ကမ္ဘာ့လူငယ်များနေ့၏ဂုဏ်ပြုသီချင်းသည် ကမ္ဘာတ၀ှမ်းမှ ကက်သလစ်လူငယ်များအား ဆုံဆည်းစေမည်

ကမ္ဘာ့လူငယ်များနေ့၏ဂုဏ်ပြုသီချင်းသည် ကမ္ဘာတ၀ှမ်းမှ ကက်သလစ်လူငယ်များအား ဆုံဆည်းစေမည်

လာမည့်ဩဂုတ်လဆန်းတွင်ကျင်းပမည့် ကမ္ဘာ့လူငယ်များနေ့အခမ်းအနားကြီးသည် ကမ္ဘာတစ်၀ှမ်းမှကက်သလစ်လူငယ်သိန်းသန်းကိုတစ်နေရာတည်း၌ဆုံဆည်းစေမည်ဖြစ်သည်။

ထို့အတူ မြူးစိများဖြင့်ရှင်သန်ပျံ့လွှင့်နေမည့်ကာလတိုတစ်ခုလည်းဖြစ်ပေမည်။ အဆိုပါကမ္ဘာ့လူငယ်များနေ့အားဂုဏ်ပြု‌ရေးစပ်ထား သောသီချင်းစာသားများအားလုံးသည် သမ္မာကျမ်းစာမှထုတ်ယူထားခြင်းဖြစ်သည်။

ကမ္ဘာ့လူငယ်များနေ့အား စိန့်ဂျွန်ပေါလ် (၂) မှစတင်ခဲ့ပြီး သူဦးဆောင်ကျင်းပခဲ့သောကမ္ဘာ့လူငယ်များနေ့အခမ်အနားမှာ (၂၀၀၂) ခုနှစ် ကနေဒါနိုင်ငံ၌ကျင်းပခဲ့သည်။ ထိုတစ်ကြိမ်၏ ကမ္ဘာ့လူငယ်များနေ့အခမ်းအနားသည် အမေရိကန်ပြည် ထောင်စု၊ နူးယော့မြို့ကြီး ISISတို့၏ဆိုး၀ါးစွာတိုက်ခိုက်ခံခဲ့ရသည့်စက်တင်တာလ (၁၁) ရက်နေ့အနိဌာရုံဖြစ်ပွားပြီးများ မကြာမီ တွင်ကျင်းပခဲ့သည်။

ထိုဆိုး၀ါးသောတိုက်ခိုက်မှုနှင့် အသက်ဆုံးရှုံးခဲ့ရသောအဖြစ်ကြောင့် ကမ္ဘာ့လူငယ်များနေ့အခမ်အနားအားများစွာရိုက်ခတ်သွားစေခဲ့သည်။ ထိုနှစ်၏ကမ္ဘာ့လူငယ်များနေ့အားဂုဏ်ပြုစပ်ဆိုသောသီချင်းခေါင်း စဉ်မှာ ‘light of the world’ (လောက၏ အလင်း) ဟုဖြစ်သည်။ အဘယ်ကြောင့်ဆိုသော် ယခုကဲ့သို့ခက်ခဲမှုများနှင့်ခြိမ်း ခြောက်မှုများကြားရဲ၀ံ့စွာမိမိတို့၏သမ္မာတရာအလင်းကိုထွန်းလင်းရန်ဖိတ်ခေါ်ခဲ့ခြင်းဖြစ်သည်။

စိန့်ဂျွန်ပေါလ် (၂) နောက်ဆုံးကျင်းပခဲ့သော ကမ္ဘာ့လူငယ်များနေ့အခမ်းအနားအပြီး (၃) နှစ်မြောက်သောနှစ်ဖြစ်သည့် (၂၀၀၅) ခုနှစ်၌မှု ရဟန်းမင်းကြီးဘေနေ
ဒစ် (၁၆) က အဆိုပါအခမ်းအနားကိုကျင်းပရန်အလှည့်ကျသော ရဟန်းမင်း ကြီး၏မိခင်နိုင်ငံလည်းဖြစ်သော ဂျာမဏီနိုင်ငံ၌ ကမ္ဘာ့လူငယ်များနေ့ကိုကျင်းပခဲ့ပြန်သည်။

အဆိုပါအခမ်းအနားအတွင်း၌ ရဟန်းမင်း ကြီးဘေနေဒစ် (၁၆) ကကမ္ဘာတစ်၀ှမ်းလုံးမှစုရုံးရောက် ရှိနေသော ကက်သလစ်လူငယ်များအား ကိုယ်တော်မြတ်ဖူးမြှော်တတ်သည့်အလေ့အထကို ၄င်းတို့၏အ သက်တာ၌ပျိုးထောင်ရန်တိုက်တွန်းခဲ့သည်။ ထိုနှစ်၏ကမ္ဘာ့လူငယ်များနေ့ဂုဏ်ပြုသီချင်းမှာ အဓိကအားဖြင့် ကိုယ်တော်မြတ်စက္ကရာမင်တူးကိုအသားပေးသီကုံးထားသည်။

တဖန် (၂၀၁၁) စပိန်နိုင်ငံ၊ မာဒရစ်၌ကျင်းပခဲ့သော ကမ္ဘာ့လူငယ်များနေ့၌ ရာသီဥတုဆိုး၀ါးနေခဲ့သော်လည်း ကမ္ဘာတစ်၀ှမ်းမှလူငယ် (၂) သန်းကျော်သည် ရဟန်းမင်း ကြီးဘေနေဒစ် (၁၆) နှင့်အတူမပျက်မ ကွက်လာရောက်ဆုတောင်းခဲ့ကြသည်။
ရဟန်းမင်းကြီးကလည်း ရာသီဥတုဤမျှဆိုးရွားသော်လည်း လူငယ်တို့၏ မဆုတ် မနစ်သောလုံ့လဖြင့်ပွဲတော်အခမ်းအနားအားတက်ကြွစွာပါ၀င်ခဲ့သည့်အတွက်လည်းကျေးဇူး တင်ကြောင်းမိန့်ကြားခဲ့သည်။

ထိုနှစ် ကမ္ဘာ့လူငယ်များနေ့၏သီချင်းခေါင်းစဉ်မှာ ‘Firm in the Faith’ (ယုံ ကြည်၌ခိုင်မြဲကြလော့) ဖြစ်ပါသည်။ ဤတစ်ကြိမ်သည် ရဟန်းမင်းကြီးဘေးနေဒစ် (၁၆) မှနောက်ဆုံးဦး ဆောင်ကျင်းပခဲ့သော ကမ္ဘာ့လူငယ်များနေ့အခမ်းအနားဖြစ်ခဲ့သည်။

တဖန် (၂၀၁၆) ခုနှစ်ကလည်း လူငယ်တစ်သန်းခွဲကျော်သည် ပိုလန်နိုင်ငံ၊ ခရာကိုသို့ဆက်လက်၍ ကမ္ဘာ့လူငယ်များနေ့ဘုရားဖူးအခမ်းအနားကိုကျင်းပခဲ့သည်။
ဤကမ္ဘာ့လူငယ်ပွဲတော်သည် လွန်စွာထူးခြားပြီး အမှတ်ရစရာလည်းဖြစ်ခဲ့သည်။ အဘယ်ကြောင့်ဆိုသော် ပိုလန်သည် စိန့်ဂျွန်ပေါလ် (၂) ၏မွေးရပ်ဇာတိ မြေဖြစ်သည်။

ကမ္ဘာ့လူငယ်များနေ့အခမ်းအနားအားလည်း စိန့်ဂျွန်ပေါလ် (၂) မှသတ်မှတ်၍ စတင်ကျင်းပလာခဲ့ခြင်းလည်းဖြစ်သည်။ ထိုနှစ်အတွက်ရေးသားသီကုံးသော ကမ္ဘာ့လူငယ်များနေ့၏သီချင်းခေါင်းစဉ်ကား ထိုနှစ်၌သတ်မှတ်ကျင်းပသော ‘သနားခြင်းကရုဏာနှစ်’ ကိုအသားပေး၍ရေးသားစပ်ဆိုထားသည်။

အမေရိကတိုက်အလယ်ပိုင်းဒေသ၌ ပထမဦးဆုံးကမ္ဘာ့လူငယ်များနေ့ကိုအိမ်ရှင်အဖြစ် ပနားမားနိုင်ငံက (၂၀၁၉) ခုနှစ်တွင်လက်ခံကျင်းပခဲ့သည်။ ဤအခမ်းအနားတစ် လျှောက်၌ အမိမယ်တော်သည် ကယ်တင်ခြင်းလုပ်ငန်းစဉ်၌လည်းကောင်း၊ လူသားတစ်ဦးစီ၏အသက်တာ၌လည်းကောင်း အဘယ်မျှအရေးပါကြောင်း စသည့်မယ်တော်အားသဒ္ဓါကြည်ညိုခြင်းကိုအသားပေးထားပြီး ပွဲနေ့ဂုဏ်ပြုသောသီချင်း၌လည်း ‘ဖာတီမာမယ်တော်’ အားဂုဏ်ပြုသည့်သီချင်းကိုရေးစပ်သီကုံး၍ သီဆိုဂုဏ်ပြုခဲ့ကြသည်။

ယခုနှစ်ဩဂုတ်လ (၁ မှ ၆) ရက်နေ့အထိကျင်းပမည့် ကမ္ဘာ့လူငယ်များနေ့အခမ်း အနားအတွက်ကိုလည်း ကမ္ဘာတစ်၀ှမ်းမှလူငယ်သိန်းသန်းတို့သည်တက်ရောက်နိုင်ရန်ပြင်ဆင်နေကြသည်။ ယခုနှစ်၌အိမ်ရှင် အဖြစ်လက္ခံကျင်းပမည့်နိုင်ငံမှာ ဖာတီမာမယ်တော်ထင်ရှားပြခဲ့သော ‘ပေါ်တူဂီ’ နိုင်ငံပင်ဖြစ်သည်။

ပွဲတော် အခမ်းအနားကို နိုင်ငံ၏မြို့တော် ‘Lisbon’ ၌အဓိကထားကျင်းပမည်ဖြစ်ပြီး ယခုနှစ်ပွဲတော်၏ဆင်ခြင်စရာ ဆောင်ပုဒ်မှာ ‘Mary's "yes’ (အမိမယ်တော်၏ အလိုတော်အတိုင်းဖြစ်ပါစေ) ဖြစ်သည်။

ဘုရားသခင်၏သိ ကြားတမန်အားဖြင့်ဘုရားသခင်အား ထိုသို့ပြန်လည်ဖြေကြားပြီးသည်နှင့်ချက်ချင်းပင် အမိမယ်တော်သည် သူ၏တစ်၀မ်းကွဲအစ်မဖြစ်သူ ‘အဲလစ်ဇဘက်’ ထံသို့သွားရောက်၍ ‌ေ၀ယျာ၀ိစ္စကိစ္စများကိုကူညီလုပ်ကိုင်ပေးခဲ့သည်။ ယခုနှစ်ကမ္ဘာ့လူငယ်များနေ့အားဂုဏ်ပြုသောသီချင်းမှာ ‘There's Haste in the Air’ (လေထဲ၌အလျင်ဖြစ်ပျံ့လွှင့်နေသည်) ဖြစ်ပါသည်။

လူငယ်များအားဆင်ခြင်စေလိုသည်မှာ တွေ‌ေ၀မနေဘဲ ယနေ့ လက်တွေ့စတင်လိုက်ပါဟုတိုက်တွန်းထားခြင်းဖြစ်သည်။

အာဗီအေဘာသာပြန်- ဖာသာရ်ကလဲမင့်အားတယ်

https://bit.ly/3pQet7K