ပြည်မြို့ သပိတ်စစ်ကြောင်း၌ ကျဆုံးသွားသော လူငယ်နှစ်ဦး၏ နာရေးသို့ ကက်သလစ်ဘာသာရေးခေါင်းဆောင်များသွားရောက်ဆုတောင်း
ပြည်မြို့ သပိတ်စစ်ကြောင်း၌ ကျဆုံးသွားသော လူငယ်နှစ်ဦး၏ နာရေးသို့ ကက်သလစ်ဘာသာရေးခေါင်းဆောင်များသွားရောက်ဆုတောင်း
(၁၅.၁.၂၀၂၁)
ပြည်မြို့တွင် မတ်လ(၁၃) ရက်နေ့က စစ်အာဏာရှင် စနစ် ဆန့်ကျင်နေသည့် ဆန္ဒပြသပိတ်အား စစ်တပ်မှအကြမ်းဖက် ဖြိုခွင်းရာ လူငယ်နှစ်ဦး ကျည်အစစ် ထိမှန်၍ သေဆုံးခဲ့သည်ဟုသိရပါသည်။ သေဆုံးသွားသော လူငယ်နှစ်ဦးသည် ဗုဒ္ဓဘာသာဝင်များဖြစ်ကြသော်လည်း ကက်သလစ် ခရစ်ယာန်ဘုန်းတော်ကြီးများ ၊ သီလရှင်များနှင့် ဘာသာတူအချို့က ၎င်းတို့၏ နေအိမ်များသို့ သွားရောက်ကာ ဆုတောင်းပေးခဲ့ကြသည်ဟု သိရှိရပါသည်။
‘’ ကိုးကွယ်မှု ဘာသာမတူညီကြပေမဲ့ ခံယူချက် ၊ ယုံကြည်ချက်တွေ တူညီသည့်အတွက် ကျွန်တော်တို့ ကက်သလစ် ခရစ်ယာန် ဘုန်းတော်ကြီးများ ၊ စ္စတာရ်များမှ သွားရောက်ဆုတောင်းပေး ‘’ ဟု ပြည်မြို့မှ ကက်သလစ် လူငယ်တစ်ဦးက ၎င်း၏ လူမှုစာမျက်နှာတွင် ရေးသားထားတာကိုလည်း တွေ့ရပါသည်။
မြန်မာနိုင်ငံတွင် စစ်အာဏာရှင် စနစ်ဆန့်ကျင် ဆန္ဒပြရင်း သေဆုံးသူပေါင်း မြောက်များစွာ ရှိနေပြီး ပြည်မြို့တွင်တော့ မတ်လ (၁၃) ရက်နေ့က မှ စတင်သွေးမြေကျခဲ့ခြင်းဖြစ်တယ်လို့သိရပါသည်။ သေဆုံးသွားသော လူငယ်နှစ်ဦးမှာ မောင်ထက်မြတ်အောင် ( ခ) အရှည်ကြီး အသက် (၁၉) နှစ် ရေကြောင်း တက္ကသိုလ် ပထမနှစ်ကျောင်းသား ဟုသိရပြီး ၊ နောက်တစ်ယောက်မှာ မောင်ဖြိုးဝေယံကျော် အသက်(၂၀) အရွယ်တို့ ဖြစ်တယ်လို့သိရပါသည်။ ၎င်းတို့၏ နာရေးကို မတ်လ(၁၅) ရက်နေ့တွင် ပြုလုပ်သွားမှာြဖစ်ကြောင်း ပြည်မြို့ သတင်းများအရသိရှိရပါသည်။
News : Pinky
#RVAMYANMAR #rvapastoralcare #SaveMyanmar #GODblessMyanmar #whatshappeninginmyamar
Add new comment