အတ္တဗဟိုပြုသောအသက်တာသည်ပျော်ရွှင်မူသို့ဦးမတည်

အတ္တဗဟိုပြုသောအသက်တာသည်ပျော်ရွှင်မူသို့ဦးမတည်

စိန့်ပီတာရင်ပြင်၌ဘုရားဖူးများမရှိသော်လည်းပုပ်ရဟန်းမင်းကြီးသည်တနင်္ဂနွေမွန်းတည့်တိုင်းကောင်းကင်ဘုံဘုရင်မဆုတောင်းမေတ္တာကိုဆိုမြဲအတိုင်းဆို၍လေလိုင်းမှထုတ်လွှင့်ပေးလျှက်ရှိသည်။ ထိုဆု တောင်းခြင်း၌ပုပ်ရဟန်း မင်းကြီးသည်ဘာသာတူများအားစိတ်ပျက်ခြင်းမရှိရန်၊ ယေ ဇူးသခင်ကိုအားကိုးယုံ ကြည်ရန်၊ အဘယ်ကြောင့်ဆိုသော်ယေဇူးသခင်သည်ကျွန်ုပ်တို့ဖက်၌အမြဲရပ်တည်မည်ဟူသည့်အသိ ဖြင့်အားကိုးယုံကြည် ရန်နှင့်ကောင်းကင်၌ကျွန်ုပ်တို့အတွက်တစ်နေရာစာအသင့်ရှိနေမည်ကိုယုံကြည် ထားရန်အားပေးတိုက်တွန်းထားသည်။

ထို့နောက်ပါစကားကာလပဉ္စမပတ်တနင်္ဂနွေနေ့၌ဖတ်ရူသောဧဝံဂေလိကျမ်း (ရှင်ယောဟန် ၁၄း၁-၁၂) ကိုအခြေခံ၍အောက်ပါအ တိုင်းသွန်သင်ခဲ့သည်။ ဤကျမ်းချက်ကိုယေဇူးသခင်၏ခွဲခွာတ ရားဟုခေါ်သည်။ ယေဇူးသခင်သည်နောက်ဆုံးညစာစားပွဲအဆုံး သတ်ခါနီးနှင့် ယေဇူးသခင်၏ဒုက္ခ လမ်းတော်စခါနီးတပည့်တော်ကြီးများစိုးရိမ်စိတ်ဖြင့်သောကရောက်မည်စိုး၍အားပေးခြင်းဖြစ်သည်။

တပည့်တော်ကြီးတို့ အားမိန့်မြွတ်ခဲ့သကဲ့သို့ယေဇူးသခင်သည်ကျွန်ုပ်တို့အားလည်းထို့အတူမိန့်ကြားနေပါသည်။ စိုးရိမ်စိတ်နှင့်ကင်း‌ေ၀းအောင်အဘယ်သို့ပြုလုပ် ရမည်နည်း။

ငါ့အားယုံကြည်ပါ။

စိုးရိမ်စိတ်မှကင်းဝေးစေရန်ယေဇူးသခင်ကနည်းလမ်းနှစ်သွယ်ကိုရှင်းပြထားသည်။ ပထမနည်းလမ်းကားသူ့အားယုံကြည်ရန်ဖြစ် သည်။ လက်တွေ့မကျဘဲသဘောတရားဆန်နေသယောင်ဖြစ်နေပါသည်။ စေ့စေ့တွေးလိုက်ပါကယေဇူးသခင်သည်အလွန်တိကျသောကျင့်စဉ် ကိုညွှန်ပြနေသည်။ ဘ၀၌စိုးရိမ်စိတ်၊ ပူပန်စိတ်၊ ပူလောင်စိတ်များသည်လက်လှမ်းမမှီသောအရာများကိုတွေးခြင်း၊ တစ်ဦး တည်းအားကိုးရမဲ့ဖြစ် နေသည်ဟုတွေးမိခြင်း၊ အဘယ်သူ၊ အဘယ်အရာကိုမျှမှီခိုအားကိုးရာမတွေ့ဖြစ် ခြင်းမှမွေးဖွားလာခြင်းဖြစ်သည်။ ဤစိုးရိမ်စိတ်၊ ပူပန်သောစိတ် များကိုတစ်ကိုယ်တည်းမကျော်လွှားနိုင် ပေ။ အဘယ်ကြောင့်ဆိုသော်ဒုက္ခတစ်ခုပြီးနောက်တစ်ခုသို့နွယ်သွားတတ်သည်။ ထို့ကြောင့်သူ၌ယုံ ကြည်ရန်ယေဇူးသခင်ကမိန့်ကြားခြင်းဖြစ်သည်။ အဘယ်ကြောင့်ဆိုသော်သူသည်ကျွန်ုပ်ဖက်၌အစဉ်ရှိနေသည်။ ထို့ကြောင့်ကျွန်ုပ်တို့ကိုယ်ကို သူအားအပ်နှံလိုက်ပါ။
ငါ့ခမည်းတော်၏အိမ်၌အခန်းများစွာရှိသည်။
ဒုတိယနည်းလမ်းကားစိတ်ဒုက္ခရောက်နေသူများအတွက်ဖြစ်သည်။ ယေဇူးသခင်က ငါ့ခမည်း တော်၏အိမ်၌အခန်းများစွာရှိ၏။ … ငါသည်သင်တို့အတွက်နေရာကိုပြင်ဆင်ရန်သွားမည်ဟုမိန့်တော် မူသည်။ ယေဇူးသခင်သည်ကျွန်ုပ်တို့အတွက်တစ်နေရာစာကိုချန်ထားပေးမည်။ ကျွန်ုပ်တို့လူသားအဖြစ် ကိုကောင်းကင်တိုင်အောင်သူကိုယ်တိုင်ခံထမ်း၍အားလုံးအတွက်တစ်နေရာစာရှိအောင်သူပြင်ဆင်ထား ပေးသည်။ ကျွန်ုပ်သည်လောက၌ဦးတည်ချက်မဲ့စွာရှင်သန်နေသည်မဟုတ်။ ကျွန်ုပ်တို့အတွက်အသင့် စောင့်နေသောဆုလာဘ်ရှိနေသည်။ ကျွန်ုပ်တို့သည် တန်ဖိုးကြီးသည်။ ကျွန်ုပ်တို့အနေဖြင့်လောကကိုရှင် သန်ဖြတ်လျှောက်ရသော်လည်းကျွန်ုပ်တို့၏နေအိမ်အစစ်အမှန်ကားကောင်းကင်ဖြစ်သည်။ ကျွန်ုပ်တို့ သည်ကောင်းကင်နိုင်ငံအတွက်ဖန်ဆင်းခံရခြင်းဖြစ်သည်။ ထာရအသက်အတွက်ဖြစ်သည်။ ထာ၀ရစဉ် ရှင်သန်စံစားရန်ဖြစ်သည်။ ဤ ထာ၀ရတစ်သက်တာလုံးသည်ပျော်ရွှင်မှုဖြင့်သာပြည့်နေမည်။ ကျွန်ုပ်တို့ သည်ဘုရားသခင်နှင့်လည်း ကောင်း၊ အခြားသူများနှင့်လည်းကောင်း ပေါင်းစပ်လျှက်ရှိသည်။ မျက်ရည် ပေါက်ကြီးငယ်ကျစရာအကြောင်းမရှိ။ နောင်တရစရာမလို။ ကွဲပြားခြားနားစရာ၊ ပြသာနာဖြစ်စရာအ ကြောင်း မရှိ။

ငါသည်လမ်းခရီးဖြစ်သည်။

ပုပ်ရဟန်းမင်းကြီးကလမ်းခရီးအကြောင်းကိုထောက်ရူ၍ အဆုံးသတ်သွားပါသည်။ ဤလမ်းခရီး သည်ကောင်းကင်သို့ညွှန်ပြသောလမ်း ခရီးဖြစ်သည်။ ယေဇူးသခင်သည်တိကျစွာဖြင့် ငါသည်လမ်းခရီး ဖြစ်သည် ဟုမိန့်ပါသည်။ ဆိုလိုသည်မှာကောင်းကင်သို့သွားရာလမ်း သည်ယေ ဇူးသခင်ဖြစ်သည်။ သူနှင့် အဆက်အသွယ်ကောင်းရှိရမည်။ ချစ်ခြင်း၌သူ့ကိုပုံတုယူရမည်။ သူ၏ခြေတော်ရာကိုထပ်ကြပ်မခွာ လိုက်ရမည်။

ခရစ်ယာန်များသည်မိမိကိုယ်မိမိပြန်လည်မေးမြန်းရမည်။ မိမိတို့လျှောက်လှမ်းနေသောခြေလှမ်း များသည်ကောင်းကင်သို့ဦးတည်နေ ခြင်းမဟုတ်ဘဲ၊ အာဏာနောက်၊ လောကနောက်၊ မိမိ၏အလို နောက်သို့သာလိုက်နေသလော။ ယေဇူးသခင်သည်ခရစ်ယာန်များကိုသူ့ နောက် လိုက်ရန်ဖိတ်ခေါ်နေပါ သည်။ ထိုလမ်းစဉ်ကားနှိမ့်ချသောချစ်ခြင်းလမ်းစဉ်၊ ဆုတောင်းခြင်း၊ သိမ်မွေ့ခြင်း၊ အားကိုးခြင်းလမ်း စဉ်ဖြစ်သည်။

အတ္တကိုဗဟိုပြုသောအသက်တာမဟုတ်။ ယေဇူးသခင်ဆီသို့ဦးတည်သောလမ်းဖြစ်သည်။ ကျွန်ုပ်ဘ၀ ၏ဗဟိုချက်မကအဘယ်သူနည်း။ ယေဇူးသခင်ဖြစ်သည်ဟုနေ့စဉ်ရွတ်ဆို၍ထပ်ကြပ်မခွာ လိုက်ရမည်ဖြစ်သည်။ ဤရွေးချယ်ခြင်းသည်ကျွန်ုပ်အားမည်သည့်ကောင်းကျိုးဖြစ်လာစေမည်နည်း။ ဤအခြေအနေ၌ဤလူများနှင့်ကျွန်ုပ်မည်သည့်အရာပြုလုပ်မည်နည်း။ ယေဇူးသခင်သည်ကောင်းကင် သို့ပို့ဆောင်သောလမ်းဖြစ်၍လမ်းပြပေးရန်ယေဇူးသခင်အားတောင်းခံကြပါစို့။

အမေများနေ့

ယနေ့သည်အမေများနေ့အဖြစ်ကမ္ဘာတစ်၀န်းလုံးတွင်အမှတ်ရကျင်းပနေကြသည်။ ထို့ကြောင့် ကမ္ဘာပေါ်၌ရှိနေကြသောမိခင်များအတွက်နှင့်ကောင်းကင်သို့ရောက်ရှိနေပြီဖြစ်သောအမေများအတွက်ဆုတောင်းပေးကြပါစို့။

ဘာသာပြန် ဖာသာရ်ကလဲမင့်အားတယ်

https://bit.ly/2Wl3tgS