စိန့်ဂျိုးဇက်သည် သိုးထိန်းများ၏စံပြပုဂ္ဂိုလ်ဖြစ်သည်ဟုပုပ် ဖရန်စစ်မိန့်ကြား

စိန့်ဂျိုးဇက်သည် သိုးထိန်းများ၏စံပြပုဂ္ဂိုလ်ဖြစ်သည်ဟုပုပ် ဖရန်စစ်မိန့်ကြား

သန့်ရှင်းသောအိမ်ထောင် စု ၏ အထိန်းတော် စိန့်ဂျိုးဇက်ထံမှ ဖခင်တို့၏အတတ်ပညာကိုသင်ယူကြရန်၊ သိုးထိန်းဖြစ်၍ မိမိတို့အားအပ်နှံထားသော သိုးတို့၏ ကောင်း ကျိုးအတွက် သာရှာကြံကြရန်ရဟန်းမင်းကြီးက ရဟန်းတော်များအားတိုက်တွန်းခဲ့သည်။

ရဟန်းမင်းကြီးသည် ပြီးခဲ့သော ကြာသပတေးနေ့က သူ့ထံဂါရ၀ပြုရန်ရောက်လာသော ဘဲလ်ဂျီးယံကောလိပ်မှကိုယ်စားလှယ်များအားတွေ့ ဆုံနှုတ်ဆက်စကားဆိုခဲ့သည်။

ဤကောလိပ်သည် ရောမမြို့၌ ရှိ‌ပြီး၊ ဘဲလ်ဂျီးယံ နိုင်ငံမှဘုန်း ကြီးများပညာတော်သင်လာသောအခါတည်းခိုရန်ဖြစ်သည်။ ယခုကဲ့သို့လက်ခံတွေ့ဆုံခြင်းမှာ ယခုနှစ်သည် အဆိုပါကောလိပ် ‌ကျောင်း၏ (၁၇၅) နှ်ပြည့်နှစ်ပတ်လည်နှစ်လည်းဖြစ်သည်။ ဤကော လိပ်ကျောင်းသည် ရဟန်း မင်းကြီးစိန့်ဂျွန်ပေါ (၂) လည်း (၁၉၄၆-၁၉၄၈) ခုနှစ်အထိတည်းခို သီတင်းသုံးခဲ့သည်။

ဤမိန့်ခွန်းကို စိန့်ဂျိုးဇက်ပွဲမတိုင်မီ မတ်လ (၁၈) ရက်နေ့က မိန့်ကြားခဲ့သည်။ ယခုနှစ်သည် စိန့်ဂျိုးဇက်နှစ်လည်းဖြစ်သည်။ စိန့်ဂျိုးဇက်သည် ကောလိပ်ကျောင်းအားမှိုင်းမသောရဟန္တာလည်းဖြစ် သည်။ ရဟန်းမင်းကြီးသည်

စိန့်ဂျိုးဇက်၏ဘွဲ့တော်တစ်ပါးဖြစ်သည့်ကယ်တင် ရှင်၏ အထိန်းတော်အဖြစ်တော်ကို ထောက်ရူ၍ ရဟန်းများ၏ စံပြအဖြစ်ညွှန်းဆိုထားသည်။

စိန့်ဂျိုးဇက်၏၀တ်ရုံတော်အောက်၌ မိမိတို့ကိုယ်ကိုလည်းကောင်း၊ ခေါ်တော်မူခြင်းကိုလည်းကောင်း အပ် နှံ၍သူ့ထံမှဖခင်တို့၏အတတ်ကိုသင်ယူရမည်ဖြစ်သည်။ သင်တို့သည်မကြာမီအချိန်၌ သင်တို့အားအပ်နှံထား သောအဖွဲ့အစည်းနှင့်သင်တို့၏အမှုတော်ကို လုပ် ဆောင်ရတော့မည်ဖြစ်သည်။

ပထမဦးဆုံးအနေဖြင့် စိန့်ဂျိုးဇက်သည်ဖခင်အဖြစ်ကိုလှိုက်လှဲစွာလက်ခံခဲ့သူဖြစ်သည်။ သူသည်သူ၏ကိုယ်ပိုင်အကြံ အစည်များကိုဘေးဖယ်ချန် လှပ် ထားပြီး၊ ကြီးမားသောယုံကြည်ခြင်းဖြင့် မယ်တော်နှင့်ယေဇူးသခင်ကိုဦးစားပေးစဉ်းစားဆုံးဖြတ်ခဲ့သည်။ ဆို လိုသည်မှာ စိန့်ဂျိုးဇက်စိတ် ကူးပုံဖော်ခဲ့သောမိသားစုဘ၀ နှင့်လက်တွေ့ပိုင်ဆိုင်လိုက်ရသောမိသားစုဘ၀မှာ အလွန်ကွာခြားနေခဲ့သည်။ ဤနေရာ ၌ သူသည်၀ိညာဉ်ရေး၌အလွန်သဘောထားကြီးသူဖြစ်သကဲ့ သို့ စဉ်းစားဆုံးဖြတ် ရာ၌ လည်းအလွန်စေ့စပ်သေချာသူဖြစ်သည်။ အဘယ်ကြောင့်ဆိုသော် ဖြစ်လာမည့်အရာကိုလက်ခံယူရန်ကောင်းစွာပြင်ဆင်နိုင်သောကြောင့်ဖြစ် သည်။

ရဟန်း တော်များသည်လည်း မိမိတို့၏အကြံအစည်များကိုဦးစားပေးလုပ်ရန်ထက် မိမိ ရောက်ရှိသွားသောသာသနာနယ်ရှိဘာသာတူများကို မိမိ ၏အစီအစဉ်များဖြင့် ချုပ် ထားလိုက် ခြင်းမျိုးမဖြစ်စေရ။ ပဲလွှတ်လပ်စွာရှိနေစေရမည်ဖြစ်ကြောင်းမြွက်ကြားခဲ့သည်။ ဘာသာတူများအား ချစ်ခင်လာသည့်အခါမှသာ မည်သည့်အရာပြုလုပ်ပေးရမည်။ မည်သို့ကူညီ ပေးသင့်သည်။ မည်သည့်နည်းလမ်းကိုရွေးချယ်သင့်သည်ကိုသိလာမည်ဖြစ်သည်ဟုဆိုသည်။

စိန့်ဂျိုးဇက်သည် စောင့် ရှောက်ပေးတတ်သောဖခင်ဖြစ်သည်။ အဘယ်ကြောင့်ဆိုသော် သူ့အားပေးအပ်ထားသောတာ၀န်ကို ကျေနပ်အားရခြင်း၊ နှိမ့်ချခြင်း၊ ဆိတ်ဆိတ်နေခြင်း ၊ လုံးလုံးလျားလျားသစ္စာစောင့်သိခြင်းဖြင့်ဖြည့် ဆည်းခဲ့သည်။ သူသည် သူအားအပ်နှံထားသောသူတို့၏ ပျော်ရွှင်မူ၊ လုံခြုံမူ၊ ကောင်း ခြင်းများရရှိရန်ကိုသာရည် သန်သည့် ကောင်းသော၊ သစ္စာရှိသောငယ်သားကောင်းဖြစ်သည်။ စိန့်ဂျိုးဇက်၏ စောင့်ရှောက်တတ်ခြင်းသည် သတိတရားဖြင့်သော် လည်း ကောင်း၊ စိတ်ရှည်စွာခံထမ်းခြင်းအားဖြင့်သော် လည်း ကောင်း၊ မည်သည့်အချိန်၌ အနီးကပ်ရှိရမည်၊ မည်သည့်အချိန်၌ ခပ်ခွာခွာနေရမည်ကိုလည်းသိသည်။ သို့သော်သတိရှိရှိနိုးကြားမူ၊ တရားစိတ်ဖြင့်အရာရာကိုလက်ခံတတ်သောစိတ်ဓာတ်ကိုလည်းအစဉ်မွေးမြူထားသည်။

သိုးထိန်းတစ်ပါးအနေဖြင့် ရဟန်းတစ်ပါးသည် မိမိ၏သိုးစုနှင့်အတူရှိနေရမည်။ တစ်ခါ တစ်ရံ၌ အတားအဆီး၊ အကာကွယ်များကိုရှင်းလင်းလမ်း ဖောက်ပေးရန် သိုးစု၏ရှေ့မှမားမားမတ်မတ်ရှိနေရမည်။ တစ်ခါတစ်ရံ၌ သူတို့ကြား ၌နေ၍ အထူးသဖြင့် အားငယ်နေသောသူများကို အားပေးအားမြောက်ပြုလုပ် ပေးရမည်ဖြစ်သည်။ အလျော့အတင်းမရှိသော တင်းကြပ်လွန်းသည့်သိုးထိန်းမျိုးမဖြစ်စေဘဲ သတိတရားရှိရှိဖြင့်အခြေအနေပေါ်မူတည်၍ ပြုပြင်ပေးနိုင်သည့်၊ ပြောင်းလဲသင့်သောအရာများကိုပြုပြင်ပြောင်းလဲကာ စောင့် ရှောက်ပေးသူဖြစ်ရမည်။ မိမိတို့သိုးများ၏လိုအပ်ချက်၊ အခြေအနေများကိုသိရှိနား လည်ပြုပြင်ပေးနိုင် သူဖြစ်ရမည်။ သိုးစုကိုထိခိုက်နစ်နာစေနိုင်သော မတော်ဩဇာသုံး၍ ဆန်ကျင့်လုပ်ဆောင်မူများ၊ လက်လွတ်စပယ်လုပ်ရပ်များကိုရှောင်ရှားရမည်။

စိန့်ဂျိုးဇက်သည် အိမ်မက်မက်သူလည်းဖြစ်သည်။ သို့သော်အိမ်မက်သက်သက်သာမ ဟုတ်။ လက်တွေ့ကျအောင်ဖန်တီးသည်။ အနာဂါတ်ကိုကြိုတင် ဖတ်နိုင်သောအမြင်များရှိသည်။ သာမန်မျက်စိများဖြင့်မြင်နိုင်စွမ်းသည်ထက်ကျော်လွန်၍ ဘုရားသခင် ၏ အစီအမံတော်ကိုထိုးထွင်းမြင်နိုင်သည်။ အလွန်သိမ်မွှေ့ နူး ညံ့သောသူငယ်ယေဇူးနှင့်သူ၏မိခင်ကိုစောင့်ရှောက်ရာ၌ ဘုရားသခင်၏အစီအမံအတွက် စိန့်ဂျိုးဇက်သည် တိတ်ဆိတ်ခြင်း၊ ရက်ရောခြင်းနှင့်မမောမပန်းဘဲအသုံးတော်သောခံကိရိယာတန်ဆာတစ်ခုဖြစ်လာခဲ့ သည်။

ဘာသာပြန်-ဖာသာရ်ကလဲမင့်အားတယ်

https://bit.ly/38XZL2M