ဘာသာရေးခေါင်းဆောင်များ လာရောက်ညှိနှိုင်ပေးသော်လည်း မတ်လ (၉)ရက်နေ့ ကယားပြည်နယ်သပိတ် ဖြိုခွင်းခံရ။

ဘာသာရေးခေါင်းဆောင်များ လာရောက်ညှိနှိုင်ပေးသော်လည်း မတ်လ (၉)ရက်နေ့ ကယားပြည်နယ်သပိတ် ဖြိုခွင်းခံရ။

မတ်လ(9) ရက်နေ့ ယနေ့ နံနက်ပိုင်းက ယားပြည်နယ် လွိုင်ကော်မြို့တွင် ဆန္ဒပြပြည်သူများနှင့် ရဲတို့ ထိပ်တိုက်မဖြစ်စေရန်အတွက် ယေဇူးဘုရင် ဘုရားကျောင်းမှ ကျောင်းထိုင် ဘုန်းတော်ကြီး Fr.ဘရွှေနှင့်အတူ ဘုန်းတော်ကြီးများမှ သွားရောက်ညှိနှိုင်းပေးသော်လည်း ဆန္ဒပြသပိတ်အား '' အသံဗုံးများ ၊ မျက်ရည်ယိုဗုံးများဖြင့် ဖြိုခွင်းခံခဲ့ရ '' သည် ဟု မျက်မြင်တစ်ဦး၏ ပြောပြချက်အရ သိရှိရပါသည်။

လူစိတ်ပျောက်နေတဲ့သူတွေကို သတိဝင်လာအောင် မေတ္တာနဲ့ ကြိုးစားညှိနှိုင်း ဆွေးနွေး အဖြေရှာတာဟာ (သူတို့နားမထောင် ခဲ့ရင်တောင်) ဘယ်တော့မှ အလကား မဖြစ်ပါဘူး။ ဘာသာရေး ခေါင်းဆောင်ရဲ့ နေရာမှန်ကိုသိရှိပြီး သတ္တိရှိရှိ ဦးဆောင် လုပ်ဆောင်ခဲ့တာကြောင့် လူငယ်တွေအတွက် ခွန်းအားတွေ ရရှိစေပါတယ်။ ကျေးဇူးလည်း တင်ပါတယ်။

တကယ်တော့...

ပြည်သူတစ်ယောက်ကို မတရား ဖမ်းဆီး နှိပ်စက် (သတ်ဖြတ်)ခံရရင် အမှန်တရားကို မြတ်နိုးတဲ့ ပြည်သူတိုင်းရဲ့ ရင်ထဲမှာ အနာတရ ဖြစ်စေပါတယ်။ မြန်မာနိုင်ငံမှာ ယနေ့အထိ အကြမ်းမဖက်ဘဲ မေတ္တာနဲ့ လမ်းမပေါ် တိုက်ပွဲဝင်နေတဲ့ ပြည်သူတစ်ဦးချင်းစီကို အဝေးကနေ လေးစားအားကျ ဂုဏ်ယူပြီး ကျေးဇူးတင်ရင်း အမြဲဆုတောင်း ပေးနေပါတယ်။

Credit to Thang Ha SJ

News by : Pinky

Photo Credit : Mizzima