉ကူးစက်ခံရ​သော ပထမဆုံး ဖိလစ်ပိုင်ဆရာ​တော်ကြီး ဖြစ်ပြီး ထိ​တွေ့မှုရှိသူ​ပေါင်း ၇၀၀၀၀ ခန့်ရှိနိုင်သည်ဟုဆိုသည်။ဆရာ​တော်ကြီးသည် ​လော့​ဒေါင်းချသည့် အချိန်မှ စ၍ မနီလာမြို့ဆင်​ခြေဖုံးရပ်ကွက်ရှိ မရှိဆင်းရဲသားများထံ သွား​ရောက်လည်ပတ်ခဲ့သည်။ထို့အပြင် မနီလာ၊တွန်ဒိုရှိ မီး​ဘေးသင့်ပြည်သူများကိုလည်း သွား​ရောက်ကူညီခဲ့​သေးသည်။

                ဆရာ​တော်၏ရုံးမှ ဝန်ထမ်းမှာ ​ရောဂါပိုးမရှိ​ကြောင်းသိရှိရပြီး ဆရာ​တော်က တစ်ပတ်အတွင်း ထိ​တွေ့သူများကို ကွာရန်တင်းဝင်၍​ဆေးကုသမှုကိုခံယူကြရန် တိုက်တွန်း​တော်မူလိုက်သည်။ထို့အပြင် သူသည် သာမန်အခြအ​နေတွင်ရှိ​နေပြီး မိမိအတွက် စိုးရိမ်ပူပန်စရာမလို​ကြောင်း၊သို့​သော် ဘာသာတူသားသမီးများ၏ဆု​တောင်း​ မေတ္တာကို အလှူခံပါ​ကြောင်း ​ဖော်ပြထားသည်။

            ဆရာ​တော်ကြီးက ဤ​ရောဂါသည်ပြီးဆုံးသွားမည်ဖြစ်ပြီး သူသည် ဘုရားသခင်၏​စောင်မမှု​ကြောင့် ​ရောဂါ​ဝေဒနာများကို မခံစားရဘဲ ​ဆေးကုသမှုခံယူ​နေ​ကြောင်း​ပြောကြားသည်။​စီစဥ်ထား​သော လုပ်ငန်းများနှင့် အွန်လိုင်း​တွေ့ဆုံပွဲများကို မူလအစီအစဥ်အတိုင်း လုပ်​ဆောင်မည်ဖြစ်​​သည်။

              မနီလာကက်သီဒြယ်တွင် ကျင်းပ​နေ​သော ​နေ့စဥ်မစ္ဆားတရား​တော်မြတ်များနှင့်၁၀နာရီ ဝတ်ပြုကိုးကွယ်ခြင်းအစီအစဥ်များကို ဘုန်း​တော်ကြီးတစ်ပါးမှ ဆက်လက်ပူ​ဇော်သွားမည်ဖြစ်ပြီး ဆရာ​တော်ကြီးပြင်ဆင်ထား​သော သြဝါဒကို ဘုန်းကြီးတစ်ပါးမှ အစားထိုး​ဟောကြားသွားမည်ဟုလည်း ​ကြေညာထားသည်။

ဘာသာပြန်- Agnes Lawh Lun 

Photo courtesy of : RENZ RESSURECTION/CBCPNEWS