'သင်တို့၏နာကြင်မှုသည် ကျွန်ုပ်၏နာကြင်မှုဖြစ်သည်'

'သင်တို့၏နာကြင်မှုသည် ကျွန်ုပ်၏နာကြင်မှုဖြစ်သည်'

ပုပ်ရဟန်းမင်းကြီးဖရန်စစ်အရှင်သူမြတ်က ရုရှားတို့၏ကျူးကျော်စစ်ကိုမတရားခံနေခဲ့သည်မှာ (၉) လပြည့်လာပြီဖြစ်သော ယူကရိန်းပြည်သူတို့ရေးသားပေးပို့သောစာ၌ သင်တို့ခံစားနေရသော ညှဉ်းပမ်းနှိပ်စက်မှု၊ ဒုက္ခ ‌ေ၀ဒနာများ၌ ခရစ္စတူးသခင်၏ လက်၀ါးကပ်တိုင်ကိုမြင်တွေ့ရကြောင်းဖြင့် စိတ်ထိခိုက်ဖွယ်ရေးသားထားသည်။

ကျွန်ုပ်၏မျက်ရည်များကိုသင်တို့မျက်ရည် နှင့်ရောနှောလိုပါသည်။ တစ်နေ့တစ်ရက်မှသင်တို့နှင့်ပေါင်းစပ်ခြင်းမရှိဘဲကင်းကွာနေသည်၊ သင်တို့အားကျွန်ုပ်၏နှလုံးသားထဲ၊ ကျွန်ုပ်၏ဆုတောင်းမေတ္တာများ၌ ဆောင်မထားသောနေ့ဟုမရှိကြောင်းကိုသင်တို့ကိုပြောပြပါမည်။ သင်တို့၏နာကြင်မှုသည်ကျွန်ုပ်၏နာကြင်မှုဖြစ်သည်။ ယေဇူးသခင်၏ကြီးမားလေးလံသောကားတိုင်တော်ဖြစ်သည့် သင်တို့ခံထမ်းကျော်ဖြတ်နေရသော အကြမ်းဖက်မှုများ၌ ယနေ့သင်တို့ကိုကျွန်ုပ်မြင်တွေ့နေရပါသည်။ ယေဇူးသခင်အားညှဉ်းပမ်းနှိပ်စက်ပြီး သက်တော်ချွေခဲ့သောကားတိုင်သည် ယခုမတရား သဖြင့်သတ်ဖြတ်ခံနေရသောအသက်မဲ့ခန္ဓာတော်များနှင့်အစုလိုက်အပြုံလိုက်သတ်ဖြတ်ခံခဲ့ရပြီး ပြန်တွေ့ရှိရသောအလောင်းများ၌မြင်တွေ့နေရကြောင်း၊ ကျွန်ုပ်တို့၏မိခင်လည်းဖြစ်၊ သူတို့ (ရုရှားနိုင်ငံ) ၏မိခင်လည်းဖြစ်သော အမိမယ်တော်သည်သင်တို့ကိုစောင့်ရှောက်ကြည့်ရှုပါစေ။ ကမ္ဘာပေါ်ရှိဆရာတော်ကြီးများနှင့်အတူ အမိမယ်တော်၏အလွန်စင်ကြယ်သောနှလုံးတော်ထံသို့သာသနာတော်ကြီးနှင့်လူသားထုတစ်ရပ်လုံး၊ အထူးသဖြင့်သင်တို့နှင့်ရုရှားနိုင်ငံကိုအပ်နှံပူ ဇော်ခဲ့ကြောင်း၊ အမိမယ်တော်၏ မိခင်နှလုံးတော်ထံသို့ သင်တို့၏နာကြင်နေသော‌ေ၀ဒနာနှင့်မျက်ရည်များကိုတင်လှူပူဇော်ပါကြောင်းဖြင့်စိတ်ထိခိုက်ခံစားရသောစာကိုရေးသားပေးပို့ခဲ့သည်။

ဤရဟန်းမင်းကြီး၏စာကို ဗာတီကန်သတင်းပြန်ကြားရေးဌာနက ယူကရိန်းနှင့်အီတလီဘာသာစကားဖြင့် နို၀င်ဘာလ (၂၅) ရက်နေ့ ရဟန်းမင်းကြီးကိုယ်တိုင် စိန့်ဂျွန်လေတာရန်ဘာစီးလီကာဘုရားကျောင်းတော်ကြီး၌ လက်မှတ်ရေးထိုးပြီးနောက်တစ်ရက်တွင်ဖော်ပြခဲ့သည်။

စာထဲ၌ ရဟန်းမင်းကြီးဖရန်စစ်အနေဖြင့် လွန်ခဲ့သော မတ်လ (၂၅) ရက်နေ့က ရုရှား နှင့်ယူကရိန်းနိုင်ငံတို့အား အမိမယ်တော်၏ အလွန်စင်ကြယ်သောနှလုံးတော်ထံအပ်နှံခဲ့သည်။

ရဟန်းမင်းကြီးဖရန်စစ်သည် ပြီးခဲ့သောဖေဖော်၀ါရီလမှစ၍ ရုရှား၏မတရားကျူး ကျော်စစ်ကိုခံခဲ့ရသော ယူကရိန်းနိုင်ငံအတွက် လူထုနှင့်ဆုတောင်းခြင်းပြုရာ၌ ယူကရိန်းနိုင်ငံတရားတော်အတွက် ကွပ် မျက်ခံခဲ့ရသောဓမ္မအာဇာနည်များ၏ ကြား၀င်ကူညီဆုတောင်းပေးမှုမကြာ ခဏတောင်းခံလေ့ရှိသည်။

ရဟန်းမင်းကြီးဖရန်စစ်သည် သူ၏စာကိုယူကရိန်းနိုင်ငံ Lviv ၏ဂိုဏ်းချုပ်ဆရာတော် Mieczysław Mokrzycki၊ ဆရာတော် Jan Sobiło၊ အကူဆရာတော် Kharkiv-Zaporizhia တို့နှင့်တွေ့ဆုံပြီး တစ်ပတ်တိတိပြည့်သည့်နေ့၌လက်မှတ်ရေးထိုးခဲ့ခြင်းဖြစ်သည်။

ဗာတီကန်၏အတွင်းရေး မှူးသည်လည်း ယူကရိန်းနိုင်ငံ၏ငြိမ်းချမ်းရေးအတွက်မစ္ဆားတရားကိုတင်လှူပူဇော်ခဲ့သည်။

ရဟန်းမင်းကြီးဖရန်စစ်၏စာထဲ၌ 'Holodomor' အမှုနှင့်စပ်လျင်း၍ လူမျိုးတုန်းသတ်ဖြတ်မှုအကြောင်းကိုလည်းဖော်ပြထားသည်။ ဤပြစ်မှုသည် (၁၉၃၂-၁၉၃၃) ခုနှစ်အတွင်း ဆိုဗီယက်ယူကရိန်း၌ (ထိုစဉ်ယူကရိန်းသည် ရုရှားလက်အောက်၌ရှိနေခဲ့စဉ်) လူသန်းပေါင်းများစွာကိုလူတစ်ဦးတည်း၏မိုက်မဲသောဆုံးဖြတ်ချက်ဖြင့် အစာရေစာငတ်ပြတ်အောင်ထား၍သေကြေစေခဲ့သည့်ဖြစ်ရပ်သည် ယနေ့ယူရိန်းပြည်သူတို့အားရဲစွမ်းသတ္တိတိုးစေခဲ့သည်။

ဒုက္ခ ‌ေ၀ဒနာအဘယ်မျှကြီးမားဆိုးရွားနေပါစေယူကရိန်းပြည်သူတို့သည်အလွယ်တကူစိတ်ဓာတ်မကျခဲ့။ မိမိတို့ကိုယ်ကိုသနားစိတ်ဖြင့်မလွှမ်းမိုးစေခဲ့။ ထို့ကြောင့်ကမ္ဘာကြီးက ရဲရင့်ပြီးအလွန်စိတ်ဓာတ်ပြင်းထန်သောလူမျိုးအဖြစ်သတ်မှတ်ခြင်းခံခဲ့ရသည်။ ဒုက္ခကြား၌ ဆုတောင်းရုန်းကန်သောလူမျိုးအဖြစ်လည်းကောင်း၊ ငိုကြွေးရင်းရုန်းကန်တွန်းလှန်သောလူမျိုး၊ ခုခံကာကွယ်ရင်းမျှော်လင့်ချက်ဖြင့်ရှင်သန်သောလူမျိုး၊ တော်၀င်ပြီးဓမ္မအတွက်အသက်သေခံရဲသောလူမျိုးအဖြစ်သတ်မှတ်ခံထားရသည်။

'ကျွန်ုပ်အနေဖြင့်သင့်တို့နှင့်အတူစိတ်ထဲမှ၊ ဆုတောင်းခြင်းနှင့်လူမှုကယ်ဆယ်ရေးအကူအညီများပေးခြင်းတို့ဖြင့်ဆက်လက်ရပ်တည်နေပါသည်။ သင်တို့အနေဖြင့်လည်း စစ်ပျော်သူများဖြစ်မသွားကြစေရန်၊ သင်တို့၏ကံကြံမ္မာကိုသင်တို့သာရင်ဆိုင်ဖြေရှင်းရသည့်အဖြစ်မျိုး၊ အထူးသဖြင့် သင်တို့၏ ဒုက္ခ ‌ေ၀ဒနာကို‌ေ၀၀ါးအာရုံ ပြောင်းသွားစေသည့်ကိစ္စများမကြုံကြိုက်စေရန်ဆုတောင်းပေးပါသည်ဟုရေးသား ၍နိဂုံးချုပ်ထားသည်။

အာဗီအေဘာသာပြန်- ဖာသာရ်ကလဲမင့်အားတယ်

https://bit.ly/3gOjskH