ဗာတီကန်၏တစ်ခုတည်းသော သတင်းစာ “L’Osservatore Romano” ထုတ်‌ဝေခဲ့သည်မှာနှစ် (၁၆၀) ပြည့်ခဲ့ပြီဟုဆို

ဗာတီကန်၏တစ်ခုတည်းသော သတင်းစာ “L’Osservatore Romano” ထုတ်‌ဝေခဲ့သည်မှာနှစ် (၁၆၀) ပြည့်ခဲ့ပြီဟုဆို

            ဗာတီကန်၏ တစ်ခုတည်းသောသတင်းစာကို“L’Osservatore Romano”  ဟုခေါ်သည်။ ဤသတင်းစာကို (၁၈၆၁) ခုနှစ် ကစတင်ထုတ်‌ေ၀ခဲ့ရာ ယနေ့ဇူလိုင် (၁) နေ့သည် သတင်းစာထုတ်‌ဝေခဲ့သည့်နှစ် (၁၆၀) ပြည့်မဂ်လာနှစ်ပတ်လည်နေ့ဖြစ်သည်။ ထိုစဉ်ကအမိသာသနာတော်ကြီးအားဦးဆောင်ဦးရွက်ပြုနေသောရဟန်းမင်းကြီးမှာ ရဟန်းမင်းကြီးပီအုစ့် (၉) ဖြစ်သည်။

         ဤသတင်းစာသည်နေ့စဉ်ထုတ်သတင်းစာဖြစ်သည်။ ဘုရားသခင်ကောင်းကြီးတော်နှင့်ကျက်သရေမဂ်လာအဖြာဖြာပြည့်စုံသောဤနေ့၌ ရဟန်းမင်းကြီးသည် သတင်းစာ၏၀န်ထမ်းများအား ဂုဏ်ပြုနှုတ်ဆက်ရင်း၊ ၄င်းတို့၏အလုပ်ကို သစ္စာတည်ကြည်စွာ နှင့်စာဖတ်သူ များအတွက် အသိပွားစေမည့်အသစ်အဆန်းများစွာကိုလည်းဖော်ထုတ်တင်ပြသတင်းပါးနိုင်ကြပါစေကြောင်းလည်းဆုကောင်း တောင်းပေးထားသည်။

       ဤသတင်းစာသည် အီတလီ၌ လူဖတ်အများဆုံးနှင့်စာဖတ်ပရိတ်သတ်များအားလွှမ်းမိုးနိုင်သောသတင်း စာတစ်စောင်လည်းဖြစ်သည်။ သတင်းစာကို (မတ်လ၊ ၂၊ ၁၈၁၀) ခုနှစ်ကမွေးဖွားခဲ့သော အီတလီနိုင်ငံသား Carpineto Romano ကမကထပြု၍စတင်ထုတ်‌ဝေခဲ့သည်။

       သတင်းစာ၏အမည်အဆုံးပိုင်းကိုလည်း အဆိုပါသတင်းစာဆရာအားဂုဏ်ပြု သည့်အနေဖြင့် သူ၏အမည်ကိုလည်းထည့်သွင်းဂုဏ်ပြုခဲ့ခြင်းဖြစ်သည်။ သတင်းစာဆရာ Carpineto Romano သည် (ဇူလိုင်၊ ၂၀၊ ၁၉၀၃)၊ အသက် (၉၃) နှစ်တွင် ရောမ၌ကွယ်လွန်သွားခဲ့သည်။ အဓိကထားရေးသားဖော်ပြသောအကြောင်းအရာမှာ အမိသာသနာတော်ကြီး၏အကြောင်းအရာ၊ အာဘော်၊ ရဟန်းမင်းကြီး၏တမန်တော်လုပ်ငန်းနှင့်အီတလီအစိုးရ၏အရေးကြီးသောသတင်းများ ကိုသာထည့်သွင်းဖော်ပြလေ့ရှိသည်။ တစ်နည်းဆိုသော် စီးပွားရေးနွယ်သောသတင်းစာမဟုတ်ပေ။     

ဘာသာပြန်-ဖာသာရ်ကလဲမင့်အားတယ်

https://bit.ly/3hoHYoV