Casa Santa Marta တွင် ကြာသပတေးနေက ရဟန်းမင်းကြီးဟောကြားခဲ့​သော သြဝါဒ

Casa Santa Marta တွင် ကြာသပတေးနေက ရဟန်းမင်းကြီးဟောကြားခဲ့​သော သြဝါဒ
ဇန်နဝါရီ ၁၀၊ ၂၀၁၉

ဇန်နဝါရီလ ၁၀ ရက် ကြာသပတေး နေ့ Casa Santa Marta ၌ ရဟန်းမင်ကြီး ဖရန်စစ် အရှင်သူမြတ် ဟောကြားသော မစ္ဆားတရား တွင် ဘုရားကို ချစ်သောသူသည် မိမိညီအကို ကိုလည်းချစ်ရမည် ဟု​ဟောကြားခဲ့ပါသည်။  သင်၏ညီကိုမောင်နှကို မချစ်နိုင်လျှင် ဘုရားသခင်ကိုလည်း မချစ်နိုင်ပါ။ ခရစ်ယာန်အသက်တာဟာ မကောင်းသောလောကတပ်မက်စိတ်တွေကို မိမိကိုယ်တိုင်ကျော်လွှာရုံသာမက မိမိကို ထိခိုက်နာကျင်အောင် ပြောဆိုသူ၊ မနာလိုမုန်းတီးသူတွေနှင့် မိမိကို ရန်လိုမုန်းထားသူတွေကိုတောင် ဆုတောင်းပေးကြရမည့်တာဝန်ရှိတာကို မမေ့ပါနဲ့။

လောကတပ်မက်စိတ်သည် လူကိုလှည်​့ဖြားတတ်​သည်။

ဘုရားသခင်၏ သားသမီးအဖြစ်ခံယူထားသူမှန်သမျှ လောကတပ်မက်စိတ်ကို ကျော်လွှားနိုင်ရမည်​။ လောကတပ်မက်စိတ်သည် ကောက်ကျစ်စဉ်းလဲ ရုံသာမက
လူကိုလည်းလှည်​့ဖြားတတ်သည်​မို့ အချည်းနှီးသက်သက်သာ ဖြစ်၏။ ဘုရားသခင်၏ စိတ်နေစိတ်ထားသည် မှန်ကန်ဖြောင့်မတ်သောစိတ်ထားဖြစ်သောကြောင့် လူတိုင်းမွေးမြူကြရမည်​။

လောကတပ်မက်စိတ်သည် မိသားစုများ၊ အဖွဲ့အစည်းများ၊ လူအဖွဲ့အစည်းတစ်ခုလုံးကို ပြိုကွဲ​စေသည်​။

ဘုရားသခင်၏ စိတ်နေစိတ်ထားနှင့်အသက်ရှင်ကြလျှင် ကျွနု်​ပ်တို့အားလုံးကောင်းသောအရာများကို ပြုလုပ်ကြလိမ့်မည်​။ လူတွေက ငါဘုရားကိုချစ်တယ် ဒါပေမဲ့ ငါညီကိုမောင်နှမ အိမ်နီးနားချင်း၊ ကိုယ်နှင့် နီးစပ်သောသူကို မချစ်နိုင်ဘဲ အမုန်းပွားနေလျှင် ထိုသူသည် လူလိမ် ဖြစ်သည်​။ ဘာဖြစ်လို့ လဲဆိုတော့ ကိုယ်နဲ့နီးစပ်သောသူကို မချစ်နိုင်သောသူသည် ဘုရားကိုလည်းမချစ်နိုင်ပါ။ ကိုယ့်မျက်စိနဲ့မြင်တွေ့နေရတဲ့ ကိုယ်နဲ့နီးစပ်သောသူကိုတောင် မချစ်နိုင်တာ မမြင်ရတဲ့ဘုရားကို ဘယ်လိုလုပ်ချစ်နိုင်မှာလဲ။ ဘုရားကိုတကယ်ချစ်ရင် ထိရောက်သေချာသော ပုံသက်သေနဲ့ ချစ်ပြနိုင်ရမည်​။ သို့မဟုတ်​လျင်​ စစ်မှန်သော အချစ်မဖြစ်နိုင်ဘူး။ လောကတပ်မက်စိတ်က မိသားစုများ၊ အဖွဲ့အစည်းများ၊ လူအဖွဲ့အစည်းတစ်ခုလုံးကို စိတ်ဝမ်းကွဲ​စေသည်​။၊ သံသယတွေတိုးပွားစေသည်​။ ပြိုကွဲ​စေသည်​။ အဲ့ဒီစိတ်တွေကနေပဲ လူတွေကို စစ်ပွဲ​များဆီသို့ ​ခေါ်ဆောင်သွားသည်​။

တပါးသူကို ချစ်မချစ် အချက်သုံးချက်နဲ့ စမ်းစစ်လို့ရသည်​။

ပထမ အချက်အနေနဲ့ သူတပါးအတွက်ဆုတောင်းပေးသလား။ အထူးသဖြင့် ကိုယ်မကြိုက်နှစ်သက်တဲ့သူရော၊ ကိုယ်ကြိုက်နှစ်သက်တဲ့သူအတွက်ရော။

ဒုတိယအချက်အနေနဲ့ မနာလိုမုန်းတီးခြင်း၊ သူတပါးပျက်စီးရာပျက်စီးကြောင်း စိတ်ဆန္ဒတွေကနေ မိမိကိုယ်​ကို ကင်းရှင်းအောင်ကြိုးစားနေသလား၊ အဲ့ဒီစိတ်တွေ မကြီးထွားလာပါစေနဲ့၊ သင်အတွက် အင်​မတန်​ အန္တရာယ်များတယ်။

တတိယအချက်အနေနဲ့ သူတပါးအရှက်ရအောင်၊ နာမည်ပျက်အောင်၊ ထိခိုက်နစ်နာအောင် ပြောဆိုသောအကျင့်ရှိသလား၊ အဲ့ဒီလိုတွေလုပ်နေပြီး ငါဘုရားကိုချစ်တယ် သို့သော်​ ငါ့ပါစပ်နဲ့လူတွေကိုသတ်​​နေတယ် ဆိုတာပြနေတဲ့ လူလိမ်ဖြစ်နေတယ်။

ဘုရားသခင်၌တည်မြဲ​သောယုံကြည်ခြင်းသည် လောကတပ်မက်စိတ်ကို တွန်းလှန်တိုက်ခိုက်အောင်မြင်သည်​။ ဘုရားသခင်၌စစ်မှန်သော ယုံကြည်ခြင်းသာလျှင် စစ်မှန်သော ချစ်ခြင်းမေတ္တာ အသက်တာကိုရှင်သန်နိုင်မှာဖြစ်​ပေသည်​။

https://www.vaticannews.va/en/pope-francis/mass-casa-santa-marta/2019-01...

#pope, #mass, #preach, #peterkm,
Photo credit to vaticannews
ဘာသာပြန်ဆိုသူ Fr. Peter Kyi Maung