သတင်းသမားများအတွက်မစ္ဆားတရားအတွင်းပုပ်ရဟန်းမင်းကြီးဆုတောင်းပေးခဲ့

သတင်းသမားများအတွက်မစ္ဆားတရားအတွင်းပုပ်ရဟန်းမင်းကြီးဆုတောင်းပေးခဲ့

ရဟန်းမင်းကြီးသည်ပါစကားကာလ၊ စတုထ္တပတ်မြောက်ဗုဒ္ဓဟူးနေ့၌၄င်း၏နံနက်မစ္ဆားတရားပူဇော်ခြင်းအတွင်းသတင်းသမားများ အားလုံးအတွက်ရည်ရွယ်ချက်ထားပူဇော်ပေးခဲ့သည်။ အဘယ်ကြောင့်ဆိုသော်ယခုကဲ့သို့ရောဂါကပ်ဆိုးကြောင့်အရေးပေါ်အချိန်ကာလတွင် သတင်းသမားများသည် အသက်နှင့်ရင်း၍သတင်းများရယူနေရသည်။ အမှန်တရားကိုတင်ဆက်ထုတ်လွှင့်နိုင်ရန်ဘုရားသခင်သည်၄င်းတို့အားကူညီ ပါစေ။

ထိုနေ့၏ထောက်ရူချက်ကို ရှင်ယောဟန်ဧ၀ဂေလိကျမ်း (၁၂:၄၄-၅၀) ဖြစ်သော ငါသည်အ လင်းအဖြစ်နှင့်ဤလောကသို့ကြွလာခဲ့ လေပြီ။ ငါ့ကိုယုံကြည်သောသူဟူသမျှသည်မှောင်မိုက်၌ဆက် လက်မနေရဟုဖြစ်သည်။
ယေဇူးသခင်သည်လောက၏အလင်းဖြစ်သည်။
ယေဇူးသခင်၏အမှုတော်သည်အလင်းထွန်းညှိပေးရန်ဖြစ်သည်။ သူသည်လောက၏အလင်းဖြစ် သည်။ တပည့်တော်ကြီးများ၏အမှု တော်သည်လည်းယေဇူးသခင်၏အလင်းကိုထွန်းညှိသယ်ဆောင်ရန် ဖြစ်သည်။ အဘယ်ကြောင့်ဆိုသော်ကမာကြီးသည်မှောင်မိုက်နေသည်။ စိတ် မကောင်းစရာအချက်မှာ ယေဇူးသခင်၏အလင်းကိုကမ္ဘာကြီးသည်လက်မခံကြ။ သူတို့သည်မှောက်မိုက်ခြင်းကိုပို၍နှစ်သက်ကြသည်။ သူတို့ သည်မှောင်မိုက်၏ကျေးကျွန်များဖြစ်ကြသည်။ အလင်းသည်ကျွန်ုပ်တို့အားအရှိကိုအရှိ၊ အဖြစ်ကိုအဖြစ်အတိုင်းမြင်တွေ့ရန်ကူညီပေးသည်။

မှောင်မိုက်မှအလင်းသို့
ရှင်ပေါလု၏ဘ၀ဖြတ်သန်းပုံကိုထောက်ရှု၍ ရှင်ပေါလုသည်လည်းမှောင်မိုက်ခြင်းမှအလင်းသို့ ဖြတ်သန်းရောက်ရှိခဲ့သည့်အတွေ့အကြုံ ရှိခဲ့သည်။ ဤလမ်းစဉ်သည်ကျွန်ုပ်တို့အားလုံးဖြတ်သန်း လျှောက်လှမ်းရမည့်လမ်းစဉ်ဖြစ်သည်။ ယေဇူးသခင်သည်မိမိ၏လူမျိုးထံသို့အလင်း ကို ဆောင်လာပေးခဲ့သည်။ သို့သော်လက်မခံခဲ့ကြပေ။ ၄င်းတို့သည်အလင်းရောင်၏စူးခြင်းကိုမခံနိုင်ကြ။ ၄င်းတို့၏မျက်စိများသည်မှောင်မိုက်နှင့် သာကျင့်သားရနေကြသည်။

အပြစ်မှောင်မိုက်ဖုံးအုပ်နေသည်။
ကျွန်ုပ်တို့သည်မှောင်မိုက်ဖုံးအုပ်ခြင်းခံနေရသည်။ ထိုမှောင်မိုက်များကားမကောင်းမူ၊ မာန၊ လောကဆန်သောစိတ်နေသဘောထား များဖြစ်ကြသည်။ အလင်းတရား၌ရှင်သန်ရန်မှာမလွယ်။ အဘယ်ကြောင့်ဆိုသော်လူမြင်မခံလို၊ လူသိမခံလိုသောကျွန်ုပ်တို့၏အပြစ်များဖြစ်သည့် ပျော့ကွက်၊ ဟာ ကွက်၊ ဆိုးကွက်များအားလုံးသည်အတိုင်းသားပေါ်လာသောကြောင့်ဖြစ်သည်။ ဤအားနည်းချက်များ ကိုတရားသဘောဖြင့်ဆင် ခြင်မည်ဆိုပါကကျွန်ုပ်တို့အားတံတိုင်းများအဖြစ်ဟန့်တားနေမည့်အရာမဟုတ်ဘဲ၊ ကျွန်ုပ်တို့ပိတ်မိနေသောအခြေအနေမှရုန်းထွက်ရန်ထွက် ပေါက်ဖြစ်ပါသည်။ အဘယ်ကြောင့် ဆိုသော်ယေဇူးသခင်သည်အလင်းဖြစ်သည်။ ယေဇူးသခင်လောကသို့ကြွလာခြင်းသည်စီရင်ရန်မဟုတ်။ ကယ်တင်ရန်ဖြစ်သည်။ ကျွန်ုပ်တို့၏နေ့စဉ်အသက်တာ၌ယေဇူးသခင်၏အလင်းတော်ဖြင့်အလင်းထိုးပြခြင်းကိုခံ၍မှောင်မိုက်မှအလင်းသို့လာ ရမည်။

အလင်းထိုးသည်ကိုခံနိုင်ရည်ရှိရမည်။
ယေဇူးသခင်၏အလင်းထွန်းလင်းမည်ကိုသတိရှိရှိလက်ခံပါ။ သင်၏အတွင်းအပြင်ကိုရှင်းလင်း စွာမြင်ခွင့်ပေးပါ။ အဘယ်ကြောင့်ဆို သော်ယေဇူးသခင်သည်သင့်အားရှေ့သို့ဆက်လက်တွဲခေါ်သွားမည် ဖြစ်သည်။ သင့်ကိုကယ်တင်မည့်သူဖြစ်သည်။ ကျွန်ုပ်တို့၏အတွင်း၌အမြစ် တွယ်နေသော နေ့စဉ်မှောင် မိုက်မှလည်းကောင်း၊ လူမှုရေး၊ နိုင်ငံရေး၊ တိုင်းပြည်အရေး၊ ကမာ့အရေးများ၏မှောင်မိုက်မှ ကယ်တင် မည့်သူသည် ယေဇူးသခင်ဖြစ်သည်။
ထို့ကြောင့်နောင်တယူပါ။ အကျင့်ပြောင်းလဲပါ။ မှောင်မိုက်မှအလင်းသို့ဖြတ်လျှောက်လာပါ။ ယေဇူးသခင်သည်ကျွန်ုပ်တို့ကိုကယ် တင် မည်။ သို့သောမှောင်မိုက်၏အကျည်းတန်မူကိုရှေ့ဦးစွာနား လည်သဘောပေါက်အောင်ကြည့်ပါ။ ဘုရားသခင်သည်ကောင်းမြတ်တော်မူ၏။ သူ သည်ကျွန်ုပ်တို့၏အပါး၌ရှိတော်မူသည်။ ကျွန်ုပ်တို့ကိုကယ်တင်ရန်ကြွလာခဲ့ခြင်းဖြစ်သည်။ ယေဇူးသခင်၏အလင်းတန်း ကိုမကြောက်ရွံ့စိတ်များ မှာအောင်မြင်ကျော်လွှားကြပါစို့။

ဘာသာပြန်ဖာသာရ်ကလဲမင့်အားတယ်

Photo credit: Live Production TV

https://bit.ly/3cdQwuQ