ပုပ်ရဟန်းမင်းကြီးက ပန်းချီ၊ ပန်းပုအနုပညာရှင်တွေအတွက် မစ္ဆားတရားတော်မြတ်မှာ ဆုတောင်းပေးခြင်း

ပုပ်ရဟန်းမင်းကြီးက ပန်းချီ၊ ပန်းပုအနုပညာရှင်တွေအတွက် မစ္ဆားတရားတော်မြတ်မှာ ဆုတောင်းပေးခြင်း

" အနုပညာရဲ့ အနှစ်သာရ သာမပါခဲ့ရင် ဧဝံဂေလိတရားတော်ကို ကျွန်ုပ်တို့ နားလည်နိုင်မှာမဟုတ်ပါဘူး "

Pope Francis က ကြာသပတေးနေ့ ၇၊ ၅၊ ၂၀၂၀ နံနက်မစ္ဆားတရားတော်မြတ်ကို Casa Santa Marta ဘုရားကျောင်းတော်မှာ ကျင်းပခဲ့ပြီး ပန်းချီ၊ ပန်းပုအနုပညာသမားတွေအတွက်အထူးဆုတောင်းပေးရင်း သူတို့တွေလည်းပဲ ဘုရားသခင်ရွေးချယ်ထားသော သူများဖြစ်ကြောင်းကို မမေ့ကြဖို့ ခရစ်ယာန်များအား ဖိတ်ခေါ်ခဲ့ပါတယ်။ Pope Francis က ပါးစကားကာလ စတုတ္ထအကြိမ် ကြာသပတေးနေ့မှာ မစ္ဆားတရားတော်ပူဇော်ခဲ့ပါတယ်။ မစ္ဆားတရားတော်မြတ် အစပိုင်းမှာ ပန်းချီ၊ ပန်းပုအနုပညာရှင်တွေကို အောက်မေ့ပြီး "မနေ့က သူတို့အထဲက တစ်ဖွဲ့က ဆုတောင်းပေးခြင်းတွေအတွက် ကျေးဇူးတင်ကြောင်း စာပေးပို့ခဲ့တယ်။ သူတို့ကို ဘုရားရှင်ကောင်းကြီးပေးပါစေ။ ဘာဖြစ်လို့လဲဆိုတော့ ပန်းချီ၊ ပန်းပုအနုပညာကနေတစ်ဆင့် အနုပညာရဲ့အနှစ်သာရကို နားလည်တယ်။ အနုပညာရဲ့အနှစ်သာရမပါပဲနဲ့ ဧဝံဂေလိတရားတော်ကို နားမလည်နိုင်ဘူး။" လို့ ပုပ်ရဟန်းမင်းကြီးကဆိုပါတယ်။ ဗုဒ္ဓဟူးနေ့ ပရိတ်သတ်တွေနဲ့ ဆုတောင်းလို့အပြီးမှာ၊ ပုပ်ရဟန်း မင်းကြီးက “ သတ္တဝါတိုင်းပေါ်ကျရောက်တဲ့ အသံတိတ် ညည်းညူသံကို အဓိပ္ပာယ်ကောက်နိုင်တာ၊ လူသားတိုင်းရဲ့နှလုံးသားထဲမှာ ထိထိမိမိဖော်ပြနိုင်ဆုံးက ပန်းချီ၊ ပန်းပုအနုပညာရှင်တွေဖြစ်ကြောင်း။ " မိန့်ကြားခဲ့ပါတယ်။

ဘုရားသခင်လူမျိုးတော်များ၏ သမိုင်း

ပုပ်ရဟန်းမင်းကြီးက ၄င်းရဲ့ ဩဝါဒထဲမှာ (တမန်တော်ဝတ္ထု ၁၃း ၁၃-၂၅) ကို ထောက်ပြခဲ့ပါတယ်။ "၎င်းထဲမှာ သံပေါလုက ပါစီဒီယားနယ်၊ အန္တိအုတ်မြို့ရဲ့ ဓမ္မာရုံကို ဝင်သွားပြီး အီစရာအဲလ်လူမျိုးတွေရဲ့သမိုင်းကိုဟောပြောခဲ့တယ်။ ကျွန်ုပ်တို့ရဲ့ကယ်တင်ရှင် ယေဇူး အကြောင်း ကို ကြေငြာပြီး ပေါလုက အယူဝါဒ အသစ်အကြောင်းကို ရှင်းပြပေးပြီး ကယ်တင်ခြင်းသမိုင်းကို ပြောပြခဲ့ပါတယ်။ ဘာလို့လဲဆိုတော့ သခင်ခရစ်တော် မကြွလာခင် ကျေးဇူးတော်သမိုင်း၊ ရွေးကောက်ခြင်းသမိုင်း၊ နှင့် ပဋိညာဉ်သမိုင်းရှိလို့ဖြစ်တယ်။ ဘုရားက အာဗြံဟမ်ကိုရွေးချယ်ခဲ့ပြီး သူ့လူမျိုးတော်နဲ့အတူ ရှိနေခဲ့ကြောင်း " ပြောကြားပြီး ဘုရားခင်က သူ့လူမျိုးတော်နှင့်အတူ ရှိနေတဲ့သမိုင်းအကြောင်းကို မီးမောင်းထိုးပြခဲ့ပါတယ်လို့ "ပေါလ်က" ဆိုပြီး ပုပ်ရဟန်းမင်းကြီးကဆက်​လက်မြွက်ကြားခဲ့တယ်။ "သခင်ယေဇူးနဲ့ မစခဲ့ဘူး၊ သမိုင်းနဲ့စခဲ့တယ်၊ ဘာဖြစ်လို့လဲဆိုတော့ ခရစ်ယာန်ဘာသာဆိုတာ အယူဝါဒတစ်ခုမဟုတ်ဘူး။ ဒါပေမဲ့ အယူဝါဒဆီကို မီးမောင်းထိုးတဲ့ သမိုင်းတစ်ခုဖြစ်တယ်။

"ခရစ်ယာန်ဘာသာဆိုတာ ကျင့်ဝတ်တွေ၊ ကိုယ့်ကျင့်တရား၊နိယာမတွေထက် သာလွန်ပါ၏။"

ခရစ်ယာန်ဘာသာဆိုတာ ကျင့်ဝတ်တွေ၊ ကိုယ့်ကျင့်တရား၊ နိယာမတွေထက် သာလွန်ပါတယ်။ "လို့ မိန့်ကြားခဲ့ပါတယ်။ "ခရစ်ယာန်ဘာသာဆိုတာ လူ့ကျင့်ဝတ်နဲ့ဆိုင်တဲ့အရာတွေ၊ ကိုယ်ကျင့်တရား နိယာမတွေနဲ့ ဖွဲ့စည်းထားခြင်းမဟုတ်ကြောင်း၊ လူတစ်ယောက်က သူ့ကျင့်ဝတ်နဲ့ဆိုင်တဲ့အမြင်အတွက်နဲ့သာ ခရစ်ယာန်မဖြစ်ကြောင်း ။ ခရစ်ယာန်ဘာသာဆိုတာ ဒီ့ထက်ပိုပါတယ်။" လို့လဲ ရှင်းပြခဲ့ပါတယ်။
ပုပ်ရဟန်းမင်းကြီးက ခရစ်ယာန်ဖြစ်ခြင်းဆိုတဲ့အချက်အလက်ပေါ်မှာ ဒီလို မှတ်ချက်ပေးခဲ့ပါတယ်။ "ခရစ်ယာန်ဆိုတာ အထက်လွှာ လူတန်းစားတွေလဲမဟုတ်ပါဘူး။ ခရစ်ယာန်ဖြစ်တယ်ဆိုတာ ဘုရားရွေးကောက်တဲ့ လွတ်လပ်သောလူမျိုးဖြစ်တယ်။ သတိမမူဘူး၊ ဘုရားလူမျိုး၌ပါဝင်ခြင်း ဆိုတဲ့အသိ မရှိဘူးဆိုရင်၊ ခရစ်ယာန်အစစ်အမှန်မဟုတ်ဘဲ ၊ သဘော တရားအနေနဲ့ ဖြစ်နေကြတဲ့ခရစ်ယာန်တွေပဲဖြစ်မှာပါ။

"ဘုရားရဲ့ လူမျိုးတော်မှာ ပါဝင်တယ်ဆိုတဲ့ အသိတရား ဘယ်တော့မှမဆုံးရှုံးပါစေနဲ့။ "

ပုပ်ရဟန်းမင်းကြီးက တစ်ဝက် တစ်ပျက် ကွဲပြားနေမှုများမှာ ကျွန်ုပ်တို့ အကြိမ်ပေါင်းများစွာ လိုက်ပါသွားကြတဲ့အတွက် ဝမ်းနည်းခဲ့ရကြောင်း ဖော်ပြထားပါတယ်။ "အထက်တန်းလွှာ" ဆိုတဲ့ အတိုင်းအတာ၊ ဘုရားလူမျိုးတော်၌ ပါဝင်ခြင်းဆိုတဲ့ အသိစိတ်ကို ပျောက်စေပြီး ခရစ်ယာန်တွေကို နာကျင်စေတယ်။ ပြီးနောက် ယုံကြည်သူတွေကို လူမျိုးတော်၌ ပါဝင်တယ်ဆိုတာ အမြဲ သတိမူဖို့ ကယ်တင်ခြင်းသမိုင်းကိုထပ်ဆင့်ဟောကြားဖို့၊ ဘုရားရဲ့လူမျိုးတော်ဖြစ်တယ်ဆိုတဲ့ အသိဉာဏ်ကို အမြဲထိန်းသိမ်းထားဖို့၊ မှာကြားခဲ့ပါတယ်။ "သင်တို့ရဲ့ ဘိုးဘွားစဉ်ဆက်တွေကို အောက်မေ့ကြပါ။"လို့ စာရေးသူက ဟေဗြဲကျမ်းစာထဲမှာ "ခရစ်ယာန်တို့၏ အကြီးမားဆုံးသော သွေဖယ်ခြင်းအန္တရာယ်သည် ဘုရားရွေးကောက်ထားသောလူမျိုး၌ ပိုင်ဆိုင်ခြင်းဆိုတဲ့ အသိ၊ မှတ်ဉာဏ်ကို ဆုံးရှုံးခြင်းဖြစ်တယ်။ လို့ ရဟန်းမင်းကြီးက မိန့်ဆိုခဲ့ပါတယ်။ "၎င်းကနေ တစ်ယူသန်ခြင်း၊ ကိုယ်ကျင်းတစ်ရားပျက်ပြားမှု၊ နှင့် အဆင့်အတန်းခွဲခြားခြင်းတွေ ဆင်းသက်လာတာဖြစ်ပါတယ်။ လို့လဲ မှတ်ချက်ချပေးခဲ့ပါတယ်။ ဘုရားရဲ့လူမျိုးတော်တွေက သူတို့မပြုပေမဲ့ သူတို့ သတိပြုနေတဲ့ ကတိတစ်ခု၊ ပဋိညာဉ်တစ်ခုရဲ့နောက်ကွယ်မှာ လျှောက်လှမ်းကြပါတယ်၊၊ ကျွန်ုပ်တို့တွေက သစ္စာရှိပြီး၊ သန့်ရှင်းမြင့်မြတ်သော ဘုရားရဲ့လူမျိုးများ၊ ဘုရား၏ပြီးပြည့်စုံခြင်းက ယုံကြည်ခြင်း၏ အသိတရားနှင့် ၎င်းကိုယုံကြည်ရာ၌ မမှားယွင်းနိုင်သော အသိတရားရှိစေကြောင်းပြောကြားပြီး ဩဝါဒကို အဆုံးသတ်ခဲ့ပါတယ်။

ဘာသာပြန် Sr. Lucy Lal Nai Ciang,SJA

https://bit.ly/2SMIxgA