ဖိလစ်ပိုင် လူငယ်တချို့ ကမ္ဘာလူငယ်များပွဲ တက်ရောက်မည်

ဖိလစ်ပိုင် လူငယ်တချို့ ကမ္ဘာလူငယ်များပွဲ တက်ရောက်မည်
ဇန်နဝါရီ ၁၂၊ ၂၀၁၉

ကမ္ဘာ အနှံအပြား မှလူငယ်များ ရက်သတ္တပါတ်နှစ်ပတ်​ေ​တာင်မလိုတော့သည်​့ ပနားမားတွင်ကျင်းပမည့် ကမ္ဘာလူငယ်များပွဲ​တော်သို့ သွားရောက်ရန် ပြင်ဆင်နေကြသည်။​ ဖိလစ်ပိုင်နိုင်ငံမှလည်း လူငယ် ၇၀ နှင့် ဆရာတော်​တချို့ ဘုန်းတော်ကြီးတချို့လည်း ဇန်နဝါရီလ ၂၂ မှ ၂၇ ထိ ပနားမားတွင်ကျင်းပမည့် ကမ္ဘာလူငယ်များပွဲ​တော်သို့ သွားရောက်ရန်ပြင်ဆင်နေကြပါသည်။ ဆက်လက်ပြီးတော့လည်း လူငယ်အမြောက်အများပါဝင်လာလိမ့်ဦးမည်ဟုမျှော်လင့်​ကြောင်း၊ တခြားအဖွဲ့အစည်းများလည်း ပါဝင်ဖို့ရန်ပြင်ဆင်နေကြောင်း၊ ဖိလစ်ပိုင်နိုင်ငံကိုစားပြု ကမ္ဘာလူငယ်များပွဲ​တော်သို့ တက်ရောက်မည့်သူ အနည်းဆုံး ၂၅၀ ခန့်ရှိကြောင်း ဖိလစ်ပိုင်နိုင်ငံ ဆရာတော်ကြီးများအဖွဲ့ချုပ်၏ လူငယ်တာဝန်ခံဘုန်းတော်ကြီး Conegundo Garganta ပြောပြပါသည်။

ဖိလစ်ပိုင်နိုင်ငံတွင်လည်း ယခုနှစ် ၂၀၁၉ ကို လူငယ်များနှစ်အဖြစ်သပ်မှတ်ထားပါသည်။ ဖိလစ်ပိုင်နိုင်ငံသို့ ကက်သလစ် ခရစ်ယာန်သာသနာ ရောက်ရှိခြင်း နှစ် ၅၀၀ ပြည့်အစီအစဉ်တွင် လူငယ်များ အခန်းကဏ္ဍ အတွက် ပြင်ဆင်ခြင်းလည်းဖြစ်ကြောင်းဖော်ပြထားပါသည်။ ကျွနု်ပ်​​ကဘုရားသခင်၏ ကျွန်မတည်း၊ ကျွန်မ၌ အမိန်တော်အတိုင်းဖြစ်ပါစေ ဟူသော မယ်တော်၏ စကားကို လူငယ်ပွဲ​တော် ခေါင်းစဉ်​အဖြစ်ရွေချယ်ထားပြီး ဇန်နဝါရီ်လ ၂၃ ရက်နေတွင် ရဟန်းမင်းကြီး ပါဝင်မည်ဖြစ်ကြောင်း အစီစဉ်တွင်ဖော်ပြထားပါသည်​။

၁၉၉၅ ခု ဇန်နဝါရီ်လ ၁၀ ရက်မှ ၁၅ ရက်နေ့အထိ အာရှတိုက်တွင် ပထမဦးဆုံးလူငယ်ပွဲ​တော်ကို ဖိလစ်ပိုင်နိုင်ငံမှ လက်ခံကျင်းပခဲ့ပါသည်။ ယင်းလူငယ်ပွဲေတော် ရဟန်းမင်းကြီး မစ္ဆားတရားတွင် ဖိလစ်ပိုင် နိုင်ငံသားဘာသာဝင် ငါးသန်းကျော် တက်ရောက်ခဲ့ကြောင်း ကမ္ဘာ လူငယ်ပွဲ​တော်ကျင်းပရေးမှတ်တမ်းတွင်ဖော်ပြထားပါသည်။

ကမ္ဘာလူငယ်များပွဲ​တော်တွင် ရဟန်းမင်းကြီးပါဝင်ခြင်းသည် အရေးကြီးသော အခန်းကဏ္ဍ တစ်ခုဖြစ်ပါသည်။ ပနားမားတွင်ပြုလုပ်မည့် ကမ္ဘာလူငယ်များပွဲ​တော်တွင် ထောင်တွင်းမှာရှိသော၊ HIV ရောဂါကူးစက်ခံနေရသော လူငယ်များကို ရဟန်းမင်းကြီး သွားရောက်ကြည့်ရှု့မည့် အစီစဉ်များ နှင့် နှစ် လေးရာ သက်တမ်းရှိ ပြန်လည်ပြုပြင်ထားသော ပနားမား ကာသီဒရယ် ဘုရားကျောင်းတော်ကြီး သို့သွားရောက်လည်ပတ်ခြင်း၊ ဆရာ​တော်ကြီးများနှင့်တွေ့ဆုံခြင်းပါဝင်ခြင်​း၊ ယင်း ကမ္ဘာလူငယ်များပွဲ​တော်တွင် လူထုနှင့် ခုနှစ်ကြိမ် စကားမြွက်ကြားခြင်း၊ မစ္တားတရား ၂ ကြိမ်ဦးဆောင်ဟောကြားခြင်း နှင့် အာပတ်ဖြေနား​ထောင်းခြင်းတို့ကို ဦးဆောင်ပြုလုပ်မည့် အစီစဉ်​​​များ ပါဝင်ကြောင်း ဖော်ပြထားပါသည်။

https://www.vaticannews.va/en/church/news/2019-01/world-youth-day-2019-w...

#worldyouthday, #panama, #philipinoyouth, #peterkm
Photo credits to Vatican News
ဘာသာပြန်ဆိုသူ Fr. Peter Kyi Maung