ရှေ့ဆက်သွားပါ

အဝေးပြေးလမ်းမကြီးတစ်ခုပေါ်တွင်
မိန်းမပျိုတစ်ယောက်
ကားတစ်စီးကို
ကိုယ်တိုင်မောင်းနှင်နေသည်။
သူမဘေးထိုင်ခုံမှာတော့
သူမ၏အဖေထိုင်နေ၏။
သူမသည်ကားမောင်းလာခဲ့ရာ
ခရီးအတော်ရောက်လာတော့
သူမတို့သားအဖနှစ် ယောက်
မုန်တိုင်းတစ်ခုထဲ ရောက်မှန်းမသိ
ရောက်လာမိကြတယ်။
မိန်းကလေးက သူမအဖေကို
မေးလိုက်တယ်။
'' အခု ဘာလုပ်သင့်သလဲ... ဖေဖေ ''
'' ကားကို....ထိန်း
မောင်း...သမီး''
ဒီလိုနဲ့...သူမက ကားကိုထိန်းမောင်းရင်း...
မီတာအတော်ရောက်လာတော့
တခြားကားတွေ လမ်းဘေးမှာ
ရပ်နားဖို့ပြင်ဆင်နေတာကို တွေ့ရတယ်..
မုန်တိုင်းက အတော်လေးဆိုးလာတာကိုး။
မိန်ကလေးလည်း အနည်းငယ်
ကြောက်စိတ်၀င်လာပြီး
သူမအဖေကို ထပ်မေးတယ်။
'' ဖေဖေ ....သမီးတို့လည်းပဲ ...
လမ်းဘေးမှာ
ရပ်နားရင် ကောင်းမယ်နဲ့တူတယ်နော် ''
'' မရပ်နဲ့သမီး...ကားကို ထိန်းမောင်း..ပါကွယ်''
မိန်းကလေးလည်း ကားကို
ထိန်းသိမ်းမောင်း
နှင်လာရာ မိုင်အတော်များများ
ခရီးရောက်ခဲ့၏။
မုန်တိုင်းလည်း အတော်လေးပြင်းပြင်းထန်ထန် တိုက်နေ၏။
ကားအတော်များများလမ်းဘေးမှာ
ရပ်နားနေတာကို သူမကြည့်ရင်း
ကားအရှိန်လျှော့လိုက်ပြီး
''ဖေဖေ ....အခုချိန်ဟာ
ကားကိုလမ်းဘေးမှာ
ရပ်နားဖို့သင့်ပြီလို့ထင်တယ်...
မုန်တိုင်းကပိုဆိုးလာပြီး
ရှေ့မြင်ကွင်းကလည်းဖုန်တွေနဲ့
လမ်းကိုသဲသဲကွဲကွဲ...
မမြင်ရတော့ဘူး '' ဟု
သူမ၏
အဖေကို ထပ်ပြောလိုက်သည်။
'' မရပ်နဲ့သမီး...ကားကို ထိန်းမောင်း..ပါကွယ်''
သူမသည်သူမ၏အဖေပြောသလို
ကားကိုဆက်လက်ထိန်းမောင်းခဲ့တယ်။
မုန်တိုင်းက
လည်း....ပို၍ပို၍ ဆိုးလာသလို
သူမ ရှေ့
မြင်ကွင်းကိုကြည့်ပြီး...
ကားကိုထိန်းမောင်းရတာပိုမိုပြီး
ခက်ခဲလာတယ်
လမ်းဘေးလုံခြုံတဲ့နေရာမှာ
ကားကိုရပ်လိုက်ပြီး နားနေရင်
ကောင်းမယ်လို့
သူမစဉ်းစားနေမိတယ်
ဒါပေမယ့်...သူမက ...
ကားကိုဆက်လက်ပြီး
ထိန်းမောင်းလာခဲ့တယ်...
သူမက ...ဆိုးဝါးတဲ့မုန်တိုင်းထဲမှာ
ကားကိုသတိကြီးစွာထိန်းမောင်းရင်း...
သူမရှေ့မြင်ကွင်းဟာ
တဖြည်းဖြည်းကြည်လင်လာတယ်
အတော်လေးမောင်းမိတော့...
သူမတို့ မုန်တိုင်း
ကင်းလွတ်ပြီးခြောက်သွေ့သာယာတဲ့
လမ်းမပေါ်ရောက်နေတာကိုတွေ့ရတယ်...
ဒီအချိန်မှာ...သူမအဖေကပြောတယ်
"သမီးရေ.
ကားကိုလမ်းဘေးချရပ်ပြီး
အပြင်ထွက် ကြရအောင် ''
''ဘာလို့လဲ...ဖေဖေ...
သမီးတို့ မုန်တိုင်းထဲက
လွတ်လာပြီလေ ''
အဖေက ပြုံးပြီး...ပြန်ပြောတယ်
'' သမီးရေ....
စောစောက လမ်းဘေးမှာ
ရပ်ထားခဲ့တဲ့ကားတွေဟာ
အခုချိန်ထိ မုန်တိုင်းထဲမှာ
ပိတ်မိ
ရုန်းကန်နေကြရသေးတာကို
သမီးကားထဲကနေ..
အပြင်ထွက်ကြည့်တဲ့အခါ
တွေ့လိမ့်မယ်
သမီးရဲ့ဘ၀မှာလည်း..
မုန်တိုင်းလိုမျိုး ဆိုးဝါးတဲ့
အခက်အခဲတွေကို
ဘယ်တော့မှ အရှုံးမပေးနဲ့ သမီး
ရှေ့ဆက်သွားပါ အခုလို..
မုန်တိုင်းကိုဖြတ်ကျော်ခဲ့သလိုမျိုးပေါ့...ကွယ် ''
ဘ၀ခရီးလမ်းတလျှောက်မှာ
စိတ်ဖိစီးမှုတွေ
စိတ်ပျက်အားငယ်စရာ
အတွေ့အကြုံတွေ၊
တွေ့ကြရမှာအသေအချာပါပဲ။
ဘ၀ရဲ့ခက္ခဲတဲ့
အချိန်ကာလတွေကို
ဖြတ်ကျော်နေစဉ်မှာ
လူအများစုက စိတ်ပျက်
အားလျှော့တတ်ကြတယ်
မုန်တိုင်းထဲမှာ ပိတ်မိခံပြီး
ရပ်နားနေတဲ့ကားတွေလိုပဲ
ရုန်းမထွက်နိုင်ကြတော့
အချိန်အကြာကြီး ပိုမိုခက်ခဲစွာ
ရုန်းကန်နေကြရတယ်။
အခက်အခဲတွေကို အရှုံးမပေးပဲ
ရုန်းကန်
ဖောက်ထွက်ခြင်းဟာ
အောင်မြင်မှုတံခါးကို
ဖွင့်တဲ့သော့ချက်တစ်ခုဖြစ်တယ်
လူတိုင်း
လူတိုင်းမှာ အောင်မြင်မှုတံခါးကို
ဖွင့်လှစ်တဲ့သော့တစ်ချောင်းစီ
ပါကြပါတယ်.အဲ့ဒါကတော့ ...
ခက်ခဲတဲ့အချိန်တွေကို တည်
တည်ငြိမ်ငြိမ်ရင်ဆိုင်ပြီး
ဖောက်ထွက်တဲ့နည်းပါပဲ
သင်ကြိုးစားရုန်းကန်နေသ၍
အောင်မြင်မှု
တံခါးဆီကို တရွေ့ရွေ့
ချဉ်းကပ်နေတာပါ
ကြိုးစားမှု အားထုတ်မှု
ရပ်တန့်လိုက် မှသာ ရှုံးနိမ့်သွားတာပါ...
သင်တို့ဘ၀မှာ အောင်မြင်မှုများစွာ ရရှိပိုင်ဆိုင်
နိုင်ကြပါစေ...