ယေဇူးသခင်၏နှစ်သိမ့်ခြင်းကိုခံယူရန်အသင့်ရှိပါ

ယေဇူးသခင်၏နှစ်သိမ့်ခြင်းကိုခံယူရန်အသင့်ရှိပါ

ပုပ်ရဟန်းမင်းကြီး က Casa Santa Marta ဘုရားကျောင်းမှာ မစ္ဆားတရားတော်မြတ်ကို ၂၀၂၀ မေလ (၈) ရက်နေ့တွင် ကျင်းပခဲ့ပါတယ်။
"ကျွန်ုပ်တို့ ဆင်းရဲဒုက္ခရောက်နေတဲ့အချိန်မှာ ယေဇူးသခင်ရဲ့ နှစ်သိမ့်မှုကိုရရှိနိုင်ဖို့ သင်ခန်းစာယူသင့်ပါတယ်။" လို့ ပုပ်ရဟန်းမင်းကြီးက သောကြာနေ့၊ မနက်မစ္ဆားတရားတော်မြတ်မှာ မိန့်မှာခဲ့ပါတယ်။

ရဟန်းမင်းကြီး၏ ဩဝါဒ
"ခရစ်ယာန်တွေ စိတ်ဒုက္ခရောက်နေချိန်မှာ သခင်ခရစ်တော်ရဲ့ နှစ်သိမ့်မှုကို ရဖို့ခက်ခဲပါတယ်။
သံယောဟန် (၁၄း ၁- ၆) ကိုထောက်ရှုကြည့်မယ်ဆိုရင် တပည့်တော်တွေကို နောက်ဆုံးညစာမှာ သခင်ခရစ်တော် မှာကြားတဲ့ နှုတ်တော်ထွက်စကားကို ဖော်ပြထားပါတယ်။ သခင်ခရစ်တော်က သူ့တပည့်တော်တွေ ဝမ်းနည်းမှုကို သတိပြုပြီး သူတို့ကို နှစ်သိမ်ဖို့ရန် ကြိုးစားခဲ့ပါတယ်။
ဘုရားရဲ့နှစ်သိမ့်မှုကို ခုံယူနိုင်ဖို့ဆိုတာမလွယ်ကူလှပါဘူး။ ဆိုးရွားတဲ့အခြေအနေမျိုးတွေများများမှာ၊ ကျွန်ုပ်တို့က ဘုရားသခင်ကို စိတ်ဆိုးကြတယ်၊ ဘုရားသခင် ကျွန်ုပ်တို့ဆီကို ချိုချိုသာသာ၊ နီးနီးကပ်ကပ်၊ အနွံအနာခံပြီး၊ မှန်မှန်ကန်ကန်နှင့် ယုံယုံကြည်ကြည် စကားလာပြောဖို့ အခွင့်မပေးကြဘူး။"လို့ ဟောကြားခဲ့ပါတယ်။ သခင်ယေဇူးရဲ့ နှစ်သိမ့်မှုမျိုးက တစ်ယောက်ယောက်ကို နှစ်သိမ့်ဖို့ရန်အတွက် တခမ်းတနားရေးသားထားတဲ့ကြေးနန်ထဲက နှစ်သိမ့်စာစောင်နှင့်မတူပါဘူး။ ဒီကျမ်းချက်ထဲမှာ၊ ဘုရားသခင်က ကျွန်ုပ်တို့ကို အမှန်တရား၊ မျှော်လင့်ချက်နှင့်၊ ရင်းရင်းနှီးနှီး နှစ်သိမ့်နေပါတယ်။ဒါက ဘုရားသခင်ရဲ့ နှစ်သိမ့်ခြင်း အချက် (၃) ခုဖြစ်တယ်။" လို့ မိန့်ကြားခဲ့ပါတယ်။

ပုပ်ရဟန်းမင်းကြီးက "ကျွန်ုပ်တို့ ဝမ်းနည်းနေတဲ့အချိန်တွေမှာ သခင်ယေဇူးက ကျွန်ုပ်တို့နှင့် အနီးအနားမှာရှိနေတယ်။"ဆိုတာ မှတ်ချက်ပေးခဲ့ပါတယ်။
ဘုရားသခင်က ရင်းရင်းနှီးနှီးနဲ့ နှစ်သိမ့်ပေးပါတယ်။ အကျိုးမရှိတဲ့စကားလုံးတွေကို မသုံးပါဘူး။ ဒါပေမဲ့ ဘုရားက တိတ်ဆိတ်ခြင်းကိုပိုမို နှစ်သက်ပါတယ်။သခင်ခရစ်တော်က မှားယွင်းတဲ့နှစ်သိမ့်မှုမျိုးကိုမပေးပါဘူး။ သူက အမြဲတမ်းအမှန်တရားကို ပြောပါတယ်။ အလိမ်အညာတွေဖြစ်တဲ့ -"မဟုတ်ဘူး။ မပူပါနဲ့။ အားလုံးကပြီးသွားမှာပါ။ ဘာမှမဖြစ်ပါဘူး။ ပြီးသွားမှာပါ။ အရာရာက ပြီးသွားမှာပါ.." အစရှိတဲ့.... တရားဝင်စကားတွေကို သူမပြောဘူး။ မဟုတ်ပါဘူး။ အဲလိုမဖြစ်ပါဘူး။ သူအမှန်တရားကိုပြောနေတာပါ။ အမှန်တရားကို သ၊ူ မဖုံးထားဘူး။ " လို့ Vatican သတင်းမှတ်တမ်းအရ ပုပ်ရဟန်းမင်းကြီးက မိန့်ကြားခဲ့ပါတယ်။ "

ယေဇူးသခင်ရဲ့ နှစ်သိမ့်ခြင်းက မျှော်လင့်ခြင်းကို အမြဲယူဆောင်လာပေးပါတယ်။ သူ့လက်တော်နှင့် ကျွန်ုပ်တို့ကို ခေါ်ဆောင်မယ်။ "မင်းဒုက္ခမရောက်ပါဘူး။" လို့ ယေဇူးသခင်က မပြောပါဘူး။ "ငါမင်းတို့အနားမှာပဲရှိနေတယ်"လို့တော့ အမှန်တကယ်သူပြောခဲ့ပါတယ်။ ဒီအချိန်က ဒုက္ခအန္တရယ်၊သေခြင်းတွေရင်ဆိုင်နေရတဲ့ ဆိုးရွားတဲ့အချိန်ဖြစ်တယ်။ ဒါပေမဲ့ စိတ်သောကမဖြစ်ကြပါနဲ့၊ ငြိမ်းချမ်းစွာနေပါ။ အဲဒီငြိမ်းချမ်းခြင်းက နှစ်သိမ့်ခြင်းရဲ့အရင်းအမြစ်ပဲ။ဘာဖြစ်လို့လဲဆိုတော့ " သင့်လက်ကို ကိုင်ဆောင်ကာ ကျွန်ုပ်ရှိရာသို့ ခေါ်ဆောင်မည်။ "လို့ ဘုရားသခင် ကတိထားခဲ့ပါတယ်။

နိဂုံး
ပုပ်ရဟန်းမင်းကြီးက " ကျွန်ုပ်တို့သည် ဘုရားရှင်၏ နှစ်သိမ့်ခြင်းရရှိဖို့ သင်ခန်းစာယူနိုင်ရန် ကျေးဇူးတော်များတောင်းလျှောက်ပါသည်။" ဟုဆုတောင်းပြီးနောက် ဘုရားရဲ့ နှစ်သိမ့်ခြင်းက အစစ်အမှန် နှစ်သိမ့်ခြင်းဖြစ်ပါတယ်။ လိမ်ညာလှည့်ဖြားတဲ့ နှစ်သိမ့်မှုမျိုးမဟုတ်ပါဘူး။ မေ့ဆေးပေးတာမျိုးလည်းမဟုတ်ပါဘူး။ ဒါပေမဲ့ အနီးနားမှာရှိတယ်၊ အမှန်လဲဖြစ်တယ်၊ ကျွန်ုပ်တို့အား မျှော်လင့်ခြင်းတံခါးပေါက်ကိုလည်းဖွင့်ပေးပါတယ်။" လို့ ဟောကြားပြီး ဩဝါဒကို အဆုံးသတ်ခဲ့ပါတယ်။

မစ္ဆားတရားတော်အပြီး၊ စိတ်အားဖြင့်ကိုယ်တော်မြတ်ပင့်ယူခြင်းကို အမှူးပြု၍ တိုက်ရိုက်ထုတ်လွှတ်ခြင်းအစီစဉ်ကို စောင့်ကြည့်နေသူများအား ဦဆောင်ခြင်းမပြုလုပ်ခင်၊ ပုပ်ရဟန်းမင်းကြီးက ကိုယ်တော်မြတ် စက္ကရမင်တူးအား ကိုးကွယ်သဒ္ဒါကြည်ညိုခြင်းအစီအစဉ်ကို ဦးဆောင်ခဲ့ပါတယ်။
ပြီးတဲ့နောက်မှာ ပါစကားကာလမှာသီဆိုရတဲ့ မယ်တော့်သီ ချင်းကို သီဆိုခဲ့ကြပါတယ်။
မစ္ဆာတရားစတဲ့အချိန်မှာ၊ ပုပ်ရဟန်းမင်းကြီးက မေလ ၈ရက်နေ့ကျရောက်သော ကြက်ခြေနီအသင်းနှင့် လခြမ်းနီအသင်း တို့၏ နေ့ထူး၊ ကြက်ခြေနီအသင်းကို စတင်တည်ထောင်ခဲ့သော ဟင်နရီ ဒူးနန့် ၏ မွေးနေ့ရက်မြတ်ဖြစ်ကြောင်းလည်း သတိယအောက့်မေ့လျက် ၊ "ဒီချီးကျူးဂုဏ်ပြုထိုက်တဲ့ အဖွဲ့အစည်းမှာ အလုပ်လုပ်ကြတဲ့သူတွေ အတွက်ဆုတောင်းကြရအောင်၊ ဒီလိုကောင်းကျိုးပြုတဲ့ သူတို့လုပ်ငန်းကို ဘုရားရှင်ကောင်းကြီးပေးပါစေ။" လို့ မြွတ်ကြားခဲ့ပါတယ်။

ဘာသာပြန် Sr. Lucy Lal Nai Ciang,SJA
https://bit.ly/2znheTw