ဖီလာဒဲလ်ဖီးယား၌အနားယူနေသောဂျက်ဆွီစ်ဘုန်းတော်ကြီး (၆) ပါးကိုဗစ် (၁၉) ကြောင့်ပျံလွန်

ဖီလာဒဲလ်ဖီးယား၌အနားယူနေသောဂျက်ဆွီစ်ဘုန်းတော်ကြီး (၆) ပါးကိုဗစ် (၁၉) ကြောင့်ပျံလွန်

ကိုဗစ် (၁၉) သည်အသက်အရွယ်လည်းမရွေး၊ ဘာသာ၊ နေရာလည်းမရွေးဆွဲခေါ်သွားသည်။ ယခုလည်းဘုရားအမူတော်ဆောင်ပြီးနောက်၊ သက်ကြီးစောင့်ရှောက်ရေးဂေဟာ၌ရောက်ရှိနေသော ဖီလာဒဲလ်ဖီးယားမှဂျက်ဆွီစ်ဘုန်းတော်ကြီး (၆) ပါးသည်ပြီးခဲ့သောလက ကိုဗစ် (၁၉) ကူးစက်ခံစားရ ပြီးပျံလွန်သွားခဲ့သည်။ 

အဆိုပါဘုန်းတော်ကြီးများသည် Manresa Hall ရှိဂျက်ဆွီစ်ဘုန်းတော်ကြီးတို့ပိုင်သောစိန့်ဂျိုး ဇက်တက္ကသိုလ်၀င်းအတွင်းရှိလိုယိုးလာဘုန်းတော်ကြီးတို့၏အဆောင်တွင်သီတင်းသုံးနေခဲ့ကြသည်။ ဘုန်းတော်ကြီးတို့သည်ဧပြီ (၁၄ - ၂၈) ရက်အတွင်းဒေသရှိအစိုးရဆေးရုံတွင်ဆေးကုသခံနေစဉ်ပျံလွန် သွားခဲ့ကြသည်။ 

၄င်းတို့နေထိုင်ခဲ့သောအဆောင်များကိုလက်ရှိ၌ပိုးသတ်ဆေးများဖျန်းထားပြီး၊ လူသူ နေထိုင်ခွင့်ကိုခေတ္တဲပိတ်ထားပြီး၊ မေလ (၂၅) မှပုံမှန်အတိုင်းပြန်လည်ဖွင့်လှစ်မည်ဖြစ်သည်။ ယခုအခါ ဘုန်းတော်ကြီးတို့၏ကျောင်းဆောင်မှာရောဂါနှင့်ပတ်သက်၍တည်ငြိမ်နေပြီဖြစ်သည်။ ထိုကျောင်း တိုက်တွင်ဘုန်းတော်ကြီး (၁၇) ပါးသီတင်းသုံးနေထိုင်သည်။ ထိုကျောင်းတိုက်၌သီတင်းသုံးနေထိုင်ခဲ့ သောကိုဗစ် (၁၉) ရောဂါဖြစ်ပထမဦးဆုံးပျံလွန်သွားသည့်သက်တော် (၈၈) နှစ်ရှိဖာသာရ် G. Richard Dimler ပျံလွန်ပြီးသည်နှင့်ကျန်ဘုန်းတော်ကြီးများကိုစစ်ဆေးကြည့်လိုက်ရာအားလုံးမှာကိုဗစ် (၁၉) positive အဖြေထွက်လာခဲ့ကြသည်။ ဖာသာရ် G. Richard Dimler သည် Fordham တက္ကသိုလ်၌ကွန် ပျူတာသိပ္ပံနှင့်ဂျာမန်စကားကိုသင်ကြားပေးနေသူဖြစ်သည်။ 

ပျံလွန်သွားခဲ့သောဘုန်းတော်ကြီးများမှာသက်တော် (၉၃) နှစ်ရှိပြီဖြစ်သည့်ဖာသာရ် Francis Moan ဖြစ်သည်။ သူသည်ယခင်ကမေရီလန်းရှိ Loyola Blackefield prep shool ၏ကျောင်း အုပ်ဖြစ် ခဲ့သည်။ ကျန်တစ်ပါးမှာသက်တော် (၉၃) နှစ်ရှိဖာသာရ် John Lange ဖြစ်သည်။ သူသည် Scranton တက္ကသိုလ်၌အကြံပေးပုဂိုလ်ဖြစ်ခဲ့သည်။ သက်တော် (၇၉) နှစ်ရှိဖာသာရ် Edward Dougherty သည် အာဖရိကတောင်ပိုင်းရှိသင်တန်းကျောင်းတစ်ကျောင်းတွင်သီဩလိုဂျီသင်ပေးခဲ့သည်။ သက်တော် (၇၇) ရှိဖာသာရ် John Kelly မှာမူ Georgetown တက္ကသိုလ်၀င်း၏တာ၀န်ခံဖြစ်သည်။ ဖာသာရ် Michael Hricko မှာသက်တော် (၇၇) ရှိပြီး၊ သူသည်ဘုန်းတော်ကြီးများသီတင်သုံးသောကျောင်းတော်ကြီး၏ကိစ္စများကိုစီမံကြပ်မတ်ရသူဖြစ်သည်။ 

ဘုန်းတော်ကြီးများ၏ ပြောရေး ဆိုခွင့်ရှိသူ Mike Gabriele ကလက်ရှိ၌ရောဂါဆက်လက်မပျံ့ပွား စေရန်ညွှန်ကြားထားသည့်အတိုင်းအကာအကွယ်ယူလုပ်ဆောင်ထားကြောင်း၊ ယခုကဲ့သို့ဘုန်းတော် ကြီး (၆) ပါးမရှေးမနှောင်းတွင်ပျံလွန်သွားခဲ့ခြင်းအတွက်အသင်းနေဖြင့်အလွန်စိတ်ထိခိုက်ခံစားနေရ ကြောင်း၊ ရောဂါကူးစက်ခံစားရသောသူများအတွက်ဆက်လက်ဆုတောင်းပေးလျှက်ရှိကြောင်း၊ ဂျက် ဆွီစ်ဘုန်းတော်ကြီးအသင်း၌ကိုဗစ် (၁၉) သံသယရှိလူနာများအားလုံးကိုတင်းကြပ်စွာကြပ်မတ်ကုသ ပေးလျှက်ရှိကြောင်းပြောကြားခဲ့သည်။ ဂျက်ဆွီစ်ဘုန်းတော်ကြီးများသည်ကိုဗစ် (၁၉) ကြောင့်ပျံလွန် သွားခဲ့သောမိမိတို့၏နောင်တော်၊ ညီတော်ရဟန်းတော်များအတွက်စိတ်ထိခိုက်ခံစားနေကြရပြီး၊ ကိုဗစ် (၁၉) ရောဂါကူးစက်ခံစားနေရသူများ၊ ရောဂါရှိလူနာများအားကုသပေးနေရသောသူများအတွက်လည်း ဆုတောင်းပေးလျှက်ရှိသည်။

ဘာသာပြန် ဖာသာရ်ကလဲမင့်အားတယ်

Photo Credit: Gregory Dean/Shutterstock

https://bit.ly/2AicJtH