Urbi et Orbi မှာ စိန့်ပီတာ ဘာဆီလီးကား ကျောင်း တော်ကြီး အပြင် ဘက်လှေကားထစ်များထိပ်မှ ဆုတောင်းခဲ့သည့် လစ်တာနီ

မတ်လ ၂၇ ရက် ၂၀၂၀ က ပုပ်ရဟန်းမင်းကြီးဖရန်စစ်အရှင်သူမြတ်၏ ရောမားမြို့ တော်နှင့် ကမ္ဘာ တဝှမ်းကို ပေးသော အထူးကောင်းကြီးမင်္ဂလာ Urbi et Orbi မှာ စိန့်ပီတာ ဘာဆီလီးကား ကျောင်း တော်ကြီး အပြင် ဘက်လှေကားထစ်များထိပ်မှ ဆုတောင်းခဲ့သည့် လစ်တာနီ

တောင်းလျှာက်အသနားခံခြင်းမေတ္တာစဉ်

(အလိုက် ) သခင်ဘုရားအား ကျွန်ုပ်တို့ကိုးကွယ်ပါ၏

• ဘုရားစစ်၊ လူစင်စစ်ဖြင့် သန့်ရှင်းစင်ကြယ်သော စက္ကရမင်းတူး၌ တည်ရှိနေသော ကျွန်ုပ်တို့ဘုရားသခင်  (အလိုက် )
• သစ္စာတည်ကြည်၍ ဂရုဏာ၌ကြွယ်ဝသော ကျွန်ုပ်တို့နှင့် အတူရှိတော်မူသော ကယ်တင်ရှင်
• ဖန်ဆင်းခြင်းနှင့် သမိုင်းစဥ်ဆက် တို့၏ အုပ်စိုးရှင် ဘုရင် မင်းမြတ်  ( အလိုက်)
• အပြစ်နှင့် သေခြင်းကိုအောင်နိုင်သော အရှင်မြတ်   (အလိုက်)
• လူသားမျိုးနွယ်တို့၏ မိတ်ဆွေ အဘခမည်းတော်ဘုရား၏ လင်္ကျာဘက်မှာ စိုးစံပြီး ရှင်ပြန်ထ  မြောက်၍၊ အသက်ရှိသော အရှင် မြတ်     (အလိုက်)

(အလိုက် ) သခင်ဘုရား၌ ယုံကြည်ပါ၏

• ကျွန်ုပ်တို့ ၏ ကယ်တင်ခံရခြင်း အတွက် ကောင်းကင်မှ ဆင်းကြွလာသော ခမည်းတော်ဘုရား၏ ချစ်မြတ်နိုးရာသားတော် ဘုရား    (အလိုက်)
• ကောင်းကင် သမားတော်၊ ကျွန်ုပ်တို့၏ ကြေကွဲ ဖွယ်ရာများ၌ လည်စင်းခံသောသူ   (အလိုက်)
• အသက်စွန့်သော သိုးငယ်တော်၊ ကျွန်ုပ်အားနန်ဆိုး လက်မှ ကယ်တင်ရန် ယဇ်ကောင်အဖြစ်ပူဇော်ပေးသူ    (အလိုက်)
• ကောင်းသော သိုးထိန်းရှင်၊ မိမိချစ်သော သိုးစု အတွက် အသက်ကို စွန့်သောသူ  (အလိုက် )
• အသက်ရှိသော အာဟာရမုန့်တော် နှင့် မသေပျက်နိုင်ရာတို့၏ဆေးဝါး ၊ ထာဝရ အသက်ကို ပေးသောသူ   (အလိုက် 

 (အလိုက် ) ကျွန်ုပ်တို့အားရွေးနှုတ်တော်မူပါ။

• နတ်ဆိုး​၏  တန်ခိုးအာဏာနှင့် ဖျားယောင်းတတ်သော ဤကမ္ဘာကြီးမှ

• ကိုယ်တော်အား အမှီမပြုပဲ လုပ်နိုင်စွမ်းရှိသည်ဟု မာန်မာန ထောင်လွှားခြင်းမှ

• ကြောက်ရွံခြင်း နှင့်ထိပ်လိန့်တုန်လူပ်ခြင်းတို့​၏ လှည့်စားမှုများမှ

• ​ယုံကြည်မှုမရှိခြင်းနှင့် စိတ်ပျက်အားလျော့ခြင်းတို့မှ

• မာကျောသောနှလုံးသားနှင့် ချစ်ခင်စိတ်ထား မရှိမူများမှ

(အလိုက် ) ကျွန်ုပ်အားကယ်တော်မူပါ သခင်ဘုရား

• လူသားတို့အား ဥပါဒ်ပေးသော မကောင်းဆိုး ဝါးထံမှ

• ဆာလောင်ခြင်း အစာရေစာခေါင်းပါးခြင်းနှင့် အတ္တလွန်ကဲခြင်းတို့မှ

• ဖျားနာခြင်းနှင့် ကမ္ဘာကပ်ဆိုးဒဏ်သင့်သူ ညီအကို မောင်နှမတို့ အားကြောက်ရွံခြင်းမှ

• စိတ်နှလုံး တုန်လူပ်ခြောက်ချားခြင်း စာနှာမူမရှိခြင်း နှင့် အကြမ်းဖက်ခြင်းများမှ

• သတင်းမှား များနှင့် ဩတ္တပစိတ်များကို မိူင်းတိုက်ခံရခြင်းများမှ

(အလိုက် ) ကျွန်ုပ်တို့အား နှစ်သိမ့်ပေးတော်မူပါ

• ကန္တာရခရီးကြမ်း ကို ဖြတ်ကျော်နေရသော ကိုယ်တော်​၏ အသင်းတော်အား ကာကွယ်၍

• လူသားမျိုးနွယ်စုအား တုန်လူပ်ခြောက်ခြား စိတ်ထောင်းကိုယ်ကြေ ဖြစ်မူများမှ တားဆီး၍

• ဖျားနှာသူများ သေအံဆဲဆဲရှိသူများနှင့်အထီးကျန်ဆန်မှုကြောင့်နလန်မထူနိုင်သူများအား ကာကွယ်၍

• ရင်ဆိုင်နေရသောအခက်အခဲများကြောင့်ခြေကုန်လက်ပန်းကြနေသောဆရာဝန်များနှင့်ကျန်းမာရေးဝန်ဆောင်သူများအားခွန်အားပေး၍

• ဆုံးဖြတ်ချက်ချရန်ထံပိုးဝန်ခံထမ်းနေရသောနိုင်ငံရေးဩဇာရှိသူများနှင့်ဆုံးဖြတ်ချက်ချခွင့်ရှိသူများအားကာကွယ်၍

(အလိုက်)  ကိုယ်တော်ရှင်​၏စိတ်ဝိညာဉ်ကိုပေးသနားတော်မူပါ

• စုံစမ်းစစ်ကြောခြင်းခံရချိန်များနှင့်စိတ်ဇဝေဇဝါဖြစ်ချိန်များ၌

• ဖြားယောင်းသွေးဆောင်ခံရ ခြင်းများနှင့် အကဲဆတ်ခြင်းများ၌

• နတ်ဆိုးနှင့်အပြစ်တရားတို့အားခုခံရသော တိုက်စစ်၌

• စစ်မှန်သောဝမ်းမြောက်ခြင်းနှင့်ကောင်းမြတ်ခြင်းတို့ကိုရှာဖွေရသောအခါ၌

• ကိုယ်တော်ရှင်နှင့်သိကျွမ်းခြင်း၌ တည်မြဲစေရန်ဆုံးဖြတ်ချက်ချရသောအခါ၌

(အလိုက် ) မျှော်လင့်ခြင်းအားအသင့်ရှိတော်မူပါသခင်ဘုရား

• အပြစ်​၏ဝန်ဖိအားသက်ရောက်မည့်အခါ၌

• ကျန်ုပ်တို့​၏နှလုံးသားအားမုန်းတီးခြင်းနှင့်ပိတ်ဆို့ခံရမည့်အခါ၌

• ဝမ်းနည်းပူဆွေးခြင်းကျရောက်မည့်ကာလ၌

• ဥပေက္ခာပြုခံရခြင်းကြောင့်စိတ်ဖိဆီးမှုခံစားရသောအဖြစ်အခြေအနေ၌

• သေခြင်းတရားအားခက်ခဲစွာရုန်းကန်ရမည့်အနေအထား၌

Photo credit: Angelus News

ဘာသာပြန်

Sr.Perpetual Nyein Nyein Loo, SJA

https://bit.ly/2V2wFYn