ပျောက်ဆုံးခြင်း

ဒီကနေ့အတွက်ပျောက်ဆုံးခြင်းဆိုတဲ့အကြောင်းအရာလေးကို တင်ဆက်ပေးလိုက်ပါတယ်။

ကိုယ့်ကိုကိုယ် Lost ဖြစ်ဖူးပါသလား ။

ဒါက သိပ်ကြောက်စရာကောင်းပါတယ် ။

သင်ရော ကိုယ့်ကိုကိုယ် ပျောက်ဆုံးနေတာကို သတိထားမိရဲ့လား ။

တစ်ခါတစ်လေမှာ ကျွန်တော်တို့က ကိုယ်တိုင်တောင် သတိမထားမိပါပဲ ကိုယ့်ကိုကိုယ် ပျောက်ဆုံးနေတတ်တယ် ။

ပျော်ရွှင်ခြင်း ၊ ဝမ်းနည်းခြင်း တွေ ကိုယ့်ရဲ့ စိတ်အခြေနေ အားလုံးဟာ ကိုယ်မပိုင်တော့ဘူး ။

တစ်စုံတစ်ယောက် အပေါ် ၊ ဒါမှ မဟုတ် အရာဝတ္ထုတစ်ခုအပေါ် မူတည်လာတတ်တယ် ။

ကျွန်တော်တို့ကို ပျောက်ဆုံးစေနိုင်တဲ့ အကြောင်းအရာတွေ အများကြီး ရှိပါတယ် ။

တစ်စုံတစ်ယောက် ကို အလွန်အကျူး ချစ်မိခြင်း ၊

Social Media ကို စွဲလမ်းခြင်း နှင့် ဂိမ်းစွဲခြင်း ၊

မူယစ်ဆေး သုံးစွဲခြင်း ၊ အတုယောင်တွေ အပေါ် သာယာမိခြင်း အစရှိသဖြင့် ပျောက်ဆုံးစေတတ်သော အရာများပေါ့ …. ။

တစ်စုံတစ်ယောက်ကို အလွန်အကျူး ချစ်မိခြင်း …..

သူခေါ်နေရင် ပျော်တယ် ၊ သူမကြည်ဖြူရင် ငိုမယ် ။

တစ်ဖက်လူအပေါ် လိုတာထက်ပိုပြီး တွယ်ငြိမိတဲ့အခါ

ကိုယ့်ရဲ့ စိတ်ခံစားချက်တွေဟာ ကိုယ်မပိုင်တော့ဘူး ။

ကိုယ့်ဘဝထဲမှာ သူ့ကို စိတ်ကြိုက်ချယ်လှယ်ခွင့် ပေးထားမိကြပါတယ် ။

ကိုယ့်ကို သဘောမကျတဲ့လူကို ချစ်မိတာမျိုး ၊

ကိုယ့်အပေါ် မကောင်းတဲ့ Relationship ကို တည်ဆောက်နေမိတာမျိုးပေါ့ ။

Social Media ကို စွဲလမ်းခြင်း နှင့် ဂိမ်းစွဲခြင်း …..

ဒါဟာ လူငယ်တွေ တော်တော်များများမှာ ဖြစ်လေ့ဖြစ်ထ ရှိနေပါတယ် ။ Facebook လိုမျိုး online social တွေ ၊

ဂိမ်းတွေကို အလွန်အမင်း ၊ ခုံမင်လာတယ် ။ မနက်ကနေ ညအထိ အသုံးပြုလာကြတယ် ။

ခံစားချက်တွေက ဒီ့အပေါ် ပုံကျလာတယ် ။

အပြင်လောကနဲ့ အဆက်သွယ် ပြတ်လာတယ် ။ သဘာဝနဲ့ ကင်းဝေးလာတယ် ။

စားချိန်တွေ မမှန်တော့ဘူး ၊ အိပ်ချိန်တွေ နည်းလာတယ် ။ တဖြည်းဖြည်းနဲ့ Social Media ရဲ့ ကျေးကျွန်တွေ ဖြစ်လာမိတယ် ။

ဒီလိုနဲ့ ကျွန်တော်တို့ရဲ့ အရာရာတိုင်းက လုံးပါး ပါးလာတယ် ။

အတုယောင်တွေ အပေါ် သာယာမိခြင်း ….

Facebook ကို တွင်ကျယ်စွာ အသုံးပြုလာတဲ့နောက်

လူပေါင်းစုံရဲ့ ဘဝပေါင်းစုံ ၊ ယဉ်ကျေးမှုပေါင်းစုံက ကျွန်တော်တို့ကို အုပ်မိုးလာတယ် ။

တကယ်တော့ လူတွေဟာ သူတို့ဘဝရဲ့ အကောင်းဆုံးအပိုင်း Highlights တွေကိုသာ Facebook မှာ ချပြကြတာပါ ။

ဒါက သူတို့ရဲ့ ဘဝအစစ်မဟုတ်ဘူး ၊ သူတို့ စိတ်ကူးထဲက သူတို့လိုချင်တဲ့ ဘဝမျိုးပါ ။

ဒါတွေကို ကြည့်ပြီး ကိုယ့်ကိုကိုယ် အားမလို အားမရတွေ ဖြစ်လာကြတယ် ။ သူတို့လို အတုခိုးလာတယ် ။

မရှိတာကို အရှိလုပ်ပြီး ဟန်ဆောင်လာကြတယ် ။

ကြာလာတော့ ရှိရင်းစွဲ ရိုးသားမှုတွေက ပျောက်ဆုံးပြီး

အတုယောင်တွေ အပေါ် သာယာလာကြတယ် ။

Popular ဖြစ်တာကို ခုံမင်လာတယ် ။ လူကြိုက်များတာကို ဂုဏ်ယူမိလာကြတယ် ။ အချစ်စစ်နဲ့ ဝေးလာတယ် ။

လူအများ အထင်ကြီးဖို့အတွက်နဲ့ ကိုယ့်ရဲ့ အချိန်တွေ ၊ ပျော်ရွှင်ခြင်းတွေကို အသုံးပြုလာကြတယ် ။

တကယ်တော့ ကျွန်တော်တိူ့ရဲ့ ပျော်ရွှင်ခြင်း အစစ်မှန်ဟာ တကယ့် Real Life ၊ သာမန်ဘဝလေးမှာသာရှိနေပါတယ် ။

အချစ်စစ်နဲ့ ချစ်ပေးမဲ့သူလဲ ကျွန်တော်တို့ ဘေးမှာ ရှိနေပါတယ် ။

စွဲလမ်းခြင်းရဲ့ နောက်ကွယ်မှာ ကိုယ့်ကိုကိုယ်ရော ၊

ကိုယ့်ဘေးက လူတွေကိုပါ မပျောက်ဆုံးပါစေနဲ့ ။

ကိုယ့်ရဲ့ ပျော်ရွှင်ခြင်း ၊ ဝမ်းနည်းခြင်း အတွက်

ဘယ်သူ့အပေါ်မှ တာဝန်မရှိပါဘူး ။ ဒါကြောင့် ဘယ့်သူ့အပေါ်မှ မမှိခိုပါနဲ့ ။ အားမကိုးပါနဲ့ ။

online ဟာ ဘဝ အစစ်မဟုတ်ပါဘူး ။

ကိုယ့်ကမ္ဘာကျဉ်းကျဉ်းလေးမှာ ကိုယ့်ကိုချစ်တဲ့သူတွေ နဲ့ ပျော်အောင်နေပါ ။ မိသားစုကို အချိန်ပေးပါ ။

အပြင်က သူငယ်ချင်းတွေနဲ့ ချစ်ချစ်ခင်ခင်နေပါ ။

သဘာဝ တရားကို ချစ်ပါ ၊ အပြည့်အဝ ခံစားပါ ။

စွဲလမ်းစေတတ်တဲ့ အရာတွေကို ရှောင်နိုင်တာဟာ

ကျွန်တော်တို့အတွက် အကောင်းဆုံးပါပဲ ။

ဒီငြိတွယ်ခြင်းတွေ အပေါ်မှာ ကိုယ့်ကိုကိုယ် မပျောက်ဆုံးပါစေနဲ့ ။

Add new comment

2 + 0 =