ပုပ်ဖရန်စစ်၏ မွန်ဂိုးလီးယားတမန်တော်ခရီးစဉ်လှုပ်ရှားမှုများ

ပုပ်ဖရန်စစ်၏ မွန်ဂိုးလီးယားတမန်တော်ခရီးစဉ်လှုပ်ရှားမှုများ

ပုပ်ရဟန်းမင်းကြီးဖရန်စစ်အရှင်သူမြတ်ကသူသည် မွန်ဂိုးလီးယားသို့ငြိမ်းချမ်းရေးခရီးသွားတစ်ဦးအဖြစ်ရောက်ရှိလာခြင်းဖြစ်သည် ဟုဧည့်သည်တော်သမ္မတ အိမ်တော်ရှိ ဧည့်သည်တော် မှတ်တမ်း၌ရေးသားလက်မှတ်ထိုးခဲ့သည်။

ရဟန်းမင်း ကြီးအား Sukhbaatar ရင်ပြင်၌ လှိုက်လှဲနွေးထွေးသော၊ လွန်စွာခမ်းနားကြီးကျယ်စွာကြိုဆိုခဲ့သည်။ ထိုရင်ပြင်၌ မွန်ဂိုးလီးယားနိုင်ငံအားတည်ထောင်ခဲ့သော Chinggis Khan ဘုရင်၏ရုပ်တုလည်းတည်ဆောက်ထားသည်။

ရဟန်းမင်းကြီးအား ရိုးရာ၀တ်စုံအပြည့်၀တ်ဆင်ထားသော နိုင်ငံတော်သမ္မတ Khurelsukh၊ လွှတ်တော်အဖွဲ့အ၀င်များ၊ ဘာသာရေးခေါင်းဆောင်များနှင့်ဗာတီကန်၀န်ထမ်းတို့ကကြိုဆိုခဲ့ကြသည်။

ရဟန်းမင်းကြီးအား ကြိုဆိုသည့်အခမ်း အနား၌ ရှေးဟောင်းစစ်၀တ်စုံအပြည့်၀တ်ဆင်ထားသောကြည်းတပ်နှင့်မြင်းတပ်တို့၏စစ်ရေးပြအခမ်းအနားလည်းပါ၀င်ခဲ့သည်။

ထို့နောက်နှစ်နိုင်ငံ၏နိုင်ငံတော် သီချင်းကိုသီဆိုနေစဉ် ရဟန်းမင်းကြီးသည်လုံခြုံရေး၀န်ထမ်းများခြံရံလျှက် နိုင်ငံတော်၏အိမ်တော်သို့ကြွလာခဲ့သည်။ နိုင်ငံတော်၏အိမ်တော်အတွင်း၌ သိုးမွေးမြူသောသူတို့အသုံးပြုခဲ့သည့် တဲ၌တွေ့ဆုံမှုကိုစီစဉ်ထားသည်။ ယခုကဲ့သို့ ရဟန်းမင်းကြီးနှင့်နိုင်ငံတော်သမ္မတတို့သီးသန့်တွေ့ဆုံရန် ပုံဖော်စီစဉ်ထားခြင်းလည်း ဖြစ်သည်။

ယခုတမန်တော်ခရီးစဉ်သည် ကက်သလစ်သာသနာ၏ဥသျှောင်မှ ဗုဒ္ဓဘာသာအများဆုံးနေထိုင်သော အရှေ့အာရှနိုင်ငံတစ်နိုင်ငံဆီသို့ ပထမဦးဆုံးအကြိမ်ကြွရောက်ခြင်းလည်းဖြစ်သည်။ ကက်သလစ်ဘာသာ၀င် တစ်ထောင်ကျော်သာရှိသော်လည်း ရဟန်းမင်း ကြီးဖရန်စစ်အနေဖြင့်ကြွရောက်လာရခြင်းမှာ နိုင်ငံအတွင်းရှိကက်သလစ်ဘာသာတူများအား ဖခင်တစ်ဦး၊ သိုးထိန်းတစ်ပါးအနေဖြင့်နီးနီးကပ်ကပ်ရှိနေသည်ကို ဖော်ပြရန်လည်းဖြစ်သည်။

မွန်ဂိုးလီးယားကက်သလစ်သာသနာတော် သည် သက်တမ်းနုသေးသည်။ (၁၉၉၀) မှဒုတိယအကြိမ် သာသနာပြုခြေလှမ်းကိုပြန်စတင်ခဲ့သည်။ ထိုမတိုင်ခင်က ကက်သလစ်သာသနာရှိခဲ့သော်လည်းနိုင်ငံရေးစနစ်၏ ဖိနှိပ်မှုကြောင့် နောက်ဆုတ်ခဲ့ရာ ဆယ်စုနှစ်ပေါင်း (၇၀)ကြာ လွှမ်းမိုးခဲ့သော ကွန်မြူနစ်စနစ်နှင့်ဆိုဗီယက်ရုရှားပြိုလဲပြီးနောက်မှသာ ပြန်လည်စတင်နိုင်ခဲ့သည်။

ရဟန်းမင်းကြီးဖရန်စစ်မှ မွန်ဂိုးလီးယားနိုင်ငံ၌သာသနာအမှုထမ်းနေကြသောဆရာတော်များ၊ ဘုန်းတော်ကြီးများ၊ သစ္စာသုံးပါးခံသူတော်စင်များ၊ သာသနာ့အမှု ဆောင်များအားမိန့်ကြားခဲ့သောဩ၀ါဒစကား
၌ မွန်ဂိုးလီးယားနိုင်ငံ၌သာသနာအမှုထမ်းနေသော သံဃာတော်များ၊ သုံးပါးသစ္စာရှင်သီလရှင်များနှင့်ဘာသာတူများအား ၄င်းတို့သည်ခရစ္စတူးသခင်ကိုသက်သေခံရန်ခေါ်တော်မူခြင်းခံထားရကြောင်းကိုသတိရရန်၊ ဤသို့သက်သေခံနိုင်ရန်မှာစည်းလုံးခြင်းကိုပျိုးထောင်ခြင်း၊ ရိုးသားသောအသက်တာဖြင့်လူများနှင့်ထိတွေနီးစပ်မှုရှိအောင်၊ ၄င်းတို့အားဂရုစိုက်ခြင်းအားဖြင့်ပြသာရမည်ဟု မွန်ဂိုးလီးယားမြို့တော် Ulaanbaatar ရှိစိန့်ပီတာနှင့်စိန့်ပေါလ်ကယ်သီဒရယ်၌ ဆရာတော်ကြီးများ၊ ရဟန်းတော်များ၊ သစ္စာသုံးပါးခံသူတော်စင်များ၊ သာသနာပြုများ၊ ဘာသာတူသာသနာအမှုဆောင်များတို့အား စက်တင် ဘာလ (၂) ရက်နေ့ကမိန့်ကြားခဲ့သည်။

ထို့အတူ ဆာလံကျမ်း (၃၄) မှကျမ်းချက်အတိုင်း ထာ၀ရဘုရား၏ကောင်းမြတ်တော်မူခြင်းကိုမြည်းစမ်းကြရန်တိုက်တွန်းခဲ့သည်။

ဆာလံကျမ်းနှင့်အတူ ဘုရားသခင်ကောင်း မြတ်ခြင်းသည် သူတို့နှင့်အစဉ်ရှိနေမည်။ အရာရာကိုသာမန်အမြင်ဖြင့်မမြင်ဘဲ ထူးခြားစွာမြင်နိုင်စေတော်မူမည်။ ဆရာတော်များ၊ ဘုန်းတော်ကြီးများ၊ သစ္စာသုံးပါးခံသူတော်စင်များ၊ သာသနာအမှုတော်ကိုထမ်းနေကြသော ဘာသာတူများအား ဧ၀ံဂေလိတရားတော်အတွက် မိမိတို့၏အသက်တာကိုဆက်ကပ်ရှင်သန်ကြရန်၊ အဘယ်ကြောင့်ဆိုသော ဤအသက်တာသည် လွန်စွာလှပပြီး မွန်ဂိုးလီးယား၌ခရစ်ယာန်သာသနာပြုခေါ်တော်မူခြင်းကိုဖော်ဆောင်ရန် ဖြစ်သည်။

ရဟန်းမင်းကြီးသည် မွန်ဂိုးလီးယား၌ ကွန်မြူနစ်စနစ်ပျက်သုန်းသွားပြီးနောက်ပိုင်း သာသနာပြန် လည်ရှင်သန်လာစေရန်အဘယ်သို့အားစိုက်လုပ်ဆောင်ခဲ့သည့်ဆရာတော် Wenceslao Padilla၊ Friar John of Monte Corvino နှင့် (၁၃) ရာစုကဧ၀ံဂေလိသတင်းကောင်းကို စိတ်အားထက်သန်စွာကြေညာခဲ့ကြသည့်အခြားသောစံပြုထိုက်သောသာသနာပြုများ တို့၏ဘ၀အမှတ်ရစရာများကိုလည်းမိန့်ကြားခဲ့သည်။ ထို့နောက် အဘယ်ကြောင့်တစ်ဦးစီသည် မိမိတို့၏ အသက်တာကို ဧ၀ံဂေလိတရားအတွက်ဆက်ကပ်ရှင်သန် သင့်သနည်းဟုလည်းဆင်ခြင်ရန်မေးမြန်းခဲ့သေးသည်။

အထက်မေးခွန်းကိုရဟန်းမင်းကြီးက သူကိုယ်တိုင်ပြန်လည်ဖြေကြားခဲ့သည်မှာ ဘုရားသခင်သည် သူ့အားလူသားများထိတွေ့ဆုံဆည်းနိုင်ရန် ယေဇူးသခင်၌လူ့အဖြစ်ဇာတိကိုခံယူခဲ့သည်။ ယေဇူးသခင်သည် သတင်းကောင်းဖြစ်သည်။ လူသားတိုင်းအတွက်ရည်ရွယ်သည်။ ဤသတင်းကောင်းကိုသာသနာအနေဖြင့်စဉ်ဆက်မပြတ်ကြေညာဟောပြောရမည်။ သာသနာ၏အသက်တာ၌စိမ့်၀င်ရှင်သန်နေရမည်။ လူသားတစ်ဦးစီ၏နှလုံးသား၊ ယဉ်ကျေးမှုတိုင်းဆီသို့ကြားပြောရမည်ဟုမြွက်ကြားသည်။

ရဟန်းမင်းကြီးသည် သာသနာ၏လမ်းညွှန်မှုအောက်၌လုပ်ဆောင်နေသော ကရုဏရေးလုပ်ငန်းစဉ်များနှင့်စပ်လျင်း၍လည်း ခရစ်ယာန်များအတွက်ဖုန်းခေါ်ဆိုကဒ်အဖြစ်တင်စားမိန့်ကြားခဲ့သည်။ ဆိုလိုသည်မှာအကူအညီလိုအပ်လာလျှင်ခေါ်ဆိုတောင်းခံနိုင်သည်ကိုဆိုလိုခြင်းဖြစ်သည်။ ဤလမ်းစဉ်ကိုဆက်လက်လုပ်ဆောင်ရန်အဘယ်ကြောင့်ဆိုသော် ဤလုပ်ဆောင်မှုများသည် မွန်ဂိုးလီးယားနိုင်ငံ၏အသီးအပွင့်နှင့်အ ကျိုးကျေးဇူးများဖြစ်ကြောင်းအားပေးတိုက်တွန်းခဲ့သည်။

နောက်ဆုံး၌ အမိမယ်တော်အားလည်းဆက် ကပ် အပ်နှံရန်နှင့်သူ၏ကြား၀င်ဆုတောင်းခြင်းကိုလည်းခံယူရန် ဤသို့ဖြင့်တမန်တော်လုပ်ငန်း၌ဇွဲအားထက်သန် မှုအသစ်ဖြင့် မမောမပန်းဘဲ ရွှင်လန်းတက်ကြွစွာဖြင့် ဧ၀ံဂေလိသတင်းကောင်းကိုဟောကြားနိုင်မည်ဟုအား ပေးတိုက်တွန်းခဲ့သည်။

ဘာသာတူများအပါအ၀င် ဆရာတော်များ၊ ဘုန်းတော်ကြီးများအားလုံး ဆုတောင်းခြင်း၌မြဲမြံရန်၊ ကရုဏာရေးလုပ်ငန်းများ၌ဆန်းသစ်သောဖော်ဆောင်မှုများဖြင့်ထမ်းဆောင်ရန်၊ ဆက်ဆံရေး၌ရိုးသားကြရန်၊ အရာရာနှင့်လူတိုင်းအားနှိမ့်ချစွာဖြင့်ဆက်ဆံတတ်ရန်လည်းအားပေးခဲ့သည်။

ဤအခမ်းအနားသို့ အာရှအလယ်ပိုင်း Kazakhstan မှဆရာတော်များ၊ မွန်ဂိုးလီးယားကာဒီနယ် Giorgio Marengo တို့လည်းတက်‌ရောက်ခဲ့သည်။ ဘုရားကျောင်းကြီးသည် ရဟန်းတော်များ၊ သာသနာပြု သီလရှင်များ၊ သာသနာအမှုထမ်းဘာသာတူများဖြင့်ပြည့်လျှံသွားသည်။ သာသနာပြုသီလရှင်များအနက် မာသာရ်ထရေးဇာ၏သီလရှင်ဟုလူသိများသော ကရုဏာရေးလုပ်ငန်း၏သာသနာပြုသီရှင်အသင်းမှ အစပိုင်း၌ ၄င်းတို့တွေ့ကြုံခဲ့ရသောအခက်အခဲ။ စိန်ခေါ်ချက်များအကြောင်း၊ အဘယ်သို့ကျော်ဖြတ်ခဲ့သည့်အကြောင်း၊ ထိုအခက်အခဲများကိုကျော်ဖြတ်ပြီးမှ စွန့်ပစ်ကလေးများ၊ ရုပ်ပိုင်းဆိုင်ရာစိန်ခေါ်မှုများနှင့်ကြုံနေရသောကလေးများကို အဘယ်သို့ကူညီပေးနိုင်ခဲ့ကြောင်းကိုတင်ပြသွားခဲ့သည်။

ဒုတိယတင်ပြချက်မှာ မွန်ဂိုးလီးယားနိုင်ငံ၏ပထမဦးဆုံးဒေသခံရဟန်းဖြစ်သော ဖာသာရ် Peter Sanjaajav ၏အတွေ့အကြုံနှင့်ဖြတ်သန်းခဲ့ရသည်များကို‌ေ၀မျှသွားသည်။ သူ့အနေဖြင့်သူ၏ရဟန်းဘ၀ ကိုသူ့နိုင်ငံသူနိုင်ငံသားများအား ကယ်တင်ခြင်းသယ်ဆောင်ပေးရန်လက်ဆောင်အဖြစ်ခံယူကြောင်းပြောကြားခဲ့သည်။

နောက်ဆုံးတင်ပြချက်မှာ ဘာသာတူအမျိုးသမီးတစ်ဦးမှဖြစ်သည်။ သူသည်သာသနာ၏အမှုတော်များကိုလည်းထမ်းဆောင်နေသူလည်းဖြစ်သည်။ သူ့ကူညီအနေဖြင့် ကက်သလစ်အဘယ်သို့ဖြစ်လာရပုံနှင့်သူ့အနေဖြင့် သာသနာတော်အား အလုပ်အကျွေးပြုရ၊ ဧ၀ံဂေလိတရားပျံ့ပွားရန် နိုင်သည့်၀န်ကိုကူထမ်းပေးရခြင်း၌စိတ်အားထက်သန်ဆက်ကပ်လျှက်ရှိကြောင်း‌‌ေ၀မျှခဲ့သည်။ အခမ်းအနားကို ဂုတ်ကျေးဇူးတော်မေတ္တာအား မွန်ဂိုးလီးယားဘာသာစကားဖြင့်ရွတ်ဆိုပူဇော်ပြီး ရဟန်းမင်းကြီး၏ကောင်းချီးတော်ကိုခံယူခဲ့သည်။ ထို့နောက် ‘Salve Regina’ (သနားခြင်း၏မယ်တော်) ကိုလာတင်းဘာသာဖြင့်အတူတကွသီဆို၍ နိဂုံးချုပ်ခဲ့ကြသည်။

အာဗီအေဘာသာပြန်- ဖာသာရ်ကလဲမင့်အားတယ်

https://bitly.ws/Va2J

Add new comment

1 + 0 =