ကက်သလစ်ဓမ္မတွေးခေါ်ပညာရှင် သက်တော် (၇၆) နှစ်တွင်ပျံလွန်

ကက်သလစ်ဓမ္မတွေးခေါ်ပညာရှင် သက်တော် (၇၆) နှစ်တွင်ပျံလွန်

အင်ဒိုနီးရှားနိုင်ငံ၌ နှစ်ပေါင်း (၄၅) ကြာ သာသနာပြုခဲ့သည့် ဓမ္မတွေးခေါ်မှုပညာရှင်ဘုန်းတော်ကြီးပျံလွန်

သူသည် အဂ်လန်ဖွားကက်သလစ်ဘုန်းတော်ကြီးတစ်ပါးဖြစ်သည်။ ဓမ္မတွေးခေါ်မှုပိုင်း၌အလွန်အရာရောက်သူဖြစ် သကဲ့သို့ အာရှဆိုင်ရာလူမှုရေးရာပညာရှင်လည်းဖြစ်သည်။ သူသည် အင်ဒိုနီးရှားနိုင်ငံ၌ နှစ်ပေါင်း (၄၅) ကြာ သာသနာပြုခဲ့ ပြီး၊ ယခုလ ဇူလိုင် (၂) ရက်နေ့၌ သက်တော် (၇၆) တွင်ပျံ့လွန်သွားခဲ့သည်။

သူသည် ‘ဘုရားသခင်၏နှုတ်တော်ထွက် စကားတော်’ အမည်ရဘုန်းတော်ကြီးအသင်း၀င်တစ်ပါးဖြစ်သည်။ သူသည် စိန့်ပေါလ် ဖီလိုဆိုဖီ သင်တန်းကျောင်း၌လည်း ကောင်း၊ အင်ဒိုနီးရှားနိုင်ငံအရှေ့ဖက် Flores ကျွန်းရှိ ကက်သလစ်ရဟန်းဖြစ်တက္ကသိုလ်၌လည်း (၁၉၇၃) မှအမှုတော် ထမ်းခဲ့သူဖြစ်သည်။ သူ၏အမည်ကားဖာသာရ် John Mansford Prior ဖြစ်သည်။ သူသည်နေထိုင်မကောင်းဖြစ်နေ သည်မှာ အတန်ကြာပြီဖြစ်သည်။ သူသည် မွေးရပ်မြေအဂ်လန်မှသူအမှုထမ်းနေသော Maumere သို့ပြန်ရောက်လာခဲ့ သည်မှာမကြာသေးပေ။ သူ၏ကျန်းမာရေးအခြေအနေသည်လည်း ပို၍ဆိုးရွားလာခဲ့သည်။

Maumere ၌ သာသနာအမှုထမ်းရင်း ဘာသာရေးနှင့်ယဉ်ကျေးမှုကိုလေ့လာခဲ့သည်။ သူသည် (၁၉၉၃ - ၂၀၀၈) အထိ (၁၅) နှစ်ကြာ ရဟန်းမင်းကြီး၏ ယဉ်ကျေးမှုဆိုင်ရာကောင်စီ၏ အတိုင်းပင်အဖြစ်လည်းကောင်း၊ အာရှဆရာ တော်ကြီးများအဖွဲ့ချုပ်၏ အကြံပေးအဖြစ်လည်းကောင်းအမှုထမ်းခဲ့သည်။ Amsterdam မှ Vrije တက္ကသိုလ်၏ ကျမ်း စာဆိုင်ရာအမှုဆောင်အဖွဲ့၀င်လည်းဖြစ်သည်။ သူသည် (၂၀၀၄ - ၂၀၁၂) အထိ အပြည်ပြည်ဆိုင်ရာ သူသာသနာအ ကြောင်းလေ့လာသော အဖွဲ့နှင့်ချိပ်ဆက်ထားသည့် သမ္မာကျမ်းစာနှင့်သာသနာပြုခြင်းအဖွဲ့၏ဦးဆောင်သူလည်းဖြစ်ခဲ့ သည်။ သူသည် (၂၀၁၁) ခုနှစ်မှစ၍ ဩစတေးလျားနိုင်ငံ၊ မဲလ်ဘုန်းမြို့ Divinity တက္ကသိုလ်၏ ဂုဏ်ထူးဆောင် သုတေသနပညာရှင်လည်းဖြစ်သည်။

သူ၏ပျံလွန်ခြင်းသည် အာရှပစီးဖိတ်ဒေသ၏ ဓမ္မသဂြိုလ်ဘာသာရပ်၀န်းအတွက် အလွန်ကြီးမားသောဆုံးရှုံးမှုကြီး ဖြစ်သည်။ အဘယ်ကြောင့်ဆိုသော် သူသည် မျက်မှောက်ရာစုအတွက် အလွန်အရေးပါသော ဓမ္မတွေးခေါ်ပညာရှင်တစ်ဦး ဖြစ်သည်။ သူသည် Maumere Centrum သာသနာကိုလည်းကောင်း၊ Wolofeo သာသနာအုပ်စုနှင့်အခြားသောသာသ နာအုပ်စုများစွကို တည်ထောင်ခဲ့သူဖြစ်သည်။ သူသည် ဒေသအတွင်းပို့ချပေးသော Ledalero IFTK Theology Master’s Program (STFK) ၏ ကနဦးတည်ထောင်သူဖြစ်သည်။ သူ့အား သီဩလိုဂျီ၏ပြယုဂ်အဖြစ်လည်း ဂုဏ်ပြု ခေါ်‌၀ါ်ကြသည်။ အဘယ်ကြောင့်ဆိုသော် မျက်မှောက်ခေတ်ကာလနှင့်ညီသော သီဩလိုဂျီကြောင့်လူသိများသည်။ သူ၏မိဘနှစ်ပါးမှာ Vincent Thomas Prior နှင့် Kathleen Mary Mansford တို့ဖြစ်ကြပြီး၊ အဂ်လန်နိုင်ငံ၊ Ipswich ၌ အောက်တိုဘာ (၄၊ ၁၉၄၆) တွင်မွေးဖွားခဲ့သည်။

သူသည်ဖီလိုဆိုဖီနှင့်လူမှုရေးဘာသာရပ်ကို အိုင်ယာလန်နိုင် ငံ၊ Donamon Castle တွင်သင်ကြားခဲ့သည်။ သီဩလိုဂျီနှင့်လူမှုခန္ဓာဗေဒဘာသာရပ်တို့ကိုမှု အဂ်လန်နိုင်ငံ၊ လန်ဒန်သင် တန်းကျောင်း၌သင်ကြားခဲ့သည်။ ရဟန်းသိက္ခာကိုမှု (၁၉၇၂) တွင်ထပ်ခဲ့သည်။ သူသည် (၂၀၀၈) မှစ၍ Yarra ၌လည်းအ ကူစာသင်ကြား ပေးခဲ့သည်။ Netherlands နိုင်ငံ၊ Amsterdam မြို့ Vrieje တက္ကသိုလ်၌လည်း အကြံပေးပုဂ္ဂုလ်အ ဖြစ်လည်းအမှုထမ်းခဲ့သည်။ သူသည် (၂၀၀၈ - ၂၀၁၇) အထိ Jurnal Ledalero ဂျာနယ်၏ အယ်ဒီတာလည်းဖြစ်သည်။ သူသည်ဘာသာရေးဒီပလိုမာဘွဲ့ကို (၁၉၇၃) Cambridge တက္ကသိုလ်မှလည်းကောင်း၊ ယဉ်ကျေးမှုမတူသော ဘာသာရေး အတွေးအခေါ်ဘာသာရပ်၌ Ph.D. ကို (၁၉၈၇) Birmingham တက္ကသိုလ်မှလည်းကောင်းရရှိခဲ့သူဖြစ်သည်။

‘အာရှသာသနာ၏အမျိုးသမီးများအသင်း’ (Ecclesia of Women in Asia (EWA) ကိုပူးတွဲတည် ထောင်ပေးသူ၊ စာတမ်းပေါင်း (၁၆၅) ကျော်ကိုပြုစု၍ အစည်းအ‌ဝေးကြီးများ၊ ဆွေးနွေးပွဲများ၌ ဖတ်ကြားတင်ပြဆွေး နွေးခဲ့သူလည်းဖြစ်သည်။ သူသည် အိန္ဒိယနိုင်ငံ၊ Bangalore ၌အခြေဆိုက်သော အာရှအယ်ဒီတာဘုတ်အဖွဲ့၀င်အဖြစ် (၂၀၁၄) ကတည်းကလည်းကောင်း၊ အိန္ဒိယနိုင်၊ Chennai ၌အခြေဆိုက်သော အာရှမှခရစ်ယာန်များ ပညာ သင်ကြားရေး ဆိုင်ရာအဖွဲ့၀င်အဖြစ်လည်း (၂၀၁၆) ကတည်းကပါ၀င်နေခဲ့သည်။

ST Atma Reksa, Ende ၌ စာချအဖြစ် (၁၉၉၀ - ၁၉၉၇) အထိလည်းကောင်း၊ ဧည့်စာချအဖြစ် Yarra Theological Union Melbourne, Australia ၌ (၁၉၉၀ - ၂၀၀၉) အထိလည်းကောင်း၊ ဧည့်စာချအဖြစ် STKIP St. Paulus Ruteng ၌လည်းကောင်း၊ ပညာရှင်အဖြစ် ဩစတေးလျားနိုင်ငံ၊ Melbourne ၌ (၁၉၉၇ - ၂၀၀၉) အထိလည်းကောင်း၊ အမေရိကန်နိုင်ငံ၊ ချီကာဂိုပြည်နယ်ရှိ ကက်သလစ်သီဩလိုဂျီကျောင်း၌ ဧည့်စာချအဖြစ် (၁၉၉၈) တွင် လည်းကောင်း၊ ဩစတေးလျားနိုင်ငံ၊ Monash တက္ကသိုလ်၌ သုတေသနအဖွဲ့၀င်အဖြစ် (၂၀၀၇-၂၀၀၉) အထိလည်း ကောင်း၊ မနီလာမြို့ရှိ Asian Theological Forum ၌လည်း ဘွဲ့လွန်ကျောင်းသားများအတွက် သင်ပြသော၀န်ထမ်းအ ဖြစ် (၂၀၁၅) ၌လည်းကောင်း၊ မနီလာနိုင်ငံ Renewal Course at the East Asian Pastoral Institute လည်းကောင်း စာသင်ပေးခဲ့သူဖြစ်သည်။

ဖာသာရ်သည် စာအုပ်ပေါင်းများစွာကိုရေးသားခဲ့သူ၊ ဂျာနယ်များ၌ ဆောင်းပါးပေါင်း (၁၄၅) ပုဒ်ကိုလည်းကောင်း၊ ဆောင်းပါး(၄၄) ပုဒ်ကို ဘာသာစကား (၂) မျိုးမှသည် (၆) မျိုးအထိ ဘာသာပြန်ဆိုထုတ်‌ဝေခံခဲ့ရသည်။ စာအုပ်ပေါင်း (၄၇) အုပ်၏အယ်ဒီတာလည်းဖြစ်ခဲ့သည်ဟုဆိုသည်။

အာဗီအေဘာသာပြန်- ဖာသာရ်ကလဲမင့်အားတယ်

https://bit.ly/3ylhTiR

 

Add new comment

8 + 4 =