ကမ္ဘာလုံးဆိုင်ရာ ကက်သလစ်ဆရာတော်ကြီးများ၏ (၂၀၂၁ မှ ၂၀၂၃) အထိကျင်းပသည့် ညီလာခံကြီး အောင်မြင်ရေးအတွက် ဆုတောင်းမေတ္တာ

သာသနာအဆင့် Synod ဆီး‌နော့ဖြစ်မြောက်အောင်မြင်‌ရေးအတွက်ဆုတောင်းမေတ္တာ

အိုသန့်ရှင်းသော၀ိညာဉ်တော်

ကျွန်ုပ်တို့သည် ကိုယ်တော်၏နာမတော်မြတ်၌ ရှေ့တော်၌စုရုံးရောက်ရှိနေကြပါသည်။ ကိုယ် တော် တပည့်တော်တို့ကိုလမ်းညွှန်ဦးဆောင်ပေးတော်မူပါ။ တပည့်တော်တို့၏စိတ်နှလုံးကို ကိုယ်တော် ၏စံအိမ်တော်ပြုတော်မူပါ။ တပည့်တော်တို့လျှောက်လှမ်းရမည်လမ်းတော်နှင့်ထိုလမ်းတော်ကို အဆုံး တိုင်အောင် အဘယ်သို့ဦးတည်လျှောက်လှမ်းရမည်ကိုသင်ကြားပေးတော်မူပါ။

တပည့်တော်တို့သည် အားနည်း၍အပြစ်ရှိသောသူများဖြစ်ကြပါသည်။ တပည့်တော်တို့အား ဖယို ဖရဲဖြစ်စေမည့်အခြေအနေမျိုးကို ဖန်တီးသူများမဖြစ်စေပါနှင့်။ တပည့်တော်တို့၏ ဘာမျှမသိနားမလည် မှုကြောင့် လမ်းမှားသို့လည်းဦးတည်မကျရောက်မိပါစေနှင့်။ ထို့အတူ မဆင်ခြင်ဘဲ တပည့်တော်တို့လုပ် ဆောင်ရာများ၌ တစ်ဖက်သတ်အလိုလိုက်အကြိုက်ဆောင်မိခြင်းများလည်းမဖြစ်စေပါနှင့်။ ကိုယ်တော်၌ တပည့်တော်တို့၏စည်းလုံးညီညွှတ်ခြင်းကိုတွေ့ရှိနိုင်စေတော်မူပါ။ သို့မှသာ တပည့်တော်တို့အားလုံး သည် ထာ၀ရအသက်တာသို့ အတူတကွခရီးနင်နိုင်ကြမည်ဖြစ်သည်။ အမှန်တရား၏လမ်းတော်မှလည်း သွေဖီလမ်းလွှဲသွားမည်မဟုတ်ဘဲ မှန်ကန်သောလမ်းကြောင်းဆီသို့ဦးတည်သွားနိုင်မည်ဖြစ်သည်။           

ဤကျေးဇူးတော်များအားလုံးကို နေရာတိုင်း၊ အချိန်တိုင်း၌ ခမည်းတော်နှင့်သားတော် တို့နှင့်အ တူပူး‌ပေါင်းအမှုတော်ဆောင်လျှက်ရှိသောကိုယ်တော့်ကိုအမှီပြု၍ တောင်းလျှောက်ကြပါသည်ဘုရား ...       အာမင်။  ။