ပုပ်ဖရန်စစ်သည် ဖရန်စစ္စကင်အသင်းတစ်ခုလုံး၏အကြီးအကဲအဖြစ်ရွေးချယ်ခံခဲ့ရသူအားဂုဏ်ပြုနုတ်ဆက်

ပုပ်ဖရန်စစ်သည် ဖရန်စစ္စကင်အသင်းတစ်ခုလုံး၏အကြီးအကဲအဖြစ်ရွေးချယ်ခံခဲ့ရသူအားဂုဏ်ပြုနုတ်ဆက်

            ဖရန်စစ္စကင်အသင်းတစ်ခုလုံး၏အကြီးအကဲအဖြစ် အသစ်ရွေးချယ်ခံခဲ့ရသူ၏အမည်ကား Br. Massimo Fusarelli ဖြစ်သည်။ ဤသို့ရွေးချယ်ခံလိုက်ရကြောင်းကို ရောမ၌ကျင်းပသော အထွေထွေအစည်းအ‌ဝေးကြီးအပြီး ဇူလိုင်လ (၁၃) ရက်နေ့ကကြေညာခဲ့သည်။

            အကြီးအကဲအသစ်၏နုတ်ခွန်းဆက်စကား၌ ‘ဧ၀ံဂေလိတရားအပေါ် တည်ဆောက်ထားသော ကျွန်ုပ်တို့၏အနာ ဂါတ်ကိုအတူတကွလုပ်ဆောင်၍လူသားများအားဖွင့်ပြနိုင်ရန်၊ အထူးသဖြင့် ချို့တဲ့နွမ်းပါးသောသူများအားကူညီနိုင်ရန်  ဆန္ဒပြုပါသည်။ ငြိမ်းချမ်းခြင်းနှင့်ကောင်းမြတ်ခြင်း လူသားအားလုံး၊ ညီအစ်ကိုမောင်နှမများ၊ အသင်း၏မိတ်ဆွေသူငယ် ချင်းများနှင့်ရှိပါစေ။ စိန့်ဖရန်စစ်၏ ကောင်းကြီးတော်သင်တို့အားလုံးနှင့်ရှိပါစေ’ ဟုနုတ်ဆက်ထားပါသည်။

            ဗာတီကန်ရုံးတော်၏ သတင်းပြန်ကြားရေးအဖွဲ့ကလည်း ရဟန်းမင်းကြီးဖရန်စစ်သည်ဖရန်စစ္စကင်အသင်းတစ်ခု လုံး၏ (၁၂၁) ဦးမြောက် အသင်းကိုတည်ထောင်ခဲ့သည့် စိန့်ဖရန်စစ်အစီးစီ၏အရိုက်အရာကိုဆက်ခံသောအကြီးအကဲအ ဖြစ်အသစ်ရွေးချယ်တင်မြောက်ခံရသော Br. Massimo Fusarelli အားဂုဏ်ပြုနုတ်ဆက်ခဲ့ကြောင်းဖော်ပြထားသည်။

             ရဟန်းမင်းကြီးက အသစ်ရွေးချယ်ခံလိုက်ရသော အသင်း၏အကြီးအကဲအားကောင်းကြီးပေးကာ ဆုတောင်းပေးမည်ဖြစ် ကြောင်းနှင့်ဘုရားသခင်သည် ယခုထမ်းဆောင်ရမည်အမူတော်သစ်နှင့်အမှုတော်မြတ်ကိုအကောင်းဆုံးထမ်းဆောင်နိုင် စေရန်လမ်းပြညွှန်ကြားပေးပါစေကြောင်းဆုမွန်ကောင်းတောင်းပေးထားသည်။