ပုပ်ရဟန်းမင်းကြီး ​တေရသမ​မြောက် ​လေအိုအား လက်​ဆောင်အဖြစ်အပ်နှင်းထား​သော ဘုရား​ကျောင်း

ပုပ်ရဟန်းမင်းကြီး ​တေရသမ​မြောက် ​လေအိုအား လက်​ဆောင်အဖြစ်အပ်နှင်းထား​သော ဘုရား​ကျောင်း

               ​ရောမမြို့တွင် ဘုရား​ကျောင်းများစွာရှိ​သော်လည်း ကက်သလစ်ဘာသာဝင်များမှ ပုပ်ရဟန်းမင်းကြီးအား လက်​ဆောင်အဖြစ်​ပေးလှူ​သော ဘုရား​ကျောင်းများမှာ မရှိသ​လောက်ပင်။သို့​သော်လည်း San Gioacchino ai Prasti di Castelloအမည်ရှိ​သော ဘုရား​ကျောင်းကိုမူ ခြွင်းချက်ဟု​​ပြောရ​ပေမည်။

                       ထိုဘုရား​ကျောင်း​တော်ကြီးသည် စိန့်ပီတာ ဘာစီလီကာ ဘုရား​ကျောင်း​​တော်မှ တစ်မိုင်မျှပင်မ​ဝေး​ချေ။စန်အန်ဂျလိုရဲတိုက်နှင့်မနီးမ​ဝေးတွင် တည်ရှိသည်။ထိုဘုရား​ကျောင်းကို ပုပ်ရဟန်းမင်းကြီး ​တေရသမ​​မြောက် ​လေအိုအား ​​ပေးလှူထားသည်။ငယ်နာမည် Gioacchino(စိန့်​​ဂျော်ကင်း)ဖြစ်​သော ပုပ်ရဟန်းမင်းကြီးသည် သူ၏ရဟန္တာ​ဂျော်ကင်းအမည်ခံ ဘုရား​ကျောင်းတစ်​ကျောင်းကို တည်​ဆောက်လို​သော ဆန္ဒရှိခဲ့သည်။

ရ​သေ့ကြီး အန်​တိုနီယိုအမည်ရှိသူသည် ထိုဘုရား​ကျောင်းကို စတင်တည်​ဆောက်ခဲ့ပြီး ခုနစ်နှစ်အကြာတွင် ပြီးစီးခဲ့သည်။ထိုရ​သေ့ကြီးပျံလွန်​တော်မူပြီး​နောက် နိုင်ငံ​ပေါင်း ၂၇နိုင်ငံသည် ပုပ်ရဟန်းမင်းကြီး​၏ဆန္ဒအတိုင်း ကိုယ်​တော်မြတ်ကိုးကွယ်ရာ ပင်မ​နေရာဘုရား​ကျောင်းကိုတည်​​​ဆောက်ရန် လှူဒါန်းခဲ့ကြသည်။

                ထိုဘုရားကျောင်းအဝင်ဝတွင်အလှူရှင်နိုင်ငံများ၏အမည်များ ​ရေးထိုးထားသည်။အဓိက လှူဒါန်း​သော နိုင်ငံ၁၄နိုင်ငံအတွက် ကိုယ်ပိုင် ဘုရား​ကျောင်းငယ်​လေး ၁၄ခုကိုလည်း ​ဆောက်လုပ်ခဲ့သည်။ထိုဘုရား​ကျောင်းငယ်များကို နိုင်ငံတိုင်း၏ ကိုယ်ပိုင်ဟန်များဖြင့် ဆင်ယင်ထားသည်။

             မစ္ဆားပူ​ဇော်ရာစင်၏အထက်တွင် အဖြူ​ရောင်မာဘဲလ်​ကျောက်သားဖြင့် ထုလုပ်​သော ကိုယ်​တော်မြတ် ပလ္လင်​တော်ကြီးတည်ရှိပြီး ကိုယ်​တော်မြတ်ဆိုင်ရာ ပွဲ​တော်များကို ထို​နေရာ​တွေင်ကျင်းပသည်။​ဘေးပတ်လည်တွင် မီးတုတ်များကို​ဆောင်​သော ​ကောင်းကင်တမန်ဆင်းတုများလည်း ထုလုပ်ထားသည်။စဥ်ဆက်မပြတ် ကိုယ်​တော်မြတ်ဖူးရာ စပိန်နိုင်ငံ၏ဘုရား​ကျောင်း​ဆောင်ကို ရပ်​ဝေးမှ ဘာသာ၀င်များပင် လာ​ရောက်ဆု​တောင်းကြပြီး အလားတူ အ​မေရိကန်၊အီတလီစ​သော နိုင်ငံဆိုင်ရာ ဘုရား​ကျောင်းငယ်များတွင်လည်း ရဟန္တာဆင်းတုများ၊နိုင်ငံအလိုက် ယဥ်​ကျေးမှုများဖြင့်ချယ်မှုန်း​သော မယ်​တော်ဆင်းတုများ ထုလုပ်ထားသည်။

             ထို့အပြင် ထိုဘုရား​ကျောင်း​တော်ကြီးသို့ ဘုရားဖူးလာ​သောသူများ သတိပြုဆင်ခြင်မိ​စေရန်​ လက်တင်းဘာသာစကားဖြင့် ​ရေးသားထားသည်မှာ “တရားမျှတခြင်းနှင့်ဒဏ်ဆပ်​ဖြေခြင်းအတွက် ​ရောမမြို့ရှိ ကက်သလစ်သာသနာမှ ဝတ်ပြုဆု​တောင်းခြင်း” ဟူ၍ ဖြစ်သည်။