ငြိမ်းချမ်းစွာယှဥ်တွဲနေထိုင်နိုင်ကြောင်း သက်သေပြကြရန် အီရတ်နှင့်အရှေ့အလယ်ပိုင်းဒေသကို ပုပ်ဖရန်စစ်တိုက်တွန်း

ငြိမ်းချမ်းစွာယှဥ်တွဲနေထိုင်နိုင်ကြောင်း သက်သေပြကြရန် အီရတ်နှင့်အရှေ့အလယ်ပိုင်းဒေသကို ပုပ်ဖရန်စစ်တိုက်တွန်း

အီရတ်သို့တမန်တော်ခရီးကြွရောက်တော်မူသော ပုပ်ဖရန်စစ်ကို အီရတ်နိုင်ငံမှ ဝမ်းပန်းတသာကြိုဆိုသလို အီရတ်သမ္မတနန်းတော်ရှေ့တွင် အီရတ်သမ္မတ Barham Salih မှလည်း ကြိုဆိုခဲ့သည်။

ဗာတီကန်နိုင်ငံတော်သီချင်းနှင့်အီရတ်နိုင်ငံတော်သီချင်းကို တီးမှုတ်သီဆိုအပြီးတွင် ပုပ်ဖရန်စစ်မှ ဧည့်သည်တော်များအား နှုတ်ဆက်ခဲ့သည်။ ထို့နောက် အီရတ်သမ္မတသည် ပုပ်ဖရန်စစ်အား မိမိ၏ကြင်ယာတော်နှင့်မိတ်ဆက်ပေးပြီး သမ္မတအိမ်တော်အတွင်းသို့ ဖိတ်ခေါ်ခဲ့သည်။

တင်ပါးဆုံရိုးဝေဒနာကြောင့် အရှင်သူမြတ်သည် ဖြည်းဖြည်းမှန်မှန်သာ လမ်းလျှောက်နိုင်ခဲ့သည်။ အာဘရာဟမ်ကိုရည်ညွှန်းသောလက်ဆောင်ကို သမ္မတအားပေးအပ်ပြီးသည့်နောက် သမ္မတမှ ပုပ်ဖရန်စစ်၏ငြိမ်းချမ်းရေးခရီးစဥ်အတွက်ကျေးဇူးတင်ကြောင်းပြောကြားခဲ့သည်။

ပုပ်ဖရန်စစ်သည် မိန့်ခွန်းပြောကြားရာတွင် အဓိက အချက်သုံးချက်ကိုထည့်သွင်းတောင်းဆိုခဲ့သည်။ ပထမအချက်မှာ အီရတ်နိုင်ငံအတွက် ကမ္ဘာတစ်ဝှမ်းမှကူညီကြရန်နှင့် ကိုဗစ်ကာလတွင် ကိုယ်စီတာဝန်ထမ်းဆောင်လျှက် ကူညီလက်တွဲကြရန်၊ ကာကွယ်ဆေးကို လူတန်းစားမရွေး ရရှိကြရန်ဖြစ်သည်။

ဒုတိယအချက်မှာ လူနည်းစုများအတွက်ဖြစ်သည်။ ခရစ်ယာန်လူနည်းစုများသာမက သတ်​ဖြတ်ခံနေရသောယာဇီဒီလူမျိုးစသည်တို့အား ကာကွယ်ကြရန်လည်း ထပ်မံတောင်းဆိုခဲ့သည်။

တတိယအချက်မှာ အရှေ့အလယ်ပိုင်းဒေသတွင် အီရတ်သည် ငြိမ်းချမ်းရေး၏စံပြဖြစ်စေရန် ကြိုးစားကြဖို့နှင့် မတူကွဲပြားသော်လည်း အတူတကွ ယှဥ်တွဲနေထိုက်နိုင်ကြောင်း သက်သေပြကြရန် တိုက်တွန်းတော်မူခဲ့သည်။

ဘာသာပြန်-Agnes Lawh Lun

Photo courtesy of: The Catholic Sun

http://bit.ly/2O3Hl9O