လှပသောပါရမီများ သီးပွင့်ကြစို့။

နွေဦးရာသီရဲ့ ပထမဆုံးနေ့ဖြစ်တဲ့ March 21, 2018  မှာ ပါပါးဖရန်စစ်နှင့် ထောင်ပေါင်း များစွာသောလူတွေနဲ့တွေ့ဆုံကြတဲ့ခါမှာ ပါးပါး က ပျော်ရွှင်တဲ့နွေဦးရာသီကိုပိုင်ဆိုင်ကြပါစေကြောင်း မေတ္တာပို့သပေးရင်း လူထုပရိတ်သတ်ကြီးကို နှုတ်ဆက်လိုက်ပါတယ်။ နွေဦးရာသီမှာ ရွက်သစ်ရွက်နုလေးတွေထွက်ကြတယ်။ ပန်းလေးတွေ ပွင့်လာကြတယ်။ ဆိုပြီး စကားချီကာ လူထုပရိသတ်ကြီးကို  မေးခွန်းလေးတစ်ခုမေးထားပါတယ်။ “နာမကျန်းတဲ့ သစ်ပင်က အသီးကောင်းကောင်းသီးနိုင်သလား။ အမြစ်မပါတဲ့အပင်က  အပွင့်ကောင်းကောင်း ပွင့်စေပါသလား။ ရေလောင်းမခံရတဲ့အပင်၊ မိုးရေမရတဲ့အပင်က အသီးအပွင့် ကောင်းကောင်းပွင့်နိုင်ကြသလား။” ဆိုတဲ့မေးခွန်းဖြစ်ပါတယ်။  ထောင်ပေါင်း များစွာသော လူအုပ်ကြီးကလည်း “No” ဆိုတဲ့ အဖြေကို တပြိုင်တည်းဖြေကြပါတယ်။  ပါပါး ဖရန်စစ်က ဆက်လက်ပြီး ဒါဟာကျွန်ုပ်တို့သင်ခန်းစာယူရမယ့်အရာဖြစ်တယ်လို့ ဆက်လက်ပြီးသတိပေး မြွတ်ကြား ထားပါတယ်။  ကျွန်ုပ်တို့ကက်သလစ်ခရစ် ခရစ်ယာန်တွေအနေဖြင့် ဆုတောင်းခြင်း၊ စက္ကရမင်တူးများခံယူခြင်းဟာ ကျွန်ုပ်တို့ဘ၀လှပစွာ ပွင့်လန်းနိုင်ဖို့ ရေလောင်းပေးခြင်းဖြစ်ပါတယ်လို့ လည်းဆက်လက်ပြီးမြွတ်ကြားထားပါသေးတယ်။ အမြစ်မပါတဲ့သစ်ပင်နှင့် ရေလောင်းမခံရတဲ့ သစ်ပင်ဟာ  မသီးမပွင့် နိုင်တဲ့အပြင် မကြာခင်မှာ သေဆုံးသွားမှာ ဖြစ်ပါတယ်။ ခရစ်တော်ဟာ ကျွန်ုပ်တို့ရဲ့အမြစ်ဖြစ်ရမယ်လို့ ဆက်လက်ပြီး မြွတ်ကြားထားပါသေးတယ်။ သခင်ခရစ်တော်မှာ ကျွန်ုပ်တို့အမြစ်တွယ်ကြမယ်ဆိုရင် ဘ၀မှာ ဒုက္ခအခက်အခဲများစွာ ကြုံတွေ့ရပေမယ့်လည်း အောင်မြင်ခြင်းကျေးဇူးခံစားကြရမှာ ဖြစ်ပါတယ်။ သခင်ခရစ်တော်ဟာ လူတွေရဲ့နှိပ်စက်ညှင်းပန်းခြင်းကို ခံရပေမယ့် သူ့ရဲ့ခမည်းတော်ကို နာခံတဲ့စိတ်ဓါတ်၊ လူတွေကို ချစ်လွန်းအားကြီးခြင်းကြောင့် ဒုက္ခများစွာကို ကျော်လွှားနိုင်ခဲ့ပါတယ်။ အပြစ်မရှိတဲ့ သခင်ခရစ်တော်ဟာ အပြစ်ရှိတဲ့လူတစ်ဦးလို ဆက်ဆံခံခဲ့ရတယ်။ ဒါပေမယ့် သူဟာဒါတွေကို အပြစ်မယူခဲ့ဘူး။ အဆုံးစွန်ထိအောင် ခွင့်လွှတ်ပေးခဲ့ပါတယ်။ သူ့ဘ၀ကို ခွင့်လွှတ်ခြင်းတွေနဲ့ဝေဆာစေခဲ့တယ်။ ကျွန်ပ်တို့လူသားတွေအနေနဲ့ သခင်ယေဇူးထံတော်မှာ အမြစ်တွယ်ကြရမယ်ဆိုရင် လူ့ပတ်ဝန်းကျင်မှာ ကောင်းသောပုံသက်သေပြနိုင်တဲ့သူ၊ ပါရမီအသီးအပွင့်တွေနှင့် ဝေဆာကြတဲ့ သူတွေ၊  ဖြစ်လာကြမှာ ဖြစ်ပါတယ်။ ဆက်လက်ပြီး ဆန့်ကျင်ဘက် အနေနဲ့စဉ်းစားကြမယ်ဆိုရင် လူတွေ ဘာလို့အသီးကောင်း၊ အပွင့်ကောင်း ဆိုတဲ့အောင်မြင်မှု ဘာလို့ မရရှိကြတာလဲ။ အိုင်းစတိုင်းကတော့ လူတွေမအောင်မြင်ရခြင်း အဓိက (၁၀) ချက်ကို ဒီလိုဆိုထားပါတယ်။

၁. သူတပါးအပေါ်သံသယဖြစ်နေခြင်း

၂.မကောင်းတဲ့ဘက်ကိုဘဲစဉ်းစားနေခြင်း

၃.မ်ိတ်ဆွေအပေါင်းအသင်းပေါ်မှာ  မလေးမစားဆက်ဆံပြုမူခြင်း

၎.မအောင်မြင်မှာကို ကြောက်ရွံ့နေခြင်း

၅. တပါးသူရဲ့မကောင်းကြောင်းကို လိုက်ပြောနေခြင်း

၆.တခြားသူတွေအပေါ်မှာရော၊ မိမိကိုယ်ကိုမှာရော အပြစ်တွေကို ရှာနေခြင်း

၇.စိတ်တိုဒေါသထွက်ခြင်း

၈. ပျင်းရိခြင်း

၉. မကောင်းတဲ့စကားလုံးတွေကိုဘဲပြောနေခြင်း

၁၀. တစ်ပါးသူအပေါ်မှာ မေတ္တာမထားနိုင်ခြင်း

စတဲ့အချက်တွေကြောင့်ပါလို့ မိန့်ဆိုခဲ့ဖူးပါတယ်။  အတိုချုန်းပြောရမယ်ဆိုရင်တော့ မကောင်းတဲ့ဘက်မှာ မိမိအမြစ်တွေကို ရှိနေစေခြင်းဖြစ်ပါတယ်။ ကိုယ့်၇ဲ့အမြစ်က အဆိပ်အတောက်ဖြစ်စေမယ့်အရာတွေကိုသာ စုပ်ယူနေမယ်ဆိုရင်တော့ ပါပါးပြောတဲ့ လှပတဲ့အသီးအပွင့်တွေ ဖြစ်မလာမှာတော့အသေအချာပါဘဲ။ ဒါဆိုရင်ခရစ်တော်မှာ ဘယ်လိုအမြစ်တွယ်ကြရမလဲဆိုတဲ့ မေးခွန်းလည်းမေးစရာရှိလာပါတယ်။ နည်းပညာ ထွန်းကားလွန်းတဲ့ ဒီခေတ်မှာ၊ ကျွန်ုပ်တို့နေ့တိုင်း၊ သွားတဲ့နေရာတိုင်း လက်ကိုင်ဖုန်းတွေ ကိုယ်နဲ့မကွာယူဆောင်ကြတဲ့ ကျွန်ုပ်တို့ကို “ သင်တို့ရဲ့ သမ္မာကျမ်းစာကို လက်ကိုင်ဖုန်းတွေအသုံးပြုသလို အသုံးပြုကြပါ။ ဆိုပြီး ပါပါးက စိန်ခေါ်ချက်တစ်ရပ်ပေးလိုက်ပါတယ်။ သမ္မာကျမ်းစာကို လက်ကိုင်ဖုန်းလို အသုံးပြုခြင်းက ဘာဖြစ်လာမှာလဲ။ ကျွန်ုပ်တို့အပြင်သွားရင် လက်ကိုင်ဖုန်းမပါဘဲနဲ့ အပြင်မသွားကြဘူး။ မေ့သွားရင်တောင်မှ အိမ်ပြန်ပြီး ပြန်ယူကြတယ်။ ပြီးရင် ကိုယ့်ရဲ့ လက်ကိုင်ဖုန်းကို ဘာ message ရောက်နေလဲ၊ အမြဲတမ်းစစ်ကြရတယ်။ ဒီလိုဘဲ သမ္မာကျမ်းစာကိုလည်း အဲဒီလို အသုံးပြုကြဖို့ပါပါးက ကျွန်ုပ်တို့ကို တိုက်တွန်းထားပါတယ်။ ဒါဟာ ကြီးမားခက်ခဲတဲ့ လုပ်ဆောင်ချက်မဟုတ်ပေမယ့် ကျွန်ုပ်တို့ ပြုလုပ်နိုင်ဖို့ ပျက်ကွက်နေကြတာတော့ အသေအချာဖြစ်ပါလိမ့်မယ်။ သမ္မာကျမ်းစာကို ကျွန်ုပ်တို့လက်ကိုင်ဖုန်းကဲ့သို့ အသုံးပြုကြရင် ဘာဖြစ်လာမလဲ  ဆိုပြီးဇောဒကတက် မေးချင်ကြသူတွေ လက်ကိုင်ဖုန်းက message တွေ ခဏခဏ ဖတ်နေကြသလို သမ္မာကျမ်းစာကို ခဏခဏဖွင့်ဖတ်ကြမယ်ဆိုရင် ဘုရားဆီကနေ သွေဖယ်နိုင်တဲ့ နှောက်ယှက်ခြင်းများမှ ကျွန်ုပ်တို့ ရှောင်လွှဲနိုင်မှာဖြစ်ပါတယ် ဆိုပြီး ပါပါးက အားပေးရင်း မြွတ်ဆိုထားပါတယ်။ ဒါဟာသေးငယ်တဲ့အရာလို့ထင်ရပေမယ့် မိမိဘ၀ကို လမ်းကြောင်းမှန်ကိုပို့ ဆောင်ပေးမယ့် နည်းလမ်းလေးတစ်ခုဖြစ်ပါတယ်။ မိမိရဲ့ဆွေမျိုးတွေ၊ အသိမိတ်ဆွေတွေ၊ လုပ်ဖော်ကိုင်ဖက်လူတွေဆီက Message တွေ ခဏခဏဖွင့်ဖတ်ကြသလို အသက်ပေးတဲ့ ဘုရားရဲ့နှုတ်ကပတ်တော်ကို ခဏခဏဖွင့်ဖတ်ဖို့ မသင့်တော်ပေဘူးလား။ ခရစ်ယာန်တစ်ဦးဟာ မိမိဘ၀ကို ခရစ်တော်ဆီမှာ အမြစ်တွယ်မယ်။ ဗုဓ္ဒဘာသာဝင်တစ်ဦးကလည်း မိမိဘာသာတရားရဲ့ ဆုံးမသွန်သင်မှုတွေမှာ အမြစ်တွယ်ကြမယ်ဆိုရင် ကျွန်ုပ်တို့ လမ်းမှားရောက်စရာ အကြောင်းမရှိပါဘူး။  ၂၀၁၈ မတ်လ ၂၃ ရက်နေ့မှာ ရုပ်ရှင်လောကသားတွေအတွက် မှတ်တိုင်တစ်ခုဖြစ်တဲ့ အကယ်ဒမီပေးပွဲမှာ နိုင်ငံတော်၇ဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့မိန့်ခွန်းဟာလည်း ကျွန်ုပ်တို့အတွက် အင်မတန်အရေးကြီးတဲ့စကားဖြစ်ပါတယ်။ သူ့ရဲ့စကားအချို့ကတော့ ဒီလိုပါ။ မိဘက မိဘတာဝန်ကျေမယ်။ သားသမီးက သားသမီးတာဝန်ကျေမယ်။ နိုင်ငံသားတစ်ဦးက နိုင်ငံ့တာဝန်ကျေမယ်ဆိုရင် ကျွန်ုပ်တို့နိုင်ငံဟာ သူများနိုင်ငံထက် ပိုပြီး တိုးတက်ဖွံ့ဖြိုးတဲ့ နိုင်ငံဖြစ်လာမယ်။ မိမိဘ၀မှာ တာဝန်ဆိုတဲ့ စကားဟာ အရေးအကြီးဆုံးစကားလုံးဖြစ်ပါတယ်။ အခွင့်အရေး၊ အခွင့်အရေး၊ ဆိုပြီး နိုင်ငံတကာက တောင်းဆိုလာကြချိန်မှာ မြန်မာနိုင်ငံမှာ အခွင့်အရေးနှင့် တာဝန်ဆိုတဲ့ အရာနှစ်ခု ပေါင်းစပ်နိုင်ကြမယ်ဆိုရင် သူများနိုင်ငံထက် ဖွံ့ဖြိုးလာမှာဖြစ်တယ်ဆိုပြီး ပြောကြားထားပါတယ်။ ဟုတ်ပါတယ်။ ခရစ်ယာန်တစ်ဦးသည် ခရစ်ယာန်တာဝန်ကျေပြွန်ဖို့ လိုအပ်သလို၊ ဗုဒ္ဓဘာသာဝင်တစ်ဦးကလည်း ဗုဒ္ဓဘာသာတာဝန်ကျေပြွန်ဖို့လိုပါတယ်။  လူတိုင်းမိမိတာဝန် ကျေပြွန်ကြရင်း  မိမိရဲ့ စိတ်ဓါတ်ကို မကောင်းတဲ့ဘက်မှာ အမြစ်တွယ်ခြင်းမှေ၇ှာင်ဖယ်ကြရင်း မိမိဘ၀ကို လှပသောပါရမီများ သီးပွင့်ခြင်းဖြင့် တန်ဆာဆင်ကြပါစို့လို့ အားလုံးကို တိုက်တွန်းလိုက်ဘယစေ၇ှင်။