ခွင့်ပြုချက်လိုအပ်သော ၀ိနည်းဖြင့်မစ္ဆားပူဇော်ခြင်းကိုရဟန်းမင်းကြီးဖရန်စစ်ပြန်လည်တင်းကြပ်

ခွင့်ပြုချက်လိုအပ်သော ၀ိနည်းဖြင့်မစ္ဆားပူဇော်ခြင်းကိုရဟန်းမင်းကြီးဖရန်စစ်ပြန်လည်တင်းကြပ်

            ရောမ၀ိနည်းဟုလည်းခေါ်သကဲ့သို့၊ လာတင်း၀ိနည်းဟုလည်းလူသိများသော အမိကက်သလစ်သာသနာ တော်ကြီး၏၀တ်ပြုခြင်း၀ိနည်းတော်နှင့်ကွဲလွဲထူးကဲသောမစ္ဆားတရားပူဇော်ခြင်းကို ရဟန်းမင်းကြီးဖရန်စစ်က ကြေ ညာထုတ် (motu proprio) ၍ယမန် (သောကြာ) နေ့တွင်ပိတ်ပင်မြစ်တားလိုက်သည်။

            ထိုကြေညာချက်ကို ဇူလိုင်လ (၁၆) ရက်နေ့က ထုတ်ပြန်ခဲ့သည်။ အဆိုပါကြေညာချက်သည် (၂၀၀၇) ခုနှစ်က ရဟန်းမင်းကြီးဘေနေဒစ် (ငြိမ်း) (၁၆) မှ ‘Summorum Pontificum’ စာချွန်တော်ထုတ်ပြန်ကြေညာချက်ကိုပြန်လည် ပြင်ဆင်လိုက်ခြင်းဖြစ်သည်။ ‘Summorum Pontificum’ ၏ကြေညာချက်ထဲ၌ ကက်သလစ်ရဟန်းတော်များသည် (၁၉၆၂) ခုနှစ်ကပုံနှိပ်ထုတ်‌ေ၀ခဲ့သော လာတင်းဘာသာမစ္ဆားစာအုပ်ဖြင့် မစ္ဆားပူဇော်နိုင်သည်ဟုဖြစ်ပါသည်။

            အဆိုပါကြေညာချက်ကိုပြန်လည်ပြင်ဆင်ရသည့်အကြောင်းအရင်းကို ရဟန်းမင်းကြီးဖရန်စစ်က ကမ္ဘာပေါ်ရှိဆ ရာတော်များထံသို့စာများပေးပို့ရှင်းပြထားပါသည်။ စာထဲ၌ ‘ယေဇူးသခင်၏ ခန္ဓာတော်ကို စည်းလုံးညီညွှတ်ရေးကိုကာ ကွယ်ရန်ရည်ရွယ်၍ ကျွန်ုပ်၏အရင်အမူတော်ကိုထမ်းဆောင်ခဲ့သောရဟန်းမင်းကြီးများက ချမှတ်ပေးထားခဲ့သောခွင့်ပြု ချက်များကို ပြန်လည်ရုတ်သိမ်းရခြင်းဖြစ်ပါသည်။ အဆိုပါကြေညာချက်သည် (၁၉၆၂) နှစ်ကပုံနှိပ်ထုတ်‌ေ၀သော Missale Romanum [Roman Missal] ၀ိနည်းစာအုပ်ဖြင့်မစ္ဆားကိုလွှတ်လပ်စွာပူဇော်ခွင့်ပြုရာရောက်နေသည်။ ရဟန်းမင်းကြီးတို့၏ကြေညာချက်ဖြစ်သော Traditionis custodes (“Guardians of the tradition” - ရှေးထုံးစဉ် လာကိုစောင့်ရှောက်သူ) ထဲ၌ (၁၉၇၀) ခုနှစ်က ပြန်လည်ဖြည့်စွပ်ပြင်ဆင်၍ပုံနှိပ်ထုတ်‌ ေ၀ခဲ့သော ‘Roman Liturgy’ (ရိုမန်၀ိနည်း) ကိုသုံးရန်နိုးဆော်ထားသည်။ ထိုကြေညာချက်ထဲ၌ ချက်ချင်းလက်တွေ့ဖော်ဆောင်ရန်အချက် (၈) ချက် ဖြင့်ဖော်ပြထားသည်။    

            ပထမဦးဆုံးအချက်၌ဖော်ပြထားသည်မှာ ဗာတီကန် (၂) အစည်းအ‌ေ၀းကြီးကျင်းပအပြီး ရဟန်းမင်းကြီး ပေါလ် (၆) နှင့်ရဟန်းမင်းကြီးဂျွန်ပေါလ် (၂) တို့ပုံနှိပ်ထုတ်‌ေ၀ခဲ့သော ‘၀ိနည်း’ စာအုပ်သည် ‘ရိုမန်၀ိနည်း’ (Roman Rite) အတွက် lex orandi [the law of prayer] လက်စွဲ၀ိနည်းစာအုပ်ဖြစ်ရမည်ဟုဖော်ပြထားသည်။

            ဒုတိယအချက်၌ဖော်ပြထားသည်မှာ (၁၉၆၂) ခုနှစ်ကပုံနှိပ်ထုတ်‌ေ၀ခဲ့သော ၀ိနည်းစာအုပ်ကိုအသုံးပြုခွင့်ရှိ ခြင်း၊ မရှိခြင်းသည် သက်ဆိုင်ရာ‌ဒေသန္တရဆရာတော်များမှာမိမိတို့၏သာသနာနယ်အတွင်းသတ်မှတ်ဆုံးဖြတ်ရမည်ဟု ညွှန်ကြားထားသည်။         

            တတိယညွှန်ကြားချက်၌မူ ဒေသန္တရဆရာတော်ကြီးများအနေဖြင့် မိမိတို့၏သာသနာနယ်အတွင်း၌ အမိသာသ နာတော်ကြီးက သတ်မှတ်ညွှန်ကြားထားသည့် ၀ိနည်းဖြင့်မဟုတ်ဘဲ မစ္ဆားပူဇော်နေခြင်းရှိမရှိကိုသတိထားရန်ဖြစ် သည်။ ဤအချက်၌ သက်ဆိုင်ရာဒေသန္တရဆရာတော်အဖွဲ့ချုပ်က အခြားသော၀ိနည်းဖြင့်ပူဇော်နေသော်လည်း အမိ သာသနာတော်ကြီး၏သွန်သင်ပိုင်ခွင့်အာဏာနှင့်ဗာတီကန် (၂) ၏ဩဇာကိုနာခံမူရှိမရှိကိုစီစစ်ဆုံးဖြတ်ရမည်ဖြစ်သည်။              

            အကယ်၍ ဒေသန္တရဆရာတော်ကြီးများသည် ဘာသာတူများ၏၀ိညာဉ်ရေးအကျိုးကိုမျှော်ကိုး၍  အဆိုပါသီး ခြား၀ိနည်းများဖြင့်မစ္ဆားပူဇော်ခွင့်ပြုထားမည်ဆိုပါ လျင်လည်း နေရာကိုသတ်သတ်မှတ်မှတ် သတ်မှတ်ပေးထားရန်လို ပါသည်။ ဤသို့ဆိုသောကြောင့် ဘုရားကျောင်းဆောင်အသစ်ဆောက်လုပ်ရန်၊ နေရာအသစ်ရှာရန်ကိုမဆိုလိုပါ။ ကျောင်း ထိုင်သီတင်းသုံးနေသောဘုရားကျောင်းတော်၌ပင် မစ္ဆားအချိန်ကိုသီးခြားသတ်မှတ်၍ပူဇော်နိုင်ပါသည်။ ထို့အတူ အဆိုပါ (၁၉၆၂ က ရဟန်းမင်းကြီးဂျွန် (၂၃) ပုံနှိပ်ထုတ်‌ေ၀ခဲ့သော၀ိနည်း) ၀ိနည်းဖြင့်မည်သည့်နေ့၊ မည်သည့်အချိန်နာရီ၊ မည်သည့်နေရာ၊ မည်သူကမစ္ဆားတရားကိုဦးဆောင်ပူဇော်မည်ကိုလည်း တရား၀င်ထုတ်ပြန်ရန် ဒေသန္တရဆရာတော်များ ၌တာ၀န်ရှိသည်။   

            ကြေညာချက်အသစ်၌မူ အကယ်၍ ‘ရိုမန် (သို့) လာတင်း’ ၀ိနည်းကျင့်သုံးသောဘုရားကျောင်းများ၌ (၁၉၆၂) နှစ်၏၀ိနည်းဖြင့်မစ္ဆားပူဇော်မည်ဆိုပါက မစ္ဆားပူဇော်စဉ်ဖတ်ရူသောကျမ်းစာများကို ဒေသအတွင်းအသုံးပြုရန် ဒေသန္တရ ဆရာတော်ကြီးများအဖွဲ့ချုပ်မှ တရား၀င်ခွင့်ပြုထားသော ဘာသာစကား (သို့) မစ္ဆားတရားပါ၀င်ပူဇော်သောဘာသာတူ များနားလည်သော ဘာသာစကားဖြင့်ဖတ်ရူရမည်။ (မှတ်ချက်။ ။အဘယ်ကြောင့်ဤသို့ဆိုရသနည်းဟုမူ (၁၉၆၂) ၀ိ နည်း၌ ဖတ်ရူသောကျမ်းစာများကိုလာတင်းဘာသာဖြင့်သာဖတ်ရူ ရန်ညွှန်ကြားထားသည်။ လာတင်းဘာသာဖြင့်ဖတ် ရူမည်ဆိုပါလျှင် ယနေ့ခေတ်၌ မစ္ဆားပူဇော်သောရဟန်းများပင်လျင် အားလုံးနားမလည်ကြတော့ပေ။ မိမိတို့နားမလည် သောဘာသာစကားများဖြင့်ဖတ်ကြားပူဇော်ခြင်းသည် အဘယ်သို့မျှ ၀ိညာဉ်ခွန်အားမရနိုင်ပေ။) ဤ၀ိနည်းကိုကျင့်သုံး ရန်ခွင့်ပြုထားပါက အဆိုပါ၀ိနည်းဖြင့်မစ္ဆားတရားကိုပူဇော်ပေးမည့်ဘုန်းတော်ကြီးအားသတ်မှတ်တာ၀န်ပေးရန်လို သည်။ အဆိုပါဘုန်းတော်ကြီးသည်လည်း ငိနည်းမှန်ကန်စွာသာ မစ္ဆားပူဇော်ရန်မဟုတ်ဘဲ ဘာသာတူများ၏၀ိညာဉ်ရေး တိုးတက်မူများအတွက်လည်း တာ၀န်ယူပေးသင့်သည်။ အဆိုပါ၀ိနည်းဖြင့် မစ္ဆားတရားပူဇော်ရန်သတ်မှတ်ထားသော သာသနာနယ်များမှဘာသာတူများသည် ဤ ၀ိနည်းဖြင့်မစ္ဆားပူဇော်ခွင့်ရ၍ ၄င်းတို့၏၀ိညာဉ်ရေးအဘယ်မျှပြောင်းလဲ တိုးတက်လာသည်၊ အကျိုးရှိထိရောက်သည် ကိုလည်းစောင့်ကြည့်ရမည်။ သို့မဟုတ်လျှင် အများနှင့်မတူအောင်အဖွဲ့အ စည်းသစ်တစ်ခုကိုအသွင်ကွဲအောင်ဖွဲ့ စည်းရုံ မျှမဖြစ်ရ။ 

            စတုတ္ထညွှန်ကြားချက်မှာမူ (၂၀၂၁၊ ဇူလိုင် ၁၆) ရက်နောက်ပိုင်း ရဟန်းသိက္ခာတင်သောရဟန်းများအနေဖြင့် (၁၉၆၂) နှစ်၏၀ိနည်းဖြင့်မစ္ဆားပူဇော်လိုပါက သာသနာပိုင်ဆရာတော်ထံ အထူးခွင့်ပြုချက်လျှောက်လွှာတင်တောင်းရ မည်။ ထိုမှတဆင့် ရဟန်းမင်းကြီးရုံးတော်မှ ထိုအမူကိစ္စနှင့်ပတ်သက်၍တာ၀န်ရှိသူတို့ထံ ဆွေးနွေးတင်ပြ၍ ခွင့်ပြုသင့်မ သင့်ကိုအကြောင်းပြန်ပေးရမည်ဖြစ်သည်။   

            ညွှန်ကြားချက်ငါး၌ကား (၁၉၆၂) ၀ိနည်းဖြင့် မစ္ဆားပူဇော်နေသောဘုန်းတော်ကြီးသည် ထို၀ိနည်းဖြင့် ဆက် လက်မစ္ဆားပူဇော်နိင်ရန် သူ၏သာသနာပိုင်ဆရာတော်ထံခွင့်ပန်ရသည်။  

            ညွှန်ကြားခြောက်နှင့်ခုနှစ်၌မူ ဤ၀ိနည်းတော်ဖြင့်မစ္ဆာပူဇော်ခွင့်ပြုရေး၊ မပြုရေးကို အမိသာသနာတော်ကြီး၏ ၀တ်ပြုခြင်းဆိုင်ရာ၊ စက္ကရာမင်တူးဆိုင်ရာ ဥပဒေများရေးဆွဲသတ်မှတ်သောအဖွဲ့၊ သူတော်စင်အသင်းများဆိုင်ရာအဖွဲ့နှင့် ဆက်ကပ်ခြင်းအသက်တာကိုရှင်သန်နေကြသော သာမန်ခရစ်ယာန်အဖွဲ့အစည်းများဆိုင်ရာဌာနတို့မှပူးပေါင်းညှိနှိုင်း၍ ဆုံးဖြတ်ပေးကြမည်ဖြစ်သည်။ 

ဘာသာပြန်-ဖာသာရ်ကလဲမင့်းအားတယ်

https://bit.ly/3iiyc8h