ငရဲငယ်အကြောင်း

အ မေး(အဖြေ)

အပိုင်း (၄)(၅)(၆)

ငရဲငယ်အကြောင်း

အင်္ဂလိပ်စကားလုံးPurgatory

သည်LatinစကားလုံးPurgatorium မှ ဆင်းသက်လာခြင်း ဖြစ်ပါသည်။Purgatory ၏ အဓိပ်ပါယ် မှာဝိညာဉ်များတို့ သည် ကောင်းကင်သုခချမ်းသာထဲသို့ဝင်နိုင်ရန် မိမိ၏ ကောင်းမှု အကုသိုလ်များနှင့် အပြစ်အတွက် ဒဏ်ဆပ်ဖြေသောနေရာ ( သို့မဟုတ်) သန့်ရှင်းစင်ကြယ်အောင်ပြု လုပ်ရသည့်နေရာဖြစ်သည်။

တနည်းအားဖြင့် ငရဲငယ် ဟုခေါ်ဆိုပါသည်။Purgatory ရှိကြောင်း Coucil of Trent(1545-1563 AD)မှာကက်သလစ် အသင်းတော်က အတည်ပြုခဲ့ပါသည်။

ငရဲငယ် ရှိကြောင်း ရှေးဦးဖခင်ကြီးများဖြစ်ကြသော

St.Tertulian (145-220)

St.Ephrem (306-373)

St.Cyril of Jerusalem(313-386)

St.Clement of Alexandria(150-215)

St.Gregory of Nyssa(335-394) အစရှိသည့် ရှေးဦးဖခင်ကြီးများ ရေးသားခဲ့ခြင်း တွေ့ရပါသည်။

သမ္မာကျမ်းစာမှာ Bible,Trinity..Incarnation etc...အစရှိသည့် စကားလုံးသည် ကျမ်းစာအုပ်မှာ မရေးထားပါ။ ကျမ်းစာကို ဘယ်သူရေးသလဲ ဆိုတာ ကျမ်းစာအုပ်မှာ မရေးထားပါ။ ကျမ်းစာ နောက်ခံသမိုင်းကြောင်း ကျမ်းစာအုပ်မှာ မရေးထားပါ။ သခင်ခရစ်တော်လဲ ကျမ်းစာ ရေးပါလို့ မပြောကြားခဲ့ပါ။ရှင်ယောဟန် ကျမ်းမှာတော့ ဒီလိုရေးထားပါတယ်။ရှင်ယောဟန်ခရစ်ဝင် ၂၁:၂၅

သူ၏သက်သေခံချက်မှန်သည်ကို ငါတို့သိကြ၏။ ယေရှုပြုတော်မူသော အခြားအမှုအရာများ ရှိသေး၏။ ထိုအမှုအရာရှိသမျှတို့ကို အသီးအခြားရေးထားလျှင်၊ မြေကြီးမဆံ့နိုင်အောင် ကျမ်းစာများပြားလိမ့်မည် ဟု ထင်မှတ်ခြင်းရှိ၏။ကျမ်းစာအုပ်မှာမရေးထားပေမယ့်

တမန်တော်ကြီးများ၏ နှုတ်တိုက်ဟောပြောသင်လာလာခြင်း နဲ့ကျမ်းစာနောက်ခံသမိုင်းကြောင်းကို Bible Commentary မှာ ရေးထားပါသည်။

RVA(Myanmar) ဘာသာရေး အ မေး(အဖြေ)မှ ဘုန်းတော်ကြီး Rev.Fr.Richard Hla Min Oo ဖြေကြားထားခြင်း ဖြစ်ပါသည်။

ကက်သလစ်ခရစ်ယာန်များအထူးသဖြင့် နားထောင်သင့်သည်။ အခြားခရစ်ယာန်တွေ မေးလာရင် မပြောပြတတ် မဖြေတတ် မဖြစ်ရအောင် အယောက်စီတိုင်းကို နားထောင်ဖို့ ဖိတ်ခေါ်ပါသည်။

နားထောင်ပေးကြသော ချစ်သော ယုံကြည်သူ ညီအစ်ကိုမောင်နှမများကို အထူးကျေးဇူးတင်ပါသည်။

ဓမ္မပညာဗဟုသုသ ရရှိပါစေလို့ ဆုမွန်ကောင်း တောင်းလိုက်ပါသည်။

Purgatory in the Bible Verses

၂မက္ကာဘေးဦး( 2 Macc 12;46)

ဟေရှာ( Is 6:6-7)

(Dan 12:10)

(Matthew 12;32)

(Lk 12:58-59) Luke 16:19-16:26,

2 Timothy 1:18,

1 Corinthians( 3:11/15 )

Hebrew (12:6-10)(12:29)

1Peter (4:6)

Rev (21: 27)

2Maccabees (12:46)

ထို့ကြောင့်သူသည် သေလွန်သူတို့ အတွက် အပြစ်ဒဏ်ဆပ်ဖြေရာယဇ်ကို ပူဇော်ခြင်းဖြင့်ထိုသူသည် မကောင်းမှု မှ လွတ်ငြိမ်းနိုင်ကြမည်ဖြစ်သတည်း။

ဆရာယုဒသန်ဘာသာပြန်ဆိုထား

ခြင်းကို ဖတ်ရှု နိုင် ပါသည်။

ဟေရှာယအနာဂတ္တိကျမ်း (၆:၆-၇)

ထိုအခါ ကောင်းကင်တမန် သရပ်တစ်ပါးသည် ယဇ်ပလ္လင်ပေါ်က မီးညှပ်ဖြင့်ယူသော မီးခဲတစ်ခဲကို လက်နှင့်ကိုင်လျက်၊ ငါရှိရာသို့ပျံလာ၍၊

-ငါ့နှုတ်ကိုတို့ပြီးလျှင်၊ ဤမီးခဲသည် သင်၏နှုတ်ခမ်းကို တွေ့ပြီ။ သင်၏ဒုစရိုက်ကို သုတ်သင်ပြီ။ သင်၏အပြစ်လည်း ပြေရှင်းပြီဟု ဆို၏။

ရှင်မဿဲခရစ်ဝင် ၁၂:၃၂

လူသားကို နှုတ်ဖြင့်ပြစ်မှားသောသူ၏အပြစ်ကိုလည်း လွှတ်နိုင်၏။ သန့်ရှင်းသောဝိညာဉ်တော်ကို နှုတ်ဖြင့် ပြစ်မှားသောသူ၏အပြစ်ကို ယခုဘဝနောင်ဘဝ၌ မလွှတ်နိုင်။

ရှင်လုကာခရစ်ဝင်( ၁၂:၅၈-၅၉)

သင်သည်တရားတွေ့ဘက်နှင့်အတူ မင်းထံသို့သွားသောအခါ အမှုပြေစေခြင်းငှါ လမ်း၌ကြိုးစားလော့။ သို့မဟုတ် တရားတွေ့ဘက်သည်တရားသူကြီးရှေ့သို့ဆွဲမည်။ တရားသူကြီးသည် လုလင်ခေါင်း၌အပ်၍၊ လုလင် ခေါင်းသည် ထောင်ထဲ၌ လှောင်ထားမည်။

-လျော်ပြစ်ငွေရှိသမျှကို မလျော်မှီတိုင်အောင် ထောင်ထဲကမထွက်ရ၊ ငါဆိုသည်ဟု မိန့်တော်မူ၏။

ကောရိန်သုဩဝါဒစာ ပဌမစောင်( ၃:၁၃-၁၅)

အသီးသီးလုပ်သော အလုပ်သည် ထင်ရှားလိမ့်မည်။ အဘယ်သို့နည်းဟူမူကား၊ ဘော်ပြချိန် နေ့ရက် သည် မီးအားဖြင့် ထင်ရှားစေလိမ့်မည်။ လူတိုင်းလုပ်သောအလုပ်သည် အဘယ်သို့သော အလုပ်ဖြစ်သည်ကို မီးသည်စစ်ကြောစုံစမ်းလိမ့်မည်။

-ထိုတိုက်မြစ်အပေါ်၌ ထပ်ဆင့်၍ တည်ဆောက်သော အကြင်သူ၏ အလုပ်သည်မြဲ၏။ ထိုသူသည် အကျိုးကို ခံရလိမ့်မည်။

-အကြင်သူ၏အလုပ်သည် ကျွမ်းလောင်၏၊ ထိုသူ သည် အရှုံးခံရလိမ့်မည်။ သို့သော်လည်း၊ မီးနှင့်လွတ် သကဲ့သို့ သူသည် ကယ်တင်ခြင်းသို့ ရောက်လိမ့်မည်။

ဟေဗြဲဩဝါဒစာ (၁၂:၆-၁၀)

ထာဝရဘုရားသည် ချစ်တော်မူသောသူကို ဆုံးမတော်မူတတ်၏။ လက်ခံတော်မူသမျှသော သားတို့ကို ဒဏ်ခတ်တော်မူတတ်၏ဟု သူငယ်တို့ကို ဆိုသကဲ့သို့၊ သင်တို့ကို ပြောဆိုသောဩဝါဒစကားကို မေ့လျော့ကြသလော။

-သင်တို့သည် ဆုံးမတော်မူခြင်းကို ခံလျှင်၊ သားတို့ကိုပြုသကဲ့သို့၊ ဘုရားသခင်သည်သင်တို့ကို ပြုတော်မူ၏။ အကြောင်းမူကား၊ အဘမဆုံးမေသာသား တစုံတယောက်ရှိသလော။

-သားအပေါင်းတို့သည် ခံတတ်သောဆုံးမခြင်းကို သင်တို့သည် မခံဘဲနေလျှင်၊ သားရင်းမဟုတ်၊ မင်းဦး မင်းလွင်ရသော သားဖြစ်ကြ၏။

-တနည်းကား၊ ကိုယ်ကာယနှင့်စပ်ဆိုင်သော အဘတို့လက်ဖြင့် ငါတို့သည် ဆုံးမခြင်းကို ခံရေသာအခါ၊ သူတို့ကို ရိုသေကြ၏။ ထိုမျှမက၊ စိတ်ဝိညာဉ်တို့၏ အဘအလိုသို့လိုက်၍၊ အသက်ချမ်းသာရကြမည် မဟုတ်လော။

-အကြောင်းမူကား၊ ထိုအဘတို့သည် မိမိအလိုသို့လိုက်၍ တခဏသာဆုံးမပေးကြ၏။ ကိုယ်တော်မူကား၊ မိမိသန့်ရှင်းခြင်းပါရမီတော်ကိုငါတို့သည် ဆက်ဆံစေခြင်းငှါ၊ ငါတို့အကျိုးကိုထောက်၍သာ ဆုံးမပေးတော်မူ၏။

ရှင်ပေတရုဩဝါဒစာ ပဋ္ဌမစောင်( ၄:၆)

ထိုအကြောင်းကြောင့် လူတို့ရှေ့၌ ကိုယ်ခန္ဓာအားဖြင့် အပြစ်စီရင်ခြင်းကိုခံရသော်လည်း၊ ဘုရား သခင့်ရှေ့တော်၌ စိတ်ဝိညာဉ်အားဖြင့် အသက်ရှင်မည်အကြောင်း၊ သေသောသူတို့သည် ဧဝံဂေလိတရားကို ကြားရကြ၏။

ဗျာဒိတ်ကျမ်း ၂၁:၂၇

ညစ်ညူးသောအရာ၊ စက်ဆုပ်ဘွယ်သောအရာ၊ သစ္စာပျက်သောအရာ တစုံတခုမျှမဝင်ရဘဲ၊ သိုးသငယ်၏ အသက်စာစောင်၌ စာရင်းဝင်သော သူတို့သာလျှင် ဝင်ရ၏။

May God Bless!

Crd! Editing:Ma KaSha(Mo Mauk)

https://bit.ly/3wWYulS